أخوية
الصفحة 2 من 4 < 1 2 34 >
عرض 40 مشاركة من هذا الموضوع في صفحة واحدة

أخوية (http://www.akhawia.net/forum.php)
-   اخبار الفنانين و النجوم (http://www.akhawia.net/forumdisplay.php?f=28)
-   -   شوفي عالهوا (http://www.akhawia.net/showthread.php?t=119529)

باشق مجروح 30/04/2009 00:09
بكرة الساعة 9.30 المسا بتوئيت الشام . موعدكون ع قناة mbc مع حلئة جديدة من مسلسل ( اهل الغرام ) واسم الحلقة حيرت قلبي معاك . بطولة مكسيم خليل و ايفيلين حسن .
كونو ع الموعد .

suzaan 30/04/2009 00:32
عن جد شي حلو أكيد رح شوفها يسلمن باشق

باشق مجروح 30/04/2009 14:39
السبت الساعة 7.30 المسا بتوئيت الشام . الاعلامية بروين حبيب على قناة دبي ببرنامجا ( نلتقي ) بتستضيف الفنان السوري جهاد سعد .
/ لمحبي الفنان كونو ع الموعد /

باشق مجروح 01/05/2009 01:03
اقتباس:
كاتب النص الأصلي : باشق مجروح (مشاركة 1258108)

بكرة الساعة 9.30 المسا بتوئيت الشام . موعدكون ع قناة mbc مع حلئة جديدة من مسلسل ( اهل الغرام ) واسم الحلقة حيرت قلبي معاك . بطولة مكسيم خليل و ايفيلين حسن .
كونو ع الموعد .
اقتباس:
كاتب النص الأصلي : باشق مجروح (مشاركة 1258108)


حبيت اعتذر ع خطأ ناجم عن دعاية الـ mbc
الحلئة الي نعرضت اسما ( سهار بعد سهار )
:D

باشق مجروح 07/05/2009 19:08
الليلة ع الـ mbc 1 بتئدرو تتابعو ع الساعة 9.30 المسا بتوئيت الشام . مسلسل أهل الغرام 2 . الحلقة اسما / ليلة عيد / بطولة اندريه اسكاف و سوسن ميخائيل .
كونو ع الموعد.

باشق مجروح 08/05/2009 00:11
اقتباس:
كاتب النص الأصلي : باشق مجروح (مشاركة 1261877)
الليلة ع الـ mbc 1 بتئدرو تتابعو ع الساعة 9.30 المسا بتوئيت الشام . مسلسل أهل الغرام 2 . الحلقة اسما / ليلة عيد / بطولة اندريه اسكاف و سوسن ميخائيل .
كونو ع الموعد.
اقتباس:
كاتب النص الأصلي : باشق مجروح (مشاركة 1261877)


لأنو الحلقة رائعة جداً جداً :cry:
حبيت خبر الي ما حضرها عن موعد الاعادة
بكرة الجمعة الساعة 4 المسا بتوئيت الشام .

رجل من ورق 08/05/2009 12:53
حلقة اكتر من رائعة

باشق مجروح 08/05/2009 14:33
اليوم الساعة 3 الضهر بتوئيت الشام ع قناة أورينت / المشرق / . برنامج حكاية سورية بيحكي عن الموضة بسوريا وتطورها عبر السنين ..
كونو ع الموعد .

..Jimy 08/05/2009 15:05
حكاية سورية (الموضة)
هلئ

باشق مجروح 08/05/2009 15:10
اقتباس:
كاتب النص الأصلي : ..Jimy (مشاركة 1262281)
حكاية سورية (الموضة)
هلئ
الشباب الي طلعو بأول الحلقة بنوب ما حبيتون :p . وخصوصاً هادا الي مع رفيقتو .

-----------------

حبيت ذكر بموعد اعادة اللقاء المميز مع الفنان جهاد سعد ببرنامج نلتقي مع بروين ع قناة دبي الفضائية ع الساعة 5.30 المسا بتوئيت الشام .

Reemi 08/05/2009 16:04
اقتباس:
كاتب النص الأصلي : باشق مجروح (مشاركة 1261986)


لأنو الحلقة رائعة جداً جداً :cry:
حبيت خبر الي ما حضرها عن موعد الاعادة
بكرة الجمعة الساعة 4 المسا بتوئيت الشام .
وينا مو طالعه :x

باشق مجروح 08/05/2009 17:24
اقتباس:
كاتب النص الأصلي : Reemi (مشاركة 1262294)
وينا مو طالعه :x
لك هيك كاتبين بالموقع شو بعمل انا :cry:
ع كل لحتى اطلع من الاحساس بالذنب خدي شوفيها هون :

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

باشق مجروح 08/05/2009 18:08
عم ينعرض ع الـ mbc او رح يبدى عرض المسلسل السوري الرائع ( برأيي :oops:) ليس سراباً . من السبت للأربعاء الساعة 5 بتوئيت الشام مع اعادة يومية الأولى : الساعة 2.45 بنصاص الليالي . والتانية : 7.30 وش الصبح .
المسلسل الي هوي من بطولة عباس النوري و كاريس بشار و سلوم حداد و لورا ابو اسعد وخالد تاجا
بيحكي بجرأة عن واقع المثقفين بالمجتمع الي عم يعاني من انغلاق تدريجي و مستمر . و بيناقش بموضوعية الفكر الديني والحريات والديمقراطية والحب وكتير قضايا مهمة و حساسة .
بتمنى من كل الي ما تابعوه برمضان وبعد رمضان يكونو ع الموعد ويتابعو هالمسلسل وما رح يندمو ابداً .
:D

..Jimy 08/05/2009 22:35
اقتباس:
كاتب النص الأصلي : باشق مجروح (مشاركة 1262284)
الشباب الي طلعو بأول الحلقة بنوب ما حبيتون :p . وخصوصاً هادا الي مع رفيقتو .
ولا مرة حضرتها من بدايتها:cry:..مبارح كان عندي استاذ الرياضيات واليوم ما لحقتها من الأول:cry:..
بس أنو ..وين كنا ووين صرنا:p:pos:..

اقتباس:
عم ينعرض ع الـ mbc او رح يبدى عرض المسلسل السوري الرائع ( برأيي ) ليس سراباً . من السبت للأربعاء الساعة 5 بتوئيت الشام مع اعادة يومية الأولى : الساعة 2.45 بنصاص الليالي . والتانية : 7.30 وش الصبح .
المسلسل الي هوي من بطولة عباس النوري و كاريس بشار و سلوم حداد و لورا ابو اسعد وخالد تاجا
بيحكي بجرأة عن واقع المثقفين بالمجتمع الي عم يعاني من انغلاق تدريجي و مستمر . و بيناقش بموضوعية الفكر الديني والحريات والديمقراطية والحب وكتير قضايا مهمة و حساسة .
بتمنى من كل الي ما تابعوه برمضان وبعد رمضان يكونو ع الموعد ويتابعو هالمسلسل وما رح يندمو ابداً .
برأيي هاد اقوى مسلسل انعرض بتاريخ الدراما السورية..
بس ما كنت متوقع ينعرض غير عالقنوات السورية:?..و متوقع الأورينت تعرضو قريبا:larg:..
بس انو لو بعملولو جزء تاني.. بتقوم الدنيا وما بتقعد:p..

باشق مجروح 09/05/2009 00:01

اقتباس:
عم ينعرض ع الـ mbc او رح يبدى عرض المسلسل السوري الرائع ( برأيي ) ليس سراباً . من السبت للأربعاء الساعة 5 بتوئيت الشام مع اعادة يومية الأولى : الساعة 2.45 بنصاص الليالي . والتانية : 7.30 وش الصبح .
المسلسل الي هوي من بطولة عباس النوري و كاريس بشار و سلوم حداد و لورا ابو اسعد وخالد تاجا
بيحكي بجرأة عن واقع المثقفين بالمجتمع الي عم يعاني من انغلاق تدريجي و مستمر . و بيناقش بموضوعية الفكر الديني والحريات والديمقراطية والحب وكتير قضايا مهمة و حساسة .
بتمنى من كل الي ما تابعوه برمضان وبعد رمضان يكونو ع الموعد ويتابعو هالمسلسل وما رح يندمو ابداً .
اقتباس:
برأيي هاد اقوى مسلسل انعرض بتاريخ الدراما السورية..
بس ما كنت متوقع ينعرض غير عالقنوات السورية..و متوقع الأورينت تعرضو قريبا..
بس انو لو بعملولو جزء تاني.. بتقوم الدنيا وما بتقعد:p..
فعلاً مسلسل عظيم يا ريت يشوفو كتير عالم .
للعلم المسلسل انعرض على كتير محطات فضائية عربية :
دبي - ليبيا - قطر الفضائية وهلق ع الـ ام بي سي 1

--------------------------------

بكرة الساعة 10.30 بتوئيت الشام ع قناة أورينت الجزء الأول من الفيلم الفرنسي المأخوذ عن رواية فرنسية بعنوان اتصالات خطرة وهي ترجمة اسم الفيلم
Les Liaisons Dangereuses

كونو ع الموعد

هاموش :
موقع القناة مكتوب الموعد 10 .. بدعاية الفيلم 10.30 بئا انا اخلي مسئوليتي :p

zen 09/05/2009 01:35
حكاية سورية كااان حلووو اليوم
و فيلم
Les Liaisons Dangereuses
أكتر م رائع
مو نصيحة تفوتو عليكون
ميرسي صافووو

..Jimy 09/05/2009 17:30
موسيقى من بلدنا
مع طاهر مامللي
------------------------------
الأحد (بكرا) الساعة 11:00AM المسا بتوقيت الشام :gem:.. عالأورينت (Orient Tv)..

المبدع السوري طاهر مامللي..يلي ابدع الموسيقى والموسيقى التصورية لعدد من اجمل مسلسلات الدراما السورية:D..متل:

:hart: احلام كبيرة:sosweet:
:hart: اهل الغرام:sosweet:
:hart: ذكريات الزمن القادم
:hart: بقعة ضوء
:hart: الشمس تشرق من جديد
:hart: عصي الدمع
:hart: التغريبة الفلسطينية



كونو عالموعد :D..(فعل امر هاي كونو عالموعد:sly: وإلا بلعن سلسفيل سلسفيلكن:p)

باشق مجروح 10/05/2009 21:47
فتى الشاشة كمال الشناوي ع المشرق اليوم الساعة 10 المسا بتوئيت الشام ببرنامج اوتوجراف .
الساعة 11.30 بتوئيت الشام كمان المسا ع قناة ابو ظبي مسلسل منمنمات اجتماعية بس شو هي الحلقة ما عرفتلكون .
واكيد جيمي مشكوراً خبر عن موعد برنامج موسيقى مع بلدنا مع طاهر مامللي . فـ شوفو مجبرين احسن ما يلتعن سلسفيل سلسفيلنا :p

كونو ع المواعيد .

أم الجود 10/05/2009 22:27
انو .... كان لازم خبركون من قبل بس أنا هلأ ت صار معي خبر ..

فضل شاكر :sosweet: عم يطلع هلأ هلأ ببرنامج تاراتاتا على قناة دبي ... و شكلي روحت شوي من أول الحلقة ..

حدا بيعرف ايمتى بتنعاد ؟؟؟

باشق مجروح 10/05/2009 22:36
اقتباس:
كاتب النص الأصلي : أم الجود (مشاركة 1263365)
انو .... كان لازم خبركون من قبل بس أنا هلأ ت صار معي خبر ..

فضل شاكر :sosweet: عم يطلع هلأ هلأ ببرنامج تاراتاتا على قناة دبي ... و شكلي روحت شوي من أول الحلقة ..

حدا بيعرف ايمتى بتنعاد ؟؟؟
الحلقة بتنعاد السبت الجاية الساعة 2 الضهر بتوئيت حلب :p
انو احلى شي بالحلقة مشاركة وعد البحري .
:D

..Jimy 10/05/2009 23:13
حدا يسجلها ولو

nour333 10/05/2009 23:15
اقتباس:
كاتب النص الأصلي : أم الجود (مشاركة 1263365)
انو .... كان لازم خبركون من قبل بس أنا هلأ ت صار معي خبر ..

فضل شاكر :sosweet: عم يطلع هلأ هلأ ببرنامج تاراتاتا على قناة دبي ... و شكلي روحت شوي من أول الحلقة ..

حدا بيعرف ايمتى بتنعاد ؟؟؟
مع انو فضل مو كتير باللقاءات
اقتباس:
كاتب النص الأصلي : باشق مجروح (مشاركة 1263374)

الحلقة بتنعاد السبت الجاية الساعة 2 الضهر بتوئيت حلب :p
انو احلى شي بالحلقة مشاركة وعد البحري .
:D
ليه خط الاستواء صار يمر بحلب

أم الجود 10/05/2009 23:21
اقتباس:
كاتب النص الأصلي : باشق مجروح (مشاركة 1263374)

الحلقة بتنعاد السبت الجاية الساعة 2 الضهر بتوئيت حلب :p
انو احلى شي بالحلقة مشاركة وعد البحري .
:D
و أغلظ شي انو اللي عم تقدمها رزان مغربي :frown:

انو معقول ما لقوا حدا أنظم منها ؟؟!!!

يعني أكيد بدي تابع الحلقة كلها كرمال فضل بس يظهر بدي سف علبة حب تحت اللسان ت ضاين للأخير :sick:

nour333 10/05/2009 23:29
اقتباس:
كاتب النص الأصلي : أم الجود (مشاركة 1263395)
و أغلظ شي انو اللي عم تقدمها رزان مغربي :frown:

انو معقول ما لقوا حدا أنظم منها ؟؟!!!

يعني أكيد بدي تابع الحلقة كلها كرمال فضل بس يظهر بدي سف علبة حب تحت اللسان ت ضاين للأخير :sick:
يلا كرمال الورد بنتحمل العليق
بس بدي اعرف موعد اعادة منمنمات اجتماعية
وازا حد حضر حلقة إلا امراتين يقلي

باشق مجروح 11/05/2009 01:20
:lol:
انو مشان رزان المغربي ..
.........

الي ما حضر حلقة منمنمات اجتماعية ( صدى الصمت ) راح عليه نص عمرو . حلقة عظيمة وبتبكي :cry:

.....

am stories ع أورينت بكرة الساعة 11 المسا بتوئيت الشام بتحكي عن الاطفاء و وظروف عملهون بالليل .

كونو ع الموعد

nour333 11/05/2009 09:04
اقتباس:
كاتب النص الأصلي : باشق مجروح (مشاركة 1263449)
..
.........

الي ما حضر حلقة منمنمات اجتماعية ( صدى الصمت ) راح عليه نص عمرو . حلقة عظيمة وبتبكي :cry:

.....
حضرتا حلقة صدى الصمت وقت يكون مكسيم خليل اطرش بتحزن كتيير

بس باشق ازا احضرت حلقة إلا امرأتين بدي اعرف شو صار بآخرها ولا بروح علي نص عمري

باشق مجروح 11/05/2009 14:17

اقتباس:
بس باشق ازا احضرت حلقة إلا امرأتين بدي اعرف شو صار بآخرها ولا بروح علي نص عمري
بآخر الحلقة بعد ما بيكون تقريباً كل ثنائي كانو بالسهرة المشئومة انفصلوا عن بعض . طلاق او هجر او شك قاتل .
بتزيد المطالبات على ابو البنت وعليها نفسها لاعلان هالامرأتين الي خانو ازواجهم . فـ بتضل مخبية الموضوع بعدين بتعلن انو كان عندها بحث بالجامعة عن العلاقات الزوجية والروابط قديش ممكن تكون متينة وعملت كل هالشغلة بالاتفاق مع زوجها مشان الاختبار العملي والنتائج تكون دقيقة .
طبعاً بعد ما الكل بيعرف أكتر النسوان ما بيرضو يرجعو لأزواجهون و وحدة منهون بتروح بتحبس المرة الي اخترعت كل القصة بالفيلا مع جوزها وبتقتلهون . وبتخلص الحلقة .


-----------

اليوم الساعة 5.10 العصر بتوئيت الشام . اعادة حلقة اوتوجراف مع كمال الشناوي ع المشرق .
والأربعاء الساعة 8 المسا برنامج ليالي السمر ع قناة ابو ظبي بيستضيف نبيل شعيل و شذى حسون .

فـ الي مهتم يكون ع الموعد

nour333 11/05/2009 15:05
اقتباس:
كاتب النص الأصلي : باشق مجروح (مشاركة 1263702)

بآخر الحلقة بعد ما بيكون تقريباً كل ثنائي كانو بالسهرة المشئومة انفصلوا عن بعض . طلاق او هجر او شك قاتل .
بتزيد المطالبات على ابو البنت وعليها نفسها لاعلان هالامرأتين الي خانو ازواجهم . فـ بتضل مخبية الموضوع بعدين بتعلن انو كان عندها بحث بالجامعة عن العلاقات الزوجية والروابط قديش ممكن تكون متينة وعملت كل هالشغلة بالاتفاق مع زوجها مشان الاختبار العملي والنتائج تكون دقيقة .
طبعاً بعد ما الكل بيعرف أكتر النسوان ما بيرضو يرجعو لأزواجهون و وحدة منهون بتروح بتحبس المرة الي اخترعت كل القصة بالفيلا مع جوزها وبتقتلهون . وبتخلص الحلقة .


-----------
لك تسلم انا حضرتو وتوقعت هيك يطلع الموضوع بس عنجد منمنمات اجتماعية مسلسل رهييييييب
وهاي الك بشوق:D

angel cherry 11/05/2009 15:57
هاي يا حلوين

بما انو حاطين سيرة الأقنية هون

بدي اسألكن شو صار بـ

أهل الغرام " الجزء التااني " ؟؟

كان يطلع

يوم الخميس 9:30 على mbc

خلص ؟؟ ولا لسة عم ينعرض ؟؟

لان راح علي وما شفت الا حلقتين

:(

ولو بتعرفو قناة تانية عم تعرضه قولولي بليييز

..

سلامي

marioma alghzayala 11/05/2009 16:32
اقتباس:
كاتب النص الأصلي : باشق مجروح (مشاركة 1263449)


.........

الي ما حضر حلقة منمنمات اجتماعية ( صدى الصمت ) راح عليه نص عمرو . حلقة عظيمة وبتبكي :cry:

.....
مبارح حضرناها انا وسارا

بس انو ما حبيت كيف تركتو اخر شي ...وتطلقوا ...يعني كان فيا بكل بساطو متل ما ردت عالعالم من اول مرة فيا ماترد تاني وتالت وخامس مرة ...دامن بحبوا بعض وبموتوا ع بعض ...

انو كتير كانوا لزيزين.....وتعلمت لغة الاشارة كرمالو..وفرجونا انو ضلوا سني سوا واكتر ..يعني مافي شي بعيقن... ماحبيت النهايي :pos:

nour333 11/05/2009 17:47
بس تعليق على حلقة صدى الصمت هيه وقت ارتبطت فيو فكرت انها بتحبو وبس بس الواقع انو احنا ما فينا نعيش من دون ما نتأثر بالمجتمع لهيك وقت نختار الشريك بنشوف اللي بناسب الناس مو اللي بناسبنا لهيك ما قدرت تكفي معو واصلا هو ما قدر يستمر معها شعر انو كرامتو بتنجرح .
بس شفت الحلقة تزكرت ابن عمتي متل حالتو ما رضى يرتبط بوحده بتسمع ومع معارضة اهلو اصر ياخد وحده متلو لأنو ببساطه بدو انسانه تكون متلو حتى تفهم عليه

أم الجود 11/05/2009 17:47
اقتباس:
كاتب النص الأصلي : angel cherry (مشاركة 1263754)
هاي يا حلوين

بما انو حاطين سيرة الأقنية هون

بدي اسألكن شو صار بـ

أهل الغرام " الجزء التااني " ؟؟

كان يطلع

يوم الخميس 9:30 على mbc

خلص ؟؟ ولا لسة عم ينعرض ؟؟

لان راح علي وما شفت الا حلقتين

:(

ولو بتعرفو قناة تانية عم تعرضه قولولي بليييز

..

سلامي

فيكي تشوفي الحلقات كلن

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -


:D

zen 12/05/2009 16:08
اقتباس:
كاتب النص الأصلي : marioma alghzayala (مشاركة 1263767)
مبارح حضرناها انا وسارا

بس انو ما حبيت كيف تركتو اخر شي ...وتطلقوا ...يعني كان فيا بكل بساطو متل ما ردت عالعالم من اول مرة فيا ماترد تاني وتالت وخامس مرة ...دامن بحبوا بعض وبموتوا ع بعض ...

انو كتير كانوا لزيزين.....وتعلمت لغة الاشارة كرمالو..وفرجونا انو ضلوا سني سوا واكتر ..يعني مافي شي بعيقن... ماحبيت النهايي :pos:
:cry::cry::cry::cry:
يخرب بيت هالحقلة لهلاء متأئر فيها:frown:
خروووق محسوبكون
:cry::cry::cry::cry:
بس مريومة
بجوز النهاية ما عجبتنا
بس انا بحس انها نهاية طبيعية مع اني ضدها:pos:
اصلان وانا عم شوف الحقلة وصلت لأكتر من نصها وهي عم تحكي عن علاقة مثالية
وعلاقة من هالنوع مستحيل تكون مثالية وخصوصا بمجتمعنا
اذا البشر اللي بيحكو هني عبارة عن مجموعة عقد متنقلة بقى كيف الصم والبكم
:sick:
بس الحقيقة هالحلقة كانت ابداعية بامتياز
قعدنا انا وامي نبكي
:pos:

zen 12/05/2009 16:11
اقتباس:
كاتب النص الأصلي : angel cherry (مشاركة 1263754)
هاي يا حلوين

بما انو حاطين سيرة الأقنية هون

بدي اسألكن شو صار بـ

أهل الغرام " الجزء التااني " ؟؟

كان يطلع

يوم الخميس 9:30 على mbc

خلص ؟؟ ولا لسة عم ينعرض ؟؟

لان راح علي وما شفت الا حلقتين

:(

ولو بتعرفو قناة تانية عم تعرضه قولولي بليييز

..

سلامي
اذا انتي بسوريا فيكي تحضري ع القناة الاولى الضهر

باشق مجروح 12/05/2009 16:29
اليوم الساعة 10.00 المسا بتوئيت الشام ع المشرق القسم التاني من الفيلم Liaisons Dangereuses

ليلي تابعو القسم الأول كونو ع الموعد

:D

angel cherry 12/05/2009 19:09
اقتباس:
كاتب النص الأصلي : أم الجود (مشاركة 1263807)
فيكي تشوفي الحلقات كلن

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -


:D
ميرسي كتيييييييييييير ..


:hart:

angel cherry 12/05/2009 19:10
اقتباس:
كاتب النص الأصلي : zen (مشاركة 1264319)
اذا انتي بسوريا فيكي تحضري ع القناة الاولى الضهر
لا والله انا بالسعودية للأسف

بس رح شوفا من الرابط يلي عطتني ياه ام الجود

ميرسي كتير الك

^_^

باشق مجروح 12/05/2009 19:38
اضواء المدينة بكرة ع المشرق الساعة 10 المسا بتوئيت الشام بيستضيف الفنان التشكيلي السوري احمد الملا .
كونو ع الموعد .

zen 12/05/2009 19:51
صافو بتوصل لعندك المشرق والقنوات العربية ؟:?

باشق مجروح 12/05/2009 21:12
اقتباس:
كاتب النص الأصلي : zen (مشاركة 1264449)
صافو بتوصل لعندك المشرق والقنوات العربية ؟:?
مو كل القنوات بتوصل بس المشرق عندي ياها .
في قمر اسمو نورسات ( اتلانتيك بيرد 4 ) بيطلع قنوات كتيرة .
بس انو اكتر البرامج الي بكتب مواعيدها ما بشوفها بسبب الدراسة :pos:


الساعة بإيدك هلق يا سيدي 22:46 (بحسب عمك غرينتش الكبير +3)
الصفحة 2 من 4 < 1 2 34 >
عرض 40 مشاركة من هذا الموضوع في صفحة واحدة

Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون

Page generated in 0.05387 seconds with 10 queries