|
اقتباس:
|
مرحباً
تعرضت في سوريا بلدي الحبيب لعملية نصب واحتيال من الطراز الأول ... واجهت المحتال ذات مرة فقلت له ياويلك من الله ,, رد علي مين الله !! .. قلتلو الله ياخدك وين حتروح المال الحرام بيروح وبياخد صاحبو معو .. رد علي : روح اشكي ربك عليي قد مابدك ... وبلش يسب الله والدين ... من هديك اللحظة تبت الى الله وقررت اني ابدأ حياة جديدة يكون تعاملي فيها مع الناس خصوصاً في سوريا باعتبار الناس هنيك صارت تاكل بعضها معاملة على أساس الدين .. متبع المقولة الشهيرة " اللي مابيخاف الله .. خاف منو " وحسبي الله ونعم الوكيل ... |
شكرا للصديق على هذا الموضوع الذي أقل ما يقال عنه أنه يحمل في طياته أهم الأسس التي ترتكز عليها الإنسانية والتي دعا إليها كل الرسل والأنبياء والفلاسفة والمفكرين والكتاب وجميع الأديان السماوية.فمشكل التعصب الطائفي والديني والمذهبي..هو نتاج جهل بشري بالله أولا ثم بمغزى رسالاته التي أساسها الحب والحرية داخل جوهرة التوحيد ثانيا..
ولكن للأسف فعندنا التاريخ يعيد نفسه بنفس السيناريو والحوار المتعصب المتشدد، وفي أماكن أخرى يعيد نفسه ولكن بصورة متقدمة ضمن حوارات بناءة تجد لها آذان صاغية وإرادات تطمح للتقدم في ظل تقبل الآخر واحترامه كإنسان شكرا لتفكيرك:D |
اقتباس:
القصة إنو ما كانو الشباب في الجنة .. وبجوز ما اكلوا تفاح معلم ممكن موز أو مشمش أو أي شي تاني (صراحة ما بعرف بالزبط) وأنا معك الله أكبر من هيك ... بكتير كتير وتكرم عينك |
اقتباس:
اقتباس:
اقتباس:
|
اقتباس:
اقتباس:
اقتباس:
|
أنا أعتقد بل متأكد أن الرسالة واحدة
أي أن الرسالة التي حملها سيدنا آدم هي نفس الرسالة التي حملها سيدنا محمد ولكن التيارات السياسية والأهواء والمصالح وتتبيع الشعوب على أسس مادية هي التي جعلت من الدين أن يذهب في عدة طرق متعارضة ولذلك يلا بكفي لهون يعني اطلعو عالتاريخ على مستوى سوريا فقط تجدون كثير من الطوائف الدينية انوجدت بالحقبة العثمانية والفرنسية |
صديقي أنا برأيي إنو مجتمعنا من طبيعية صيرورته الذاتية إنو اليوم نعيش بمجتمع فئوي بإمتياز ..
انا برأيي الفئوية إسلوب حياة بيكتسبه الإنسان من واقعه المعاش ولهيك قد ما يحاول "أفراد وجماعات" بحد ذاتهن التغيير بهيدا الإسلوب ما رح يقدروا إلا بتغيير الواقع المعاش اليوم لحنا بمجتمع ما قبل حداثي ..من أهم ميزات هيدا المتجمع الفئوية ولحتى نلغي الفئوية ما لازم بس نطالب بإلغاء الفئوية ..لازم نشتغل على نقلة نوعية كاملة وتامة لناحية مشروع مجتمع حداثي كامل . برأيي اللي بيقسم المجتمعات لحداثي وما بعد حداثي وما قبل حداثي هو إسلوب الحياة اللي ممتد أصلا من نمط الإنتاج برأيي نمط الإنتاج ما يزال حتى اليوم في بلداننا "نمط زراعي" وكلنا نعلم أن النمط الزراعي يفرز في اسلوب حياته ذلك النمط الريفي لأسلوب الحياة بكل ما تعنيه الكلمات من إيجابيات وسلبيات سلبيات ذلك المتجمع أنه منعزل عن بعضه البعض مما يعطي للفئوية مجالا أوسع للحركة .. ولأن قرانا تحولت بقرار فوقي إلى مدن دون تغيير واضح في البنية الإنتاجية فلم تكن المدن سوى ريفا متكدسا .. وعلى هذا فإن الفئوية ستبقى في المنظور القريب السائدة في المجتمع . للتغيير علينا أن نطالب بتغيير نمط الإنتاج في المجتمع مع مراعاة أن عوامل تخلفنا الذاتية تكمن في نمط الإنتاج الأفروي -اسيوي وطالما أن الفئوية موجودة لوجود أسبابها فإن أحدا لن يعلم أن الحقيقة لها عدة أوجه تحياتي الحارة ظل جيفارا |
اقتباس:
:o :shock: :cry: :deal: |
في البداية بدي اقول انو الموضوع كثير مهم بس حابي وضح شوية نقاط قبل ما اقول رأيي
اولا : اقتباس:
اقتباس:
اقتباس:
اقتباس:
هذول بس شوي نقاط هامشية مش اكثر ... بالنسبة لفكرة الموضوع الاساسية انا بتفق معك بكل اشي تقريبا ونحنا المشاكل الي عنا بسبب الديانات في الها نهاية وكل واحد حامل دينو وشايف الديانات الثانية مثل سلاح موجه ضدو بتمنى كل هي الاشياء الي مش عارفي شو اسميها غير "هبل :lol: " تروح ونصير عنجد شعب محترم بعيش وبيبني وبيزدهر بعيد عن هي المشاكل... تحياتي .... |
إنو يعني مو بإيدكم ... الموضوع كان بشي .. و75% من الردود بشي تاني ..
شكر لصاحب الموضوع .. :D عنجد هالقصة كتيير صارت شاغلة افكارنا .. يعني بدل ما نتقدم ونتطور بالحياة الدنيوية والعلمية عم ننزل ونتحطم وعم نهتم بالامور الدينية اكتر من اللازم .. يعني الواحد مو انو يطنش هيك قصص بس اانو ما يزيد عن اللزوم .. صح ولا لا .. ؟؟ يعني لو كل انسان بيحب دينو وبيدافع عنو بدمو ورحو بيخلي باليوم ساعة ليفكر بكيفية تطوير حياتنا كمجتمع عربي مختلف الاديان .. كنا اطورنا من عزمان باب الحارة ... :D بس مو بإيدنا هيك الله خلقنا .. عررررب وسمايلي للكلل :D |
ماكنت حابب حول الموضوع لهالطريق هاد وموضوعي أبداً مانو انتقاص من الأديان أو دعوة لهدم الأديان أو نقاش بالأديان ونشأتها وبدايتها وتاريخها بس يبدو في إصرار من البعض لإنو يناقش بشي أبداً مانو مطروح للنقاش بموضوعي... على كل حال مجبور جاوب:
مابعرف مطلوب مني إنو إثبت إنو الديانات السماوية المجمع عليها غالبية البشر هي تلاتع ويلي هي اليهودية والمسيحية والإسلام... كيف بدي إثبت مابعرف متل ماصار معي سابقاً بإني ماعرفت كيف بدي إثبت إنو أوروبا وأسيا أميركا سابقين العرب بالتطور والإنتاج والرقي الإجتماعي بمراحل.... المهم: اقتباس:
اقتباس:
اقتباس:
اقتباس:
وشكراً. |
كانوا يحفظون خريطة الفردوس أكثر من كتاب الأرض
|
وأنت شو ألك عنا كيف بدنا نفكر
أخي أنت مابدك يانا نذكر أنبيائنا . كتير حلو بس تجبلك سيرتهم بشي موضوع قول هالحكي . بس هلأ مافي داعي مشان توصل فكرة . تغمز وتلمز أنو كل مؤمن ( شو ماكان دينو ) غبي وأنو اللأنبياء مانزلو غير من فترة معينة وبأراضي معينة متل مابدك ماحدا يقنعك بدينو . لاتهاجم دين حدا . |
أول الكلام شكر لصاحب الموضوع لذاته ولموضوعه النبيل الهدف .
اما بعد متل ما بيقولو فكتير من الشباب فهمت الموضوع غلط . باختصار شديد للغاية : عندما يبقى الدين مجرد علاقة تربط الشخص بما يؤمن به فهو في اطاره الطبيعي اما ان يستخدم وسيلة لتكفير الاخرين و يصبح في كل دين فرقة مختصة لدراسة معتقدات الفرق الاخرى فقط لتظهر للعالم كفر تلك الفرقة وتزويرها . فهو امر سخيف وغبي كما اسماه صاحب الموضوع . فما شأننا نحن في معتقدات الاخرين . ولم نحن من بين كل شعوب العالم تشغلنا هذه الامور لنحدث الخلافات متخلفين عن ركب الحضارة الذي لا ينتظر أحداً ولا يحتاج الى دين وعقيدة. مو غلط يكون الواحد عندو انتماء ديني متل ما كتير ناس بكل دول العالم بس متل ما قلنا بيضل باطاره الطبيعي . وكتير ممكن يكون في خلافات طائفية بأوروبا وبكل دول العالم لكنها تبقى محدودة ولا تقارن بما يحدث في بلادنا. أتفق مع ظل جيفارا بفكرة انو الفئوية مستمدة من طبيعة حياتنا والتغيير فيها لن يتم الا بتغير نظام الحياة اصلاً .. لكل انسان حقه في الانتماء الى دين ومنهج روحاني غيبي يعتقده . ولكن ما زلنا بعيدين عن الوصول الى الغاية المرجوة من هذا الموضوع وصدقني أبعد مما تتصور. :D |
طيب,
انا مكنش قصدي اني احرف الموضوع عن الفكرة الاساسية بس كنت بدي صحح المعلومات الي فيه... وكلمي بس الديانات السماوية 5 مش 3 وبتغدر تتاكد ... متاسفة خربتلك الموضوع... فش حاجة اسا نرجع نفوت بقصص ثانية اذا صار شي يوم موضوع عن هيك بعاود برد عليه وبوضح فكرتي... :D |
اقتباس:
تحياتي الحارة ظل جيفارا |
شكرا فيفا سوريا
موضوع من اهم المواضيع التي تم طرحها في منتديات الشبكة العنكبوتية شكرا لكل من حاول اغناء الموضوع (من نجح ومن لم ينجح) اعتقد ان الموضوع بمجمله لايتناول الله ولاالانبياء وانما يتناول سلوكنا تجاه من يؤمن او لايؤمن ثم موقفنا ممن يخالفنا التبعية لهذا النبي او ذاك اي انه تقييم لسلوك بشري تجاه الالوهة والنبوة على اختلاف النبوات وهنا اعتقد ان المشكلة في السلوك هي محاولة احتكار الله وجعله تابعا لنبي ما اي ان الالوهة لاتتفق الا مع المسيحية مثلا او الاسلام ويصبح الله مبشرا بهذا الدين او ذاك بدل ان يكون النبي ينقل رسالة الله اعتقد ان قرائتنا لله والانبياء والدين جعل الحروب سيدة الموقف لاننا خلقنا الها عاجزا عن الدفاع عن نفسه وجعلناه يتكل علينا في حروبه كي لايهان او لايمس طرفه كائن من كان كما ونقلنا هذا القصور الى الانبياء الذين اصبحو تابو لايمكن مسه او مجرد التفكير بمدى قداسته وتركنا خيالاتنا تخلق لنا اعداء مخالفين لنا الرأي ونبدأ بحروب استباقية نحارب افكارا غير موجودة على الارض وربما لن توجد وامتد تأثير هوسنا بالدفاع ضد الاوهام الى قصور عقلي وانغلاق اولا على الاخر وثانيا على العلم والتفكير كيلا نتهم بالهرطقة والزندقة واصبحت عقولنا متفرغة بالكامل للدفاع عن هذا الاله القاصر والانبياء الايتام ببساطة اوردت بعض مما اعتقده شكرا لسعة صدركم تحياتي |
اقتباس:
والله معك حق ياسيدي... ودايماً بقلك لازم تحط خرزة زرقا مشان العين وضليت ماتسمع مني حتى صابوك بالعين وصار هيك فيك :lol: |
اقتباس:
اقتباس:
اقتباس:
اقتباس:
اقتباس:
|
اقتباس:
|
اقتباس:
اقتباس:
ومن جهة أخرى أخذ أتباع كل ديانة الوكالة الحصرية لـ الله في الأرض بحيث لايقبلون بوجود أي فكر توحيدي أخر أو يعترفون بصوابيته... الذي رجوته عند طرحي للموضوع لا تغيير هذا الفكر المتجذر في عقولنا لعلمي صعوبة هذا الطلب... إنما الذي أملته إبقاء هذه المعتقدات والأفكار بعيدة عن طبيعة تصرفنا مع الأخر وطريقة تقبلنا للأخر والتعاطي معه... يعني والله ماعم قول ياجماعة اتركو أديانكون ومذاهبكون بس يلي عم قولو ما إلكون علاقة بمعتقدات الأخر ولاتخلو هالشي محور إهتمامكون بحياتكون.. شكراً مرة تانيه.. |
اقتباس:
انا قريت موضوعك بس اسمحلي ما قريت الردود كلها .... الغلط فينا نحن بطريقه فهم الاديان ...بطريقه فهم الرساله وطريقه التعامل معها ... التحجر الي نحنا فيه ..التعصب ..رفض الاخر ...هي كلها امور عم نحكي عنها موجود من ازل التاريخ بمجتمعنا ... لنبقى شعوب متأخره ......ومستحيل تتغير ... حاولت وصل باختصار شديد .... لك ودي :D |
اقتباس:
|
مرحبا للجميع ... بدايةً اعتذر عن وصولي متأخر للرد ...
المشكلة في مجتمعاتنا هي عدم تقبل الرأي الآخر ... مهما كان .. والسبب الرئيسي لهذه المشكلة هي اعتبار كل دين أو طائفة بأنها الصحيحة وغيرها على هي الخاطئة ... وبأنها الوحيدة التي ستدخل الجنة والبقية إلى حهنم وبئس المصير ... حتى تصل إلى مجتمع يستطيع تقبل وجود الشخص الآخر من غير طائفة أو دين أو تفكير .... وعدم تكفيره ... عليك أن تقوم بتوعيته وإفهامه أن كلاكما قد يكون على خطئ ... وبأنه لاوجود لحقيقة مطلقة في هذه الحياة ... و بان الاختلاف في الرأي لا يفسد للود قضية ... بمعنى ... لايهمني ان تكون مسلم او مسيحي ... شيعي او سني ... إلخ من التقسيمات المملة ... بل يهمني ان تكون انساناً يحترمني ويعاملني كانسان ... بالنسبة لنقطة الدفاع عن الدين .. لا بأس منها ... فكل يدافع عن أفكاره ومعتقداته مهما كانت ... ولكن عندما يصل الأمر إلى مرحلة التكفير و ربما القتل ... فهذا أمر مرفوض ... فعلى أساس أن الأديان الابراهيمية وغيرها من بقية الاديان التي ظهرت فيما بعد ... على أساس انها تدعو للسلام بمجملها وتقبل الاخر ... إذا عليها ان تحرم تكفير الآخر ... وهذا ما لاتجده في مجتمعاتنا و الأديان الموجود بها .... والحل هو بفصل الدين عن الدولة وقيام دولة علمانية بكامل قوانينها ... وتطبق مقولة الدين لله والوطن للجميع ... أي دينك يا عزيزي المسلم والمسيحي واليهودي ... في معبدك ومسجدك وكنيستك ... ومنزلك ... تبقيها بينك وبين خالقك ... ولا تدخلها في كافة تفاصيل حياتك خارج الاطر السابقة ... عندها سيستطيع الانسان العربي تقبل الاخر .. وربما يبدأ بالتقدم ومجاراة الغرب ... ملاحظة : الزميل صاحب الموضوع اعتمد على ان الأديان جائت من عند الله .. وطرحي أنا بأن الأديان جائت من عقول صانعيها ... أي أرضية وليست سماوية ...:larg: تحياتي :D |
أنا بعدني ما قررت وما اقتنعت بشي ... ساعه بقول اكيد من عقول صانعيها وساعه تانيه بيخطرلي انو حركة ظريفة اذا فعلا بيطلع في الله واديان ...:?
اقتباس:
|
اقتباس:
أكتر من حمار لهيك ما في أمل :cry: ((بالمناسبة أنت شو دينك)) |
اقتباس:
|
ما عجبتني طريقة طرحك للموضوع وحديثك عن الذات الالهية بهذا الاستخفاف
الاسلام هو اصوب الاديان واقدرها على الثبات بس المشكلة فينا والعيب منا نحنا ياللي ناخذ شو بيعجبنا ونترك ياللي ما يعجبنا والدليل حضارتنا بالعصور الماضية لما الاسلام كان قائم شوف كيف كنا وكيف هنن كانوا |
اقتباس:
حابب وضح وجهة نظري بردك لو سمحتي بالنسبة لتقييم الاديان مو نحنا اصحاب الحق بالتقييم لكن فينا نقول عنها انها متكاملة (( بتكمل بعضها )) وهي مو انتقاص من قيمة الدين الاقدم يلي لولاه ما كان اجا الاحدث و الشي التاني انو نحنا بناخد يلي بدنا اياه او يلي بيناسبنا و بنترك يلي ما بيعجبنا ما كتير دقيقة و يل ريت يكون هيك الوضع لكن الحقيقة انو في ناس عم يفصلو الدين على مقاس مصالحون يعني بيحطو بعض المصالح وبيخرجوها بطريقة انو تصير من اصل الدين متل ما حكيتي انت احسن من يلي حكيتو بكتير لانو بالاولانية ما فيه مخالفة للدين بس التانية المصيبة انو بيعملو المصالح هيي الدين بالنسبة للحضارة القديمة ما بشوف فيها غير الدم والغدر و و و و .... وهي رأي شخصي :D:D |
اولا بتشكرك فيفا على طرح هالموضوع الجريئ !!
انا لو مني ومنك ما بفكر اني انزله لانه بالنهايه رح تقلب: ديني انا صح لا انته دينك غلط وبالفعل صارت من خلال مشاركات الشباب والصبايا الي دبت فيهم الحميه ليدافعوا عن دينهم !!!:? بالنسبه الي الدين اكيد اله دور ويعتبر جزء من حياتي : يعني بتبع تقاليده وبحترم واجباته (بس اكيد مش كلهم)!!! بس هل انه ممكن واحد بالعالم العربي يسمع واحد بيحكي اشي عن دينه ويضله ساكت "لا اعتقد" وممكن يصير دم فيها , كيف وهوه الكل بقول انا ديني الاصل وانا ديني المزبوط وكانهم بحكوا عن سنيوره !!:shock: انا بالنسبه الي لو اسمع شخص بيحكي عن ديني ما رح اناقشه بجديه , هاد رايه وكل واحد اله راي بدين التاني !!! والكل لازم يحترم راي التاني !!! انته ازا غلطت بديني حسابك مع ربك انا شو دخلني !!:frown: انته وياه تسطفلوا !!! ازا بدك تعرف عن ديني بحكيلك غير هيك ما عندي !!:? وبتمنى انه ما حدى يفهمني غلط !!:D تقبل مروري !!:D |
اقتباس:
افضل من انو ذات من هالذوات تستخف بالعقول البشرية جمعاء وانا كمان بشوف بردك اعتداء صريح عن الذات اللي عم تدافع عنها لانك حضرتك قعدت محل الذات الالهية وعم تصنف الاديان مين اصوب ومين اقل اصابة وكمان اسمحلي انوخالفك الراي بموضوع الصوابية اللي بعتقد انها بعيدة كتير عن كل مين بيسلم عقلو للغيب واذا افترضنا انو انوجدت هالصوابية فهيي ع الاقل بالتساوي كمان بدي الفت نظرك انوالموضوع ماتناول الذات الاهلية ولاغيرها لانو عم يتحدث فقط عن الممارسات واخيرا تحياتي لروح جميلة بوحيرد واذا كانت دعوتك لزيارة الجزائر انا بدعيكي لزيارة قالمة |
اقتباس:
اقتباس:
طبعا هاد الكلام بينطبق ع شخص مسيحي بما انو معتنق هالديانه اكيد مقتنع انها الافضل متلا انا هون شفت بالمنتدى انو الاعضاء السوريين عندن قناعة انو السوري افضل عرق وهالشي ما بيجرحني بالعكس بحييهم ع قوميتهم تماما متلي بشوف انو الاردني (من شتى الاصول والمنابت) هو الافضل من وجهة نظري :D:D |
الموضوع ما عم يحكي عن دين معين ولا أي دين هو الافضل
فالرجاء الالتزام |
خلاف شخصين بالمعتقدات الدينية متلو متل اي اختلاف بوجهات النظر...! يعني الناس ما لازم يكونو متطابقين!!
هيك لازم نتعامل مع الدين... ما في مانع نتناقش فيه.. متل كل المواضيع التانية... بس المهم ما يتحول نقاشنا لحرب او احتقار الطرف الاخر......... متل كل المواضيع التانية... |
اقتباس:
قمة الحرية هي أن يكون باستطاعتي أن أقول لا وقمة الديموقراطية هي أن أحترم لاءك وتحترم لائي وأن يكون لنا حدود مشتركة نحترمها معا واقتباسا من جيفارا تحياتي الحارة :D أبو الفحم |
| الساعة بإيدك هلق يا سيدي 22:35 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
