|
اقتباس:
اضافة لهيك.. هي المادة ما كانت عم تتنفذ.. وكان عم يصير تضييق على تنفيذها لأنو تنفيذها محكوم بكفاءة الزوج يعني اذا القاضي وجد عدم كفاءة الزوج له الرأي.. ونحنا هون عم نبحث عن استقلال رأي المرأة واعطاءها حريتها بالاختيار أسوة بالرجل.. وما عم نبحث عن ايجاد ولي جديد لها ليحدد مشروعية اختيارها أو عدمه |
اقتباس:
بتمنى تشاركنا.. رأيك .. ناطرة:D |
اقتباس:
بيحطو كم وحدة بمجلس الشعب و بالوزارات وهيك يعني مشان التنويع مو مشان شي.. |
المادة 49
2-ولي المجنونة ابنها وإن سفل دون أبيها عند اجتماعهما. حلو.. بالله مو حلو |
اقتباس:
بالله حدا يترجملي صاير عندي قصور لغوي حاد ما عم افهم:? |
اقتباس:
|
أنا اليوم لقريت القانون .....بالفعل شي تسالي
مبين يللي كاتبو على قدر كبير من الجهل و التخلف لوهلة حسيت حالي عم اقرا تغريبة بني هلال .. .. أو سيرة الزير أبو ليلى هادا غير أنو نص السوريين .. صارو أهل ذمة |
مشروع قانون الأحوال الشخصية .. وعاصفة من الانتقادات
[IMG]
 [/IMG]حبش: لن يمر دون تمثيل حقيقي للناس ولا يحق لأحد ان ينوب عن الأمة منظمات: سيؤدي لآثار سلبية على استقرار المجتمع ويعارض الدستور أثار تسرب مسودة مشروع تعديل قانون الأحوال الشخصية عاصفة من الانتقادات والهواجس، عبر المنتقدون خلالها عن شعورهم بـ "الغبن بسبب عدم إشراكهم بالتعديل"، وأعربوا عن "تخوفهم من انعكاسات وتداعيات سلبية على المجتمع السوري برمته". بعض المرجعيات الدينية رأت بان المشروع "يتدخل بمعتقداتهم وخصوصياتهم" ، و "إقحام بقوة القانون لمفاهيم من غير دينهم .." انتقاص مما يعتبرونه "مقدس وروحي لا يجوز المس به". في حين المتنورون والعلمانيون(رغم التمايز) يرون ان القانون لا يتعامل معهم بوصفهم مواطنين لهم حقوق وواجبات متساوية بصرف النظر عن جنسهم(رجال أو نساء) أو معتقدهم الديني، بل يعاملهم بوصفهم جماعات تتفاوت "حقوقهم" وفقا لاختلاف معتقداتهم الدينية، وبالتالي أطلقوا على المشروع نعوت مثل "ظلامي"، معتبرين بأنه يعبر عن اتجاهات متشددة، ويناقض الدستور والمواثيق الدولية، و يتراجع عن مفهوم الدولة العصرية. بالمقابل التزمت الأطراف التي انجزت التعديل الصمت ورفضت التعليق على الانتقادات الموجهة للمشروع. لجنة سرية وصمت اللجنة التي عملت على انجاز القانون تشكلت بموجب قرار صادر عن رئيس مجلس الوزراء محمد ناجي عطري رقم 2437 بتاريخ 7/6/2007 و ترأسها وزير العدل (السابق ثم الحالي) ، و قامت بتسليم الصيغة الجديدة للقانون بتاريخ 5/4/2009. وكان ان وجه بعدها رئيس مجلس الوزراء إلى بعض المؤسسات كي تضع ملاحظاتها على الصيغة الجديدة للقانون قبل إقراره وأعطاها مهلة قصيرة لا تتجاوز شهر للقيام بذلك. احد أعضاء اللجنة المكلفة بصياغة مشروع التعديل الدكتور في كلية الشريعة حسان عوض صرح لسيريانيوز بأنه وباقي أعضاء اللجنة التي وصفها بـ"السرية"، تداولوا الانتقادات الموجهة للقانون وفضلوا الصمت ريثما "تهدأ الفورة التي تنتقد وتطالب بمحاكمة أعضاء اللجنة". وكشف عوض ان" فترة الشهر التي أعطيت للملاحظات انتهت، وان القانون الآن لدى رئيس مجلس الوزراء"، ورفض تزويدنا بأسماء باقي أعضاء اللجنة معتبرا الأمر "سري". ونشير إلى ان وزارة العدل رفضت طلب سيريانيوز لمعرفة رأيها والرد على التساؤلات والهواجس التي يطرحها مشروع التعديل في الشارع السوري من جهته انتقد النائب في البرلمان د.محمد حبش "غياب الشفافية والعلنية خطأ والمكلفين بإعداد المشروع هم لون واحد، رغم وجود ألوان واجتهادات أخرى يمكن ان تساعد في تجنب الأخطاء القاتلة، وكان يفترض ان يكون هناك تمثيل للجميع ، وبشكل خاص الاتجاهات التي تؤمن بالتجديد والتنوير". وتابع القول "انا شخصيا من أنصار قانون واحد لكل السوريين، وهذا شيء حضاري، لكن بمشاركة الجميع وليس بالنيابة عنهم، بقدر الإمكان نعمل أرضية مشتركة ونحافظ على خصوصيات الناس، يجب ان ينتبه المعنيون إلى أننا نمشي بطريق خطر كثيرا". مؤكداً ان المشروع "لن يمر بشكله الحالي دون تمثيل ومشاركة حقيقية للناس، ليس من حق احد ان ينوب عن الأمة كلها". أطراف مغيبه.. رئيسة الاتحاد النسائي -عضو في مجلس الشعب- د.ماجدة قطيط، أعربت أنها لم تعلم بالمشروع الا قبل يوم واحد ومن خلال ما كتب في الانترنت، وأضحت بأنهم كاتحاد "لم يتم دعوتهم للمشاركة في اللجنة التي صاغت التعديل، ولم تصلهم اي نسخة عن مشروع القانون المعدل". وتتابع" نحن نفكر بدعوة إلى ندوه خلال عشرة ايام حول مشروع التعديل، يجب ان لا نسكت، المرأة بعد هذا التطور والمكانة التي وصلت إليها تعود إلى الوراء..!هذا ما لا نقبله" وأوضحت قطيط ان الاتحاد "اشتغل بشكل مستقل على قانون الأحوال الشخصية، ولديهم ملاحظاتهم، خاصة حول الطلاق التعسفي والنفقة، وسيدعون إلى ورشة عمل خلال عشرة أيام، كي يعلم كل من لديه تخوفات بان الاتحاد لديه رأي". أيضا هيئة شؤون الأسرة جرى استبعادها رغم أنها(تتبع لرئاسة مجلس الوزراء) وقامت بدراسات مهمة لتطوير واقع الأسرة وينص مرسوم إحداثها على أنها الجهة المعنية بتطوير واقع الأسرة. وذكرت مصادر مطلعة انه تمّ إرسال كتاب للهيئة لتبدي ملاحظاتها على المشروع "ان وجدت" خلال أسبوع..! وردت الهيئة بالتحفظ على مجمل المشروع، بعد هذا جرى إشراكها في لجنة لوضع ملاحظات لكن دون تحديد للزمان ومكان انعقاد تلك اللجنة لغاية تاريخه.. نقد للمفاهيم المشروع مؤلف من 665 مادة أضيف العديد من المواد والأبواب، واستخدمت الكثير من المفردات الجديدة على الثقافة القانونية السورية المعاصرة كما "الذمي و"حد القذف" و"الردة" و"الموطوءه"..وغيرها. عضو مجلس الشعب د.حبش يقول" تحفظي الأول على المشروع انه اعتمد فهما متشددا للردة، حيث اعتبرها تغيير الدين وهذا كلام خطير، هناك اجتهادات ناضجة وقوية تتحدث عن الردة، بوصفها ارتداد من الوطن إلى أعدائه،(التارك لدينه المفارق للجماعة)، بمعنى المرتكب للخيانة العظمى بحق وطنه وليست بوصفها موقف فكري، انا أطالب بإعادة النظر بكل بحث الردة". ويتساءل حبش "ما علاقة هذا الأمر بشخص يريد تغير دينه لأنه يريد ان يتزوج بفتاة من دين مختلف، يريد ان يصبح مسلما أو مسيحيا، هذا موضوع مختلف". وعن المادتين 21 و22 اللتان تذكران بدعاوى "الحسبة" واللتان تتيحان على التولي للنيابة العامة أو لا شخص يعينه القاضي رفع دعوى ومن ضمنها دعوى "فسخ زواج " على اي زوجين في " كل امر يمس النظام العام"، وتعفي رافع الدعوة من أي رسوم. أوضح حبش" هذا لا نوافق عليه والأحوال الشخصية شديدة الخصوصية ويجب ان يكون تدخل الدولة بأضيق نطاق وليس بأوسع نطاق فكيف بتدخل العامة". كما أعرب حبش عن تحفظه على سن الزواج "سمحوا بالزواج للفتاة بعمر الـ13 والفتى بعمر الـ15 واستخدموا لتبرير ذلك عبارة متخلفة جداً "في حال ادعاء البلوغ"..! اليوم هناك معايير لبناء الاسرة، تأخذ بعين الاعتبار التعليم الإلزامي وغيره من العوامل هذا منطق الحياة". ويتابع "اذا كنا نريد ان نصدر قانون واحد موحد لكل سوريا فيجب ان نشرك الجميع، من غير المعقول ان انوب عن الأخوة المسيحيين مثلا في تحديد أحكام خاصة لهم فيه فقه عام، هذا موضوع مركزي وجوهري وان اتخذ طابعا شكليا". ويؤكد حبش ان "المشروع من أساسه فيه خلل دستوري واضح، ان مجلس الشعب وافق على قوانين خاصة بالأحوال الشخصية للأخوة المسيحيين والمشروع لا ينص على إلغائها، إنما يخلق قوانين تتيح التداخل وهذا أمر غير مقبول على الإطلاق". نشير إلى ان القانون المقصود بكلام حبش هو القانون 31 الخاص بالطوائف الكاثوليكية والصادر بمرسوم من السيد رئيس الجمهورية في 18/6/2006. المرجعيات الدينية تعترض.. المرجعيات الدينية كانت غائبة عن مشروع القانون، رئيس المحكمة الروحية للروم الكاثوليك الاب انطون مصلح عبر عن استغرابه للسرية، واعتبرها "مؤشر خطير"، وأضاف" الخطورة بالمشروع هو التدخل بالعقيدة" مشيرا إلى العديد من المفاهيم التي يطرحها المشروع وتتعارض مع العقيدة لبعض الطوائف المسيحية، كالسماح بالطلاق، والزوجة الثانية. ويشير الأب إلى العديد من الشواهد على التراجعات بين القانون القديم ومشروع التعديل الجديد، ويضيف "يا محلا القانون القديم الذي وضع عام 1953 .. الحجة المستخدمة هي وضع الجميع تحت سقف قانون واحد، اذا كان الأمر كذلك فيعملوا قانون مدني يحترم الاتفاقيات الدولية، اما ان أضع قانون لفئة معينة واخضع كل الباقي تحته". وحول فهمه للقانون المدني أوضح" قانون الزواج ينقسم إلى قسمين، الآثار الدينية للزواج(شروط عقده وحله) والآثار المدنية الناجمة عنه كما( النفقة والحضانة والإرث..) فلنترك المفاعيل الدينية للأديان، اما الآثار المدنية نخضعها لقانون مدني عصري يحقق العدالة والمساواة بين الزوجين، ويحترم الاتفاقيات الدولية التي وقعت عليها سوريا" . أيضا شيخ عقل الطائفة الدرزية حسين جربوع انتقد التعديل قائلا "أصحاب المذاهب الدينية إسلامية أو مسيحية هي تمارس خصوصية معتقداتها، منذ ألاف السنين، الدولة وضعت قوانين سهلت ممارسة أنظمتها ومعتقداتها الروحية، لا احد يتنازل عن نظامه الروحي المقدس ولا عن خصوصية معتقداته، وهذا ما جمع الناس وعمل الوحدة الوطنية، حيث أتاح الدستور للجميع الحرية المطلقة بممارسة معتقداتهم". وسألنا جربوع اذا كان اطلع على التعديل يقول "ليس مهما" ويتابع " ولا يجوز ان يغيروا بمادة من المواد التي تمارس الان، نحن كتبنا للوزير من يوم الثلاثاء الماضي، بأننا نحن غير متنازلين ولا نريد تعديل شيء مطلقا عن إدارة شؤوننا المذهبية وأملاكنا الوقفية". نشير إلى مشروع التعديل تناول بحثا خاصا بالوقف وأنواعه وأحكامه وإدارته، وطريقة صرف ريعه وتسجيل غير المسجل منه بالسجل العقاري، وأناطت بوزارة الأوقاف إصدار القوانين اللازمة بما لا يتعارض مع المذهب الحنفي، وذلك لأول مرة حيث كانت أوقاف(المسحيين والدروز والشيعة وغيرهم..) تدار من قبل الهيئات الدينية لتلك الطوائف، دون تدخل الدولة. خارطة طريق المشروع وحول الطريق المفترض ان يتبعه مشروع التعديل يوضح حبش" يجب أولا أن يقره مجلس الوزراء-وانا استبعد هذا- ثم يرسلونه إلى مجلس الشعب، وتدرسه اللجنة الدستورية لتقدر دستوريته، وقد يرفض من قبلها، لكن بحال موافقتها يحال إلى لجنة الموضوع (30 عضو من حقهم إجراء التعديلات وبالتصويت) وبعد ان تدرسه تتقدم بمسودة قرار إلى المجلس ككل ويناقش ثم يصوت عليه". ويشير حبش إلى ان "تقرير اللجنة مقدم على تقرير الحكومة، فقط اذا سقط بالتصويت، نعود للتصويت على مقترح الحكومة، بعد ان ينال المشروع أكثرية يرسل إلى رئيس الجمهورية والرئيس يسأل المجلس ان كان هناك اعتراض، فإذا اعترض اي عضو يحق له أن يطلب إعادة التصويت على اي فقرة". ومناشدات للتوقف.. رسائل عديدة(حصلت سيريانيوز على نسخ منها) وجهتها منظمات * أهلية، إلى أعلى المستويات من اجل "المساعدة في إيقاف النقاش حول مسودة مشروع قانون الأحوال الشخصية". واعتبرت المشروع "يتضمن أحكاما ومفاهيم لها آثارا سلبية على المجتمع ككل وعلى عملية التنمية، وعلى استقرار الأسرة التي هي اللبنة الأساس في المجتمع.ويتعارض مع المواد (25-26-33-35-36-37-44-45) من الدستور السوري، كما يتعارض مع الالتزامات سوريا بالعهود والاتفاقيات الدولية، واتفاقيتي حقوق الطفل وإلغاء جميع أشكال التمييز ضد المرأة، كما أنه يتساهل مع زواج الأطفال وحرمانهم، وبخاصة الإناث، من التعليم، ويعرض استقرار الأسرة للخطر". وعبرت الكتب المرسلة عن التطلع "لإلغاء المشروع المطروح وإعداد مشروع قانون وطني للأسرة السورية، يراعي استقرارها وازدهارها، وقيام شراكة حقيقية بين الزوجين لرعاية الأسرة، شراكة ترتكز على الحقوق المتساوية بين الرجل والمرأة، وتحترم وتحفظ المصلحة الفضلى للأطفال، وتضمن أن تكون الأسرة اللبنة السليمة في بناء المجتمع". |
دمجنا الموضوعين وياريت نبحبش شوي بالاقسام قبل اضافة موضوع على القليلة أخر صفحة
|
عنجد الله يستر من هل قانون هاد
غرب كتير الشي اللي عميصير غباء بغباء :sick: |
هذا القانون عام، فلكلّ من الطوائف المسيحيّة قانون خاصّ بها، فقانون الأحوال الشخصيّة للطوائف الكاثوليكيّة صُدر موقّعاً من الرّئيس بشّار الأسد في سنة 2006 وفيه من التفصيل ما يكفي لقضاء جميع الدعاوى في المحاكم الكنسيّة من زواج وإرث وتبنّي... إلخ!
ما لفتَ نظري هو أنَّ القانون (وغيره من قوانين الدولة السوريّة) هذا يجعل من السوريّين طبقات، فالمسلم له الأولويّة على بقيّة السوريّين المنتمين إلى أديان ومذاهب أخرى، والمسيحيّ مواطن من الدّرجة الثّانية بشكلٍ سافر وعلني، برغم أنَّ المسيحيّ السوريّ سبقَ أخيه المسلم في مواطنيّته لأكثر من ستّة قرون!!! يا للعار... في مثل هذا العصر ما زالت الدّولة السوريّة (على غرار بقيّة الدّول العربيّة المتخلّفة) تنتقي مواطنيها بحسب انتماءاتهم الدينيّة... تفووووووووووو!!! إليكم هذا المثال: المادّة 630 البند 2: إذا كانَ الزّوجُ مُسلماً جازَ إثبات الزّواج بشتّى وسائل الإثبات الشرعيّة. إليكَ يا وطناً دقَّ فيه أصحابُ العمائم واللحى خوازيقَ العنصريّة... إليكَ يا وطنَ الزّواني باسم اللهِ ويا وطنَ الدّعارة باسم الدّين والأديان... إليكَ يا وطناً موطوءاً منكوحاً كلَّ يومٍ آلاف المرّات... إليكَ يا وطنَ الأديان ومرقد الحرام والحلال... إليكَ يا وطناً يرى الخرافَ بيضاً والجداءَ سوداً وما تبقّى حمراً هنوداً قد روينا... إليكَ يا وطنَ اللعنات الملقاة على عمامتك العوجاء الفلجاء... إليكَ يا وطناً تكبّر اللهَ وتشهد بألوهيّته خمسَ مرّات في اليوم ثمَّ تدوسَ الآخرين ما تبقّى من ساعاته! إليكَ صلاتي في عتمة السّجون ودعائي من عرق البائسين... للهِ درّك من وطنٍ نزعَ عنّا اسمَنا ودقّه في مؤخّرات المومسات والقتلة والمجرمين... للهِ درّك من وطنٍ لا يعرفُ المعاني ولا يفقه في قيم الإنسانيّة... للهِ درّك يا نغمَ الرّبابة من صدأ الأوتار ويا ثفل الحضارة من قاع التخلّف... للهِ درّك يا صاحب الأبجديّة الأولى في ما مضى وصاحب الإرهاب والعنصريّة في ما هو آت... سلامٌ عليكَ يومَ وُلدتَ ويومَ تموت ويومَ تُبعث من جديد! |
طيب القانون توزع عالوزارات ورح يرجع لمجلس الوزرا وبعدين على مجلس الشعب.
الكل هون متفقين انو هالقانون فيه تخلف وتراجع لورا عوض التقدم. انو نقعد ونندب مارح نستفاد شي . أنا قريت كم فقرة ووجعني راسي وسكرت لذلك بشوف انو تمحيص القانون مارح يفيد كونو يلي عاملينو من الاساس تفكيرهم خطأ. فخلينا نرتب حالنا ونعمل حملة متل ما عم نعمل باقي الحملات على المدونات وعلى الايميل وهون . أنا مالي خبرة بهي المواضيع . بس اقتراح اذا فينا نجمع او نعمل موقع على شي مدونة لحالها ونعمل تصويت عليها عن طريق الايميل مثلا ونجمع التصويت والاراء ... او شي من هالنوع برجع بقول مالي خبرة. بس نقاشنا لحالو هون ما بيكفي ومتل مو نحنا مو عاجبنا القانون كمان غيرنا مو عاجبو خلينا نجمع صوتنا نحنا الكل عسى نقدر نغير شي ونبين انو مو واحد او عشرة او الف بس يلي معارضين القانون. سامحوني اذا كان اقتراحي مو ظابط تحية للجميع بس اذا نحنا ما تحركنا لنغير يلي مو عاجبنا بهالقانون ماحدا رح يغيرلنا اياه |
اقتباس:
الجمعية الوطنية لتطوير دور المرأة المبادرة النسائية المنتدى الفكري رابطة النساء السوريات راهبات الراعي الصالح لجنة دعم قضايا المرأة منتدى سوريات الإسلامي موقع الثرى الالكتروني موقع عشتار الالكتروني (تحت التأسيس) موقع نساء سورية الالكتروني انا معك انو لازم يصير حملة بجميع المدونات للتدوين حول المشروع وانو لازم كمان يصير في حملة لجع التواقيع حتى ولو كانت الحملة رمزية وما جابت نتيجة.. |
اقتباس:
ومننشرها نحنا بعدين او منعمل حملة تواقيع متل ما قلتي |
سمعت من رفيقتي بأن الرئيس بشار اجتمع مع عدد من رجال الدين المسيحي يلي أبدو اعتراضهم عالقانون وعأساسو رفض الرئيس القانون بالكامل
فما بعرف مقدار صحة هالخبر بس حتى لو تم رفض القانون من الرئيس ... نفسي أعرف من وين جايبين هاللجنة يلي حطت القانون .... وكأن مافي غير أصحاب العقول المتحجرة ليحطوا قوانين :pos: |
اقتباس:
اقتباس:
|
أحلى شي بيلي عم تناقشو فيه اخيرا . شي كنت بدي حطو بموضوع من فترة . وهو أنو موقع سيريانيوز ماعاد بيمثل الشارع السوري أبدا . موقع بيحمل فكر يلي بيشتغلو فيه وتوجيهات مالكينو وبس . وبعيد عن اي شفافية أو ديمقراطية . بيسوق للخبر متل ماهو بدو . والاحلى انهم صارو اخر فترة . بس تكتبلهم رد بيحذفو الجزء يلي مابيعجبهمم وبيحطو الجزء يلي بيعجبهم من الرد ( رغم انو المفروض في قانون للمشاركات . فيا بينحط الرد كامل يا اما لأ ). والشي التاني النهفة . أنو كل الشارع السني بسوريا بيعرف أنوم محمد حبش شيخ مندوب من المخابرات . ومافي غيرو مسمحلو يعلك . ومع ذلك حلاوتو مصدق حالو . ياترى بيسترجو سيريانيوز يجيبو شيخ معروف غيرو |
اقتباس:
بس إذا قارنا بينو و بين الفطاحل يللي حطو هالقانون ..... منشوف أنو يا محلى محمد حبش بين هيك أدمغة |
اقتباس:
يعني وصل فيني اليأس من الاسلاميين انو صرت شوف محمد حبش وعمر خالد منارة هادا المجتمع |
اقتباس:
|
هلق محمد حبش هوي جايبينو ع اساس عضو مجلس شعب
ومع اني ما بحبو بس بشارك ناي و سمرا الرأي أنو أحسن من غيرو ومشان اذا بسيريا نيوز بيجيبو غيرو يعلك اي بيجيبو وبالذات بهالموضوع من يومين كانو حاطين قانون الاحوال الشخصية للمناقشة وجايبين حبش و واحد تاني يلتوا |
علمانية الدولة في انحسار , وقوانين القرون الوسطى تعود بشكل مخيف , يبدو انهم نسوا يذكروا
ولايه الفقيه سهوا ... لله درك يا اتاتورك , لن تنجب النساء رجلا مثلك .. |
اقتباس:
شي طبيعي بالنسبة الك تلاقيه هيك . وحتى أنك تطالب بشيخ مموض أكتر:lol: . بس بالنتيجة مابيهم لأنو ماحدا بياخد برأيو |
اقتباس:
|
اقتباس:
بس ليش يعني ... لازم يكون يللي بحط قانون الاحوال الشخصية .... شيخ .. أو رجل دين ..!! |
اقتباس:
اضافة لهيك مواضيعم الاستفتائية توازي منهجهم فقط من منبع كلمة حق ولد بها باطل |
اقتباس:
وانا نفسي استغربت بس بدنا نسال هون المسؤول يعني من اعطى الحق لفئة معينة من شيوخ دمشق ان تضع هالقانون؟؟؟؟؟؟ دون شيوخ باقي المحافظات مثلا |
اقتباس:
بدك تشوفي جديع دوارة لما كاتب المقال . كيف جامع المتدينين بخندق . والعلمانيين والمتنورين بخندق ليش بلا صغرة شو يعني متنور . ومن وين جاب مقياس التنور العينتين . ولا على نفس المبدأ يلي بيتبعو البعض أنو كل ماالواحد كان بعيد عن الدين صار متنور |
اقتباس:
والله اذا عندك اسماء يلي كتبو القانون بكون ممنونك . لأنو لحد هلأ ماحدا بيعرف مين يلي صاغ القانون مع الشيخ حسان عوض . وماحدا فيه يجزم انو كانو شيوخ بس لنعرف مين معو . والشيخ حسان عوض كان احد اعضائها ومو هو الوحيد . وأختيارو كان من موقع أنو أستاذ الشريعة بجامعة دمشق . مو من موقع انو شيخ شامي . |
اقتباس:
بقى مين قال أنو من حق استاذ شريعة .. يعمل قانون أحوال شخصية لمواطن مسيحي .. و يكون هالقانون وفق الشريعة الاسلامية لا بل أكتر .. ... و فق مذهب واحد من هالطائفة .. |
اقتباس:
برجع بكرر عندك أسماء يلي كتبو معو القانون قبل مانتهم رئاسة مجلس الوزراء أنها غلطت ؟ |
اقتباس:
انت اشطب كل الجهات اللي استنكرت عدم استشارتها, بتلاقي من وين طلعت اللجنة انو مافي أسماء هاي كمان قصة تانية... ليش اللجنة سرّية؟ |
اقتباس:
بيكفي تقراه لتعرف مين كاتبو .. و وفق شو كاتبو |
اقتباس:
|
اقتباس:
هلأ أولا أنا ماعم دافع عنهم . لأنو بأختصار ماعندي معلومات عنهم . أما بالنسبة أنو اللجنة سرية . فأكيد اللجنة مو هية قررت أنو لحنا بدنا نكون سريين . أجتهم تعليمات بهاد الخصوص . ويلي عينوهم متكتمين عنهم . هلأ أنا ضد هاد الشي . وبعتقد أنهم عملو لأنهم عرفانيين أنو بس يصدر القانون رح يصير تجييش ضدو بكلام بيلعب بالعواطف وبيثير الغرائز بين الطوائف . متل ماعم يصير بأغلب المواقع يلي عم تهاجم المشروع ومنها هون .( المسيحي درجة تانية . المرأة موطوئة . القانون طالباني وغيرها ) . برجع بقول أنا ضد التعتيم . بس بيجوز يكون كلامي السابق هو سببهم . أما قصة انو في جهات ماعندها خبر . ضحكتني يازلمة . ليش من ايمتا بيتاخد رأيهم . هلأ اذا ماكان مصرحلهم يقولو أنو ماكانو دريانيين بالموضوع . بوكرة بيجيهم تعميم وبيصيرو يدافعو عنو كمان :lol: يرحم جدك . سلف روء بس تقرا ردي وخدني بحلمك :lol: |
اقتباس:
بس ما فينا ننكر انو اغلبية الشعب السوري متدينة و بشدة كمان اذا بدك لهيك بظن انو مو بالامكان فصل قانون الاحوال الشخصية عن الدين بس كمان مو لازم ينفرض مذهب على الاخرين لانو بالنتيجية بيولد هالشي كره بين الطوائف يلي بالاساس ما بتحب بعضها اذا ما بدنا نقول اكتر :pos: اقتباس:
ليش حتى يكون مشروع القانون سري و اللجنة سرية و استبعاد الجهات المذكورة عن صياغة مشروع القانون طيب مين الغلطان برأيك و بتعتقد انو يمشي مشروع هالقانون بدون موافقة رئاسة مجلس الوزراء عليه؟ اقتباس:
|
اقتباس:
القانون فيه أبواب خاصة للاديان والطوائف التانية تراعي معتقدهم. وفي باب خاص للدين المسيحي |
هو انا بس عندي سؤال بهالدويخة هي , انو مو على اساس دولة علمانية و بيتباهو بهالشي على دول عربية تانية طيب مين اللي كلف هالكم شيخ يحطو هيك قانون وعطاهن صلاحية سن تشريعات؟؟؟
شكلها رح تصير بسوريا صيغة حكم شبيهة باللي بالسعودية, تحالف بين عائلة حاكمة و رجال دين الاولى مسيطرة على السياسة و الاقتصاد والتانية على المجتمع |
اعتراضية بسيطة علَّ و عسى بتفيد الموضوع و بتقوّم نهج النقاش حول القانون.
طبعاً بتعرفو بانو القوانين من احوال شخصية لقوانين جنائية و خلافه يُطلق عليها اسم تشريعات, التشريع بالجمهورية العربية السورية و استناداً لدستور الدولة كما هو مثبت بالدستور بيقول التالي:الفقه الاسلامي مصدر رئيسي للتشريع و باعتبار نقاشكون بشكل عام محصور بالزواج و الطوائف و الأديان فهي الأمور تشريع و ماحتلاقولها سُنن غير بالدين .. و باعتبار المصدر الرئيسي هوي الاسلام فرح تكون القوانين مصبوغة بصبغة اسلامية . هي ببساطة القصة من دون سؤال من شرّع و مين اجتهد. |
اقتباس:
يعني بالموضوع هداك وزعتلي باقة من الاتهامات و ما رديت عليي فيهون طيب مو مشكلة.. خلص باخدك بحلمي (حلمي مراد يمشي الحال؟ صحيح مين حلمي مراد؟) اقتباس:
بس قبل ما تضحك ع كلامي حاول تفهم مني ليش حكيتو.. انت عم تقول ما نعرف من وين طلعت اللجنة.. و أنا عم قلك انو هدول الجهات كلهون قالو انو من عندون ما طلع حدا... هاد القصد اقتباس:
انت عم تطعن باللي ضد القانون... و هالشي (طالما حكيت عن التجييش العاطفي) بيعطيني الحق اني قول انو فقط كون المشروع يحمل اسم انو الو طابع اسلامي بيخلي حدا اسلامي بيقول انو منيح... و هاد تجييش عاطفي كمان, و اذا بدك لعب على وتر التديّن بالبلد شريك بقلك ياها بكل صدق - و المعزّة و الصداقة ع جنب- انت ما عم تاخد مقابلك محمل الجد, و هالشي بعتقد انو لازم يخلّيك تتوقّع انو هالطرف يتضايق..... أنا ادليت بدلوي و حكيت رأيي, و بالنهاية اذا بدهون يمشّوه رح يمشّوه غصباً عن الكل... بس بيظل في حسرة بالموضوع |
| الساعة بإيدك هلق يا سيدي 17:04 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
. بس بالنتيجة مابيهم لأنو ماحدا بياخد برأيو