|
اقتباس:
هلاء الطموحات بدون خط أحمر بطريقة الوصول الا بكون غلط كبير( برأي طبعا) بس اذا بحقق طموحي بطريقة صح ولو غيري بيتأذى هالشي ما بهمني .؟؟؟؟؟:D |
اقتباس:
برايي اللي بيحاول يميع الامر مو مشان يتسلى فاما انو فعلا ما قعد مع نفسو وحاول يعرف شو اللي بيقدر يعملو وشو اللي ما بيقدر يعملو ورح يعرف خطوطو الحمراء شوي شوي وبكل موقف على حدا او انو عندو خطوط حمر كتير وتعبتو كتير فمل وقرر يتخلى عنها وحتى بهالحالة مارح يقدر باعتقادي لان الخير مخلوق فالانسان فما يقدر يادي غيرو وما يتع\ب ولو داخليا فمتلا مسالة الكرامة سؤال لجيمي ولابو العبد من اللي بيقولو انو الغاية تبرر الوسيلة تقبل تذل نفسك لتحقق خطوة للامام وان عملتها هل ستكون سعيد بما حققت بعد الاذلال؟ شكرا كتير ابو الجود:D على اخد الموضوع بجدية اللي ما حطيتو الا للنقاش الجدي لنستفيد من تجارب بعضنا |
مو ضروري يكون خط اخمر انا حطيتو لحالي ومثالك عدم الماخزة غلط لانه الواحد اذا رفع صوتو بوجة ابو لا يطيق ريح النجنة مو انو ما حدى بردو القران الله يحفظو حط خطوط حمرة والواحد الي بحكي انو ما عندو خط احمر هاد واهد ملحد وهاد راي وارجو انو ما اكون ازعجتك.
|
اقتباس:
وشكرا |
اقتباس:
بالنسبة للي فهمتو منك انو خطوطك الحمراء هي داتها اللي واردة في الدين الاسلامي وما بعرف ادا في خطوط تانية رسمتها لنفسك ولا اكتفيت؟ صحيح انو اغلب المبادئ والمتل العليا وردت بالاديان بس هي كمان ارث مشترك بين كل الناس على اساس انو مافي انسان بيولد شرير وكل الاطفال بيمتازو بالبراءة يعني في ارضية مشتركة بين كل البشر صح الاختلاف ان انا وانت نلتزم بيها كدين وعقيدة وغيرنا بيلتزم بيها بقناعات مختلفة |
اقتباس:
الحكي عن حرية التعبير ومحاربة الفساد لازم المتحدث تكون مبادؤو وشجاعتو كبيرة برايي ما بينفع نحكي عن الرشوة متلا ونرشي لاتفه سبب كيف نستنى الاصلاح ادا ما نقدر نتحكم فتصرفاتنا وقراراتنا الشخصية |
قد يرى والداك امرا ما مرفوضا وغير قابل للنقاش وتراه انت عاديا بل وحقا من حقوقك فكيف تتصرف؟ اين تضع خطوطك الحمراء ؟ ما هي المبادئ التي لا يمكن ان تخالفها مهما حاصرتك الظروف؟ ام ان المبادئ تفاهة وعراقيل نضعها لانفسنا تحول بيننا وبين النجاح والسعادة؟ ان اضطررت لارتكاب خطا ما كي تنجح اتفعله بضمير مرتاح؟ ام تتمسك بقناعاتك وتصبر وتثابر اكثر حتى تحققه رغم كل شيء؟ هل تعتقد ان علينا مواكبة رياح الموضة الهوجاء حتى لا تكسرنا نكذب ان كذبو نتعدى ان تعدو ونرد بنفس طريقتهم واسلوبهم ولاننا لا نقل قوة ولا ذكاء والبقاء للاقوى؟ وهل ستبقى الارض صالحة للحياة ان انتهج الكل هاد المنهج؟ هل ترى انا التزامك بقواعد الضمير يجعل منك ضحية وكبش فداء بلا ثمن؟ لكل اللي جاوبو بدفع الرشوة الا تكون بذلك ايدت استمرار الوضع اماساوي الحالي وساهمت ببقاء عقبة امام بناء وطن حقيقي؟ سترد قائلا ان لم ادفعها سيدفعها غيري فهل ستشعر بالرضا الداخلي وانت تحصل على الشهادة ربما على حساب من هو احق منك؟ وكيف يكون التغيير برايك ام انه لا امل ولا رجاء؟ |
اقتباس:
بس لو خُيّرت انو يكون حلمي ثمنو قنبلي ذرية أنا متأكد جدا انو مارح اتردد لحظة :D.. اقتباس:
إذا بطمن انو اذا تخليت عن كرامتي حملي بيتحقق.. اي بكون سعيد :D.. اقتباس:
يعني أنا مارح نط بالمي وضل ساعتين تحتها..بس ما بيعني هاد انو هالشي خط احمر.. لأن مافي غاية..متل المثال يلي ضربتو انتي.. من دون غاية.. حتى انا اتخلى عن انسانيتي واتعدى عشخص آخر..لازم تكون الغاية من وراها ثميني جدا..بثمن انسانيتي واكتر.. اقتباس:
|
ما بخفيك اني مختلفة معك وكتير جدا وهاد مهما كان هدفك نبيل ومفيد لناس كتار برايي القنبلة النووية:x بالدات مالها اي مبرر مقبول عندي لا حرية ولا اكبر منها ولا اقل ولو اتقابلت انا وياك بموقف مشابه رح كون عدوتك اكيد
طبعا ما بدي ناقشك لخليك تغير قناعتك --بعرف مو من صلاحياتي وما رح اقدر-- بس حابة افهم كيف وصلت لهالقناعة وصرت تشوفها صح؟ ادا سمحت وقدرت طبعا:D |
س لو خُيّرت انو يكون حلمي ثمنو قنبلي ذرية أنا متأكد جدا انو مارح اتردد لحظة
بس بصراحة هاي شغلة حلوة انك تكون طموح وبتكون كتمسك بتحقيق حلمك بس طريقة انانية ومن كلامك انا بفهم انو لو اجا حد من اهلك بطريق بتعدى عليه لتوصل للبدك اياه وهاد اكيد بتعد المعقول وبهنبك باصرارك وهاد راي :larg: |
اقتباس:
يعتي هون اسمحلي اشكرك كتير لأنواعتبرت سؤالي من دون غاية وهالشي بدل انوانت زلمة حكيييييم بتعرف تتهرب من الأسئلة المحرجة ؟؟؟؟ ما بعرف ليش حاسس انو انت بتحب تعارض كل شي يمكن هيك طبيعتك ... وحابب اسألك بشكل مباشر ( طالما سؤالي الأول من دون هدف) في سبيل وصولك لطموحك وهدف انت مخططلوا من سنين بس المشكلة انو في شخص بطريقك وقتلو فقط بوصلك لهدفك وبالرغم من انو هالشخص ما سبق انو آذاك ف هل بتقتلو ولا بتعدل عن فكرتك؟؟؟؟؟ يا رب يطلع هاسؤال بهدف ما متل اللي قبلو ... |
اقتباس:
كان مثالك أنو إذا ابوك صرخ عليك بتضربو؟؟ وهون انا موقفي لأ.. لأن بنظري أنو مافي دافع أو غاية لأضربو.. اقتباس:
بتمنى تكون وصلت فكرتي.. تحية:akh: وهلئ انا عندي سؤال إلك ولحنين.. لو عرفت أنو انتي بتقدر تحقق السعادة وتنهي الشقاء لكل اطفال العالم..مقابل انك تقتل طفل بريء واحد مالو اي ذنب.. بتعملوها؟؟ *هاموش: انا بكلوريا فلذلك مارح اقدر تابعكن.. فعذروني:D |
اقتباس:
النقاش بيننا ما انتهى موفق ان شاء الله بالباكالوريا بس تخلص انكش الموضوع شكر كبير وتمنياتي بالنجاح:D |
اقتباس:
|
الخطوط الحمراء عندي هية عدك تجاوز حدود الاحترام لنفسي وللآخرين
وكمان خطوطي بتتوقف عند تعاليم ديني اكيد في كتير تجاوزات بس المهم هالتجاوزات ما تتخطى حدود الاحترام وبالنسبة لسؤال الرشوة كرمال احصل على الماجستير بتخيل اني بدفع باعتبار انا بسوريا |
اقتباس:
|
اقتباس:
شو هي المبادئ اللي ناوية تعلميها لابناءك في المستقبل وهل تعلميهم ينسوها ويطنشوها احيانا او لا على اعتبار انهم حيعيشو بسوريا كمان؟ :hart: |
اقتباس:
بس كانو ما فهمتك مضبوط كيف ورا التصرف مباشرة؟ يعني تتصرف بحرية والخط الاحمر ديكور؟ |
اقتباس:
اذا كانت رح تأثرعليهم وعلى مستقبلهم سلبي أكيد بخليهم ينسوها بس كمان طبعا ماتكون تتجاوز الخطوط الحمراء وهلا:D |
اقتباس:
اهم مبدىء بحب علمو لابني او بنتي انو تكون صادقة بالاول مع نفسها وبعدين و بدرجة تانية مع الاخرين لانو يلي بيكذب بيعمل كل شي و ما بتوقع عندو خط احمر ولا اصفر ولا غيرو :D |
اقتباس:
مرسي لمشاركتك وصراحتك:D اقتباس:
محسن اسمحلي قلك انك رح تظلمهم هيك الصدق بوقتنا مكلف كتيييييييير فتخيل كيف حيكون على وقت اولادنا؟ صحيح مو نكدب لاخد حقوق غيرنا او كهواية متل بعض الناس او للخداع والتظاهر بس غالبا اداا مو دائما بكدب على نفسي واحيانا على غيري وقت الضرورة ومع هيك ما تتخيل قديش في خطوط حمراء بحياتي زيادة عن اللي بنشترك فيها كلنا في اللي انا حاطتها لحالي وللي بتكون معزتهم خاصة عندي اكيد الموضوع موضوعكم وبيحقلكم تحكو بحرية وتسالو وتجاوبو كمان:D |
هلأ أهلي دراستي خطوط حمرا ما ممكن إتجاوزها وما ممكن أعمل أي شي يأثر عليها سلباً مهما كان السبب حتى لو هالشي بدو يأثر على نفسيتي سلباً, بس عندي قناعة تامّة انو بالمستقبل حيكون الوضع أفضل يعني في بصيص أمل صغير
هلأ في أشياء تانية مالها بأهمية أهلي ودراستي وبالنسبة لإلي بالزمانات كانت أشياء ماممكن أعملها خطوط حمراء يعني بس حب التجربة والمغامرة دفعوني لتجاوزها لفترات معينة بس رجعت التزمت فيها بعدين :D |
اقتباس:
الفرق انو في واحد يغلط وما بيعتبرو اصلا خطا فبتلاقيه مكمل عليه عادي ومانو مخبي وواحد تاني يغلط بلحظة طيش او غضب او تسرع او غيرو بس يفيق يندم ويحاول يصلح غلطتو وانو ما يرجع يعملها والنوع التالت اللي بيغلط وبيعرف انو غلط وما يقدر يتحكم في نفسو ويكملها بغلط افدح واشنع وهو ادعاء الاستقامة والقاء الاحكام على الناس -لانو ما في ولا واحد معصوم على الكرة الارضية- اهلا وسهلا بيك :D |
-الاستقامة مفتاح الكرامة - من سار بالاستقامة, سار بالطمأنينة. - كثيرون الذين يتغنون بالاستقامة, وقليلون الذين يمارسونها. - استقامة الانسان شيء جميل, والاجمل ألا نتخلى عنها في أي ظرف. - من نظّف ثوبه قلّ همه, ومن قلّ همّه زاد عقله, ومن زاد عقله كثر فهمه. |
أول شي بدي أشكر الاخت حنين عالموضوع الرائع يلي شدني لاقرا كل حرف فيه رغم اني نعسااااااااااانة :D
في كتير حكي بقلبي بس رح حاول اختصر حتى ما تملوا,,,يلي لفت انتباهي اكتر شي شغلتين 1-اكتر يلي ماعندهن خطوط حمرا ومستعدين يعملوا اي شي..ذكور..وهاد طبعا ان دل على شيء دل على انه مجتمعاتنا الظريفة تبيح للذكر مالاتبيحه للأنثى.. طبعا مافي خلاف انو الذكر غير الانثى بس مو معنى هاد انو هو على راسه ريشة وبيخبص على كيفه وبيعمل يلي بده وبعدين المعترة الانثى اذا قالت (أ..) بيقولولها انضبي!!!! 2- في قصة مابعرف اذا بتعرفوها او سمعانين فيها..بس بكل الاحوال رح احكيها.. قال كان يا ما كان في قديم الزمان وسالف العصر والاوان لحتى كان:p كان في ملك محبوب ببلده مرض مرض شديد وشارف على الموت...جابوله احسن دكاترة بالبلد وهالاطباء وصفوله وصفة غير شكل... قالواله انو علاجك انو يحط كل واحد من اهل البلد معلقة عسل من عنده منخلطهن وبتاكلهن وبالعافية.. واعلن الملك انو هو حيحط جرة على راس التلة يلي بنص البلد وكل واحد يروح يحط معلقة عسل (يعني معلقة مارح يخسر فيها شي ولا بتقدم ولا بتأخر) تاني يوم أخدو الجرة لعند الملك حتى ياكل العسل وقت فتحوها:o قام طلعت كلها مي (ماء) لأن كل واحد يجي بده يحط معلقة عسل..يقول هلأ معلقتي يلي حتخلي الملك يتحسن..يلا هي نقطة هالمي مارح تغيرلوا شي بالعسلات.. ومع الاسف نحن صاير فينا هيك...كل واحد بيغلط وبيقول ماوقفت عليي من بين كل هالبشر.. والحقيقة انو كل واحد فينا لازم يبدا من نفسه بالاصلاح..واهل بيته واحبابه وهيك بنقدر نحن نصلح هالمجتمع بدون ما ننقده بكم كلمة مع انو نحن يلي عايشين فيه...واي نقد للمجتمع هو بالحقيقة تجريح لالنا.. وشكرا لأنكم تحملتوني..(لاحظوا اني نعسانة وكتبت كل هاد!!!الله ستركن اني مو صحيانة:oops:) |
اقتباس:
يعني كون الكذب هوي يلي ماشي بهالايام ما بيعني ابدا انو هو الصح و قلة عدد الصادقين ابدا ما بيعني انو الصدق غلط ورح تلاحظي الازدواجية عندك بين الرد يلي فوق و الرد يلي تحت ( اكيد بتوافقيني انو ما في استقامة مع الكذب ولا كرامة بدون صدق ) اقتباس:
اقتباس:
اقتباس:
اهلين امورة نورتي اخوية :D اقتباس:
|
في كتير اشيا نحنا منعمل منا خطوط حمر و هي بالحقيقة اشيا اقل من عادية ...يعني الخطوط الحمر بترجع لثقافة الشخص و كيف حدد اهمية الموضوع و واعطاه قيمة لا تقبل التنازل او التراجع عنه...
بالنسبة لألي ما عندي خطوط حمر....لا اعترف بالاشياء الثابتة ...حتى الاشيا يلي عما تقولوا انها ممكن تخالف الأخلاق و الدين ...هيدي برأيي امور نسبية كل انسان بيعطيها من وحي فكروا ...انا احيانا بكزب بس بكره يلي بيكزب عليي... علاقاتي مع الكل تأتي من وحي المعاملة المشتركة ..يعني يلي سخر مني بشي رح اسخر منو بشي تاني بوقت تاني و بمطرح تاني و الخ ................. بس في اشيا ما بقبل اتنازل عنها حاليا بس ما بعرف بعدين |
اقتباس:
ومرسي مرة تانية:D |
:D
اقتباس:
والكدب ضروري ببعض المواقف واشترطت ما يكون كدب لاخد حقوق الغير او للتزييف والتصنع رح اعطيك متل في انسان مريض مرض خطير ما يستحمل الزعل ولا الصدمات وفي احد من عيلتو اتوفى المريض سالك عن اللي اتوفى بتقلو الحقيقة انو والله الله يرحمو وتصيرعندك جنازة مزدوجة ولا تكدب عليه ليطب ويصر اقوى؟ وسؤال تاني انت من خلال كلامك فهمت انك ضد الكدب وهو خط احمر بالنسبة الك صح؟ هل يا ترى من يوم ما ابتديت تتكلم لليوم بعمرك ما كدبت؟ الازدواجية اني ادعي الصدق التام وها امر غير صحيح ومنتظرة:D |
اقتباس:
ليش عم تطالب غيرك بشي انت ماعم تقدر تعمله؟؟؟؟ ابسط حقوق الناس عليك انك تعدل بينك وبينهم! بعدين اذا انت ما بتحب حدا يسخر منك ليش حتى تسخر من الاخرين!!اذا بدنا نعيش بمبدأ رد الصاع صاعين بحياتنا ما رح نتفق ونعيش بسلام! محسن أفندي...شكرا لأنك تحملتني وقريت..:p حنين...اسمحيلي قدملك وردة شكر على هالتفكير الحلو والمنطقي يلي عندك..:D.صرلي 3سنين بالمنتدى بقرا وما بحكي:oops: خليتيني انطق ويطلع صوتي:deal: |
اقتباس:
واسفة على التاخير بتمنى ما يكون عندك مانع تخبرنا مبادءك الحالية :oops: من وحي تفكيرك وثقافتك الخاصة الحالية بما انها ممكن تتغير بالنسبة الك يمكن اسرق منك فكرة او اتنين او اكتر:p عن الكدب انك تحللو لنفسك وتحرمو على غيرك بظن لازمها اعادة نظر هالنظرية بحيت انك تحاول تلاقي تبرير للي كدبو عليك من التبريرات الي بتلاقيها لنفسك ان ما ضبطت ولا وحدة ابقى ازعل وبالنسبة للسخرية برايي الخاص اللي بيستخدم اسلوب السخرية معناها في عندو شوي غرور زيادة وتسفيه للاخرين وهدول قد ما بقدر بتجنبهم عموما اللي بيزعجني يا اما بوقفو عند حدو بنفس اللحظة يا اما اقلب الصفحة وانسى بس ما بعطيه من وقتي وجهدي لردلو الكف بعد فترة بشوف انو خسارة فيه عالوقت والجهد ومرسي جاد:D |
اقتباس:
وهيك سمعينا صوتك احيانا وانا الربحانة اكيد:gem: تفكيري منطقي بنظرك لانو تفكيرنا متقارب بهالخصوص:D بس تعرفي في ناس بيعتبروه منتهى السطحية والتفاهة والمبالغة:p ادا بدك خلينا نكمل نقاش ادا تعارض مبدئين من مبادئك مع بعض في موقف ما كيف بتتصرفي؟ |
اقتباس:
بس المشكلة انو عم حاول اضرب مثال لحالي لأقدر جاوب بدقة...بس ماعم يطلع معي!!!! اذا في ببالك شي مثال أوضح عالتعارض بيكون أسهل وأوضح الجواب!!:oops: |
مابتهمني العادات والتقاليد لأن هي اللي مفوتتنا بالحيط
بس أي شي مخالف لديني وممكن يضرني ويضر أهلي .. خط أحمر وبالتالي سؤالك عن الرشوة بالنسبة لإلي .. مستحيل |
اقتباس:
بس يمكن تلاحظي اشخاص كتير بالحياة بتحسيها ما بتعرف تصدق بكلمة من كلامها يلي قصدتو انو ربي اولادي و يكون الصدق صفة بارزة بشخصياتون اسف لاني تأخرت بالرد :D اقتباس:
طلع صوتك حلو :oops: اقتباس:
|
موضوع كتير مهم وثري ...
طموحاتي خط أحمر بالعريض بالنسبه للرشوه ؛ازا حسيت انو قدراتي بتأهلني لتجاوز اختبار القبول لكنني لن استطيع تجاوزه الا بالرشوه ,حينها بدفع وبلا تردد الك هدى ولتميزك وتفردك:D |
عندي مبادأ كتيرة ويطول شرحها
وأغلبها مختبرتو وبعضها لا والخطوط الحمرا مابحب كون مصدر قلق وازعاج للأخرين و إيذائي له 3 خطوات وبينمحي الشخص من حياتي مبدئي الأساسي "ما دمت تبتسم فهناك نهار جديد وشمس مشرقة" وبشوف أنو المبدأ شي أساسي عند الانسان ومن دونو بتكون الحياه ملخبطة مافي تنظيم كأنو المبدأ هو الطريق من دون مبدأ لا طريق شكرا عالموضوع :D |
اقتباس:
هو مزبوط كلامك... بس أحيانا بتوقع بنقطة اختلاف مع حالك...بين الشي يلي انت بدك ياه والشي يلي لازم تعمله ومفروض عليك..وبتوقع هيك بتقصد حنين |
المباديء لابد ان تكون مباديء انسانية بحتة
وليس فقط مكتسبة ، وجهة نظر طبعاً اما عن خطوطي الحمراء فهي التعدي على حرية الآخرين . تحياتي |
اقتباس:
مافي ولا عادة ولا تقليد واحد سليم بنظرك؟ |
| الساعة بإيدك هلق يا سيدي 06:07 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون