|
مرحبا..
مرة ابو العبد بموضوع يمكن حسب ما اذكر تعدد زوجات او هيك شي.. رديت عليي بكلمة انو في احاديث كتيرة للرسول ما منعمل الها اعتبار بس اذا سعد الله ونوس مخط شي كلمة منقدسها هي الطريقة بالحكي والمسخرة على شخص انا ما بقدسو بس بحبو بيستفز الاخرين وممكن انو ينرد عليك بنفس طريقة حكيك.. ومن جهة سب الرب لا تخاف كمان مليون واحد بيخرسو للي بيسب.. بعرف بدك تقوص متل عادتك لانو بس حدا يحكي شي ما بيعجبك بتبلش الخناق والبهدلة.. والله يستر |
*على هامش الموضوع:
حسب قوانين اخوية ممنوع التعرض للشخصيات العامي..وممنوع اهانة الاعضاء..(وللعلم الشخصيات العامي بتشمل الانبياء) فكتير اعضاء جدد لما بيفوتو اول شي عاخوية.. بجي انا مثلا بسب الله بيجي هوي بيسبني..بكون هوي تخالف وانا لأ.. وبيبلش يخطط نظريات مؤامرة:lol: .. شغلي لازم تنفهم أنو انا بس سب الله أنا مسب ربي وماحدا الو معي شي.. لو قلت لحدا يلعن ربك..وقتها بتخالف..ووقتها بكون عم اتعدى عليه.. بس طول انو انا عم سب ربي.. فانا حر بربي بعمل فيه يلي بدي ياه..شأن خاص فيني.. |
اقتباس:
:D |
اي بس لما بينط حدا بيقلك طظ بعلي او تاني بيقلك يلعن عمر ومابدكياها تقلب طائفية ,فساعتها خليك بسب الرب اشرف ,اسمو اذا انسب بيشمل الكل
|
اقتباس:
ومازلت عند رأيي.....:jakoush: |
اقتباس:
وتمنع الآخرين من الدفاع عن اشخاص معجبين جدا بشخص ما ... هاد هوي التناقض بعينه ... ليش منشوفها منطقية جدا وقت بيمنع المسلم احد ما من التشكيك بنسب محمد او برسالته او وقت بيمنع المسيحي التشكيك بإلوهية المسيح وطريقة ولادته وبنفس الوقت منشوفها غير منطقية وفكرة جدا غبية وقت بدافع شخص ما عن كاتبه المفضل متل جبران مثلا او شهيد متل يوسف العظمة او قائد متل حسن نصر الله ؟!؟! |
هلاء في قضية ....
انو مين بيحدد انو هالشخص أو هالجهة لا يمكن المساس فيها أو اهانتها..... نحن "شعب" متعدد الاطياف و الملل معناها بهالحالة في كتير من الشخصيات "التاريخية والحاضرة" الها هالة عند جماعة دون أخرى ...... رح نجي على "أخوية" كونها مجتمع افتراضي يماثل الى حد كبير تنوعنا الواقعي.... لما بيجي واحد بيسب أو بيتسمخر على شخصية أو "طائفة" معيّنة فبهي الحالة شو بيكون عمستفيد...؟ أنا بحترم كل الاشخاص و الاعضاء ..بشرط ماحدا يقرب على خطوطي الحمرا ....وبالمقابل أنا لازم ألتزم حدودي و ما أهين حدا ..... يعني بالمشرمحي ...أنا بحترم وبالمقابل مابسكت .... ملاحظة صغيرة....اللي عمبيسبو الله ...عن جد لازم الواحد ياخدا عادي..لانو هو بالنهاية هي بتبقى علاقتو مع ربو و هو بيحاسبو.... أما اللي نيتعلك صورة جيفارا أو لينين أو شارليك هومز أو غيرا من الشخصيات...فهي موضة لا أكتر ولا أقل ....انو أنا ...جداً مناضل ....:lol: |
الاهانة ما دائما بتكون شتيمة .. مو شرط أطالع القاب او اني الزق صفات ورا الاسم حتى هين الشخص
وان كان فعلا في تقديس للأشخاص فأول المستفيدين او خلينا نقول او " المقدّسين " هنن الأنبياء بذات نفسن .. جماعة الله وشلتو يعني :pos: والعالم العربي من اكتر المناطق اللي فيها تعصب حيال هلنقطة ومن اكتر العالم " مغالاة " في الدفاع عن الشخصيات المقدسة . فشد ما زاود محبي جبران مثلا بالدفاع عن شخصية جبران او عن الاتهامات الشخصية ( واللي متابع الكتابات العربية بلاحظ هلنقطة وقت طلعت اشاعة بأن جبران كان بيملك ميول مثلية ) ما حيصلوا لمرحلة المغالاة الدينية كتسكير السفارات وحرق الأعلام وقت تم التعرض لشخص الرسول بالرسومات الدنمركية مثلا . كيلوا بنفس المكيال يا اما بلالنا هلقعدة كلها . |
ما في شخص أو إنسان أو فكرة معصومة عن النقد برأيي، حتى الله وأنبياؤو بيحقلي إني فكر فيهم بطريقة ناقدة بس في فرق بين أنك تفكر وتحلل وتطلع بفكرة وتنقد وتناقش، وبين أنك تسب وتشتم لهيك إذا لقيت حدا عم يناقش أو ينقد فكر إنسان أو كاتب أنا معجبة بفكرو .. هالشي ما بحسو سيء بس لما بيسبو فهون صار الوضع مسيء بالمجمل أنا بكره أسلوب الشتم والسب والكفر حتى وقت التعصيب |
اقتباس:
انو انت اللي بالنسبة الك نبي ممكن ما يكون بيعني شي للشخص الاخر..بالوقت اللي شخص متل محمود درويش متلا شي نازل من السما. اما اللي حاطتلي صورة جيفارا فهو عم بيعبر عن قناعاتو.. هلا ما بخفيك انو في عالم متل ما بتقول انت حاطتها منظر و موضة..و ما بتعرف مين بيكون غيفارا لا من التيشرتات..بس في عالم تانية بتكون بالعكس تماما بمعنى ما فيك تحكم ع العالم لانو فلان حاطتلي صورة غيفارا.. معناتها مفزلك.. :D. |
اقتباس:
ليش لمّا حكو على حسن نصر الله بلّش الدفاع عنو وما بيصير تسبو ولازم تحترموا كرمالنا وبنفس الوقت هالشخص هاد بيكفر وهاد التناقض يلي أنا عم احكي عنو أنا فكرتي أبو طوني حط اصبعتك بعينك متل ما بتوجعك بتوجع غيرك والسلام ختام :D |
اقتباس:
المقصد يا كلّو بيحترم كلّو يا كلّو بيسب كلّو ومحدا على راسو ريشة :D |
اقتباس:
ياريت تتاكدي وتانيا انا اعترفت من خلال هالموضوع انو انا كنت بوقت من الاوقات متعصب لشخصية معينة بس بعد مافكرت بالموضوع لقيت انو هالتعص ماالو اي مبرر بس بعد ازنك رايح جيب الفرد وراجع لاتروحي:p :D |
اقتباس:
اما الحديث عن الشخصيات متل حسن نصر الله فما عم يكون ( هل أخطى ام لم يخطى ) او ( هل اتخذ قرارا صح ) بالأصل ما عم كون اسمه حديث :pos: وقت شخص عم يناقشك مستخدم تعابير ( ثور الله ) ... شو رب النقاش اللي ممكن ينبنى على هيك ارضية حوار ؟ التشكيك بالشخصيات من مختلف المجالات ووضع التساؤلات والنقاط على " قراراتها - اسلوب كتاباتها - خطاباتها - صوتها الغنائي " مو شي خطأ بس شتمها وتحقيرها يستدعي الرد القاسي بالنسبة الي خصوصا اذا كان شخص معجب فيه بصفة فردية . وان كان شخص ما بيعنيلي اكتر من انه بيكتب مثلا .. وقت بده يصير تهجم على شخصه بعيدا عن المجال اللي انا بناء عليه اعجبت بالشخص المعني .. بحكي عن حالي وبقول انه ردي حيكون قاسي وقاسي كتير . سلامي الك :D |
اقتباس:
في فرق بين أشخاص ..كتّاب..شعراء...زعماء عشائر....قادة طموحين ذوي أحلام ضيقة.... وبين أشخاص قادو أمم و شكلوها " وبايماني انن انبيا"... اقتباس:
:D |
الله يرضى عليكن ياشبيبة بلا مانفوت بالرموز الدينية بلا ماتقلب مدبحة هلا مابدنا الموضوع يتسكر من اول يوم
خلينا بالرموز المعاصرة او الرموز الوطنية الي بدكن ياه بس بعدولنا عالاديان |
اقتباس:
يعني برأيك احنا فينا اندافع من دون ما نجرح بطرف المغاير او من دون ما نستخدم نظرية المؤامرة ؟ ازا وصلنا هيك مرحله ممكن نتقدم خطوه لقدام وبجوز تكسب احترام الطرف الآخر لو ما كسبت تأيدو اما بالنسبه لرموز الدينيه اي شخص لاديني اكيد رح يشوف هيك رموز ما الها قيمة بس كمان هاد الشخص اللي بنادي بأحترام الآخرين ومشاعرهم بيدرك انو وقت يتكلم عن شخص متل سيدنا محمد ص جرح مشاعر مليار ونص انسان وقيس على هيك السيد المسيح او اي نبي |
من وجهة نظري ...
بتوقع المظلوم بكل هالقصة هو الله ... اي الله و لسبب بسيط .. أنو كلمة الله ... كلمة مطلقة عامة .. بتشمل جميع الأديان يعني لما حدا ( من أي دين كان ) بيسمع ما يسمى بالكفرية . أو مسبة الله .. مو كتير بينزعج .. أو بينجرح شعورو لأنو ما بحس بإهانة مباشرة على اعتبار أنو الله للكل ...و كلمة الله ما بتخص مجموعة معينة فقط بس لما المسلم بيسمع مسبة محمد أو المسيحي بيسمع مسبة المسيح أو أصحاب أي معتقد .. إذا سمعوا مسبة رمز معتقدهم .. رح يحسوا بإهانة كبيرة لهيك الله ... مو آخد نصيبو بتصنيف التابوهات |
سلام شباب كيفكن اليوم:D
رح احكي رأيي انا شخصيا بموضع يزن انا ما بحب حدا يسيء لاي شي بحبو ولا يسبو من ربي لنبيي لكل الانبياء للدين بشكل عام ولازم نقبل نتناقش باي شي بغير هالشخصيات و هاد ما بيعني انو ما نتناقش بافكارون حتى الدين نفسو و بهالحالة ما لازم نسب و نلعن \انا شخصيا ما بكفر ولا بخلي حدا يكفر عليي خصوصا اذا بيعرفني ويلي ما بيعرفني بنبهو عليها واذا تكررت بعتبرها مقصودة وهون اكيد بيكون الرد عنيف \ لانو شغلة المسبة و اللعن مو اسلوب نقاش بين البشر بالنسبة للبشر ما لازم يكون حدا مقدس و على قولة يزن الاحترام بيكفي و لما نشوف حدا محترم بالنسبة للي بيناقشنا ما لازم نوجه اي كلمة بيحسها اساءة طبعا نقاش الافكار و تحميلها الصح والخطاء ابدا ما لازم يعني الاساءة لشخصياتهون و يلي ما بيقبل يناقش هالاشيا بلا ما نناقشو منرتاح و منريحلانو شي :sick: |
لو ناخذ الامور من باب ثاني ..
نشوف التعصب و الحب الزائد تجاه الرموز ... يكون بالمعنى العملي مو حبا فيه و انما حبا بالتفاخر فيه على الاخرين .. و حب اظهار القوة الذاتية على مثل مشهور ... "القرعا تتباهى بشعر اختها" من ناحية اخرى ... النقد قد يكون بناء او هدام ... و لكن ليس من حق اي احد منع النقد بتاتا ... طالما هناك حياة يجب ان تكون هناك حرية فكر و خصوصا على الصعيد الشخصي بس مثل ما تنتقد هذه الشخصيات و الرموز ... لازم تتحمل النقد ... و اكبر مثال مثل ما تنتقدوا رموز السعوديين و الخليج ... لازم تتعلموا تقبل الراي الاخر ... لا تهميشه نقطة اخرى ... هي مو بالعدد مو يعني ممكن تنتقد و تتهجم على رمز من رموز طائفة صغيرة بالشرق الاوسط ... و ما ممكن تنتقد رمز طائفة كبيرة |
اقتباس:
انا بشوف انو ما في رمز معاصر فوق النقد بس لما بدنا ندافع عن اي رمز لانو منحبو او منحترمو بيجي شخص بيصير يتمسخر على هالشي منصير بارادتنا او بغير ارادة منساقين سوق لندافع عن هالشخص او هالرمز و بالحقيقة منكون عم ندافع عن افكارنا نحنا مو افكار هالشخص لانو ما منحب نطلع غلطانين قدام غيرنا وهون المصيبة يعني واحدنا بيفكر حالو فوق اي نقد |
اقتباس:
اقتباس:
اقتباس:
هلا ياصاحبي انت قلت انك مالازم نقبل النقاش بالانبية والله طيب مثلا انت بتامن بمحمد واجا شخص مابيامن فيه وحب يعرف اكتر عن محمد بروح بقلو انو لاوالله ممنوع نحكي عن الانبيا وعن الله هاد مو منطق ابدا ونفس الشي وقت بيجيك شخص ملحد وحب انو يفوت بنقاش حول الذات الالهية كمان بمنعو لا طبعا وحتى الانبية والرسل والرب وكل شي بهالكون مسموح فيو النقاش ولازم نتقبل النقاش فيهن هلا في نقطة حاب علق عليها وهي كمان مهمة كتير (من وجهة نظري) اقتباس:
اقتباس:
وهي الفكرة الي انا حاب اني وصلها :D |
اقتباس:
وقتا قامت مظاهرات وصار اشتباك مسلح وراح ضحايا يعني طيب بلاش هيك هلا تروح وتفوت على مخيم للاجئن الفلسطينيين وتحكي عن احمد ياسين كلمة غلط؟؟؟؟ هاموش: الشيخ احمد ياسين انا بحبو يمكن اكتر من اهلي |
اقتباس:
بزمناتي وانا بالجامعه كان عنا متطلب اسمو علوم عسكرية كل محاضرة بيجبولنا ضابط بشي اختصاص وبعطيها بالاخير بكون في اسئلة مرة طالب وقف وسأل هالضابط ليه لما حد يعني يسب شخص جلالة الملك بينشكا عليه وبتعاقب اما لما يسب الله ما بتعملولو شي قام قلو الضابط لسبب بسيط انو بالاولى بتروح الناس وبتشكي بس بتانيه ماحدا بيشكي مع انو الو عقوبه فهيك بتصوري اللي بيصير وقت ما يتعلق الامر بالله احنا اللي بنسكت او بنعتقد انو الله قوي ورح يعاقب الشخص اللي بيسب عقاب دنيوي واخروي |
اقتباس:
اي خيو ما علينا انا قلت ما بناقش وجود الله او نبوة الانبياء ما قلت ما بقبل ناقش يلي عطوه و قلت كمان انو النقاش بنتاج اي شخصية و مهما كانت اكيد لازم يكون مقبول و مقبول جدا رح اعطي مثال انا مسلم بحب النبي محمد و ما بقبل اي حدا يسبو قدامي بس بقبل ناقش اي حديث من الاحاديث المروية عنو و يمكن قول عن بعضها منسوب اليه \ يعني كذب \ وممكن ناقش اي حكم كان بزمنو يمكن اقنع مع يلي مقابيلي و يمكن اقنعو و يمكن يضل كل واحد على رأيو و كمان ما بيقبل اي شخص يسب النبي عيسى مع اني ماني مسيحي بالنسبة لشخصيات الزمن الحالي ما عندي اي شخص من يلي نحكى عنون مقدس بس اذا بحس و كمثال متل ما قلت انك بتحب الشيخ احمد ياسين ما لازم سبو و فيني قول انو اعمالو وافكارو ما بتعجبني و بحدد هالاعمال هي و هيك بكون اعطيت رأيي بدون ما يصير اي زعل بيناتنا و اذا كان كلامي ما بيعجبك بنهيه بكل بساطة ويلي ما بيقبلني هيك بلا ما وجع راسي معو يعني بكل بساطة عدم الاساءة المقصود فيها و بس عدم المسبة و السخرية و نقاش نتاج هالشخصيات الفكري و الاجتماعي كلو قابل للاخد و الرد |
هلق لما حدا بيسب على رب حدا فما بظن انو اي شخص لازم يتضايق لانو كل واحد بيجوز ربو بطريقة معينة وبيجوز يكون ربي اللي انا بعتقد في غير ربك
طبعا هاد ما بيبرر المسبات اللي هي ما بتدخل نهائيا ضمن حوار اما عن تقديس الشخصيات فهي نابعة انو هالشخصيات هي اللي منستمد منها افكارنا و تحيزنا و حتى احاسيسنا وهي موجودة بيناتنا فلهيك بتلاقي العالم بتبلش عصبيتها |
اقتباس:
بس انو الموضوع اللي صار فيو حكي بيني وبينك انحذفو الردود مشان هيك صار عندي لغط.. بعتذر.. بس الكلام نفسو ما اتغير اللي بيحكي كلمة مخط... بهي الطريقة عن شخص على اقل تقدير من عمر ابوه وميت بعد معاناه طويلة بالسرطان بعيد الشر عن ابوه بيكون عم يناقض حالو لما بيحكي عن احترام الأشخاص والخطوط الحمرا |
في فوق ألله بإصبعين هود شو وضعون زكاة عافيتك بس ؟!
|
اقتباس:
بالنسبة للي فوق الله باصبعين هدول مافينا نحكي عنن لانو اذا عرفو بيودونا رحلة الى ماوراء الشمس |
اقتباس:
يلعن هه:pos: |
اقتباس:
مابدك تعرف شو هوي التق ديس انا التق عرفتو انت الديس دقتو |
اقتباس:
. |
اقتباس:
في أحلا من عبادة السيكارة ليه ؟! |
اقتباس:
ما فهمت عليي عمو, انا بقصد انو هدول الجماعة "اللي فوق الله باصبعين" بيمارسو سلطوية اعطل من سلطوية الله على الأقل الله - والحق يقال - بيعطيك حرية التفكيروالتعبير اما السابق ذكرهم فما بيعطوك حرية التنفس.. اللي بدي اوصلو انو حتى السيجارة لو حدا اجبرك عليها ما راح يكون الها معنى. ملاحظة: اكيد ما في احلى من عبادة السيجارة. |
اقتباس:
أما الخطوط الحمرا ..فأنا كنت واضح جداً ..على ما أظن...خلينا نقول انو الشخصيات الدينية بدون استثناء هي خطوط حمرا.....أما باقي الشخصيات المعاصرة والتاريخية... من سياسيين لكتّاب لشعراء ...كلهن ناس عاديين ضرب الحظ معهون وصارو مشهورين .. وفي من امثالون كتير بالواقع و يمكن هون بالاخوية في كتير اشخاص بتماثلن و أحياناً بتتفوق عليهون بالاسلوب و المهارة الفنية ..فشو الداعي لتقديسون و كأنن ملائكة نازلين من السما... :D |
هلأ الي بيخلي الناس تدافع عن الأشخاص اللي بتحبا غالباً بيكون أسلوب توجيه النقد أكتر من موضوع النقد نفسه، لأنه المشكلة أنو اللي بدون ينقدوا أي حدا من الشخصيات العامة أو الدينية نادراً ما بيكونو موضوعيين أو حتى مراعين لحرمة الإنسان بنقدهن، يعني بغض النظر عن الأسماء والانتماءات السياسية والدينية، لازم نكرس ثقافة النقد دون التجريح وإثارة النعرات، يعني ما بعتقد أنو حدا بيحب السيد نصر الله وأنا منهن رح يزعل إذا حدا قال أنو غلط مثلاً بالتحالف مع فلان أو علتان، أو بأيا قرار تاني، بس لما يكون النقد على طوله أو عرضه أو تدويرة وجهه أو ما بعرف شو من الآراء التي عم يتحفنا فيها جماعات 14 آذار مثلاً، فهاد لا هو نقد ولا هو حرية شخصية، هاد حدا عم يجرب يعمل مشكل بإيديه وسنانو، ووقت يصير المشكل بيتحجج بحرية الرأي والديمقراطية وغيرها.
|
زميلي المحترم jimy
سوف أطرح عليك هذ السؤال وأتمنى منك الإجابة. أيهم أحق با لإحترام الخالق أم المخلوق...؟؟ |
ما عمري قدست حدا ولا في حدا بيستاهل التقديس ... في اشخاص بحترمهم بحبهم بس ما بقدسهم ...
وازا كان بقدس حالي...:larg: |
اقتباس:
ما بعرف تحديدا شو الاصد من السؤال يعني خليتني متل المعري لما آل:"تحيرت لا أدري صحيح الحقائق أنا خلقت الله ام هو خالقي" على كل مهما كان الاصد..فانتي لازم تحترم التنين سوا..وبما انو مافي درجات بالاحترام فانتي اما بتحترم او لأ.. فلازم تحترم التنين بالقدر ذاتو :D.. |
زميلي jimy
هذه مشكلة المواضيع التي يدلس فيها,لا أقول سوى هذا الكلام. |
| الساعة بإيدك هلق يا سيدي 19:37 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون