|
اقتباس:
|
اسمعو آخر خبر وشوفو مين الي بدو تصير إيران عدو للعرب والمسلمين
((حملت إسرائيل -بمختلف قياداتها- الاثنين على إيران وحذرت من "مخاطر" وجود إيران نووية، معتبرة أن ذلك إن تحقق فسيشكل تهديداً للولايات المتحدة وأوروبا والدول العربية ويهدد استقرار العالم. يأتي ذلك بينما أكد هؤلاء القادة أن إسرائيل ملتزمة بتحقيق السلام مع الفلسطينيين شريطة اعترافهم بيهوديتها. فمن جهته حذر الرئيس الإسرائيلي شمعون بيريز من أن وجود إيران نووية يهدد الولايات المتحدة وأوروبا والدول العربيةمثلما يهدد إسرائيل، وقال إن "القادة المتعصبين في إيران على الجانب الخاطئ من التاريخ". وأضاف في المؤتمر السنوي للجنة العلاقات العامة الأميركية الإسرائيلية (إيباك) المنعقد في العاصمة واشنطن، "إضافة إلى خيارهم النووي، فإنهم يستثمرون رؤوس أموال ضخمة في صواريخ طويلة المدى رغم أن بلادهم ليست معرضة لأي تهديد". وقال إن "إيران تمول وتسلح حزب الله في لبنان و(حركة المقاومة الإسلامية) حماس في غزة كي تنشر بين اللبنانيين والفلسطينيين، الفرقة والإرهاب"، مضيفاً أن "وكلاءهم يستهدفون الأميركيين والأوروبيين والعرب وغيرهم"، لكنه لم يدعُ لأي إجراء ضد إيران.)) رجاء الي رأيه إنه إيران تهديد لنا وليست حليف يكتب شي عن جد وما يقعد يتمصخر مشان ما يكون عم يحقق أحد أهداف إسرائيل وهو مانوحاسس:sly: القصة مو لعبة ومصخرة. |
اول شي مرحبا فادي .. طولت علينا الغيبة !!!
تاني شي للصراحة ما فهمت القصد من الموضوع . يا ترى انت متامل من ايران هيك لوجه الله تعالى تعمل شي كرمال العرب والعروبيين وقضيتهون ؟؟؟ يعني بستغرب هيك كلام فعلا ايران ما بتوقع رح تعمل غير مصالحها .... حاليا مصالحها بالعالم العربي كبيرة وهيي قادرة تستفيد من الشعور العام للشعب العربي تجاه القضية الفلسطينية وهيدا يلي عم تستغلو بالتاكيد بشكل كبير بس كمان هاد لا يعني انو الفلسطينيين واللبنانيين .. والسورييين بالتاكيد مستفيدين من هيدا الوضع لابيران وانها ساعدتون بشكل او باخر خلال الحربين الاخيرات على الاوائل .. والضغط العالمي ع الاخيرة .... اما الكلام من شكل الغاء اسرائيل ومحو اسرائيل كدولة مزعومة واللذي منو فهو حاليا نوع من المعمعة بسبب الحالة العامة يلي عم تواجهها ايران بموضوع النووي ويلي الاسرائليين عم يتابعوه بفزع كبير لدرجة ممكن يصير فعلا حرب عليها .. وهيي بهالشكل الدعائي عم تسبب كمان فزع بالمجتمع الاسرائيلي ...... يعني ما ممكن اني اتصور ايران انها تعمل شي بيفتح عليها ابواب المجتمع الدولي بشكل واسع للهجوم .. فابي حق رح تهاجم؟؟؟؟؟ بينما لو المواجهة بدات من الطرف التاني فرح يكون رد الفعل السلبي عليه .. وهيدا واضح من تصريحات الاروبيين والامريكان للحكومة الاسرائيلية الجديدة لما الموضوع بيتعلق بايران .. اا الكذب الواحيانة فانا ما بوجهو غير للعرب بشكل عام ولجزء من الفلسطينيين بشكل خاص .. لانو لما اهل القضية بينسوها ما عتب ع الاخرين تحية :D |
اقتباس:
ووقت الجزء من الفلسطينية المانسيو قضيتن يلاقو الكل ضدن رح يتعلقو ولو بقشة وايران اعطتن امل وامل كبير بدكن منا نصدق حكي السعودية الي تبرعاتها راحت لجيبة السلطة ولا نصدق مصر الي سكرت المعابر وقت كنا بامس الحاجة الها اتوقع هيك المنطق بيكون |
اقتباس:
|
كل واحد بيدافع عن ايران كأنها بلدوا ...و بفضل مصالحها على مصالح بلدوا ...بكون عم يتعاون مع دولة اجنبية ضد الشعب و التاريخ و القومية تعيت بلدو ...
و انا مشان هيك بلاقي مبرر اذا واحد تاني مثلا تعاون مع امريكا او بريطانية او حتى اسرائيل ...لأنو مشالله كل واحد فينا عندو دولة بيستقوي فيها ,,, ما تقولو مصالحنا و مصالح ايران مشتركة ,,,لأنو يلي بيقول هيك مع احترامي الكامل لرأيو بس ما بكون بيعرف شي بألف باء الفتنة الطائفية .. من جديد ... احذروا العدو الأيراني . |
خيو شو رأيكن نتحد مع اسرائيل ضد ايران على مبدأ عدو عدوك هوي صديقك
لك اطلعو من راسي لك كل كلمة حكاها بمؤتمر مناهضة العنصرية بتسوى عشرين زلمي عربي ولا حدا يرد عليي ............... |
اقتباس:
ايه مزبوط كل كلمة تسوى عشرين عربي والفرق بينو و بينهم هو ان هم لا بيحكو و لا بيفعلو بس هذا بيحكي و ما بيفعل ولا تواخذنا خيو رديت عليك يعني:oops: |
اقتباس:
هلق حطونا ع شي شغلة يعني فاذا بتشوفو انو ايران دعمت حزب الله وحماس بالحربين الاخيرات معناها انها بتعمل وبتسوى هالعشرين عربي واذا ما دعمتون ولا عملت شي ...... فليش هالهجوم عليها لا عم تتدخل بامور العشرين ولا شي فنقي انت شي وحدة:D |
اقتباس:
اي ويلي بيحكي هيك .. بيكون بيعرف الف باء الطائفية .. وبيعرف يشغلها كمان بس اكيد ما بيعرف الف باء السياسة .......:D |
يعني لحظة شوي إيران ما عم تساعد العرب لأنهن عرب
عم تساعدوهن لأنهن مسلمين تاني شي فلسطين(المسجد الأقصى) أولى القبلتين و ثالث الحرمين الشريفين فما معقولة إنه ما بدون شي غير مصلحتون كأنه العالم كلهم صارو يهود وإذا برأي البعض نحن مابنفهم شي بالطائفية يشرف ويفهمنا والي برأيوا أنه إيران تبع حكي بس فالشباب ما قصروا الي ما عاجبو حكيي أنا موجود ورح أتقبل نقده بصدر رحب ألف شكر للشباب الطيبة وعاراسي الشباب كلون |
نحنا منتشي و منسكر على الخطابات ...لسّا العرب رح يكسروا قواعد البيولوجيا و يصيرو يتكاثروا و يجيبو ولاد عن طريق الخطابات ...
بس بدنا نسمع واحد يتاجر برب القضية لنمشي ورا متل العميان ,,,و بأخر الدق بكون كتّلنا مي باردة و قلنا الله معكون ,,و بكون مشّى اموروا و فلسطين لساتها تحت الأحتلال ... بمناسبة الخطابات صحيح انا بنصح بخطابات ابن لادن ,,متأكد انو رح تنبسطو بهيك شي ..لأنو خطاباتو اقوى و اكثر زجلا ..يعني بدو يحارب الغرب كلو .. الأوروبيين ما صاروا بشر غير بعد ما اقتنعوا انو الدونكشوت يلي بدو يحارب طواحين الهوا مجنون ابن مجنون ,,,و رح يبقى عم يحكي ,,و الطواحين عم تدور ... |
بس ياحبيبي أنا بدي إنت تجاوب على هالكم سؤال
حزب الله كان بيقدر يأسر الجنود الإسرائليين ويوقف بوجه إسرائيل وما يسمح لها تحتل لبنان بدون مساعدة إيران العسكرية؟ وكان بيحسن يمنح المتضررين من هالحرب مساعدة مالية لولا مساعدة إيران المالية؟ قوى المقاومة بغزة, رح تقدر تمنع إسرائيل من إجتياح غزة لولا مساعدة إيران؟ لك يا أخي رئيس إسرائيل شمعون بيريز عم يقول إنه إيران عم تساعد قوى الإرهاب بالمنطقة على حد قوله بنجي نحن وبنقول إيران تبع خطابات رنانة فقط؟ |
صديقي أنا مابدي جاوبك بالنيابة عن إيلفانت أند كاستل باعتبار في خلاف مبدئي بالأراء بيني وبينو بس بدي جاوبك بشكل عام على النقط وياريت تتمعن منيح بهالكلام
أنا لما يكون رأي من نفس رأي أي طرف من الأطراف هالشي مابيعني انو انا شريكو أو موافقو على كل أفكارو بمعنى وقت إسرائيل عم تحارب انفلونزا الخنازير وسوريا عم تحارب انفلونزا الخنازير هل هالشي بيخلي سوريا واسرئيل حلفاء وشركاء؟؟ أميركا عم تحاول تلاقي حلول ظاهرة الاحتباس الحراري وأنا كمان بحاول ساعد بمعالجة هالموضوع هل هالشي بيخليني عميل لأميركا؟؟ بمعنى وقت أوروبا وأميركا بيقولو إيران خطر عليون وأنا بقول انو ايران ماعم تفيد قضايا العرب بشي هل هالشي بيخليني عميل للغرب؟ لاء ياعيني بس كل واحد بيحسبها من وجهة نظرو انت فيك تضمن بكرا؟؟ أخي بكرا ايران صار مشكل بينها وبين سوريا أو السعودية أو القرد الأحمر واستعملت هالسلاح النووي شو بيكون رأيك؟؟ يعني مابيكفينا اسرائيل؟ بحسكون عم تدافعو عن ايران النووية وكأنها سوريا النووية وكأنو الترسانة الإيرانية حتكون لإلنا... مابعرف بس أبسط قاعدة بالسياسة هي انو لافي أحلاف دائمة ولا عداوات دائمة... اقتباس:
بعدين في نقطة انت عم تقول انو مقدسات المسلمين بالقدس من واجب كل الإسلام يدافعو عنا.. وايران ليل نهار بتقلنا انو هي عندها مقدرة تنهي اسرائيل طيب ماتنهيها وتخلصنا؟؟ أخي مو مشان شي من باب الدفاع عن مقدسات المسلمين وانسالي العروبة والقضايا العربية.... يعني في شي غلط ماهيك؟؟ |
ماشي عزيزي ..رح جاوب على اسئلتك و بتمنى انك كمان تجاوب على اسئلتي بأخر الرد ..
ايران نعم ساعدت حزب الله و مستمرة بالمساعدة ,,بس في نقتطين حابب نتشارك انا و انتي بالحديث عنون اولا ايران مو بتساعد حزب الله ...ايران بتأمر حزب الله و هون في فرق هلئ ممكن حضرتك تقول انو شو العيب اذا كان امر ايران هو ازالة اسرائيل !! ..بالحقيقة كيان الأستكبار و الظلم الفارسي بحاجة لأوراق ليلعب فيها بالمنطقة ,,اولها حزب الله ..منضحك على الشعب المسكين و منخلي العالم تنقتل بحروب مو مدروسة ابدا و منظهر كمقاومين و منستغل هالشي لاحقا لتمرير امور اخرى بتجبر الغرب على التفاوض مع ايران مشانها ,,,بخصوص الملف النووي و غيروو ...هلئ ممكن قول انو اجتياح بيروت و التهديد بأسقاط الدولة بالبنان و انشاء دولة فارسية من الأمور الأخرى يلي ذكرتها قبل شوي ثانيا ..ا يران تركت الشعب المسكين (و ليس المقاوم) يموت بدون اي تدخل !! حتى النفط ما قطعوا ..فالمساعدة واضخ انو محدودة ولازم تعرف انو رح يتخلوا عن حلفاؤن بس البل يوصل لدقنون ... اذا بتاخدني بحلمك و بتجاوب عن هالكام سؤال .. كم عراقي مات بسبب ميليشيات الموت الأيرانية !! وين ما ايران وضعت ايدها الموت كان النتيجة و الحروب الأهلية و ءلك بالبنان و فلسطين و العراق ..و سوريا مستقبلا ..مثل واضح |
اقتباس:
|
كمان ما فينا نعلق كل مشاكل شعوبنا على شماعة ايران يعني لبنان من طول عمرها مسرح للمواجهات بين دول المنطقة وحتى دول العالم لأنه يمثل ساحة مفتوحة للعمل السياسي وبظل أزمة الانتماءات بالشرق الاوسط كل سياسي عم ينسج ع موال دولة.
والشعب الفلسطيني من أيام الفصائل بمية تنظيم ومية لون من اليسار المتشدد لليمين المحافظ يعني إذا كانو يعملولن شي خطف طيارة ولا عملية بالأراضي المحتلة يعملو ببعضن قدها وعشر مرات مو شي جديد. والعراق ضل محكوم بقبضة فولاذية أكتر من عشرين سنة شو بدك فيه يصير لما بيصير هالفلتان والفراغ السياسي والأمني الهائل يدجن بيوم وليلة مو معقول خصوصا إنو حال العراق من أيام نوري السعيد مقلقل. ايران ورقة ضغط وبديل عن دول المعسكر الشرقي بموضوع السلاح الخفيف والمتوسط إلها مصالح بالمنطقة وتطمح للعب دور اقليمي وتوسيع دورها الحالي. وبالنسبة لسوريا دايما منلعبها صح وأكبر مثال يوم كان في فرصة للمفاوضات خضناها بتركيا وتبعنا مصالحنا وخياراتنا وما مسكنا واجب لحدا بايران لانو بالنهاية ايران لا عندها أرض محتلة ولا هم يحزنون. بعدين ايران لا تملك هالمشروع السياسي الخطير لحتى نتخوف منها متل ايام الاتحاد السوفيتي ايران مشروعها ثورة اسلامية شيعية وهالشي ما بيتحقق بكل الدول العربية لانو مو كل الدول العربية عندها المقوم العددي على الأقل بالنسبة للطائفة الشيعية وطالما مشروع ايران بيقتصر على هذا الأمر فسوريا بخير من هالناحية. الموضوع بدو نظرة شاملة ما له وما عليه والأهم البديل يعني برجع وبقول ما بيصير نقدم لاسرائيل نتائج السلام بدون ما يعطونا السلام وبنفس الوقت خيار المواجهة بين الدولتين غير مطروح مع ميزان القوى المعووج. |
اقتباس:
|
يا عفو الله
|
اقتباس:
كلام منطقي ليش لننطر غيرنا يجي يقلعلنا شوكنا خلينا ننقد حالنا اولا واضح انو كلام الوزير الايراني للدعاية السياسية و رد على التصريحات الاسرائيلية التي تهدد بضرب ايران يعني والله عيب شو ماعملو الجماعة مو خالصين علما انو انا ما بوثق بحدا لانو السياسة بتعرف لغة المصالح فقط لاغير |
الرد
يا جماعة لك الله يخليلكن أهلكن أسئلتكن دائما مكررة يعني مو لازم كل واحد جاوبو لحالو
بس رايح جاوب:frown: للي عم يقول إيران ما عم يساووا شي أنا قلت قبل بهلأ ورح إرجع قول ما رح يساووا شي متل مو سوريا ما رح تساوي شي بتعرف ليش؟ لأنه ما بدهم يكبرو القصة بالوضع الراهن لأنه إيران لها حدود مشتركة مع أفغان ستان ومع العراق وسوريا لها حدود مشتركة مع العراق وإسرائيل يعني إذا صار شي قبل ما تنسحب أمريكا من العراق وأفغان ستان رح تمحى سوريامن الوجود(لا قدر الله):cry: ورح تمحى إيران من الوجودومشان هيك سوريا وإيران (الحلفاء وبأكد حكيي القمة بين أحمدي نجاد وبشار الأسد) وضعهم صعب كتير ما بدهم يساووا شي شغلة تستفز أمريكا وإسرائيل وما بدون كمان يحسسوا أمريكا وإسرائيل إنهم ضعفاء مشان ما تكبر القصة مشان هيك مستبعد يصير أي شي لحتى تنسحب أمريكا من العراق على الأقل وإذا بتنسحب من أفغان ستان بكون أحسن أما الي عم يحكي عن فرق الموت الإيرانية فالقصة كبيرة كتير ولها أبعاد سياسية وعسكرية يا حبيبي من لما صارت الثورة الإيرانية وأسقطو الحكم السابق(الي كان موالي لأمريكا)أمريكا قررت تعاقب إيران خصوصا إنه أمريكا كانت قد زودت إيران بأحدث الأسلحة في ذلك الوقت على أساس إنه إيران حليفة ولكن الإنقلاب حولها من صديق إلى عدو فصارت تشكل خطرا على المصالح الأمريكية في المنطقة فراحت لعند العراق (ورئيسه صدام حسين) و زودته بأحدث الأسلحة الفتاكة(ومنها الأسلحة الكيماوية) حتى يقضي على الثورة الإيرانية إلى الأبد ولكن إيران إستعانت بروسيا التي زودتها بأسلحة بل وحاولت بناء مفاعلات نووية ولكن صدام كان دائما يدمرها ودول الخليج العربي وقفت طبعا مع أمريكا وحاولت تشويه سمعة الإيرانيين بإستخدام الطائفية وبلا طول سيرة هي القصة مختصرة وإذا بدك ياها مطولة بنكتبلك ياها مطولة وهلأ بعد ما رديت عليكم(مع كل إحترامي وتقديري لكم) ممكن أعرف ردكم:larg: |
الرد
:pos:يا جماعة لك الله يخليلكن أهلكن أسئلتكن دائما مكررة يعني مو لازم كل واحد جاوبو لحالو
بس رايح جاوب للي عم يقول إيران ما عم يساووا شي أنا قلت قبل بهلأ ورح إرجع قول ما رح يساووا شي متل مو سوريا ما رح تساوي شي بتعرف ليش؟ لأنه ما بدهم يكبرو القصة بالوضع الراهن لأنه إيران لها حدود مشتركة مع أفغان ستان ومع العراق وسوريا لها حدود مشتركة مع العراق وإسرائيل يعني إذا صار شي قبل ما تنسحب أمريكا من العراق وأفغان ستان رح تمحى سوريا من الوجود ورح تمحى إيران من الوجود(لا قدر الله) ومشان هيك سوريا وإيران (الحلفاء وبأكد حكيي القمة بين أحمدي نجاد وبشار الأسد) وضعهم صعب كتير ما بدهم يساووا شي شغلة تستفز أمريكا وإسرائيل وما بدون كمان يحسسوا أمريكا وإسرائيل إنهم ضعفاء مشان ما تكبر القصة مشان هيك مستبعد يصير أي شي لحتى تنسحب أمريكا من العراق على الأقل وإذا بتنسحب من أفغان ستان بكون أحسن أما الي عم يحكي عن فرق الموت الإيرانية فالقصة كبيرة كتير ولها أبعاد سياسية وعسكرية يا حبيبي من لما صارت الثورة الإيرانية وأسقطو الحكم السابق(الي كان موالي لأمريكا)أمريكا قررت تعاقب إيران خصوصا إنه أمريكا كانت قد زودت إيران بأحدث الأسلحة في ذلك الوقت على أساس إنه إيران حليفة ولكن الإنقلاب حولها من صديق إلى عدو فصارت تشكل خطرا على المصالح الأمريكية في المنطقة فراحت لعند العراق (ورئيسه صدام حسين) و زودته بأحدث الأسلحة الفتاكة(ومنها الأسلحة الكيماوية) حتى يقضي على الثورة الإيرانية إلى الأبد ولكن إيران إستعانت بروسيا التي زودتها بأسلحة بل وحاولت بناء مفاعلات نووية ولكن صدام كان دائما يدمرها ودول الخليج العربي وقفت طبعا مع أمريكا وحاولت تشويه سمعة الإيرانيين بإستخدام الطائفية وبلا طول سيرة هي القصة مختصرة وإذا بدك ياها مطولة بنكتبلك ياها مطولة وهلأ بعد ما رديت عليكم(مع كل إحترامي وتقديري لكم) ممكن أعرف ردكم:larg: |
و الله انا بشوف الإعلام بيصنع الاوهام.. قاعد عم يصور إنو الفرس عم يدعمو العرب ,, بس هنن أكبر حاقد عليهن..و الدليل عرب الاهواز ازا بتعرفوهن
(هدول العرب ساكنين غرب ايران.و على الخليج العربي.. بس الحكومة لاعنة أبو سنسفيييلن.... لا مستشفيا ... لا مدارس .. .. ظلم و بطش ........لييش؟ لأنن عرب .. مع الاعتباار انو هدول العرب (عرب الاهواز) كلن شيعة يعني نفس المذهب ... وهاد اكبر دلييل على حقدن على العرب) بس يالله يا عميييييييي بيجين يووووووووووووووم |
يا حبيبي ممكن أعرف من وين جبت هالمعلومات؟
وبعدين ليش السعودية شو عم تساوي بالشيعة الموجودين عندها؟(مع إنهم سعوديين) |
رجااع لكتب التارييخ واطلع على سيرتن .. و اعميل سيرش علجوووجل على عرب الاهوااز واطلع على تصرفات الحكومة الايرانية..
و كمان شو ما عملت السعودية معهن.............. بتضل لأنو على اختلاف عقدي .. وفكري كبير معهن لأنو كل واحد بوااادي |
بالعكس يا حبيبي......إنت مفكر إنه فرق الموت (الشيعية) طلعت عبث؟ أبداً ما طلعت وما إستخدمت هي الوسائل القذرة إلا لأنه صدام(السني) ووراه دول الخليج(السنية) إستخدمت أوسخ الأسلحة الكيماوية وأقواها على الإيرانيين(الشيعة)وفوق كل هادا تم قمع السعوديين الشيعا فردت إيران على ذلك بقمع السنة (عفوا بس عندك خطأ إيران عم تضايق السنة في إيران وليس العرب والإنترنت مو مصدر موثوق)
أنا ماني عم دافع عن حدا بس مثل ما قلتلكن القصة كبيرة وعويصة والكل له إيد فيها والكل غلطان بس مو يعني إذا صار فتنة بين المسلمين (وهذا دورنا كأفراد) نقعد نسب هادا ونلعن هادا هي القصة أصلاً نتيجة للفتنة التي حصلت بين المسلمين في عهد علي بن أبي طالب و معاوية بن أبي سفيان وطبعا هي الفتنة فرقت الصحابة والتابعين فمين نحن لنحل هالقصة مشان هيك لازم ما نخوض ونحكي بهالقصص مشان ما تكبر الفتنة والي مو عاجبو حكيي المجال مفتوح للمدح والنقد |
الخلاصة يا حبيبي إنو اللعبة هلق صارت لعبة مصالح بالنسبة للعرب ..لانو اوضاعن متردية.... بس بتضل لعبة تصفية حساابات للغير .. و المتضرر الأول و الاخير العرب
|
اقتباس:
اقتباس:
بعدين في نقطة ليش ايران بيحقلها تحسب لما القصة تكون بتمس فيها مابتحب تستفز اسرائيل وأميركا (غير بالكلام طبعاً) أما لما يكون حياة شعوب تانيه بالدق "متل اللبنانية والفلسطينيين" بيصير مسموح استفزاز اسرائيل وأميركا؟؟؟ أخي النقطة الأساس انو الايرانية أخديننا ورقة لتحقيق مصالحون ويصدف انو مصالحون بهالمرحلة بتندرج تحت صيغة خطابات رنانة نحنا عاجبيتنا ومنساقين وراها على عماها.. طيب واذا بكرا تغيرت مصالح ايران شو منعمل بحالنا؟؟ اقتباس:
اقتباس:
|
شباب دخيل عينكون الموضوع سياسي بحت ياريت ماتفوتونا بقصص طائفية ومذهبية وقلي لقلك على إعتبار المشاكل يلي عم تعملها هالدول ماعم تعملها أبداً تحت أي هدف ديني أو مذهبي وإنما عم تنعمل تحت أهداف سياسية رخيصة...
|
بالعكس يا حبيبي المفروض بدل ما نصر على الخطأ المفروض نصلحه
ليش مثلا نسيت شو ساوى المؤمون بالي ما كانو يؤمنوا بخلق القرآن؟ خلاهن ينسوا حليب أمون وساوى فيهن الي ما بيخطر لا عالبال ولا عالخاطر بس بمجرد ما تولى المتوكل الخلافة مع إنه على مذهب أخوه رفع العذاب عن الي ما بيؤمنوا بخلق القرآن ومع الوقت تصالح الطرفين وما سقطت الخلافة العباسية بالآخر إلا على أيدي التتار ولو بصير نفس الشي هلأ وبقررو السنة والشيعة يتصالحو(وهالشي مستبعد لأنه الدول السنية هلأ متحالفة مع أمريكا) رح تنتهي الفتنة بس مع ذلك نحن ما لازم نكبر الفتنة وبضل السنة والشيعة مسلمين مهما حاربو بعض وبما أن إيران هلأ عم تحاول تصلح الوضع لازم ما نواجهها بالرفض ولا نتعامل معها بمبدأ المصالح ولكن لازم نتعامل معها بفتح الصدور من طرف وبحذر من طرف وبما إنه إيران أثبتت صدقها حتى الآن لازم نضل معهم ونصدق بنوايانا نحن التانيين بعدين لحظة ياأخي مين أحرص دولة على العروبة والوحدة العربية مو سوريا؟ لو حست سوريا إنه هي القصة بتأثر على العروبة كانت أول المحذرين من إيران بس متل ما قلتلك القصة مذهبية |
وللي عم يقول إنه إيران بتساوي وبتقرر على كيفها فبدي قلك حسن نصر الله هو الي إتخذ قرار أسر الجنديين الإسرائليين وبالعلامة إنه بعد نهاية الحرب سمى عملية الأسر بالغلطة وقال لو كنا بنعرف إنه الرد رح يكون بهالقوة ما كنت أمرت بتنفيذ العملية
وبعدين ما سمعت عن إنه هالعملية خططت لها إسرائيل قبل عمليةالأسر وإنه شغلة إنقاذ الأسرى لاقوها حجة وعلى ما يبدولي إسرائيل كان فكره تستغل شغلة وجود الجيش الأمريكي بالمنطقة مشان تحسن تحتل لبنان بدون ما حدى يسترجي يفتح تمه بس والحمد لله خطتهم فشلت وأما غزة فكمان كان القرار مو قرار إيران بل قرار إسرائيل التي قررت تعاقب الفلسطينيين لأنون ما مددو الهدنة معهم رجاء يا شباب خلي حكيكون مبني على معلومات واقعية مو على توقعات وظنون مع إحترامي لكل الشباب الطيبة |
اقتباس:
ايه مزبوط ايران دعمت حزب الله و شفنا شلون الشعب اللبناني تحمل النتائج من دمار و طائفية وهجرة و احمدي نجاد عم يطلق تصريحاته الرنانة و لا على باله لا خسران احد من شعبو و لا مصاري من جيبتو. اذا بدو يدمر اسرائيل خليه يدمرها بس مو على حساب لبنان.. وبالاخر ايران عم تلعب لعبة طائفية قذرة و تمارس علينا سياسة الاستجحاش.:D عالهامش ما بتذكركم تصريحات احمدي نجاد بواحد متلو كان بيطلع عالتلفزيون من كم سنة و بيطلق كمان تصريحات رنانة و طلعت تصريحاتو لا تمت للصحة لا من قريب و لا من بعيد. بس يا خوفي كانو بيروحو عالمدرسة مع بعض ليتعلمو اطلاق هالتصريحات الرنانة و يطلع حكي نجاد ضر** ما يقلي بيض. |
للي بيظن انه إيران خلت لبنان يدفع ثمن أخطائه
الرد عليك مكتوب فوق يا شباب ببوس إيديكن مو كل مرة بدنا نعيد نفس الحكي ما بدنا نكرر نفس الحكي كل مرة الي عنده رد يقرأ الحكي السابق بعدين إزا ما لاقى حكيو مكرر 100 مرة يكتب رده والمجال مفتوح للجميع وأنا مستعد للرد على تساؤلات الجميع |
اقتباس:
بالنسبة للموضوع .. برأيي الكلام ما عليه جمرك .. ان كان بعبعة وحكي فاضي ... او كان جد ... بالنهاية بيضل كلام ... وان كانت ايران برأيكن ما عم تفيدنا.. بس ماني حاسس انو عم تضرنا ..:? بس شو مشان كترت المواضيع عن ايران والتحذير منها وهاللعي الفاضي ....:? الله يرحم وقت كانت تنزل مواضيع عن السعودية :lol: |
سوريا مو حليفة ايران ...النظام السوري هو يلي عم يتحالف مع ايران لخدمة مصالح بقاؤو ..و هون في فرق كتير كبيير ...و جوهري .
هلئ من حقي عبر عن امتعاضي من علاقة العبودية بين النظام و ايران ..لأنو مؤذي لسوريا .. ما حدا اخد رأيي او رأيكم كسوريين بالتحالف هاد..ولما التحالف بيفرط لأي سبب ,,,كمان ما حدا رح ياخود رأينا ,,, يعني نحنا لعبة .. بحس انو في محيطات بيني و بين كتير من السوريين ..ما بعرف ليش ..انا ما بكره بلدي ..بس بكره الظلم يلي عم يصير ببلدي و ما بكره الشعب كمان ,,بس بكره طريقة تفكير الأغلبية او ,,بلأحرى بزعل لما بشوف انو نحنا السوريين عم نسعى للوراء بكل طاقتنا .هلئ يمكن طريقة تعبيري ما بتعجبكن حتى و لو كنتو مأمنيين بنفس الفكرة ! صح يمكن ما بصير احكي بهيك طريقة بالكنيسة او بالجامع او بأي اجتماع حزبي ..بس انا هون بأخوية بحس انو عندي هامش من الحرية بيتقبل انو الشخص ينتقد من دوون اطلاق صفة العمالة الجاهزة عليه احترامي للجميع خصوصا Iam Sam ما في شي شخصي بلأخير |
إلىElephant And Castle
يا حبيب قلبي أنا من جهتي خود حريتك معي (وبرأيي ما بيجي من الحبيب شي غريب) بس يازلمة إنت مانك حابب إيران خير شر وما باعرف ليش بس الي باعرفو إني(إن شاء الله) وضحتلك كل شي من وجهة نظر ناس كتير أنا كنت عم تابعون وصراحة أنا عايش بالسعودية بس كل عطلة صيفية بإنزل على الشام وشفت رأي العالم بالشام وشفت رأيهن بالسعودية وصراحة وبعد كل هالحكي الي قيل لي ونقلتلكن إياه إقتنعت تمام الإقتناع إنه الخطر الإيراني وهم بأنفسنا فقط لا غير وإنه محاولات التخويف من إيران ما وراها غير إسرائيل وهالحكي قالو أحد المساعدين لأنور السادات,,قال إنه إسرائيل رح تخوف دول الخليج من إيران لحتى تضطر دول الخليج بالآخر أن تطلب المساعدة والحماية من إسرائيل وإذا صار هالحكي رح ننسى شي إسمه تحرير فلسطين لعدة قرون الله يكون بعون الجميع وألف شكر للشباب الطيبة ومتل ما قالElephant And Castle بنقول احترامي للجميع ومافي شي شخصي بالأخير |
اقتباس:
مين قال هالحكي .. لو لقيت علاقة عبودية .. ما كنت شفت مباحثات سلام غير مباشرة بين سوريا واسرائيل .... وما كنت شفت سوريا راحت على مؤتمر (والله نسيت شو اسمو ) ... بس بتزكر في انو اولمرت كان بدو يسلم على الرئيس بشار بس دار ضهرو وما رضي يسلم عليه .... وايران كانت مقاطعة هالمؤتمر المهم نحنا مو بهالنقطة بس هالشغلتين بيدللوا انو سوريا مانها عبدة لايران او غيرها .. وقرارها بايدها :pos: ما لقيت وين العبودية يلي عم تحكي عنها ! :shock: تاني شي بالنسبة للكلام الملون بالاحمر ... بستغرب كيف اعترفت انو الاغلبية من الشعب السوري .. مع هالتحالف(يلي قصدك فيه السعي إلى الوراء) .. مع انك باول الرد كنت ناكر هالشي ! :? يعني انت ازا كنت سوري ... فا بظن انك معتبر حالك من الاقلية يلي ضد هالتحالف ... وبيضل هاد رأيك وانت حر... وما رح تقدر تأثر على رأي الاغلبية (طبقاً لكلامك ) :pos: |
اقتباس:
من الأحرى انو ايران تساعد نفسها بالأول قبل ما تساعد غيرها ,,,يعني بمقارنة بسيطة منلاقي انو ميزانية ايران يلي معظمها عم تروح عل تسلح ما بتطلع شي ابدا قدام ميزانية اي دولة من هدون الدول يلي عم تحط راسها براسون ,,لهيك اي مواجهة خاسرة بالتأكيد ,لأنو الحروب مو عبارة عن خطابات و كلام رنان ... هدا بخليني شك انو ايران هدفها النهائي المنطقة العربية و البوابة للدخول هي هل حروب الكلامية مع يلي ما بتقدر عليه بالحقيقة .. اذا الأيراني عم يعيش بفقر و بطالة و كبت للحريات (الأنتخابات شكلية بظل حكم ولاية الفقيه) ...فكيف منتأمل منو انو يعطينا الشي يلي ما بيملكوا ... الشي يلي ما بفهموا ليش التعلق و الأستماتة بالدفاع عن ايران و اتهام كل شحص بشوف انو ايران عدو بالعمالة ...يعني بتبقى دولة اجنبية بالنسبة النا ...ما نا دولة شقيقة او ما شابه ,,, عنجد هدا الشي بخليني اتعجب ,,,و اكتر من انو اتعجب !! |
اقتباس:
الشي العجيب.... هو الدول "الشقيقة" اللي ما بعرف شو شقّها :pos: . |
رداً على الاخ العزيز wile
تصحيح لبعض الحقائق...ودعوه للاخ الكريم ان يتعب قليلا في البحث عن الحقيقة او ان يبداء من بداية القصة الى اخرها ثم يستنتج الحقيقة منها اقتباس:
اقتباس:
اقتباس:
الشيعة في السعودية في عام 81 ميلادي حين طلب الخميني تصدير الثورة هم اول من استجاب لهذه الثورة وصدقها وقاموا المضاهرات حين كانت المنطقة على كف عفريت حينها قمعت المضاهرات ولو تضاهر السنه في اي مكان في السعودية لقمعوا وانت عايش في السعودية وتعرف هذه الحقيقة ..الحكومة تمنع المضاهرات حتى ولو كانت لأجل الرسول محمد (ص)او ابو بكر او عمر على اعتبار انها حكومة سنيه..مو هييييييييييييك اقتباس:
اقتباس:
اقتباس:
لتاريخ....اسرائيل لا تحتاج لحجج طالما جيرانها عرب |
| الساعة بإيدك هلق يا سيدي 19:29 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون