صار في عنا لحد هاللحظة 12 عضو

sotman
sweet baby
mohsen77
zen
sun shine art

هدول الاسماء الخمسة اللي فوق قبلناهن بشكل مجاني بما انون اول خمسة

وهي الاسماء الباقية

suzaan
ساريتا
فرناندا
سونا
i love syria
سامان

الاسماء اللي انذكروا فوق مو اول خمسة لا الباقيين يا ريت يتجهوا لبنك بيمو اخوية او عودة اخوية او انو اي بنك باخوية و يدفعوا هنيك ولح يعطوون وصل

ودمتم ودامت الاكاديمية

قديش القسط وبتستقبلوا حوالات خارجية ولا بتتعاملو مع بنوك بألمانيا
بما إنو في طالبين من ألمانيا والقادم مذهل أكثر :o

حبيت سلم بس :frown:

فورا انسحبت من كلامك:pos:
ع اساس ع حسابك وشو بيعرفني:frown:

بالله بينكتب اسمي بهالقايمة ...شنو بلشنا عطلة والتضيع للوقت شغال من اوولووو

ييييييييييي انا مادفعت شي :lol:

حلو الشعور ببلاش ...:p.. حاسه حالي رجعت ع الاعدادي

انه امتى اول درس ...تبع التمسحه ...ومين الاساتذه ...والدكاتره .. :pos:

اي خيو مو مشكلة منستقبل

على بنك اخوية ش.م.ل

لك لا بس مشان الاعضاء يعني ما يقولوا لشو هالتفرقة يعني...
ولو حسابك اندفع بالبنك..ورجيكي الوصل؟

اهلين باحلا لولو
بوشك عالبنك

ييي بوشك عالبنك لكن:o:lol:

اي حلو ظريف

قلنالكن يا جماعة قريبا جدا وحكينا من اول حددوا الاقسام اللي بدكن ياها ونحنا جاهزين

حكينا قريبا جدا

لا دفعي قييمتون السورية..

اهلين وسهلين نورت المكتب..

بس ليش البوز والكشرة؟:?

وين بلاقي البنك ..؟

مين عمل متلي؟؟ وبتحدى بتضييع الوقت

مين لعب فتة تركس بامتحان البكالوريا
وطبعا طلعت فايز هاه

تاني يوم عندي علوم .. وطلعت شويت مع العيلة
ويوم امتحان الرياضيات قعدت عالنت 6 ساعات

والله شكلكون انتوا التنين محترفين ما في داعي تسجلوا عنا:lol:

لك الشطارة ما بتبين الا بالامتحانات ... بدنا بالاايام التانية

استاذ استاذ
بيمشي الحال لكن تشغلوني عندكن استاذ يا استاذ
pleassssssssssssssse

اي مرحبا ..


بركي ..

مشان الدفع ..

لداخل سورية ..

يتم الدفع عن طريق تحويل مصاري الي شخصيا :o

وبنمشي الامور بسندويشتين شاورما ..

الامور كتير سهلة وما في اسهل منها ..

كل العالم مقبولين ..

ما كلن كلن ..

اغلبهن ..

يلا منرجعلكون ..

بدنا نعمل فحص بهاليومين ..

فحص قبول ..

يلا سلام

ابو مصطفى واللي مو بسوريا شو بيعمل منشان الدفع؟
يعني أنا مثلا بدفع ولا شو ؟:oops:

لا تعليق
الصمت ابلغ من الكلام

انو ليش هالحركات تطبيق وكزا
وابو مصطفى وسمايلي خجول ..

بعدين بيفكرني يامن قاعد عم لقوط بنات من ورا الاكاديمية
الشغل لحال .. والمدري شو لحالو ..
بس انتي بما انك عم تعطيني فرنسي
فأنو انا بدفع الرسوم ..

لعيونك خالتي

هاموش :
اللهم قد بلغت؟
اللهم فاشهد

احم احم

شو مسيو علاء..عم تدفع رسوم الصبايا شايف..

ماشي ماشي مو مشكلة

انسة فرناندا انا بحتج

اشمعنا ابو مصطفى يعني:?

نعم شو تفضلت وحكيت ولك؟:xتطبيق؟ شفت بحياتك استازة اتطبق تلميذ عندا؟بووز
بس انو واخيرا انت فهمتا لحالك انو انا بدرسك ببلاش وانا بدرس عندكون ببلاش فهمان عليي (واحدة بواحدة):larg:
ماعم يدفع للصبايا مايسترو ماتعتل هم بس لانو انا استازتو لهيك
بعدين ليش تحتج يابعدي؟:frown:
هوي ابو مصطفى لانو هاد اللي كاتبو بتوقيعو ...كتوب انت ابو شو وعلى عيني بعيطلك بالاسم اللي بدك ياه:clap:

بس انو ايمتى نبلش دروس؟مستعجلة كتير انا طالبة نجيبة

اعلان ..

الدرس الاول ..

اليوم ..

وانا ناطر استاذ
و ماصرلي اشكركون على انو انا داخل ببلاش
صانكيووووو
:lol:

شكرا وعم أنتظر الدرس

بسرعة أستاذ عم نستنى الدرس :clap::o

مين اللي بدو يتعمل فرنسي؟:gem:
صحيح علاء ؟
صاير بدك ........ ممممممم
بشرفي فطست من الضحك :lol:يخرب عقلك تحكي دج من غير ما بتعرف شو هيي الكلمة اي والله لازملك دروس خاااااااااااي:larg:
بعدين مو كانو تاخرتو
انو قلنالكون الاقسام
انا بدي قسم المسبات :larg:

اي انا كمان بشجع قسم المسبات ... :p
"""""
لك ما قلوتولنا .. المقيمين خارج سوريا ... من وين بيقدر يدفع..
..اذا هيك الدفع ((سندويشتين شاورم)) .. لروح جبلكم من عند واحد أكلاتو ظراف ..:lol:

لك يا عيني الموضوع مو انو هو ابو شو

الموضوع ليش هو عم يتزبط وغيرو لا:o

شايف الأكاديمية مفتوحة لاغراض تزبيطية !

بدنا نحط هالاكاديمية على جدول اعمال الاجتماع القادم لمسئولي المعبد

انا بحب اشترك سجلولي اسمي
ولي عودة هلىء مستعجلة عندي مشوار مهم..


بالمناسبة االله يبعت الخير بلشت تشتي بسوريا:D

سنة مباركة للكل

لك مو عاساس بلش الدرس الاول ؟؟

مزبوط بس انو عم نجبلكن مدرسين محترفين...

وايت روز سجلنا اسمك..بوشك عالبنك

مولانا شو اتفقنا مبارح...؟؟ ما بدك تضتبضب انت ومعبدك؟

وانا وين اسمي؟؟؟:jakoush:

طيب وين البنك ؟؟

لك صحيح وين بدنا ندفع نحنا .. ؟؟
واذا في طلبيات للمدرسين لقدم طلبيتي

باقرب فرع للاكاديمية فيك تدفعي
بالنسبة للمدرسين الشغلة بالدور هاه و حسب تقديم الطلبات
لا تزاحمي

مايسترو عندك اكاديمية وما بتئلي

وأنا بدي سجل إزا بتقبلوني :D

هنا .. الدرس الاول ..

درس المسبات .. ومضيعة الوقت .. " طلبا للجماهير "

وبعد ..

هادا يا عزيزي العزيز .. بتكون قاعد بأمان الله ..
بيخطر عبالك انو تسب واحد ..
لوك ليش ؟
هيك ..
لهون هي النقطة كتير مهمة
وشو المهم بالموضوع
انو " هيك "
المهمّ ..
بتفتح قائمة الاون لاين عندك .. بتصفن هيك ..
شي نص ساعة .. بتحسب الاحتماليّات .. اللي ممكن تسب فيها ..
لقينا واحد .. كان به ..
طيب .. حابب انك تسب .. وما تاكل مسبّة ..
بتسب بتسب بتسب بتسب بتسب ..
بتدق البلوك اللئيم .. بالنسبة لا الاعتذار وهالشغلات .. نحنا ما فاضين هلأ .. بآخر الدرس منحكي فيها

في عندك خيار آخر ..
انو واحد ما خرج المسبة ..
بتفتح المسنجر ..
بتعد للتلاتة .. بقلبك طبعا ..
وبتبلش بتبلش بتبلش بتبلش

بعدين

يوه .. سوري كنت عم حكي رفيئي :oops:

آسف كتير كتير .. خلص ليك ثواني بدي خلص منو وبرجعلك

بتدقو بلوك ..

طيب .. بعض الاسئلة ..

عددلي تلت حسنات للدرس ..
عددلي تلت سيئات للدرس " اللي بيجيب سيرة هادا السؤال .. بدو ينحزف اسمو من الاكاديمية "

اي طريقة تناسبك اكتر .. الاولى ولا التانية ؟
وليش ؟

حددلي مبدأ المسبّات .. وايمتا بتكون حضرتك .. جاي عبالك تسب ..

وشكرا ..

صج صج ..

في شغلة نسيناها ..

انو للي ما بيعرف يسب " ال يعني "

هادا الشي اسمو دروس خصوصية ..

وبموناسبة الافتتاح

اللي بدو هالحكي ..

يبعتلي برايفت ..

وانا جاهز لتلبية الطلبات ..

يرجى كتابة الحالة المطلوبة ..

+ نوع المسبات ..

+ انو ازا المسبات .. تقيلة .. خفيفة .. مدججة :p


ولنا عودة للتجاوب عن اسئلتكن

خلص التسجيل ولا في مجال؟؟:pos:
عجبني الدرس:larg: