|
اقتباس:
وتاني شي يعني منرجع لموضوعنا بدك تئوليلي انو في شب بيرضى يتجوز بنت مغتصبه ;) وانا التلك من ناحيتي تتجوزو احسنلها بمليووون مره من انها تعيش مع العالم تنذل من واحد احسن من مليووون واحد ودخيييلك اجت عالولاد يعني انتي رح تئوليلهن ابوكن اغتصبني وتحكيلهن سيرة حياتك....................... بالعكس بتجيبي ولاد وبتربيهن على انو ما يعملو او ما تتكرر هالغلطه الشنيعه اللي عملها ابوهن (اللي الله ياخدو وئتها ) :D |
اقتباس:
عم تحكي جد انتي؟؟ اي ياستي في مليون واحد بياخد وحدة مغتصبة...لانو هيي ماغلطت.. لك حبيبتي...وحدة حتكون مريضة نفسيا كيف حتقدر تربي ولادها تربية سليمة؟؟ بعدين من مين بدها تنذل؟؟ من امها وابوها واخواتها؟؟ |
يا حرام على البنت بمجتمعنا
كيف بتنقلب الموازين ضدها حتى وهي مظلومة وما بتخلص من شر حدا |
اقتباس:
يعني حالات جرائم الشرف بعد ما تتجوز المغتصب نادراً و انا ما سمعت عنها ولا مرة بصراحة .. ما بقلك انو هيي مو موجودة .. بس بتوقع انو نادرة ... ! اقتباس:
ازا بدك في حل تالت وانا بايدوا .. انو تهرب وتطفش لايا مكان بدها ياها بس ما توقع لا برحمة الاهل ولا برحمة الزوج المغتصب :frown: بعدين شو هي تربيهن انو ما يغلطوا .. ليش برأيك هني حيتربوا تربية صالحة بوجود اب مجرم وام محطمة ؟؟ وكأنو انتي عم تحكي عن عائلة طبيعية فاضلة ! :? -------------------------------- زكرتوني بالحلقة تبع سيرة الحب .. وقت آخر شي بترفض تتجوزو .. بس بالاخير بيقتلوها .... بجريمة شرف من اخوها يلي عمرو 10 سنين ! بجد حلقة مؤلمة :cry: |
اقتباس:
ممكن تشرح معنى هل العبارة |
هي فيها تختار يعني بيخروها للبنت بدك ياه ولا لاء
|
اقتباس:
بنت تتعرض للاغتصاب و بعدين تنكسر عينها للمرة الثانية و تتزوجو ... و يطلع قسمة و نصيب و مقدر و مكتوب :shock: ثانيا .. لا تتزوج .. و بعدين ؟؟ كثير نسوان ما تزوجوا و صحيح عانوا ... بس ما زالوا يعيشوا بشكل طبيعي و الهم قيمة بالمجتمع ثالث شي .. قلنالك المغتصب فعلى كبيرة و تدل على عقل مجرم ... تتصوري ممكن يعاملها بشكل طبيعي خصوصي انو بعد ما عمل جريمة تزوج الضحية و صار بطل القصة ؟ تضمني ما رح يعتدي عليها جسديا او يعتدي على الاولاد اقتباس:
بعدين نحنا حكينا على وضعية العلاقة بين شخص قام بجريمة و تكافئ ... و بنت تعرضت لاسوأ موقف بالحياة و بعدين صارت زوجة بالاكراه بسبب الظروف العائلية .... اكيد رح يطلع اولاد بقمة السعادة بالمناسبة الاغتصاب مو مثل السرقة ... الاغتصاب شغلة كبيرة و ما تدل على مستقبل سوي للجاني |
قبل معالجة الحالة كحالة منفردة ....يجب أن يعالج المجتمع ككل و بالبداية القوانين التي تحمي الجاني و الأعراف و التقاليد البالية التي ضاقت أخلاقنا منها و من يلي حاميها و عما يتبناها....
بالنسبة للحالة كرأي شخصي يـُحاسب المغتصب على فعلته بإرساله الى المصح العقلي لتلقي العلاج المناسب ...لانه إنسان مريض و المصحات العقلية أحرى به.... أما بالنسبة للفتاة المـُغتصبة تحمى من قبل الدولة و الأهل و يجرى لها العملية الجراحية المناسبة لإسترجاع عذريتها ..... و تتابع حياتها مع تلقي العلاج النفسي للخروج من الحالة بأقل الخسائر نطالب القضاء بأن يكون هناك قوانين عادلة تحمي الجميع و كل أفراد المجتمع من كل أنواع الجرائم |
اذا بنجي من ناحية المنطق حتى لو ما تزوجها مغتصبها فيها تكفي حياتها وعادي تتزوج من شخص تاني ...
بس بالنسبة لمجتمعنا صعبة شوي ... |
اقتباس:
اي مزبوط!! اقتباس:
اقتباس:
بعدين ماعرفنا إذا كان هي مابدا ياه لابن الجيران .. الي قبلت تروح معو أول مرة .. برأيي القانون هون حل المشكلة, وكان في حلول أخرى ممكن تصير بالسر بدونه -وعم تصير بالواقع- ومابتروح غير عالي مادري القانون فيه:lol: |
اقتباس:
مريضه نفسيا ً ؟؟ .. أنا اعترض على اعتبار المغتصبه مريضه نفسيا ً تحت اي ظرف من الظروف .. و بعتقد هيك انت ناقدتي نفسك وقت قلتي انو في مليون واحد بياخدها و انها مريضه نفسيا .. لأنو ما بتخيل في مليون واحد رح يرضو يتزوجو وحده مريضه نفسيا .. المغتصبه ممكن تكون محطمه نفسيا ً لكنها مش مريضه نفسيا ؟؟ و المغتصبه برأي عندها قدره تربي ولادها .. يعني ما بشوف انو موضوع تربايه الولاد مشكله كبيره بحياه المغتصبه .. لأنو وقت بتكون وصلت لأنها تختار تأنجب بتكون قطعت شوط كبير .. و بتنزل من قبل امها و ابوها و اخواتها اي نعم احتمال وارد جدّا بمجتمعنا الغير افلاطوني .. اضافه لأنو بتنزل من السمان اب صبحي و جارتهم ام سعيد و بياع الغاز ابو عبدو و مصلح البسكليتات (( وينك يا غوسي :p)) و و و .. المجتمع بدو دف ليرقص عكتاف النساء خاصه .. و خليني قول و اكد اني مش مع تزويج المغتصبه من المغتصب .. يعني حكي كلو ما بيعني اني انا مع او ضد بالمطلق .. أنا مع النظر بكل حاله لانو كل حاله رح بتختلف عن التانيه و في اوقات ممكن الزواج يكون حل مناسب بالنسبه للطرفين و في اوقات ممكن يكون السجن هو الحل و اوقات تانيه بتختلف فيها الحلول .. أنا ما بشوف في شي مطلق بالأحوال الشخصيه حيث انو لكل حاله وضعها الخاص اللي لازم يـُراعى .. لكني ضد ضد ضد ضد ضد اي شي بصير بعدم موافقه الفتاه أولا ثم الشريك - او اللي رح يصير شريك - و ضد ايجاد حلول مؤقته كي يتم لفلفه الموضوع او غيره .. في كاتبه أميركيه - نسيانه شو اسمها - تم اغتصابها وقت كانت مراهقه و كتبت تلات كتب - على ما اذكر - عن الموضوع بعدها .. هنن مش حلوين و أنا شخصيا ما حبيتهم و لكنهم بيحكو عن الاغتصاب و المجتمع .. للي مهتم بالموضوع واحد منهم هو The lovely bones بهالكتاب الفتاه بتغتصب من قبل استاذ عندها بالمدرسه و بيقتلها بعدين و كيف اهلها بيتلقو الخبر و بدورو عالقاتل و كيف بأثر هالشي عالعيله و هيك .. و الراوي بالقصه هو الفتاه نفسها |
اقتباس:
|
انا ما قريت الردود ...بس بحب رد ع موضوعك مريومه بطريقه معينه يمكن ما كتير ناس بتوافق عليها ..
بس اعتمادا ع هل المجتمع النشح الي نحنا عايشين فيه ..والي ما بيرحم ربها لهل البنت ...فا اانا بقول ناخد الموضوع بطريقه واقعيه وتستفيد البنت منها ..بالاخير ..محدا اكلها غير هي ..والشاب عنا ..طلع نزل ..محدا بيحاسبو .... التاثير النفسي والاخلاقي ..والاجتماعي لح يكون ع البنت ان كان ذنبها ولا لا .... وانا ابدا ماني مع تتزوج البنت من مغتصبها ..لان بالاخير زواج قائم ع اسسس غلط ولح ينتهي بالطلاق ....او القتل ... |
اقتباس:
بس كنت حاب نوّه لشي زكروه طبيب فهمان عنا هون بالأخوية "أبي الحروف" أنا على قناعة تامة بهالحديث أدناه . اقتباس:
بقا معظم الإحيان تبدأ القصة غصبا ً و بتنتهي برضا الطرف المـُغتصب , بس نوع من التراجيديا معظم قصص الإغتصاب .. من الآخر من الآخر متل ما قال وائل "الي ما بتمد ايديا ماحدا بيسلقاها" |
اقتباس:
مافيك تقول معظم الحالات بهل الطريقه ...ولما بينحكى ع الاغتصاب ..عواقب صحيه بتصيب الفتاه مما بدل ع الحاله الي اتعرضت عليها ..وبتصور عم ينحكى هون ع الفتاه الي بتتعرض ع الاغتصاب بكل معناه وبكل المه .. وما بتصور فيه بنت بالعالم لح ترضى بهل الشي ..بتعرف ليش ..لان الانثى بطبيعتها تنظر للعلاقه من منطلق حب وليس من منطلق حاجه كا معظم الرجال ...والي بيخيله يوصل لمرحله الوحشيه ويغتصب الفتاه ... وهدا المتل الي بقول الي ما بتمد ايدا ما حدا بيسلقاها ...بيحكي عن حالات مختلفه تمام عن الاغتصاب ... ويسعدلي صباحك :D |
اقتباس:
الشغلة بتصير مع كم هائل من العنف و الأذى الجسدي و كتير مرات الضحية بيغمى عليها و بالأخير بتستسلم أو من التعب أو من الخوف من التعرض للمزيد من الضرب .. |
اقتباس:
للأسف بمجتمعنا برأيي فيني قول معظم الحالات عموما ً الحالة اللي عم تقولي عليا أنو الإغتصاب بكل معناه و بكل ألمه , قصدت أنو طبيا ً فيّا الأأنثى تمانع و ترفض و فيّـا ما تسمح للوحش اللي عم يغتصبا يوصل للي بدو ياه . فمشان نكون واضحين و ما ننفهم غلط ماني عم حط الحق عليا أكيد لأ , بس القصد بالإمكان طبيا ً أو منطقيا ً أو ألاويا ً أو ما بعرف كيف دبريا بمعيتك :lol: أنو ما يصير هالشي لو الموضوع من الصعوبة بدرجة .. بيخصوص المتل يا عزيزتي فا حاليا ً الشي اللي عم نشوفوه أنو اللي ما بمد زنبيلو ما حدا بعبيلو و لنرجع نكرر في بعض الحالات ( ما فينا نقول بعض أو معظم بصراحة بدا إحصاء هاي القصة ) فعلا ً ممكن تكون اغتصاب بمعنى الكلمة و ممكن يكون متل ما سلف و ذكرت بالبداية غصبا ً و بالنهاية بناءا ً على رضا و رغبة مشتركة من الطرفين |
اقتباس:
إما الرجل المغتصب أوجد الظروف والوسائل المساعدة (مخدر - سلاح - أشخاص مساعدين- ...) أو أن الضحية ساعدت المغتصب قد يكون الدافع عاطفي ولم يكن هدفها الجماع بشكل مباشر أو أنها تتهمه بقيامه بالأمر دون رضاها. ولذلك نرى أكثر حالات الاغتصاب تتم على الأطفال. |
اقتباس:
بس تعيش مع يلي اعتدى عليها بشكل عادي.. رح تصير مريضة نفسيا.. بس تتطلع بابنها وتتذكر ابوه المجرم.. رح تصير مريضة نفسيا.. اقتباس:
شغلي لازم نتذكرا.. المغتصبة=ضحية=برئية ما إلها ذنب المغتصب=جاني=مجرم=لا انساني=حيوان المجرم لازم يتعاقب عجريمتو.. فحسب اي منطق بيتم تسليم الضحية للمجرم ..ليكفر عن فعلتو!!! اقتباس:
بعد تالت كف هوي بيرضى.. اقتباس:
|
اقتباس:
بسمع انو في رجال بعمر الأربعيين عم يبولو بتيابون اول ما يدخلو على فرع مخابرات !.اسف بس عم احكي هيك لتشوفو انو الخوف شي مو قليل شو بتتوقعو من بنت عم تتعرض لضرب و رفس من حيوان بقصد اغتصابها ...من الطبيعي انو تنهار ... جنائيا من الممكن انو يشكو في حال البنت كانت صاحبة بنية جسدية قوية و شب نحيل او حبتو ناعمة .. .بس لما بكون الشب بغل او تور ..والله ارجل بنت مو قادرة توقف قدام همجيتو .. |
طيب يعني يا جمااااااااااعه بالاخير شو الحل ؟؟؟ رضيانين انها تتزوجو لهالذئب البشري ..
وتعيش تحت رحمتووو :x البنت رح تضل طول عمرها مظلووومه بمجتمعنا هااد:frown: |
هلا يا جماعه لكون صريحه معكم وهاد حكي مو من عندي من دكتور طب شرعي
اغلب قصص الاغتصاب فبركة يعني انا الحالات اللي بصدق انو بنت اغتصبت اما حرب او السجن او انتهك بيتها او عملها او اي مكان غير مشبوه متواجده فيه تحت تهديد السلاح او بوجود اكتر من رجال غير هيك سلامة تسلمكم لونو الرجال بوزن الفيل قيها ادافع عن نفسها وتمزيع الاواعي ع كام رضة هدول مو اثبات اغتصاب اغبى بنت بتعرف كيف طريقة تصد الرجال ازا اعتدى عليها بقا بهيك حالة تتجوزو وبلا ما تفضح حالها ع العموم الطب الشرعي بقدر بالفحص يعرف كزابه اما لا لما يتم معاينتها مباشرة |
اقتباس:
أنا في مشهدين اغتصاب هزوني كتير و ما بيروحوا من بالي .. الأول من مسلسل قضية رأي عام ليسرا و التاني من فلم حين ميسرة .. بالمسلسل كان المشهد عنيف بس المخرج راعى نوعاً ما ضوابط التلفزيون و حساسيتو لهيك قدرت شوف المشهد كلو بصعوبة .. بينما بحين ميسرة صابتني حالة غثيان و طفيت التلفزيون و ما كمّلت فرجة عالفلم ... |
بالدول يلي بتهتم بمواطنيها في جمعيات ومؤسسات لمساعدة البنت المغتصبة لحتى تقدر ترجع وتكفي حياتها العاطفية بدون عقد ورواسب الاغتصاب
يا عمي شو هاد... مو عرفانين أنو الاغتصاب بيتم برضى البنت :? |
اقتباس:
يعني من بعد كل الألم النفسي و الجسدي اللي وقع عليها .. منقلها استري حالك و تزوجي هالحيوان ؟!!؟ لأ الفضيحة و العنوسة أهون ..!!! |
لك اي ..بصير شك في حال شب حبتو ناعمة و البنت صاحبة بنية قوية ... بس سبحان الله ,,يعني كل يلي بيغتصبو بكونو وحوش بشرية ...
ثانيا مو كل شي منشوفو بأفلام البورنوغرافي لازم نصدقوا ! صرلي سنتين عم حاول اتودد من بنت و ما عم يمشي الحال ...بفهم من كلام الشبيبة انو لازم روح اسفأها كفين ,,,بتحبني فورا .. |
اقتباس:
هددها انو يقتل اخوها .. ابنها .. امها .... و قدر يسطير عليها نفسيا بعد كم كف ... هذا الموقف ... الطب البشرعي رح يسيمه علاقة زنا ... ؟؟؟؟ :sly: اقتباس:
و طبعا هي الها دور ... يعني مثلا بنت حلوة و قد تلبس لبس مو كثير محتشم و هو شاب مكبوت ... بس مو ذنبها هي طلعت بنت حلوة و لا ذنبها ليست لبس قد يكون موضة ! اقتباس:
فعلا التنظير شي ... و الواقع شي آخر بعيد كل البعد عنه |
اكيد انا ضد الخيار انو يتزوجها!!!
لانو هيك حسيت عم يحفظو حقوق المغتصب ههههه مو البنت وكانو البنت ما بتتعوض .. أنو خلص مشي الحال عرفتو كيف؟ الله يعينا على الجاي وميرسي علموضوع |
اقتباس:
طبعا ما تتزوج واحد متل هيك بس لازم الدولة تعاقب هالشخص انا برأيي لازم يخصوه لأنو السجن ما بربيه تاني شي لازم يدفع مبلغ مالي كبير الها بالنسبة للفتاة بحاجة لتأهيل نفسي واهم شي يتم التأكد انو ما في حمل واذا فيه التخلص منو وبعدين ازا بكر انا برأيي حتى لو عارضو لشيوخ يعملولها ترميم لأنها مو مذنبه بضياع عذريتها بقلولك هاد غش بقلهم ما شي لو راحت هاي البنت وصارحت شب بدو يتزوجها باللي صار معها ما رح بس يتركها رح يخرب سمعتها احنا مو بالمدينه الفاضلة لهيك ترميم الغشاء مو غش بالعكس بيحفظ سمعة هالانسانه |
والله النقاش حامي طالما رح يضل ما عنا "قيمة فرد " خارج عن نظرة المجتمع لألو .. رح تضل كل مشاكلنا تحل أحسن ما يحكو علي الناس ، شو بدا تقول جارتنا ، فلانة شو بدا تحكي علي ّ ، ليقوم ما حدا يحبني ،... وطالما ما منقدر نشوف المرأة خارج إطار انها زوجة حدا ، يعني ملحق بـ رجل كمان رح تضل أكبر مشاكلنا ، : مين بيتجوزا ، مين بيحمل هما عن أهلا ؟ مين بيصرف عليها ( هي يعني اللي ما منصرح فيه ) :lol: ما رح أحكي عن بنت الجيران بتتجوزو أو لأ " لأنو يمكن بنت الجيران وقتا تختار ووقتا تخرج من نظري من صورة الضحية ، هي إذا كان خيار حر "يعني ما حدا جبرها تتجوزو " إذا اختارت تتجوزو لتساير المجتمع ، تصطفل يعني هي اللي رح تعيش مع مغتصبها وتتحملو كل يوم مشان ما تتحمل حكي الناس رح أحكي عن حالي ، هادا اللي بقدر أحكي عنو بارتياح أكبر ، انا ما بتجوز مغتصبي لو الله منزلها بالأنجيل . :lol: والدنيا كلها بدا تلعي علي ّ . وبخصوص موضوع الزواج " إذا ما أجى بعمرو " :gem::gem: بس هادا ما بيمنع أني افهم مبررات البنت اللي صغيرة وتم اغتصابا واهلا ما ساندوها البنت اللي تم اغتصابا وحصل حمل البنت اللي تم اغتصابا وما قادرة تجابه المجتمع وكتير حالات .. فينا نقول ما لازم لبعد بكرة .. بس الواقع ما بيمشي بال لازم وال ما لازم في ناس أضعف من أنها تواجه لحالا مجتمع بأكمله ، في ناس ما فيها تعيش مستقلة لسى ، وكتير كتير أما بخصوص المغتصب ، فأنا أملك وجهة نظر تانية أنو خمس سنين بيكفي + تأهيل نفسي اللي اغتصبها ضحية هو كمان ، إنسان هو كمان .. وجزء من المجتمع نفسو بحاجة لحدا يمسك إيدو .. ويعيد تأهيلو إذا كل واحد عندو ميول عدوانية ، او .. أو .. أو .. بدنا نسجنو عشرين سنة وما نعيد تأهيلو ويطلع من السجن متل ما فات هالمجتمع بيفضى .. ( ميمو اكتشفت انو بدا واحد متل جيمي ع كبير :gem::gem: :lol: ) |
صحي نسيت قلكن أني بأخوية وقت منقول كلمة مجتمع كتير بتضحك
انو مين يعني مجتمع ؟ مو نحنا اللي عم نناقش الشب اللي شايف الحق عليها ، او اللي شايف انها عطتو وش او .. البنت اللي مستحيل تجوزا أبنها أو أو .. نحنا المجتمع ، ونحنا أول مين بيرجم الضحية :D |
لو كان هالقانون موجود باحد دساتير قبائل افريقيا بالعصور القديمة كنا قدرنا نتفهم شوي .
بس انو وجودو هلق بقانون دولة بالقرن الـ 21 هوي قمة بالعار و العيب . تفو على هيك قانون . مكافأة للمجرم منعطيه الضحية و منسقط عنو العقوبة مع التجاهل الكامل لانسانية هالضحية والعبئ النفسي الي تشكل عندها اثناء عملية الاغتصاب و الارتباط فيه مجبورة ( بدافع الاهل وستر الفضائح ) . الي بشوف هيك قوانين . وهيك عادات وتقاليد مدعومة بالقانون . وعدم وجود توعية لا بالمدرسة ولا بوسائل الاعلام . بيضل في عندو استغراب من الامراض النفسية المزمنة الي بيعاني منها الشعب ؟ |
في كتير بنات صغار بالعمر بيتم خداعهون من قبل بعض المريضين نفسياً و اغتصابهون . و تزويجهون لهيك مجرمين هو قمة الاجرام والمساعدة بالاجرام .
لك حتى لو البنت راحت مع الشب على بيتو وكانت بتحبو .مجرد اعتدائو القسري عليها بدون موافقتها المبدئية ( حسب تعبير الشباب ) هو اغتصاب الها . والاغتصاب بيحمل غالباً معو آثار نفسية صعبة ( و خصوصي مع التعذيب ) غير عبئ نظرة الناس والاهل . وعلى فرض يا سيدي هالبنت كانت عم تتسلى كمان و تم اغتصابها مرغمة و بحكم بعض العادات تم تزويجها من شخص ما بتحبو . نحنا بصدد الكلام عن القانون الجائر شو ما كانت الطريقة وكيف ما كانت . اسقاط العقوبة بمجرد تزويج الضحية للجاني هو خلل قانوني معيب . |
اقتباس:
|
اجبار الفتاة على التزوج من مغتصبها
جريمة اكبر من الاغتصاب بذاتو انها تعيش مع منتهك جسدها وحقها بالاختيار اقبح ما يمكن ان يكون من جرائم اقتباس:
اقتباس:
وكيف بتفسرو اغتصاب الأطفال ؟ كمان برضاهم ؟ واغتصاب العجزة ؟ واغتصاب الأب لبنتو والأخ لأختو .. والعم والخال والجد وزوج الأم ؟ كمان برضى الضحية! معظم حالات الأغتصاب بتصير من ناس معروفين للضحايا .. يعني مش وحدة لابسة قصير وماشية بالشارع بنص الليل وعم تتدلع للشباب وتقلهن ، انو ما بدي ، بس تعو ! انكو تلقو اللوم على الضحية بتكونو عم تعطو شرعيه لهالجريمة ، ما في اغتصاب بيتم غصب .. يعني كلو بيتم برضى .. يعني علاقة جنسية سليمة برضى الطرفين .. حتى لو كان بدون مخدر او تهديد بالسلاح .. الاغتصاب الجماعي كيف بيتفسر ؟ كمان برضى ؟ وكيف فيها البنت تقاوم تلات او اربع وحوش ؟ بحالات الاغتصاب ردة الفعل بتكون وحدة من تنين ، يا اما البنت بتصرخ وبتقاوم وبرضو هالشي ما بيمنع من انها تغتصب يا اما بيصير عندها حالة جمود تام وبهالحالة ما بتكون قادرة لا على الحركة ولا على المقاومة ولا على الصراخ ولا حتى على الحكي .. وبهالحالة قمة الجهل انو يتسمى رد هالفعل بـ الرضى ! |
اقتباس:
اقتباس:
اقتباس:
اقتباس:
ملاحظة: نسبة كبيرة كتير من العائلات بتنتقم من البنت المغتصبة ولو الموضوع ما كان بإيدها وبتقوم بتصفيتها وهالشي شائع على الأقل بريف حلب وفي قصص كتيرة بتشهد على هاد الأمر |
اقتباس:
أنا عم لاحظ أنو هالشي شائع عند الأغلبية بمجتمعنا ما قصدي عالتصفية وإنما عالانتقام ... الانتقام مش بالضرورة يكون بصورة فاضحة.. بيكفي النظرة يلي عم تلاحقها من أهلها وإحساسها أنهم عم يمننو عليها لأن ساكتين :? لأن بنظرهم جابت العار للعائلة الكريمة برجع بقول يا حرام عالبنت بمجتمعا شو بتنظلم والذنب بيلاحقها حتى لو مش مذنبة |
اقتباس:
يعني ما دام هناك قوة جبر على الفعل ... يعني الشغلة اغتصاب ... |
قصة حققية احسن شي..
صبية عايشة بنفس البناية اللي انا فيها.. اهلها سافرو على الضيعة.. نزل شب من المنور ودخل على البيت ونطرها لحتى رجعت الساعة 7 على البيت .. نطرها بغرفة النوم ولما دخلت على الغرفة هجم عليها وحاول يغتصبها.. هلق مرت الشغلة على خير وما قدر يغتصبها.. الشب عمرو 15 سنة مبطل من صف التاسع قصير وسحنوك لأبعد درجة.. الصبية طولها 170 تقريبا وضخمة شوي بنيتها قوية .. المنظر اللي انا شفتو لما شفتها بعد الحادثة بيخليك تفكر انو مغتصبها رجال قد الحيط.. "الخرمشة والدم واثار العض والاواعي المشقوقة" يا جماعة القدرة العضلية للشب دايما اكبر بكتير من قدرة البنت.. المهم.. انو الموضوع اتلفلف وما اشتكو للشرطة مشان الفضايح.. الصبية تركت الجامعة بالشام وتركت شغلها ورجعت على الضيعة ..وخبرتني اختها انو كل يوم بتفيق من كابوس.. |
بصراحة انا حسيت انو صار كتير خلط بالامور برأيي يا ريت نفصل هون اغتصاب الفتاة الصغيرة عن البنت الناضجة لأنو الاول بجميع اشكالو واماكنو جريمة ما حد بقدر يلاقيلها اسم او حجم
اما النوع الثاني كل حالة تدرس على حدى وخلونا نكون واقعيين يعني انتو ما بترضو الظلم وبتخيل فيو ظلم انو وحده ادعت انها اغتصبت وبعدين يحاكمو الشب عشر سنين سجن؟ تاني شي ركزولي على المكان البنت الناضجه بتعرف متى المفروض يكون مكانها مع اي رجل غير آمن تاني شي انا -واي بنت بتخيل - دايما بخلي مسافة امان بيني وبين اي رجل هاد بمكان عملي فكيف بمكان مغلق ممكن بنت توصلو مع رجل شو بتتوقع يفرجيها على حوض السمك في بيتو ولا يلفلها ساندويشة يا ريت ما ندعي السذاجه لأنو وصلنا لمرحلة اكبر من اقتنائها |
| الساعة بإيدك هلق يا سيدي 21:50 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون