اول شي بيلفت النظر بالنقاش اللي عم يصير هو ازدواجية المعايير اللي نحني منتهم الغرب فيها و نحني ما في اشطر مننا فيها.

يعني ماحدا بينظر لموضوع احداث الثمانينات الدامية او سنوات الدم متل ما سماها نزار نيوف , على انها مأساة وطنية مو بس بسبب الاعداد الهائلة من السوريين اللي راحوا فيها و اللي يمكن تاريخ سوريا الحديث ما شهد متلها, وانما بسبب الشرخ الطائفي و الاجتماعي اللي سببتو بالمجتمع السوري

انما معظم الشباب براين انو كل القصة انو عصابة الاخوان العميلة متل ما ضلينا نردد من صف الاول للبكلوريا بمدارسنا هي السبب وهي بتتحمل وزر كل اللي صار و المثقفين اللي قتلون الاخوان والسيارات المفخخة وغيرو وبنفس الوقت ما حدا بيقدر يتذكر اكتر من 15 الف شاب اختفوا بالسجون, عشرات الاف الناس اللي ما كان الها علاقة بالاخوان و انقتلت او اعتقلت بناء على الهوية الطائفية اللي شاء القدر انها تطابقت مع الهوية الطائفية اللي ادعوا الاخوان انن بيمثلوها

الاخوان المسلمين مجرمين؟؟....... اكيد وارتكبوا جرائم ما بتنعد يمكن اكبرها برايي انو ما خرجن يشتغلو بالسياسة مشان هيك النظام استفاد كتير من غبائن و لولاهن ما كان قدر حافظ الاسد يفرض سيطرتو المطلقة على المجتمع السوري, بس بنفس الوقت لو حدا قارن جرائمن باداء الدولة الفظيع اثناء الازمة بتطلع متل اللي عم يقارن صواريخ حماس بالاسطول الجوي الاسرائيلي اثناء حرب غزة



عن جد بتمنى لو ينفتح موضوع بيسرد بطريقة موضوعية ومن مصادر متعددة تتابع الاحداث بهديك الفترة .

أولاً الإخوان المسلمين هم من بادر بالعنف وهم من ابتدأ الاغتيالات (جريمة مدرسة المدفعية).

تانياً إذا كان عنفهم نتيجة رد فعل نتيجة التعامل معهم بوحشية فياحبذا تفسرلي اغتيال دكتور مدرس بالجامعة مثلا لمجرد إنو غير سني شو يعني مثلا دكاترة الجامعة هنن يلي اعتقلوا الاخوان أو كانوا مثلا عم يعذبوهن إغتيالات الاخوان كانت مبنية على الطائفية قبل التعامل معهم على هذا الاساس وهنن يلي اغتالوا على الهوية الطائفية ولا مثلا اغتيال عمال النظافة لانهم موظفين او لتجريب المسدسات كان رد فعل على تعامل عمال النظافة الوحشي مع نفايات الإخوان مثلا.


ونهاية أي خلاص هذا الذي جلسوا مع خدام لايجاده تلاقح الفساد مع الاجرام هذا يثبت ألا مبدأ لحركة الاخوان المسلمين سوى مبدأ الوصول للسلطة.

بما أنو تلت ارباع الكرة الارضية بتكره الأخوان وبتحقد عليهم شو رأيك تنصحهم يلموا سكاكينهم وقنابلهم ورصاصهم
وينشلفو لشي كوكب غير الكرة الارضية يعني هنيك بيعيشو على راحتهم بدون مايموت اغلب سكان الارض

وشخصيا برشحلكم كوكب الشمس مناسب جدا لنشاطكم الدومي

وبتعملو بروفا بتاخد رجلكم على جهنم الحمرا

يا أخي أنا بحبك :D
هلأ اذا بدنا نفوت بمتاهات الديمقراطية و شو هي الديمقراطية مصيبة
يعني بزمانو حكى ياسين باحد مدوناتو عن تقبل الاخر و رفض الخر و قال وقتها انو أنا بيحقلي ارفض الاخر و ما اتقبل رايو لحد معين لا يمكن تجاوزه و هالحد بينتهي لما أنا باسعى لالغاء الاخر فما ممكن برأيي هالنوع يللي عم تحكي عنو يا ناي من الديمقراطية يتطبق ببلدنا بوجود فئة من الناس تسعى لالغاء الاخر لاي سبب كان و مشان التيارات يلي حكيتي عنها يلي ما دعت لاستخدام السلاح فهدول برأيي كانوا عم يسعوا لالغاء الاخر بتهميشوا مثلا يعني مو الموت بمعناه الحرفي
و دمتم و دامت أخوية:D

الاخوان المسلمين الاسم للتمويه وخصوصا المسلمين من اجل ائارة النعرات الطائفية اما المضمون هم حركة قيادية مقتادين من قوة اكبر للتمويه و وكثير من السوريون انضحك عليهم باسم الاسلام وبالاصل هم لا يمتون للاسلام بصلة هم مسيرون من حكومات لنيل مغارض ولزرع فتنة وكتير من الابرياء راحو ضحايا وحتى المنضمين للاخوان انضحك عليهم وائاروا فيهم النخوة باشاعة ان فلان من غير طايفة قتل فلانة واغتصبا وهيك يثيروا في شهوة القتل والفتنة بين الشعب السوري ولكن الشعب السوري كان اقوى منهم

أولاً :حسن هويدي مات الله يرحمه
تانياً: عدنان سعدالدين فصل من حماعة الأخوان المسلمين
تالتاً :هاد الكلام صرلوا زمان ومابعبر عن قيادة الاخوان الجديدة

الأخوان راح يتعاملوا بطائفية لأنو النظام عاملن بطائفية عام 82
يعني النظام هوا اللي زرع وهوا اللي راح يحصد
وعاشت حركة الاخوان بعزتها وكرامتها فوق كل ظالم ان شا الله في هذه البلاد

أيوا ... والشعب لعبة بين إيدين الجوز ... فينا نقول ... فأر التجارب لاختبار مدى قوة التنين

يعني اذا انا بكون علوي ولا شيعي و لا مجوسي.........ولا بل اي أنتماء.......بيحئ لجماعة الاخوان ئتلي......ليش دائما بدنا نتم بتفكير الطائفي مو حاجتنا الي صار فينا والي عم بيصر

ليه مابتعرف انو يلي كنت عم ترد عليه اعلاه .. قبل هلاء قال انه بدهم يرجعو ويقتلو كل العلوية ؟؟؟
يعني ماشالله مشروعهم كتير ظريف بيقتلو و بيخلصو عل العلوية ويكملو عل الشيعة وبوجههم عل المرشدية والبهائي والسماعيليةواليزيدية والدرزية والمسيحية طبعا براس القائمة بعد العلوية وبعدين بيصفى السنة وكمان مارح يشبعو دم لانهم وحوش مصاصين دماء وبيحلو بدم السنة وهيك بتخلص البلد هاد هو المشروع تبع الاخوان

وين بدهم يرجعوا الله لايردهم مابدنا ياهم ببلادنا اصلا مالهم سوريين حتى هنن مو معترفين بالجنسية لشو بدهم يرجعو منشان الحكم ؟؟ بعيد عن سنانهم كتير

بكرهكم ياوحوش

الاخوان اليهود الاخوان المسيحيين الاخوان المسلمين

انتم وباء حل على بلدي سوريا

قبلكم كانت سوريا على علاقة مباشرة مع الله بل كان الله على علاقة مباشرة مع سوريا او لنقل كانت العلاقة

متبادلة هي تقدم له الفكر وهو يقدم لها الخير علاقة انجبت اعظم مهندسي العالم القديم وانجبت اعظم فلاسفة

العالم القديم انجبت اول مقطوعة موسيقية مدونة في التاريخ في نينوى واول قصيدة شعر في ارواد وجاء فيها

الله مااروع ماجاء فيها لنكسر السيوف والرماح لنحطم الات الحرب ونصنع منها الات الزراعة وصنعو المحراث الاول في

العالم

سوريا بغنى عن خدماتكم اتركوها وارحلو الى بلاد لاتحب الله انما تحب الاديان بلاد لايحبها الله لانها تحب الاديان

اتركوا سوريا للسوريين قبلكم كانت سوريا تنشر الله على الكون بعدكن اصبحت تصدر الارهابيين

خذوا انبياءكم وقديسيكم وحاخاماتكم وفقهاءكم واتركو سوريا والله اتركو الله وسوريا هو يعطيها الخير وهي تعطيه

الفكر والحق والجمال

بمدرسة المدفعية لما اغتالت حركة الاخوان المسلمين العميلة شبابنا يلي تجندو ليخدموا الوطن كانوا شو عم يحصدو وينك ووين الـ82 بس فعلا الاخوان قتلوا عن أبو جنب ما فرقو مسيحي علوي سني قتلو الكل لذلك ممكن تعتبر الاخوان ما تعاملو بطائفية اطلاقا بموضوع القتل.

والصراحة عزة الاخوان مع خدام كانت فائقة البركات جزيلة الكرامات مبدئية جدا حيفكن انسحبتو.


مازالت أيادي الاخوان تقطر دماءاً سورية....

:D اتركوا الله لسمائه و اعملوا لجناته و دعونا نعمل لسوريا

سؤال بما ان الموضوع انفتح وانفتح
سوريا محتضنة مكاتب حركة حماس .. وبنفس الوقت في صراع سوري داخلي مع الاخوان !!

منقدر نقول النظام عما يبحث عن السلطة المطلقة وهدفه الاطاحة داخليا على كافة التنظيمات غير الموافقه اله ؟
وبالتالي اسطوانة الاخوان مجرد شماعة للحفاظ على زمام الامور

ولا فعلا النظام بيعتمد على عزل خلية الاخوان كفكر سياسي من الوسط السوري على مبدأ اللي بجرب مجرب .. عقله مخرب .

والله كنت بتمنى جاوب يا ابو الشباب.. بس انا عايشة بالشام.. يعني ابسترجي:cry:
يلا بخلي دور لغيري:larg:

مافي علاقة تنظيمية بين الاخوان و حماس (او اخوان فلسطين), يعني تقدر تقول اخوان سوريا طول عمرهون شوي ع جنب إلى حد ما, يمكن بس مع اخوان الأردن (و السعودية طبعاً) في علاقات اذا مو تنظيمية على الأقل في تبادل زيارات و خدني جيتك(و السواد الأعظم من المبعدين عايشين بالأردن و السعودية و الباقي بأوربا و أميركا), لكن مع اخوان مصر و حماس مافي شي يجمعهون غير الاسم تقريباً, و مبادرات الاخوان هي جزء من محاولة للتقرب من حماس و اخوان مصر للركوب على موجة التقبّل العربي و الاسلامي الكبير لهالحركتين..

أنا مقتنع انو عملياً هلأ ما حدا خايف من الاخوان, لأنو ما عادو هنن رموز الاسلام السياسي بصيغتو الأكثر تزمّتاً, بالعكس في هلأ مين هو ألعن و ألعن مثل التيارات التكفيرية السلفية اللي حتى الاخوان المسلمين و حماس كفرة بالنسبة الهون...

هدول اللي يخوفو و الله يا خال...

بغض النظر عن العلاقات بين الحركات
الادبيات والايدولوجيات مشتركة بين كافة احزاب الاخوان ولا في اختلاف بيناتن ؟
التوجهات ممكن تختلف من تنظيم لآخر وهاد الشي جدا مقبول بحكم اختلاف الظروف
بس لازم يكون في خطوط عريضة وواضحة بيشترك الكل فيها ...

في حال كانت حكومتنا معترضة على الخطوط العريضة .. فيفترض تكون معارضة كافة اشكال تجمعات الاخوان المسلمين اللي من ضمنا بتم ادراج حماس ..

وكون في تقبل للتوجهات العامة والاختلاف كان قائم على الرموز والممثلين والمعطيات المفروضة بحينها فيفترض ينعطى للأخوان فرصة جديدة على الأقل ليثبتوا كفائتن واختلافن عن اخوان الـ 82 .

كقناعة شخصية بعيدة عن منطق هل يحق للاخوان الوجود ام لا يحق
من جهتي ما بقدر اتقبل الاسلام السياسي شو ما كانت تكون صيغته .. على الأقل بالفترة الحالية
مجرد فكرة تبني وجهة نظر دينية شو ما كانت تكون بتنرفزني وبتصيبني بالغثيان لأن بعرف مسبقا شو آلية التعامل مع كافة الأقليات او كافة الملل المغايرة للمنهجية الاسلامية المتبعها الحزب
وانت قلتا .. السلفية حاليا تعتبر الاخوان كفرة .. فكيف فيها تتعايش مع الأبعد من الاخوان .. مع الاشخاص اللادينيين او حتى ذوي الاديان المختلفة :pos:


لا تقوليا :cry:
انا جوا البلد :sick:
قولتك راحت علي وقوم ابدا ضب شنطتي بزيارة عاجلة لبيت خالتي :lol:

قبل أن أعبر عن رأيي يجب أن أشير لنقطة وهي أن أخوان سوريا مجرد فصيل آخر في مكان آخر يؤمن بأدبيات الأخوان العريضة ، سواء ألتقوا " سياسياً " مع بعضهم أم لم يلتقوا ، فأخوان سوريا ، وحماس ، مجرد شقين من أساس عقائدي واحد ، وان لم يلتقوا سياسياً ويتعاونوا لضروف أخرى .

أما بالنسبة للنقطة المثارة ، لا يعبر عن فكر الأخوان المسلمين بهذه البساطة او التسطيح ان جاز القول والسبب ليس كفائتهم السياسية أو تجربتهم بحد ذاتها أو أرتباطهم بالإسلام السياسي وعلى ذلك بالقتل والاجرام ، فالنقطة التي يجب أن لاتغفل أبداً أنه لا يوجد اسلام مثالي متعالي لا يتأثر بالزمان والمكان سواء كان اسلام آيدلوجي أو سياسي ، ولا يمكن للإسلام أن لا يتأثر بالصراعات الاجتماعية ذاتها ، وعلى ذلك من يتتبع مرحلة الإخحوان المسلمين في سوريا سيجد أنهم فصيل يعبر عن طائفة ما بلحظة ما ، انفجر الفصيل غضباً وشعبية في آن واحد تحت حكم جديد بطبيعته الإجتماعية على الناس ، أو السواد الأعظم من الناس .

ولكي لا أشتت الموضوع سأذكر بعض النقاط سريعاً ،
1/ معروف أن قيادات الإخوان المسلمين في سوريا وأنصارها هم ابناء المدن الكبرى وأبناء المدنية العريقة ، وهم بالرغم من ذلك يعملون في التجارة ومعروف أن التاجر " براغعماتي " .
2/ الإخوان المسلمين فصيل متزمت ولا شك من ذلك ، لكن لو قرأنا الوضع ككل ، سنجد أن المساجين الآخرين بالمجمل " سنة " ، وهذا ماورد مؤخراً في كتابات عبدالرزاق عيد حيث ذكر ، أن حافظ الأسد حول تدمر لسجين سني " بعثي / شيوعي / اخوان " ، وسجان علوي ، وعلى ذلك نقول بأن حزب الأخوان سيكون رأس الحربة مباشرة لأنه التعبير الأشمل عن هذه الطائفة .
3/ أنتجت فترة الصراع بالمجمل أدب متعاكس ، واحد يندد بالديكتاتوريات والسجون والظلم ، وهو بخطابات متعددة ، شيوعية ، علمانية ، اسلامية ، بالمجمل أدانت السجان والقيادة الحاكمة وحملتها المسؤولية ، وآخر حمل الإسلام المسؤولية لما طفى من أدبيات في تلك المرحلة واغتيالات مختلفة باسم الاسلام ، والخطابين لا يختلفان على مسألة أن يوجهوا نقدهم لضرر حدث أو يحدث الآن ، وعكس بصورة ربما تكون لاواعية هذين الخطابين رؤية مرعبة للمواطن السوري البسيط ، فإما الدكتاتورية وأما التطرف والارهاب ، وهذه نظرة تحتاج لإعادة نظر .


تحياتي

هالموضوع طويل عريض و تشعباتو كثيرة لأنو صعب تحكي عن "النية المفترضة" بالمصالحة هلأ و ما تحكي عن اللي صار بأول الثمانينات.. و هلم جرّاً

موضوع الاسلام السياسي... أنا ما بحبو... أخي ما بطيقو, سياسة مع دوغما ما بيمشي الحال, ما بتزبط معي... لكن الاسلام السياسي حالياً هو واقع مفروض علينا بدءاً من تحركات المشايخ لمنع مسرحية لسعد الله ونوّس (أي هاد أبسط أشكال الاسلام السياسي, معليه لا تآخدونا على التشبيه) و نهاية بسياسات الدول, و هالواقع المفروض بدك يا أما تتعامل معو يا أما تحاربو يا أما تتجاهلو و تهمشو...

و أعتقد انو أخطر الحلول هو الثالث, و الثاني ما يتطابق مع نظرتي للحياة (نظرتي أنا كرأي شخصي, اللي ما بتهم حدا طبعاً) و انو الحل اللي يفرض نفسو هو الأول... بك تلاقي صيغة لتتعايش مع اللي كرهانك و كرهانو بما يضمن حقوقك و حقوقو... ما فينا نفصّل وطن بمخيلتنا على مراقنا و نمسحهون منو...

الأخوان المسلمين حفظهم الله عبارة عن حركة سياسة متل اي حركة سياسية
وانفصالهم عن جبهة الخلاص يؤكد ديموقراطيتهم حيث ظهر مؤخراً
ملفات تورط عبدالحليم خدام بأحداث حماة ايام ماكان محافظ حماة
وبقول لصاحب الموضوع ومرة تانية انو اللي عبحكي عنن واحد الله يرحمه وواحد انفصل من الجماعة
يعني هاد الكلام ابدا ما بعبر عن القيادة الجديدة للأخوان يعني ازا في كلام جديد يحكيه
مو كلام من قبل مدري كم سنة .
ودامت حركة الأخوان تدافع عن عزرها وشرفها وكرامتها

لا القصة مو هيك .. بس كنت بدي احكي شي معين...

انا بأيدك من جهة اعطاء فرصة للاخوان رغم انو على الصعيد الشخصي متلك تماما ضد اي تحزب بيحمل صيغة دينية..
وخاصة انو البيانوني متل ما حكيت سابقا كان من التيار الرافض لاستخدام العنف .. قبل اي شي لازم يصير مراجعة للاحداث واعترافات بالاخطاء اللي :Dحصلت

هلأ فطنو عليه يعني؟

ذكرتني بكيف طلع كل الغسيل الوسخ تبع خدام بعد ما انشق! انو هلأ اكتشفو انو الو ايد؟ كل سوريا تعرف انو كان من الكبار أيامها يعني اذا مو مسؤولية مباشرة في مسؤولية أخلاقية...

الله يرحم اللي ماتو بحماه و يصبّر أهاليهون عاللي بيتاجر بدمهون حسب الأذواق... قال ظهرت مؤخراً... هيه

ثوب الاخوان مخروق بألف ثقب ولا مجال لترقيعه لا مبرر للجرائم التي ابتدئوا بها ولا مبرر لتحالفون مع خدام ومل تحركاتهم في الخارج ليست سوى بروباغاندا عقيمة لن تقدم ولن تؤخر.

وأسجل احتجاج على المشاركات الطائفية الجارحة هذا ليس حوار هذا صراع ديكة ومن المعيب الاستمرار بهذا الشكل دون معايير وضوابط أخلاقية.

مو ع أساس بدهون دولة ديمقراطية و مؤسسات و كل هالحكي هاد؟ معناتا هاد أمر يخص القضاء... مو غزو قبائل...


و للا كل ما سلف أمبلاج؟ أنا هيك شايفلك..

بس بدي انصحك نصيحة يعني اذا انت كنت مبعوث الامم الأخونجية الدموية للآخوية عشان تدافع عن الاخونجية بحب قلك انك فاشل فاشل ونصيحة خليهم يبعتوا حدى فهمان لانو بصراحة كتير عم توسخ صورتهم اكتر مالها وسخة
يعني كل شي الاخوان عم يحاولو يغطوه ويخبوهمن جرائمهم انت بذكائك الرهيب :lol: عم تفضحهم وتكشفهم وتكشف مشروعهم الوسخ


اي ودامت سوريا لكل السوريين (انتبه) السوريين

عطوني المختصر مشان افهم عليكون

شو هدف الاخوان المسلمين ؟


وشو هو الشي المفيد الي بدون يعملوا من اجل سوريااااااا؟

شو هو دستورن وقيمون وشعارون؟؟

واهم شي سوريا وين منهون؟؟

مرة أخرى لا للنداء لطائفية بيننا....وتحيا سوريا.......سوريا ولا شيء غيرها

طائفية ؟!؟!
انه طائفية بمعنى الطوايف والانقسامات الدينية ؟!
في ظل الردود اللي قبل وفي ظل الموضوع الاساسي بقلك التعامل مع الاخوان ما بتم على اساس طائفي او على اساس ديني متل ما البعض بيتصور ، بأكتر من محل تم تسمية نظام الحكم " بالعلوي الطائفي " بسبب الصراع اللي صار بأول التمانينات مع الاخوان وانا شخصيا ضد هلتسمية وضد نسب قصة وجود الأخوان لأصول دينية .. مع اني برفض الاحزاب الدينية وبرفض وجودها وافكارها بس لما محاربتا نابعة من خطأها بالتقدير وخطأها بالاستراتيجيات .. اكيد ما نابعة من اعتناقها الدين بحد ذاته كدين .

هامش : كل العلاك المصدي اللي كتبته انا فوق مسحوب في حال كان الرد المقتبس مدرج بسبب احد الردود الطائفية المحذوفة :p

لك ابو طوني..........أنا بسكر وأنت بتدوخ شي؟؟؟؟؟!!!!!!!!!!!!:shock:

لا ما قصة سكر
قصة ان ردك بخصوص الطائفية ما كتير استوعبته
لأن الحديث عن حزب سياسي لا يمد للطائفية بصلة
وان كان الحزب ذو افكار متشددة دينيا ومتزمته مذهبيا بيبقى النقد موجهة للأيدولوجية وليس إلى المذهب المتبع
وصلنا لبعض ولا كيف :lol:


هامش : شهيتنا على كاس بآخر هليل .. كاس فرحتك :D

لك كان في رد بدو يطهر البلد من كلشي الا الاخوان المسلمين هاد الي ئصدتو وين طار؟؟؟؟؟؟؟؟؟:o
وبدو يبلش بل العلوية هي عا ما أذكور بأخر لمبة شغالة بهل النافوخ:?
وكاسك ابو طوني
ويسعد اوقاتك:D

هلق هو بدو يطهر كل البلد بما فيها النسوان؟؟؟؟؟

هلأ كيفكون يا أخوان


تحيا سوريا

أهلين ساتو مان وينك افتكرت رحت بالحوادث توقفت كثيرا قبل أن أرد على هذا الموضوع , ولماذا موضوع الإخوان من جديد , وما هي الفائدة إذا كنّا كشعوب لا نتعلم من دروس التاريخ , فلماذا نقوم بنبش هذا التاريخ الذي لا نستفيد منه إلاّ من روائحه العفنة , لنكمم أفواهنا , أو بالأحرى لنحافظ عليها مكممة من مئات السنين وننبش مع النباشين هل الإخوان تنظيم سياسي , نستطيع أن نتحاور في أهدافه ومبادئه , وطرق الوصول إليها , ام أنهم مفوضون من الإله الكلي القوة بقيادتنا بعيداً عن ناره وإيصالنا إلى طريق البر والسلام ونستمتع في الختام بجناته ونشرب من نهر الخمر والعسل ونستمتع بالجنس المقدس مع الحوريات والغلمان , نعم ومع الغلمان أيضا .... ؟؟؟ هل تطورت نظرتهم أو تغيرت بعد ما حصل ابتداءً من منتصف السبعينيات وحتى منتصف الثمانينيات من القرن المقبور ؟؟؟؟ هل كان الوضع العام في البلد قبل قيامهم بما قاموا به يستحق الفعل الذي حصل ؟؟؟؟؟ هل كان هناك تمويل خارجي لما قاموا به ومن موّل العمليات ؟؟؟؟؟؟ هل كان هناك ربح وخسارة . ومن ربح ومن خسر من هذه المذابح والمعارك لو افترضنا جدلاً أن النظام في سوريا قد وقع في أخطاء لا تحتمل قبل بدء الأحداث , فهل طريقة الرد كانت صحيحة ومحسوبة أم أنه الإلهام الإلهي أم أوامر الله الذي لا يخطىء ؟؟؟؟؟؟؟؟؟ أولاً وأخيراً أقول كل الضحايا هم مواطنين سوريين فالخاسر كان الوطن في كل الأحوال ؟؟؟؟ هل استفاد الإخوان من الدرس وهل استفاد النظام من الدرس ؟؟؟؟؟؟؟ كترنا أسئلة لا تواخدونا خيو , اليوم عطلة وادعولنا الله لا يريح واحد متلي وقعدو بلا شغل

انا اعترض وبشدة:pos:شغال الحذف؟!!
اخر خبرية الأخونجية عم يضاربو على ديتول
بدهم يطهرو البلد من كل البلد ماعم يقتنعوا انو سوريا بلد الياسمين بلد بتعشق الحياة
مافي مكان فيها للماعز وبيوت الشعر وهبل الرعيان وتخلف القبيلة مافيها مكان للجواري والعبيد مافي مكان لخناجرهم المسمومة ولآياديهم الموسخة بالدم السوري
سوريا لكل السوريين صح بس لكل يلي بيحبوها واكيد هنن مو منهم

الله يحميكي ياشام ياجنة الياسمين ورح تبقي جنة الياسمين مهما حاولو الشياطين

والله شو مصدر معلوماتك يا ريت توثق خبرك او بلا علاك مصدي
بس كمان هنن سوريين متلك ومين قلك انن عايشين او بدهم يعيشو الناس بخيم هلا هون بالمنتدى مصدر معلوماتكم عن الاخوان عن طريق وسائل الاعلان بكافة اشكالها المختلفة والمتفقة على تشويهم
بس بقطع ايدي ازا 90% من الاعضاء بأخوية تعالمو مع الاخوان عن قرب شوفو قناة الجزيرة انجح قناة حتى عمستوى العالم كتير من مذيعينها اخوان لو ما بيصرحو و الشهيد طارق ايوب اخوان و زوجتو كمان تعرفو عبعض بمسيرة وكتير تفكيرهم راقي
سامي الحاج اللي ضل اكتر من سنه بغوانتانامو ممتنع عن الطعام وندفعلو فلوس كتير وما سلم اي معلومات
شو كمانات لما تحكو عن الناس احكو بموضوعية مشان وقت يصير عنا موضوعية بجوز نبطل دول عالم ثالث
عارفيين بيعجبني بالاجانب بحكو سلبيات وايجابيات الناس سواء اعداء او رموز وطنية

ما في داعي نحتك فيهم

ببساطة حزب الاخوان المسلمين عم يطرح مشروع ما بناسب غالبية المجتمع السوري ..
و نحنا منحكم عليه من خلال مشروعو .. و الفكر يللي عم يطرحو ( لحتى ما نفوت هلأ بمتاهة الممارسات يللي صارت عالأرض و نشوف الحق على مين )