|
ما كنت حابب أوصل لهون ,,,بس لفرجيكم انو السوريين قمة الأخلاق
عندك اهل كل المناطق الشرقية بسوريا بيتسموا بدو ,,,والبقية بتنظر الن بدونية !! عندك اهل الريف بحلب و ادلب بيتسموا شوايا !! اهل المدينة بمدينتي غير الحبيبة بيسموا اهل الريف فلاخو لهلق !! اهل المدنبشكل عام بينظروا للبقية انو فلاحيين ,,,, عناصر جيشنا البطل الكل بيعرف شو رأي اهل المدن بالناس يلي بتلتحق في عندك كلمة نازح !! مو لاجئ !! بتعني riffraff ..or low class |
فما تقولوا انو انا حكمت علا نصف الشعب انو ....
الشعب السوري حكم على نفسوا انوا اكتر من 80 بالمية ..... هادا غلط !! ..شي شفتو بعيني ...بس حبب قول انو بمدينتي غير الحبيبة فلاخو هني يلي بشكلو اكتر من تسعين بالمية من اساتذة الجامعة والطلبة !! ... اهل المدينة شاطرين يقعدو عالقهوة !! هههه ..على فكرة هدا نقض ذاتي !!! |
مرحبا بالأول..
بظن انو الظواهر اللي عم يحكي فيها الموضوع أشياء موجودة وملموسة بالمجتمع السوري، يعني ما فينا ننكر هالشي ونخترع تبريرات لا طائل لها. من جهة تانية مو كل الممارسات الخاطئة ناتجة من رحم نظام الحكم القائم.. في أشياء شخصية جداً كالأخلاق مثلاً.. وقس على هالشي بقية الأمور.. وعلى جميع الأحوال التعميم عالشعب أو على نصف الشعب أو الحكي بالإجمال هو نوع من الظلم.. ففي بالشعب شجعان وفي جبناء وفي أغبياء وفي أذكياء .. إلخ.. لو في تحديد أكثر للسؤال كان ممكن أعطيك إجابة أدق.. بالنهاية هادا رأيي الشخصي فقط.. شكراً.. |
اقتباس:
كلامك في كتير من اللاصحة واحمد حكى كتير من اللي كان بدي قوله بس لفتتني هاي الشغلة كل المناطق الشرقية بسوريا بيتسموا بدو؟؟؟؟ منين جبت هالحكي؟؟؟؟يعني في بالاخوية كتار من المنطقة الشرقية ما حدا قلون بدو وانا اصلي من دير الزور وعايش حياتي بالشام وماحدا قلي ياها وبعرف كتار متلي ما تقلون هالشي بعدين اهل الريف بحلب وادلب بيتسموا شوايا؟؟؟؟ شو هالحكي يا عمي اللي بعرفه اهل الريف بالمنطقة الشرقية بيتسموا شوايا واساسا الكلمة بطلوا يحكوها كتير اهل المدينة بينظروا لاهل الريف انون فلاحين؟؟؟؟ لك منين بتجيب هالحكي طيب يا سيدي وينظروا شو الفلاح ضلع ناقص بس هاي اخر وحدة شحكتني قال عناصر جيشنا البطل الكل بيعرف شو راي اهل المدن بالناس اللي بتلتحق فيه :lol::lol::lol: لك عمي بحياة الغوالي خدنا بحلمك من وين عم تجيب هالحكي ؟ دخلك شو بينظروا يعني نورنا بالله عليك لايكون سوريا اللي بنعرفا غير اللي بتعرفا انت |
ليك سؤال بحير
طب لو نفترض شجاع ليه ما عمل ثورة ضد الحكم ؟ مثل ما منسمع انو في حكم مش عادل وشجاع عشين عم يواجه إسرائل وتحمل ضغوطات دولية . |
صديقي مداد كلامك صح مية بالمية باستثناء انو ما بجوز التعميم لأنو في ناس منيحة و في ناس لأ !! ,,,طيب لو هلشي مزبوط ..كنا شفنا فترات منيحة و فترات كمان سيئة يعني متل مابقولوا Ups and Downs !..بس من اكتر من 100 سنة ما شفنا غير كل شي سيء ,,,طيب هدا شو بيعني !!
مشان رد اخي رجل من ورق ..ما كتير صرلي زمان من اخر مرة زرت البلد ..ما تفكر انو انا ذكرت موضوع الشوايا والبدو والفلاخو والفلاحيين و غيرو مشان اتهجم عليهم ,,اولا .,,هدون اشرف الناس بالبلد ..ثانيا ذكت هالكلام ردا عاكتير اخوة اتهموني بلأساءة للشعب ,, فحبت فرجي انو الأساءة هي ثقافة سوري بحتة ,, !! مشان الاخ البناني نوح ...يا صاحبي ما انتبهت انو اول الموضوع في اخت فاضلة اتهمتني انو انا لبناني !! هههه ,ما رح رد عا مشاركتك مشان ما يقولوا انو انا من 14 اذار .رجاء اعذرني.ا شكرا عالرد |
هلأ كل اللي حكيتو موجود بس هادا ما بيعني انو السوريين كلون ما بيسوو وبيضل في شجعان وبيضل في ناس تحب بعضا المشكلة انو ما ضل عنا ثقة ببعضنا يعني صارو كتير ناس ينظرو لاي شخص تاني على انو بيوم من الايام ممكن يتحول لعدو فلا بيساعدو ولا بيحكي ادامو بشي وممكن متل ما قلت يحاربو ليتغدى في قبل ما يتعشا هداك
|
طيب ماشي شباب ,,,بما انو لغة التعميم ما عجبتكن ,,,رح احكي عالناس بس يلي بحارتي ,,,,
حارتي يلي فيها من كل الأطياف ... ما حدا يضايق ,,اهل حارتي فاصلين ما بيمثلوا غير انفسن !!! المسلمين بحارتي بروحوا عالصلا يوم الجمعة كنوع من اداء واجب حزبي اذ انو الخطبة بتجي من وزارة الداخلية بعد تنقيح من جهاز المخابرات المسيحيين بحارتي بروحوا عالكنيسة ليقارنوا الثياب يلي لابسينها ,,مين شيك اكتر و مين بتجيب تيابا من بيروت ,,و مين بتجيب العطر من باريس المسلمين العلويين بحارتي ما بيروحوا عالجامع ببساطة لأنو مانن بحاجة !! بروحوا عالجيش ,, ليش ليروحوا و يدعوا لله مشان يحل شي مشكلة ! اي ضابط بالجيش قادر يحل اكبر مشكلة المرشدية عنا بالحارة هني من السكان الأصليين تماما متل ال Aborigines بأستراليا ,,يعني اذا بعرف شي عنن فأنا بعرف شيي عن المرشدية !! السمعولية بحارتنا اكتر شي مظلومين بما انو الكل بيحكي عنن شروي غروي ..مع انو جارنا ابو محمد هو رجال سمعولي عمروا تسعين سنة و لهلق بيضرب مرتو وقت ما بتزبط معها المجدرة ...( النكتة الواضحة هون انو هني ما بيعبدو النسوان !! ) في شب بيبقي واقف عا زاوية الحارة بضل بسب البقية ومو عاجبوا شي ....شكلوا ملحد واليعوذبالله ,,,,بس ما معو يدفع نص مليون دولار مشان شي كورس ,,لهيك ما بيعرف بلألحاد غير انو يسب البقية !! ملحد جاهل ! برجع و بأكد انو اهل حارتي فاصليين و ما بيمثلو غير انفسن ... بعرف انو المسلمين والمسيحيين والعلويين والسمعولية والمرشدية وحتى الملحدينمو هيك ابدا ... عابحاول قول لأهل حارتي هالشي بس ما عبيفهموا على كلامي !!! (All Rights reserved ) |
ساعدوني لأقدر فهّم ولاد حارتي ...بليييييز
|
اقتباس:
بالنسبة لولاد حارتك خيو فيك كل يوم تعزم شب او شبين منهم لعندك عالبيت او انت تروح تسهر عندو وتاخدو وتعطو شوي بالحكي بيمشي الحال وبخصوصا جماعتنا المرشدية خيو انا فيني ساعدك بلي فيني عليه واهلا وسهلا فيك اخ وصديق :D بعدين انت عاى اساس مغترب وبدك ترجع على بلدك؟:? |
لك والله اخي محسن دايما انتا مخجلني بلطفك .يا ريتك عايش بحارتي ...كنت تركت العيشة برا و رجعت
|
اقتباس:
|
عشان الجرائم تبعك هي فسوريا يعتبر عالميا البلد التالت بالامان بالعالم
بكفي حبيبي انت فيك تمشي لوحدك بالليل وما حدا يتعرضلك الا ازا انت يلي مش شجاع بعدين لما عم نشوف الاخبار والثقافه عالتلفزيون والنت يا مثقف ما في داعي لكل هالجرايد حاسك بتحب القرايه كتير تلت ارباع هالمنتدا سوريين و مثقفين الا اذا انت شايف غير هالحكي |
اقتباس:
بس خلينا نتكلم متل العالم ,,,يعني بلا ما تتهمني انو انا مو سوري و انا ما بتهمك انك من المخابرات ....مشان الرجعة عا سوريا ..حبيب تركتلك ياها ,,صحة عا قلبك اذكر الشغلات الحلوة و كذبني ,,,,بلكي بتتغير فكرتي عن البلد عاأيدك شكرا |
اقتباس:
|
ما شا الله و كان عليك
1- فيك تجبلي الهيئات اللي عم تقول عنها مشان مستوى الجريمة 2- الرشوة و الواسطات و المحسوبيات بكل دول العالم ولا الفضايح تبع توني بلير و ايهود باراك كذب ملفقيتها المخابرات السورية 3- بلد فيها تلت جرايد حكومية بالشام بس و لعلمك في تنتين بيصدروا باللادقية و تنتين بحلب جرايد هدول بجبلك الاسماء اذا بدك و تاريخ الصدور ولا وببعتلك نسخ 4-تاني شي قل لي من اصدقائك اقل لك من انت يعني اذا انت جاهل ما رح تلاقي غير الجاهلين 5-خامسا مو شرط تكون مخابرات لتحب بلدك او تدافع عنها 6 - هي حضرتك فاضي للنت شو عملت للجولان انت و امثالك 7-و من هذا نرى انك شخص مهزوز و لئيم و عدبم الشخصية عحد قولتك كونك سوري بس انا افتخر اني سوري انت تفتخر انك لئيم و مهزوز و تجاهر بها الله يهنيك 8 نفسي تقللي انت بانو بلد لجبلك معدلات الجريمة فيها و قارنها بسوريا اي ع فكرة انا برى البلد و اشتقت لارضها و ترابها و اهلها و ناسها |
اقتباس:
ما قصرت ... بتمنالك التوفيق و انشالله بترجع عابلدك و بتشوف الناس يلي بتحبها هنيك ...و ما تقهر حالك ,,كل واحد الو طريقة بالتفكير ..و انا بحترم كلامك ,, شكرا كتير عا هزة البدن بهاللليل ...هههه مستني تذكرلي الشغلات الحلوة بسوريا ... مية وردة |
بعرف انو الواحد ما بينهز بدنو غير اذا حس بالغلط
انا معك في اغلاط بس ما فيك تحمل الشعب كلو مسؤولية الاغلاط و نحنا جبل جدبد و برايي قادر ينسى شي صار قبل ما نولد و بتمنى تغير نظرتك لسوريا و الشعب السوري و تعرف انو ( يبقى الحلم الانساني يتقلص حتى ينحصر في حفرة من التراب مساحتها مترين دون ذلك تصبح النهاية بشعة ) و ما لك غير بلدك و رفقتها الحلوة و شعبها الطيب و الكريم |
اقتباس:
يا صديقي لازم تعرف انو بأي بلد اي انسان الو الحق يعبر عن اراء معينة مو بالضرورة بتوافق عليها ...انتي وصفتني بأوصاف بشعة و هدا حقك و نبفس الوقت ما تجاوزت حدود الأدب لهيك عابرد عليك ,,,فتحملني متل ما انا بتحملك ,, برأيي البلد صارت سجن ا لكل بدو يهرب ,,,يا رجل ما في اسهل من انو الأنسان يختفي ,,, مشان قصة الجرايد ,,طبعا حبيبي ,,عدد الجرايد و نوعيتها بدل علا الحركة الثقافية بلبلد ... ناطر تذكرلي الشغلات الحلوة بسوريا ,,متل برامج الرعايا الأجتماعية و التأمين الصحي ... شكرا |
متابع معكون...
تسالي والله..:lol: |
شو بدك ياني اعمل مشان الجولان ,,,
روح لعند الأسرائيلي و قلوا "حبيب صار في غلط بالحساب وقت نباعت الجولان ..معلش ترجعلنا ياها " |
انت بدك الجولان ولا بدك برامج رعايه وتامين
مع العلم في تامين حتى عالحباة مش بس صحه الشركه السوريه للتامين غير الشركات الخاصه والبنوك الخاصه وبكفي تحضر ضيعه ضايعه لحتى ضلك تضحك سنه وتنسا كل همومك وهي انتاج سوري دراما السوريه مش منيحه؟ دخلولك الانترنت عالبلد والمبايل ولو انو رفاهية السيارات بعدا عاليه شوي بس صار فيك تركب سياره واذا بدك تعمل مشروع فيك بشوية شجاعاه وجرأه من عندك انك تحصل على قرض وتعمل مشروع صغير غير استجرار الاستثمارات الخارجيه والجامعات الخاصه يعني صار فيك تدرس شو ما بدك غير انو رفعو الرواتب بس اذا برايك انو السوري لازم يسب بلدو ليقدر يقول عنا شي منيح بتكون غلطان هادا بيكون قلة وجدان منشان الشغلات السياسيه صدقني ما بقى في شي منو بالمختصر المفيد البلد عم تتحسن وانا برأيي اذا طموحك اكبر من يلي عم يصير بلا ما ترجع نحنا راجعين يا وطنا شكرا لانك سمعتني |
شكلك بدك تقاتل الناطور مابدك العنب
وانا موعبالي قاتل الناطور لانو بيهمني البلدتتعمر واولادي يربو بعزة هالبلد وكرامتا وكرامت قائدها الله يخليلنا اياه و مش ناطرينك ازا بدك شي مطرح ما انت في لسوريا سفاره روح وعاتب بالشامي حليق على فكره ازا لازمك اغاني عربي ببعتلك انا dj شغلتي بس بحب بلدي باي حاكيني عن الاغاني لو سمحت |
اقتباس:
|
على فكرة .. النقاش هون بأخوية بذكرني بلمسلسل القديم يلي كان ينعرض بسوريا كل يوم جمعة ...اصفعني و خذ دينارا
|
اقتباس:
كمان ويكون بعلمك انت بتحكي هيك لآنك يمكن بحياتك ماطلعت برات ضيعتك او مدينتك يلي هيه:pos:..وبالنسبة للشبيحة يابعد عمري هدلون موجودين برات سوريا اكتر من بسوريا عطيني دولة عربية مافيها محسوبيات وفساد ؟؟؟ ممكن تقلي على اسم دولة وحدة بس (حاجتكم حكي بلا طعمة ) حاجة تشوهو صورة البلد;) ويكون بمعلومك ومعلوم كل المتفزلكين السوري مانو لئيم أبدااااا على العكس تماما ازا في كرم وكرامة وشرف وشهامة بيكون بالمواطن السوري وهاد مابيمنع انه في بعض الطفرات ..صدقني سوريا بشعبها بعدها بخير وازا مابتعرف شو عم يصير بالدول العربية !!بيرجع السبب لآنه مافي متلك ..يعني بيكونو عم يموتو ألف موتة وبيقولو بلدنا جنة وشعبنا ملائكة حاجة بقى وحلو عن هل البلد ارحمو ا سوريا ياناس .......سوريا سوريا سوريا ستبقى سوريا مهما غدر بها الرعب والمواطن السوري سيبقى تاج على رؤوس كل العرب مهما حاولو يشوهو الحقيقة .. هيك بكون صححتلك :clap: تحياتي زميل يمكن ؟ بالوطن العربجي |
الحقيقة وبعد ماقريت العنوان والاطروحة مابعرف ليش اخدتني افكاري انو حضرتك عم تقارن سوريا بجمهورية
افلاطون في مشاكل ماحدا بيقدر ينكرها بالمجتمع السوري وطبعا اللي عايشين بعالم افلاطون قادرين يكتشفو ببساطة انو هالمشاكل مو موجودة الا بسوريا لانها خارج التغطية بس حتى بجمهورية افلاطون مابيكون حل المشاكل باتهام شعب باغلبيتو مابعرف اذا الساحقة او بالنصف زائدواحد بانو مريض ومهزوز حل المشاكل بيكون انو واحد مثقف وفهمان وعم يدرس ببريطانيا العظمى يجي ع البلد ويحمل سيف الافلاطونية ويبلش يقطع روس المرضى والمهزوزين وهيك صحي انو منخسر الاغلبية وكمان مابعرف اذا الساحقة او النصف زائد واحدبس منكسب بلد وبتصير بلدنا الجمهورية الافاطونية السورية اخي لؤي كتير بيعز عليي خالفك الرأي بس مضطر خالفك لانو انا كمان بالسعودية ومالقيت الاستغلال من السوريين لبعض وانا طبيعة شغلي بتخليني اتعرف على كتير ناس بشكر سعة صدوركن |
اقتباس:
نحنا فعلاً جيل جديد بس انا بالنسبة إلي ما رح اقدر انسى لأنو انا هلأ صار عمري 22 سنة ولسا ما بعرف بلدي شو بتسمي هي قلي؟ والله صار الأجنبي بكرمنا احسن من ابن بلدنا وبقدر وضعنا ومتفهم النظام اللي معنا بكرة شو بدي قول لولادي اني ما بعرف بلدي ؟ بعتقد انو هاد حق لا يأبى النسيان هاد عداك عن الشغلات التانية بس هاد مو موضوعنا وما بدنا ندخل بشغلات نحنا بغنى عنا . وشكراً |
اقتباس:
|
تعى ننسى.. لحنا عاجبنا وبروحنا منفديه
|
شباب و صبايا معلش بلا هالردود يلي بتشبه معلبات الكونسروة ..
ثانيا ليش كل ردودكن بتتهمني شخصيا شي لبناني ,,شي ممنوع من العودة شي بعمري ما طلعت من ضيعتي ,,شفتوني اتهمت واحد شخصيا !! ماحدا ذكر شي حلو وحيد بسوريا و رد على كلامي !! . ....... |
حبيبيUltimat_Ya ,,انا و انت اتفه عنصر مخابرات بالبلد بجردنا من الجنسية ,,,
...احسن شي ما تقول لولادك شي ,,لأنو شي بيخجل تحكيلون عن هالوضع الزفت |
اولا ما حدى أسئلك تانيا سوريا كلها جمال ومامنسمحلك تبشع صورتها يمكن لغرض شخصي او مابعرف شو غرضك .وانت أسئت لكل الشعب السوري بكلامك..بدك شي حلو بسوريا طيب سماع هات مكان بالعالم فيه شي حلو .بيكفي لهفة الجار لجارو ومحبة الناس لبعضها الشعب السوري جبار مابقول انو مافيها هموم ومابقول الشعب مرفه بتعرف ليش السوري عظيم وجبار لانو مع كل ضغوط الحياة بعدو قادر يحب وقادر يعطي قادر ازا شاف جارو الصبح يضحك بوشو ويقلو صباح الخير هي شغلة صغيرة انقرضت حتى في بعض الدول العربية ازا مو الكل ...السوري طيب مو لئيم ياحضرت
|
اقتباس:
نصيحة حب حالك شوي حتى تقدر تحب بلدك وشعبك وتمنتمي ألهم ماني عم قلك انو البلد مافيها اغلاط بس هل الاغلاط الجيل يلي راح خلفلنا ياها ونحنا هلاء جيل جديد وعم يحاول يحسن من وضع البلد بس طبعا مافي شي اسمو كن فيكون غير القدرة اللألهية .. |
اقتباس:
ثانيا ..يا اختي العزيزة ما حدا بأمّن يتكلم مع اخو بهالبلد يلي متل الغابة ,,فرجاء ماتحكي و كأنو بعمرنا ما عشنا بسوريا ثالثا هالأنحطاط نهايتو حرب اهلية و سؤ المصير .غيرنا جرب ,,روحي سألي !! |
اقتباس:
التعميم داء سقيم يقف في وجه صاحبه و يقلب حقائقه و معلوماته الى سلاح ضده بلاع يا أخوية بلاع |
اقتباس:
يا حضرت مو ذنب سوريا انك عشت بمكان اتخيلك انو غابة طبعا الضيعة او المدينة يلي هية مابعرف وين انت ومن وين انت بس بتوقع من مكان كان فيه ناس غلط مو ذنبك بس ذنبك تكمل المسيرة الغلط شوف سوريا وين هلاء سوريا كسرت كل القيود وقائدنا الله يطول بعمرو رفع راسنا انا بفتخر اني من بلد مابحياتو مسح جوخ لحدى بفتخر اني سورية وبقولها بعالي الصوت بفتخر بقائد وقف لوحده وقفة الأبطال انتبه لوحده الكل كان مشغول بتمسيح الجوخ وقت كانت سوريا صامدة بوجه المستكلبين والخونة امثال لاعق الأحذية خدام واتباعه من الشياطين ...بعرف مافي امل من النقاش بس حبيت قول رأي وبرجع بقول سوريا بخير وشعبها العظيم بخير .......والله يحميك ياشام ويحمي قائدنا البطل ... |
اقتباس:
|
اقتباس:
ومين قلك انو ماحدى بيأمن يحكي وشو دليلك انو البلد غابة مو ذنب البلد ازا عشت بمكان كنت بتشوفو غابة طبعا المكان مادخلو الناس يلي حوليك ورجوك ياه غابة يعني ممكن تكون انت متعود على شوفة الوحوش .يمكن .منشان هيك استخدمت كلمة غابة ..انا بشوفها جنة ..انسى ياأخ انسى الحقد وابتعد عن روايات الجيل السابق يمكن ناس كتير مناح راحو بالغلط بس مو ذنب البلد .انا بفتخر اني سورية بفتخر اني من بلد كسر كل القيود وكسر الحصار رغم كل المستكلبين امثال لاعق الأحذية خدام واتباعه من الشياطين ..بفتخر اني سورية وبقولها بعالي الصوت انا من بلد وقف بوش العالم ورفض يمسح جوخ للغرب وللصهيوني .بفتخر بقائدنا العظيم البطل يلي كان لوحده بالميدان وأثبت للعالم انه رجل وزينة الرجال ...ويلي ماعجبوا الحدود مفتوحة الله معو والقلب داعيلو .وستبقى سوريا عرين الأسد صامدة شامخة واقفة بعز وكرامة وجاية يوم انت رح تعترف بهل الشي ياعزيزي الشعب السوري شجاع وبطل مامنعتك بس شكلك من هدول تبعوت انهاء الأخر يعني بتحب تسمع صوتك بس ...مابدي كفي نقاش معك لانو الجدال مع امثالك عقيم تحياتي وبتمنالك تصحى من الاوهام يلي خزنوها براسك للاسف |
معلش اختي ,,خديني بصبرك ,,
انت شو بتعرفي عن الناس يلي صرلها سنين بالسجن مشان كلمة كتبتها عالنت شو بتعرفي عن الأطفال يلي نحرمت من ابائها لأنو نقتلوا او نسجنوا .. شو بتعرفي عن جيش المخابرات يلي منتشر بكل شارع و جامع و كنيسة و مدرسةو جامعة و ماعندو مشكلة انو يحول حياة عائلة كاملة لجحيم ,, العالم يلي بتبصق رئاتها بالمشافي دون علاج ,,, العالم يلي بتتدفي بالشتي بالكنيسة ,,, او العالم يلي بيطردها الحارس لتتدفى برا !! هيك الجنة !! ..طيب ,,,الله يطعمنا شكرا عامشاركاتك !! |
| الساعة بإيدك هلق يا سيدي 16:37 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون