|
انا بحكي عن حالي
ما بعرف اذا بعتبر حالي جديد و لا قديم لأنو الاخوية متل الشجرة كل فترة بتجدد حالها بس اذا ما كان الموضوع بيستاهل احرق فسفور و رد ما برد |
بعـرفش ازا في اشي اسمو جديد وقديم! ..وشوي حاسة الموضوع فيو مبالغة..
مع هيك رح اكون صريحة واعترف انو يمكن اول ما انتسبت للاخوية كنت احس متلك وافكر هيك..وكنت حابة يكون عندي اصدقاء ومدري شو..(مع انو بالواقع غير هيك انا..مش اجتماعية يعني) اليوم يمكن صرت اتصرف ع طبيعتي اكتر ..انو أكتر هدوءا وهيك.. وانطواءا يمكن كمـان..بس لانو هيك انا بالواقع.. وبالعكس هيك بحس براحـة أكتر! يمكن هي مسألة تعويد بس ..:D |
انتو مكبرين الموضوع حبتين
هلق كحاجز ما بتوقع انو في حاجز بس دايما بيقولو انو فارق العمر بيلعب دور باسلوب المعاملة وهون نفس الشي فارق العمر باخوية بيبلعب دور بطريقة المعاملة يعني مش مطلوب من عضو قديم يجي يتعرف بطريقة ودودة على كل الاعضاء الجدد ولامطلوب من عضو جديد فورا يبلش خفة دم على لاعضاء القدامى:lol: خدوني مثل انا لما فتت اخوية ما تركت حدا ما اتخابطت معو وهلق نصون اصدقائي وفي كتار منون جدد وما الون شهرين موضوع المشاركات والعدادات ما بتوقع انو الها كتير تاثير انا اول ما فتت كان عداد مشاركاتي محصور بالمنبر والاخبار وحاليا اكتر مشاركاتي بالسقيفة (يلي مو عاجبة البعض ومعتبرينها شي تهريج وهيدا شي غريب يمكن لو بتفوتو عليها ممكن تعرفو شو بينكتب بين السطور) انا بكتب بالسقيفة وبدون عداد مشاركات والموضوع مش كتير مهم انو نركز عليه اهم شي هو العلاقة الحلوة بين الاعضاء ولاحترام المتبادل والرفقة بتجي مع الوقت مش هيك خبط لزق وبعدين كل طل طنجرة والها غطاها والا كل عضو جديد ما يلاقي اعضاء قدامى يتفق معون ومش ضروري يتفق مع الكل:D |
هلا صح انا قديمة بالاخوية .. بس قطعت فترة منيحه .. وحتى قبل ما اقطع
حسيت بهالشي عيب الاخوية انو فيها متل الجروبات والشلل بتحس في جروب للمشرفين وجروب للاعضاء القدامى يعني بفوت عضو جديد برد ع موضوع لعضو قديم ما بينرد عليه ويمكن ما بينقرا كمان :? |
اقتباس:
هلا بدي أحكي عن رأيي أنا صرلي سنة وكم يوم بس :lol: يعني لا أعتبر لا جديدة ولا قديمة بس الي ملاحظة عالطرفين طبعاً الكلام يلي رح ادرجو ما فيني عممو عالطرفين وإنما ملاحظات على بعض الافراد من الطرفين الجدد بيجو وهنن مو عارفين منيح شو هيي أخوية وبيتعاملو فيها بشكل غريب يعني مثلا في منن بيشوفو أخوية بس مسابقات وطق حنك وبفضل جهودون الجبارة صار جديد المواضيع كلو مسابقات أو في منون بيفكروها متل باقي المنتدايات وبيفتحولنا أحاديث دينية ... بتقلهم يا بابا ممنوع ... ما بيقتنع انا متل هيك أعضاء جدد ما بيلفتو نظري أبداً وما بيخطرلي أعمل صلة معهم ... يعني في حاجز رح يبقى لأن تطلعاتي غير تطلعاتون وما عم حس أنهم عم يقدمو شي ايجابي أو حتى عم يتأثر بجو أخوية جايبين ألعابهم وتساليهم وبدون يفرضوها .... صار كم موضوع نزل حول الانزعاج من ظاهرة المسابقات البايخة ومع هيك لا حياة لمن تنادي منجي عالأعضاء القدامى ... بمجرد ما ينزل موضوع للنقاش _ بيكون عالأغلب صاحب الموضوع جديد _ ما منلاقي إلا القداامى فاتو وصارو يقولو مكرر وهيك أشيا طيب شو يعني ...أنت ناقشت بهالموضوع ... هلا إجا دور غيرك يناقش وحقو يناقش طالما الظاهرة موجودة وطالما التساؤل لسا مهم ... يعني تخيل حالك أنت منزل موضوع وحابب تناقش فيه وأجي قلك يا زلمة موضوعك قديم ومكرر ... اي شو هالدفعة المعنويات الخارقة :lol: لهيك بطلب من الأعضاء الجدد تعرفو على أخوية منيح وفهموها وحاولو تناقشو بمواضيع جدية ... أو عالأقل حاولو تستفيدو ... أخوية مش بس منتدى ترفيهي وللأعضاء القدامى ... أخوية متل كل شي بهالدنيا بتتغير مع مرور الوقت والتغير طبعا بيجي من اعضائها مو منها ... منعرف أنو في حنين للأيام الخوالي وأنها لا تُقارن مع أخوية الحاضر بالنسبة الكم بس يا ريت بدل التحسر هاد بسلبية .. كونو فاعلين وبإيجابية . :D |
اقتباس:
اي اسأ لله ع اخوية زمان وقت كان النظام سائد وحظر التجول وايام هاني و The Light اقتباس:
بس وعليه بضيف ع فرناندا انو اخوية صارت كلها العاب والاعضاء الجداد مفكرين انون رح يكسبو صداقات من الالعاب وهاد الشي بديهي لكن لانو البعض عم نوه هه؟ البعض ... صاير عم يتمسخر ويفتح بكل موضوع تشات الاعضاء "القدام" فلو وانسحبو من هالمواضيع ومشان هيك عم نلاقي بس الاخوان اللهلوبين عم يسرحو ويمرحو هنيك فتركنالون ياها اقتباس:
وادبا ما حسيت فيه بس دغري عرفت اللعب كيف عم يدور هلأ سوا ربينا عضو جديد وفي أ ساكلي وفي وهج البراءة وفي وفي ووكلنا رفقات الحمدلله واللامنتمي اللي دخّل علينا موجة اللغة العربية كمان حسيتو متعجرف بس بالاخير فهمت عليه قرصان الادرياتيك اللي بتعتبرو من الجداد ما في منو والله وزلمة وابضاي والو كلمتو كمان :adal: اقتباس:
والله فكرتك من المحاربين القدامى يعني فكرتك طالع ع المعاش؟ انو انا شخصيا احمد ما كنت بطيقو والله صراحة وبتمنى ما يزعل بس هلأ لمن عرفتو عن جد فهمتو وفهمت تفكيرو وقديشو طيوب وحبااااب انو هي كونا صداقات وفي اي تفرقة ب Levels بين الاعضاء اقتباس:
ع القليلة كنتي خبرتينا ولا عملتي نيولوك ومو ناوية حدا يشوفك خوفا من الحسد لا تخافي رح غمض عيوني علـ .....ـة:oops: -------------- بعدين بشرفك مو شايف هالموجة اللي اجت علينا يعني بلوة وانبلينا فيا مو شايف انو البعض عامل احزاب من نفس البلد وعم يحط مواضيع هون وهون غلاسة وجكارة فينا؟:? انو واضحة متل عين الشمس وبعدين يا ويجا ما في عضو اتبهدل متل رامي 'Syrian Gay ' ولا قى الكتير صعوبة بفهمو وفهم شو عم يفكر فيه بس عنجد الصبي ما في منو وما في من حنية وطيبة قلبو ما في ونعم الصديق هوي يعني ما لازم تحس بهيك شي صديقي بالعكس انتي والاعضاء المميزين مرحب فيون اني تايم وبدون شروط كمان :D |
اقتباس:
أنو معك كتير أنا هون ترا هااا بس صحي في شغلة .. لا تتعبي حالك كتير .. مين رح يقرأ ؟ كم عضو ؟ هاي اذا اقتنعوا .. فـ بكتفي بـ :lol: |
اقتباس:
|
اقتباس:
انو شو ؟ والله قريت ردها كلو :cry: اقتباس:
بس انا عرفتك شو لكان مع مين حاطة :larg: |
اقتباس:
عــ راسي أبو الرام :oops: سيدي المهم دلينا بدلونا :p |
[quote=W.E.G.A;1196771]
مرحبا صبايا و شباب في شي حسيته بأخوية ما لقيته بأي منتدى تاني إنتسبت اله مابعرف اذا انتوا حسيتو فيه رح نشوف هالشي هو الحاجز بين الأعضاء القدامى والأعضاء الجدد كلامك صحيح وهو من واقعيتك الواسعة ليس من خيالك الواسع. وفعلا ان الاعضاء القدامى يتفاعلون مع بعضهم كثيرا ولا يهتموا بمشاركات الجدد وان تفاعلوا مع الجدد كان ذلك بسخرية . وانا بحس انهن القدامى انهم يعرفون بعضهم خارج المنتدى وباسمائهم الحقيقية وهاي شي عادي لأنهن يكونوا اصدقاء قبل انتسابهم للمنتدى .ويتسايرو(يدردشوا) في المنتدى؟وبيسووا اراكيل؟ وانا بعتقد تقريب المسافة بين القديم والجديد هو من مسؤولية المشرفين على المنتدى, منشان ما يصير عنا ( أجيال : قديم وجديد وأقدم ومستحدث ). والمسافة الحقيقية يجب ان تكون هي طبيعة المشاركة, يعني اذا واحد اشترك مبارح وقدم مشاركة جيدة لماذا لا نهتم به؟ ما بعرف يمكن الزمن مهم منشان الالفة؟؟؟ مع تحيات عضو جديد طخ |
انا بايدك رضوان بقصة الزمن
واهلا بالعضو الجديد طخ |
[quote=بنفسجة;1196935]انتو مكبرين الموضوع حبتين
هلق كحاجز ما بتوقع انو في حاجز بس دايما بيقولو انو فارق العمر بيلعب دور باسلوب المعاملة وهون نفس الشي فارق العمر باخوية بيبلعب دور بطريقة المعاملة يعني مش مطلوب من عضو قديم يجي يتعرف بطريقة ودودة على كل الاعضاء الجدد ولامطلوب من عضو جديد فورا يبلش خفة دم على لاعضاء القدامى:lol: يعني ذكرتني بالجيش والرتب ( كانوا يوصونا اياكن تعطوا وش للعساكر وصف اضباط وتقعدوا معهن انت ضابط وهو عسكري) يا صديقى الشللية موجودة بكل حياتنا العامة مو بس هون يعني بظل غياب معايير الكفاءة والحقوق تنمو الشللية المهم هون انا بشوف لازم نهتم بنص المشاركة مو بصاحب المشلركة ,انا قريت مشاركان لأعضاء اشتركوا من أيام افضل من مشاركات المخضرمين. فليكن نص المشاركة هو اللغة المشتركة بلا قديم بلا جديد ! مع تقديري (عضو جديد طخ |
اقتباس:
|
اقتباس:
أوافقك الراي وهذا الكلام الذي يجب ان نبني عليه من أجل نسير للأفضل, يعني جودة المشاركة ومدى فاعلية العضو ومداومته بالحضور بالمنتدى هي معايير للقرب والبعد من وعن الاعضاء بس ما بخفيك سر يعني القدامى ( المخاتير ...) بحكم العشرة الطويلة بيديروا بالهن على بعض بس عجبتني منك انو الواحد يقرض حالو بين العجقة بالمناسبة : شكرا لأنك قرأت مشاركاتي بعلم النفس وذكرتني بقلمك. مع تقديري |
هلا انا بعتبرحالي جديدة وقديمه بأخوية لأني غبت فتره عنها
بس بدي قول احنا هون جايين من بيئات مختلفه وكل واحد عندو فكر معين فالاختلاف موجود ومتفقين عليه اما هالحاجز بروح مع الوقت لأنو في الحياة في شي اسمو تعود بعد ما يتعودو القدامى ع لجداد بتنشال الحواجز بس بهاد الوقت بكونو لجداد صارو قدام بس برأيي اكتر شي بيشيل الحواجز بيناتنا انو احنا هون على اختلافنا بنلتقي انسانيا فخلينا نركز ع هالشي الحلو بيناتنا يعني بحس قضية غزة جمعت توم وجيري و ابو وليم وسيريان جاي ونور333 وزين بخندق واحد وفي كتير شغلات كمان رح نلتقي عندا قدام وجداد |
ع فكره .. في شغلة تانيه حابه اعلق عليها
ازا العضو فات باول مشاركه حط بردو الوان وسمايلات كتير بيحكمو عليه بالسطحيه وبياخدو موقف :lol: |
[quote=ابو نجبو;1196786]
شوف خيو المشكلة مو بس بين القدامى والجدد .. المشكلة بعدد المشاركات الموجودة تحت اسم كل عضو وانا متأكد انو في ناس لما بينطرح موضوع أول مابيلاحظو...كمية المشاركات شيت صاحب الموضوع و بعدين بيقررو يردو ولا لا!!! يعني الواحد قاعد بالسقيفة أو بالمسابقات و على كلمتين تلاتة و بيصير بعد فترة زعيم او مستشار بيحسب حالو صار شغلة ..وبيبلش احراجات و سخافات و كأنو المنتدى ملك أبوه ... يا عيني عليك يا بو نجبو. حطيت ايدك عالجرح يعني المشكلة هون مثل مشكلة الصحافة والادب عموما .الي تطرح سؤال : سلطة الاسم أم سلطة النص؟ يعني اذا كان الواحد شاعر لازم دائما يكتب منيح؟ اكيد لا بس عنا اذا هذا الاسم مشهور لو شخبط وكتب أي شي نشوفوا ابداع يا سلام . وانا معك يعني عدد المشاركات مو مهم المهم الكيفية . يعني شو رايك بمشاركات من نوع (على عيني- الله حيو- وينك يا آدمي- شكرا لمرورك- افففففففففففففففففف انا معك -لا مكبرها- طول بالك عليه- شو اسويلك اركيلة- اطلعوا من راسي) هذول 10 مشاركات وقس على ذلك. |
اقتباس:
|
اكيد الشغلة شغلة تعويد مش اكتر في اي مكان بالعالم كل مجموعة بيعملو جماعة وبيكونو رفقات اكتر من غيرن
لأنو صرلي من 2006 بس انا مو رفقات مع كل القدما |
اقتباس:
وبديت احس بلإدمان يعني لازم ادخل كل يوم لو 5 دقايق. وبالنسبة للفجوة بين الجداد والقدامى: قد يكون صحيحا تم انتساب أعداد كبيرة أخيرا ولكن لا تستطيع القول: أنهم من لون واحد وفكر واحد( عدم تقبل الآخر) لكن المعيار الذي ذكرته صحيح تماما لا يجب أن يكون الفرق بين جديد وقديم انما الفرق يظهر من طبيعة المسا التي تحمل فروقات من نوع ( فكر منفتح وفكر متعصب بين متدين وعلماني بين جاد ومسفه) مع تقديري -عضو جديد طخ |
[quote=sandra;1196942]
الجدد بيجو وهنن مو عارفين منيح شو هيي أخوية وبيتعاملو فيها بشكل غريب يعني مثلا في منن بيشوفو أخوية بس مسابقات وطق حنك وبفضل جهودون الجبارة صار جديد المواضيع كلو مسابقات أو في منون بيفكروها متل باقي المنتدايات وبيفتحولنا أحاديث دينية ... بتقلهم يا بابا ممنوع ... ما بيقتنعوا .................. منجي عالأعضاء القدامى ... بمجرد ما ينزل موضوع للنقاش _ بيكون عالأغلب صاحب الموضوع جديد _ ما منلاقي إلا القداامى فاتو وصارو يقولو مكرر وهيك أشيا طيب شو يعني ...أنت ناقشت بهالموضوع ... هلا إجا دور غيرك يناقش وحقو يناقش طالما الظاهرة موجودة وطالما التساؤل لسا مهم ... يعني تخيل حالك أنت منزل موضوع وحابب تناقش فيه وأجي قلك يا زلمة موضوعك قديم ومكرر ... اي شو هالدفعة المعنويات الخارقة :lol: اوافقك الرأي ساندرا ورأيك جدا موضوعي , لانك ناقشت الامر من زاوية (ماذا يكتب االعضو )سواء قديم أو جديد . من أول وهلة دخلت الاخويه كان واضحا انه موقع متميز وجدي ومتنوع ومو تبع تسلية وشات وبس ومن هنا كي يستمر منتدى الاخوية بالإرتقاء يجب التركيز وتعميم معيار ( تجاهل المشاركات السخيفة) وهذا افضل طريقة كي ينتهي ويبدأ صاحبه بكتابة مشاركة جيدة. وبمناسبة تعليقات القدامى ( قديم - مكرر- يوووووه بعدك هون ....) كانت رح تطفشني من المنتدى أول ما شفتها وانا ( عري شهر بالاخوية) بس بعدين تفهمت تعليقاتهم من باب ( قديش مر عليهم أعضاء جدد وقديش سمعوا تعليقات بايخة( |
بتوقع انو معظم الاعضاء القدامى عم يحاولوا يردو عالمواضيع وياخدو ويعطو مع الاعضاء الجدد او مع الاعضاء الي بيحسو انو بيقدرو يتفاهمو معهون .. وكل واحد حسب وقتو ونفسيتو وطريقتو .. وبالاخبر مانو فرض واجب يعني
|
اذا بدك تحكي على عداد المشاركات او على تاريخ التسجيل فيك تعمل فتلة صغيرة على قائمة المشرفين وببين معك تاريخ انتساب كل عضو وعدد ماشاركاته وبتشوف كيف انه بزمن قليل كتير ( اقل من سنة ) بيقدر واحد يفوت بالجو وبيقدر يأظهر افكاره وطريقة تفكيره ويصير من اهل البيت
بس كيف بدي اقدر اتواصل مع عضو آكل شارب نايم بموضوع نطاح اللي قبلك وفشكل اللي بعدك ؟! |
اقتباس:
|
ا..
مع احترام الراي للجميع
هلق باعتبار اخوية مجتمع افتراضي فهدا بيعني انو بهالمجتمع في تلاقي اشخاص فيك تحكي معهن وفيك تلاقي اشخاص مستحيل تقرا اسمهن هلق الحاجز موجود اي موجود ............. بس مين لي بيكسروا للحاجز اصلا طز بأكبر حاجز :gem: انا تعرفت ع اشخاص باخوية ما بيشتركوا معي ولا بنقطة ولا منتقاطع حتى بسطر :deal: بس اعرفنا نكون صداقة .......:sosweet: حتى في ملاحظة : انو في اعضاء مسجلين بكذا اسم هالكذا اسم كلهن ع مستوى من المستشارين و ضريبين الكوسا و بيحبوا يشاركوا حالهن بالراي و يعبروا ووو ... هدول شو فيك تحكي عليهن؟:frown: و يمكن ارجع كفي بالموضوع بعد ما قدم هالمادة ............. ........................ هامش : الى سنفورة :sosweet::hart: |
اقتباس:
|
اقتباس:
بس امنيتي اني اعرفك بس :p وراك وراك .. . . . وراك حيط انتبهي :larg: |
اقتباس:
اقتباس:
اقتباس:
ولّل الحفلة والمجموعة;) |
اقتباس:
يعني هيك تعليق " ينسف مقولة قديم وجديد" وبيترك انطباع حلو عند العضو الجديد يعني بنفسجة صرت عم حس حالي قديم بدرجة 1 من 10 :D |
[quote=رضوان ابو فخر;1197034]
اقتباس:
وللاسف بتلاحظ ظاهرة الرد الفارغ, بعدد لابأس فيو من الاعضاء القبضايات و الزعما... هامش : بعتزر منك شريك منشان أخر مرة وصافي يالبن..:oops: انا بعرف انو عملت موضوع كامل منشان تستدرجني لرد فيه ...بس ماقدرت.:lol: 100 وردة واحلى ابو الروض والله |
اقتباس:
يعني في عالم بتدخل بأكتر من اسم و بيصيري يردو على حالن و بيتقاتلو مع حالن !!!!:? شو هالانفصام هااااد !!! |
اقتباس:
كتير منلاحظ وبكتير من المواضيع انو الجداد بيحاولو انو يتفاعلو بس كمان (القدام أو أصحاب المشاركات) مابيخلولهم مجال سواء كان باحراج أو ببساطة بالتطنيش ..يعني الجديد بيفوت وبيرد على موضوع بيكون القبلو معقب بيجي البعدو بيتجاهل الزلمة وبيرد على قبل القبلو وبتلاقي التنين منشرحين و بيبلشو بالحكي و المسكين اللي بالنص و لا كأنو هون.. |
اقتباس:
|
اقتباس:
أظن اللي بيقدر يتحكم بتنزيل المرفقات..مو صعبة يتحكم بشي تاني وبكل الاحوال انا ممكن ما أخدت بالي من هالموضوع..بسحب كلامي..اسف [/quote] الزلمة أختار فئة معينة .. وهالفئة مو من المسابقات والسقيفة أجو مشاركتها .. لأ أبداً .. ويللي تحت الـ1000 مشاركة مو أنو كمجمل هني تافهين .. بس صارت معنى بمقلايات تانية .. انو فاتو ناس بديو يسألوا اسئلة محرجة وهني مانون على معرفة منيحة بيللي عم ينقلى وكمان ناس فاتت وصارت تسأل من دون ما تعرف ولا شي عن يللي عم ينقلى وكمان وكمان ناس استلمت المقلاية وصار دورها بالقلي مع انو ولا حدا من الاعضاء بيعرف عنها شي .. وضاعت المقلاية .. [/quote] كتير حلو كلامك و تبريرك مقبول جداً ..و ياريت لو انو صاحب الموضوع استعمل اسلوبك.. ما كان انفهم غلط ولا انو كتير من الناس تحسست ..وانا أولن .! |
اقتباس:
قولتك انفصام ومرض خطير كمانا :frown: |
موضوع حلو .. وبيستحق النقاش ...
أكيد هالمشكلة إلها أكتر من وجهة نظر ... هلأ ممكن الأعضاء الجداد ... هني يحسو بهيك شي ... بحسب مستوى تفكيرن .. او طريقة تعاملن مع الأعضاء البقية ... يعني فيك تشبها بواحد داخل ع جماعة مابيعرفها .. وما بيعرف مين فيها .. وشو مستواهن .. يعني بالمختصر .. غريب .. ف أكيد أول فترة مارح يتخالط معهن بشكل كويس ... هيدا لأنو ما في شي مشترك بينو وبينن ... لحد هون ... المشكلة هيي بالوقت .. انو لسا ما مر وقت كافي لحتى تصير خلطة .. وين بقى بتبين مشكلة انو في حاجز أو لأ ... لما بياخد عالجو .. بس بيحس حالو انو عايش بجو مو جوو ... او تفكير مو تفكيرو ... ف يا أما بيحارب .. وبيتحارب ... يا أما بيندمج .. وبيتعلم انو يساير .. ويغير رأيو .. أو بكل بساطة بيضرب بوز .. ومابقا بيفوت .. وهيدا شو مو بس بالمنتدى .. هيدا بالحياة العملية ... انو أي شخص داخل ع جماعة جديدة .. (مدرسة _ جامعة .. أو أيا شي .. ) رح يصير معو نفس الشي ... وكمان في شوية غلط من الأعضاء القدامى ... انن مابيعطو فرصة للعضو الجديد لحتى يتأقلم .. او يغير آرائو ... وهيدا شي غلط ... متل ماهوي جديد ... هني كمان كانو جداد ... يعني المختصر ... لازم نفهم بعض ... ونترك مجال انو كل واحد يعرف التاني مين .. وبس ... يمكن يكونو الجداد أحسن من القديمين .. تحياتي . . THE,unforgiven .... " :D |
اقتباس:
بس كمان مافيكي تعممي صح بعدين بيجي الزعيم ظل جيفارا بينقرني عقوبة لان عم شارك بالتعميم :p وانا معك بانه رامي عانى كتير بس بتعرفي انه انا ورامي النا وضع خاص شوي انا عم بحكي على العضو الجديد اله ما بيضرب على عصب بعض ناس او ما يعرفو هاد الوضوع عنه ومجرد معرفتن بتكفي لانهن يكرهوه :lol: وشكرا الك وهي احلى اني تايم كمان [quote=رضوان ابو فخر;1196996] اقتباس:
جبتها من ديلها احلى طخ والله :D اقتباس:
اقتباس:
اي منين رح يصرلك رفقة اذا بتروح كل روحة الله ربها :D:D بس انا معك يمكن القصة تعويد شوي :larg::larg: اقتباس:
عم نتناقش ما اكتر بتعرفي اليوم شفت بنومي اني عم حكيكي على المسنجر وعم نتخانق :gem::gem: اقتباس:
بس متل ما قلنا ما حنعمم :D اقتباس:
|
ظريفة نور والله تاري عندك بعد نظر بس للأسف بظن ماعرفتي التنتين لأنو التنتين وحدة هي أولا
منرجع لموضوعنا بعد ما شفت تطورات الموضوع كمان انا حستو انو نسبي ومكبيرنوا حبتين يعني كمان انا إلى رفقة كتير من الجداد وفي ناس من القدما كنا رفقا وبطلنا عادي القصة بترجع للشخص والتقلبات الممكن تصير مع العضو |
[quote=zen;1197304]ظريفة نور والله تاري عندك بعد نظر بس للأسف بظن ماعرفتي التنتين لأنو التنتين وحدة
عرفت انها وحدة بس انت خليتها وحدتين ع العموم انا اصلا من برج الجوزاء يعني تنين في واحد ميية هلا:D:D |
| الساعة بإيدك هلق يا سيدي 03:14 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
