|
السيد حسن نصر الله قدر هو والقادة يلي قبلو ويلي معو قوة يحسب لها حساب .
هلق اذا منقول تابع لايران او لسوريا فهاد كلام خاطئ سياسيا لانو التلاتة الهم اهداف وحدة بغض النظر عن النواياهاد من ناحية. من ناحية تانية اذا قدر يتعامل مع شعب كامل بمختلف أطيافو متل ما عم يتعامل مع أعضاء الحزب " التساوي والتعبير عن رأيهم والشعور بهمهم " فأهلا وسهلا تالتا اذا بدي انفي عنو القيادة لانو شيعي او مسلم او ديني ... فما لازم اطلب منو المساواة او انو يتقبلني علمانيا لاني انا ما اتقبلتو من الاساس. ومتل ما قلت هو اكتر من اي زعيم لطائفة او حزب او دولة عم يقدر يعبر عنهم بالفعل وليس بالقول فقط.:D |
باختصار شديد لأ
بالتفصيل أول شي أنا ما بحب السلطات اللي أساسها ديني بفضل العلمانيين * |
اقتباس:
شيعة وشنّي * |
بغض النظر عن ديانة الرجل او(طائفته) فهو صادق في كل ما يعد به ويحترم كلمته قد يصلح ان يكون قائد دولة او رئيس على عيني اما قائد امة فلا اعتقد ذلك
|
هل تعتقد إن السيد حسن نصرالله هو قائد للامة العربية؟
............ برأيي لا والنواتج دماء ودمار  |
أمد الله بعمره وأدامه لنا السيد حسن يكفيه أنه صادق يرفض الذل والاحتلال بصدق مناضل ضده يرفض الخنوع
وهذا الشئ نادر عند بعض الحكام العرب لذلك أراه يصلح ليكون قائد للامة العربيه :larg: |
اقتباس:
|
فكرو سابق بكتير فكر الجماعات الدينية التانية بكل المنطقة العربية . بيختلف عن التيارات السلفية والتيارات الاخونجية وتيارات ولاية الفقيه بالعراق . انا برأيي كمقاوم وثائر هو رمز لكل الامة . وما بتصور انو عندو طموحات قيادة كل الامة العربية اساساً . وبكلمته الاخيرة كان واضح انو فهمان قواعد الصراع في الشرق الاوسط بشكل حقيقي بدون العزف على وتر الاديان لكسب التأيد حيث اكد ان الصراع هو صراع سياسي ولا يمت بصلة للدين . وان اسرائيل لا يهمها ان تحارب الاسلام بل هي تحارب التوجهات السياسية .
بشوف انو السيد نصر الله كنز ثمين كـ مقاوم وثائر ورمز . اما كـ قائد ديني فهي مو من ضمن طموحاتو بتوقعي . وانا برفض الو لعب هالدور . يعني انا من معارضي الحكم الديني بالتأكيد . |
صباح الخير
اين هو من الدمار اللى حل بغزة والفلسطينين واين ايران وسلاحها النووى اللى بيوصل مداة لتل ابيب
اين باقى الحكام موش بطيارة اكل ولا لبس نكسب الحرب او نحارب بيها حرام عليكم يا عرب ويا مسلمين لازم تفيقو من الغيبوبة اللى انتو فيها و تصحو ولو للحظة |
اقتباس:
حسن نصرالله الشغلة الوحيدة اللي ما قدر ينفذها هوي وعدو واكبر واقرب مثال، الوعد بعدم استخدام السلاح بالداخل ... ماني ضد حسن نصرالله.. انا معو .. وكتير معو .. بغض النظر عن اني ما بحبو كشخص ... بس كمواقف .. واهداف.. اي بحترمو كتير وبجلّو ... لكن بالنسبة للوعود ... ما بقدر اوثق فيه للسبب اللي تم ذكرو . |
نحن العرب اتفقنا على ان لا نتفق وهي رح نتفق عليها كل اعضاء اخوية انا احب شخص السيد حسن نصر الله واحترمه جدا ولم اسمع او اشاهد اي زعيم عربي على قيد الحياة اصدق منه واثق بكلمته تمام الثقة وحتى اظن ان الاسرائيليين انفسهم يصدقونه اكثر من قادتهم ولكن احبه امين عام حزب الله الرجل الثائر على العدو الاسرائيلي واظن ان له في موقعه هذا حرية وقوة موقف اكثر من ان يكون قائد امة لان القائد السياسي محكوم بقوانين ومقتضيات السياسة اكثرمن قائد جماعة او حزب وبكل الاحوال لو اتحدت الامة فلن نجد افضل منه ولكن انا افضله بوضعه الحالي اكثر |
اقتباس:
يقعد يتفرج علي عم يبيعو ويشترو بالبلد ويتاجرو بدم الحريري(( يلي هو ابوهم )) او يدافع عن نفسو وفكرو ؟؟ |
اقتباس:
|
ايمت الانسان بيكون زعيم لما بيحكي وبينفذ مو بس خطابات
ولله نحنا الشعب العربي صارت زمرة دمنا خطابات ومسيرات الزعيم يلي بيحكي وبينفذ مو بس حكي اوكيه لاخلاف على انه افضل من في الساحة بس كمان موهاد مطلوبنا كشعب عربي مابتخيله زعيم عربي ممكن يكون قائد جيد |
اقتباس:
والايد الي رح تنمد على السلاح رح يتم قطعها وعندما كان في خطر على سلاح حزب الله نفذ الحزب وعدو فقط بما يخص هذه المسألة وليس لتحقيق اي هدف سياسي والدليل انو فور الغاء القرارات الي سببت الأزمة عاد حزب الله الى مكانه السابق . |
اقتباس:
لكن ما بتصور نختلف على انو سيد للمقاومة وما عم يزاود على حدا حقق نصر تاريخي على اسرائيل جدد ثقة المقاومة الفلسطينية بنفسها الي هي عم بتقود العملية بغزة بنفس استراتيجية حزب الله قدم ابنو شهيد واخرج الاحتلال عام 2000 من جنوب لبنان وحرر كل الاسرى من سجون الاحتلال . اذا كان هالحزب بيواجه حرب بلا هوادة داخلياً بلبنان بتشكك بانتماؤه واهدافه وحرب دولية ضده اكيد هالشي بيقيد من حركته في نصرة غزة . |
اقتباس:
و هذا السبب يلي خلاني حط الشرط و هو نزع العمامة و اسقاط لقب الشيخ عنه |
طريقة التفكير العربية بتجيب الفالج عن جد
يعني اذا واحد عبقري بالرياضيات و اخد جائزة نوبل فيها , بصير بدي شيلو من المحل اللي هو مبدع في وسلمو منصب مشان خربلو كل شي انجزو. اذا حسن نصر الله حقق اللي عجزت دول عربية عنو , فالسبب الرئيسي برايي هو انو مانو زعيم ولا قائد دولة فليش مصرين تنزعوها؟؟ بعدين غريب هالعنوان, قائد الامة العربية!!! ليش هو بيؤمن اصلا بالامة العربية؟ مو هو قائد حزب اسلامي بيتبنى النموذج والفكر الاسلامي الشيعي ؟؟ شلون بدو يصير قائد الامة العربية يعني بدكن تعملو شيخ دين معمم عبد الناصر موديل 2008 ؟؟ بعدين حسن نصر الله , بغض النظر عن اللي الانجازات اللي عملها واللي برايي كافية لتعطي صورة ايجابية عند كل العرب, غير مستقل , هو تابع باعترافو هو نفسو لايران , تابع دينيا لانو بيعتبر الخامنئي مرجعيتو الدينية , تابع عسكريا و اقتصاديا , يعني التسليم بزعامتو للامة العربية هو تسليم بزعامة ايران للعرب الامة العربية امة خربانة, وهالموضوع اكبر دليل , و كانوا كل مشاكلنا محلولة وبس ناقصنا زعيم يقودنا |
اقتباس:
بيحيك أيهم أنا قلتها قبل هلأ وبكررها . نحن بحاجة لرجال مثل حسن نصر الله . كل في مكانه وليس أسقاط تجربته كما هي |
اقتباس:
مصطفى وين كتير بجبلك عشرات الخطابات الو يلي بيقول فيها أنو مستحيل سلاحو يتوجه للداخل لو شو ماصار . وفي قصة بيرددها كتير أنو رحلون كذا قتيل مرة بإحدى المظاهرات ومع ذلك ماوجهوا سلاحهم للداخل . ولو أنعادت هي القصة ورحلهم مئات القتلى مارح يوجهوا سلاحهم للداخل أما أنو قال رح نستخدم السلاح لحماية السلاح . فهي قالها أول يوم وهجم على بيروت تاني يوم بكل الأحوال بالنسبة لأقوال نصر الله . هو قال بعد أغتيال مغنية أنو بدو يزيل اسرائيل . عم نستنى |
اقتباس:
اما عن ازالة اسرائيل . هو قال رح يكون هناك رد مزلزل . ودم عماد مغنية سيكون بداية نهاية اسرائيل . بتصوري مو بين يوم وليلة بتكون نهاية هالبداية . |
اقتباس:
|
اقتباس:
يا سيدي علشو عم تحرقو دمكون؟ اي تهنو ع القليلة بالسنة الجديدة كل سنة وانتو سالمين حبايبي :o |
اقتباس:
بل وجه سلاح ضد يد اسرائيلية تعمل في الداخل والكل بيعرف انو في بلبنان تيار قومي عربي لصالح سوريا وايران وتيار لصالح أمريكا وطبعا متبوع باسرائيل بعدين انا بعتقد انو يومتا حولو يمسو جزء من سلاح المقاومة يلي هوي الاتصالات وكلنا منعرف شو هي أهمية الاتصالات في ساحة الحرب بعدين يلي بيعتبر انو حسن نصر الله تابع لايران اي ما في دولة بالعالم العربي أو حزب الا مو تابع لدولة قوية من اجل حماية الكرسي والدعم لأنو نحنا العرب انفرض علينا نكون طفيليين لأنو ما حدا بيقبل بوجود التاني بعدين دخيلك كون تابع لايران أحسن ما كون تابع للسعودية |
اقتباس:
يا سلام عليك يا سيجارة والله صرت تعرف سلاح المقاومة طيب سؤال ليش التيار العربي و العجمي ما دافعوا عن هذا الحزب في 2006 ليش خلوه يندك 31 يوم وهما يتفرجوا ليه اسرائيل تضرب وانت و العجم بترقصوا دبكه ((لك وين الدبيكيه وين)) ولك النذبح 2000 لبناني ونهدم بلد كله وتسموه انتصار ولك ع بتحكو بس والله ما بتفعلوا لك السعودية عارفة البير وغطاه:lol: يا سيدي خليك تابع لايران ليه في احد حزنان يعني |
اقتباس:
ومين قلك انو ما دافع عنو؟؟؟؟؟وقولك مين دعمو بالسلاح؟؟؟ السعودية يا ترى؟؟؟؟ وبالموقف السياسي مين دعمو ؟؟؟؟ مصر؟؟؟ وهل سوريا سكرت حدودها مع لبنان وكبيتو بالبحر او استقبلت كل لبناني استنجد بيها ببيوت اهلها؟؟ وفي احداث نهر البارد يا صديقي العزيز مين دعم الجيش اللبناني في عز الازمة بين سوريا ولبنان (( على فكرة الامريكان دعمو الجيش اللبناني بعربات نقل غير مسلحة مشان الحلال والحرام)) وهذا قليل من دعم سوريا للبنان وحزب الله وليس كله فيك تخبرنا عن انجازات السعودية بدعم لبنان او فلسطين او اي حركة تحرر عادلة غير القاعدة طبعا وعلى فكرة كمان سوريا ساعدت اهل العراق في ازمتهم واحتمى فيها حوالي مليون عراقي اثناء الحرب اذا مش اكتر وتحياتي |
وننتظر اشتعال جبهة الجولان
انها الفرصة ام أن الورقة التي لونتها سوريا وايران ستحترق .. ونحتفظ بحق دفن موتانا على عجل تباً للغة وتبا لحق الرد وتبا لكل من تسبب لنا بهذا الدمار وغدا سيخرج ويعتذر لعدم علمه بوحشية العدو |
اقتباس:
ياغالي يلي حققوا حزب الله بال 2006 وبحرب تموز ما قدرت اية دولة عربية تحققو حزب الله يمكن ما هزم اسرائيل الأقوى في المنطقة بس قدر يمنعا لمدة 33يوم متواصلة من اقتحام لبنان وكبدها اكبر الخسائر بعدين تجرد شوي من مواقفك رح تعرف انو السعودية هي البير وغطا ولولا السعودية كانت الامة العربية بالف خير بعدين ليكن بغزة شوةية صواريخ عملو مشانا مجزرة وبالتالي اسرائيل مانا بحاجة حجة لحتى تعمل مجزرة بعدين شكلك جاهل بهالامور فلا تدخل فيا مشان الله |
اقتباس:
ولكل يلي بمحور الخير رح قولهم كلمة وحدة بس ( هيهات منا الذلة ) و شيلوا الطماشات عن عيونكم الله يحمي للسيد و السلام ختام |
السيد : حسن نصر الله زعيم الامة بلا منازع و لمحور الخير كلمة وحدة بس شيلو الطماشات عن عيونكم بقى
والسيد الله يحمي |
اقتباس:
هيك وهيك شعب غزة ميت "ميت جوع او ذل او شهادة في سبيل الوطن" اذا انت جزائري قلي هل الاستعمار الفرنسي اقل وحشية او ربما جيش التحرير الجزائري كانت امكانياته متناسبة مع امكانيات فرنسا فرنسا احتلت الجزائر عقب حادثة المروحة بعد ما اشار حاكم الجزائر بهداك الوقت بالمروحة في وجه القنصل الفرنسي الذي رفض تسديد ديون فرنسا للجزائر ,احضرت فرنسا جيوشها واساطيلها للدفاع عن كرامتها المهدورة والباقي الجميع يعرفو "عيب ننساق وراء حجج العدو ونلوم اشقاءنا على ممارسة حق من حقوقهم" هذا بدل ما نجمع قوانا وندرس كيف نقدر نوقف معهم "نلقي اللوم عليهم ما يكفيهم قنابل العدوو حتى نكمل عليهم؟ |
اقتباس:
ينصر دينك هيدا الحكي يلي بينحكي وغيرو لالا |
مصيبتنا العظمى بسبب دولتين تتدعيان الاسلام والجهاد وهم ابعد الول عن الحق والنخوه...وهم اساس مصايب العرب وهما ايران والسعوديه....و قد اثبتت الاحداث وضوح ذلك؟ فالسعوديه مولت وساعدت الحرب عا العراق ولبنان وغزه؟ وايران كذلك دمرت وما زالت تعيث بالعراق الفساد؟
وهذا الدعي الذي خدع به المغفلين من امتنا العربيه حسن نصر الله الخائن الذي دمر لبنان؟ والمصيبه يهاجم مصر؟ اين صواريخك يا سيد حسن؟ اين نصرتك لغزه؟ بتحريض شعب مصر؟ لماذا لا تحرض جارتك ؟ سوريا والتي تتماوت عا السلام؟ لماذا لا تفتح جبهة الجولان؟ متى يحين الوقت؟وايران ماذا فعلت لغزه؟ الجميع سواء بكاء وعويل وتنديدوصياح؟ لقد اسمعت لو ناديت حيا لكن لاحياة لمن تنادي لكم الله يااهل غزه..وليسقط العملاء والخونه من امثال حسن نصر الله وجميع الحكام بلا استثناء |
اقتباس:
الله حيو , عجبني هالتحليل الفذ بس نسيت تسب شوي على حماس وتتهمن انن عملاء لاسرائيل , ما هي هيك الموضة هلق |
اقتباس:
وبعدين زمان اول تحول والعنزة السارحة غير مبارحة يا عيوني اتقبلو الواقع رح نضل هيك وفلسطين رح تضل هيك لحالها يعني للاسف هي هيي الحقيقة تقبلوها وخلصونا بقى كل واحد صار عامل سياسي ويحكي بالطالع والنازل |
اعتقد ان ما فيش قائد يصلح انة يكون زعيم ب للامة المشتتة الاول نلم الشمل ونتفق
|
يا شباب لا تناقشوا هالجهلة ...
هنن كلهم مغسول دماغهم ( أميركياً ) و معتقدين أنو ملوكهم على حق و أنو المقاومة هي عيب بحق القادة هيك علموهم الاميركان و جدودهم الأسرائيليين |
اقتباس:
ختي انا لا سياسية ولا بحب السياسة بظن ان كل واحد حر بتفكيره وقناعاته فلسطين حاليا لوحدها بس والله رح يتغير الوضع وانا كلي امل اكيد مو اليوم ولا بكرا بس دوام الحال من المحال اللي بدو يتشاءم هو حر انا متفاءلة بالتضامن من كل بني البشر ومتفاءلة ان الله سينصرهم ولو بعد حين |
ما دام في معنا اشكال بتناقش بهالطريقة وواثقة من حالها ومن ملاكها فاكيد لازم نتشائم من النتيجة ومتل ما قال مزووون <<<<صياد الطيور
هيدول انعملون غسي دماغ |
أجل يصلح ليكون قائد للامه لأنه معروف بكرهه للاحتلال ومناضلته الدائمه من أجل الحريه وللقضاء على اسرائيل وأسيادها وأتباعها
أطال الله بعمره وأدامه الله لنا |
| الساعة بإيدك هلق يا سيدي 14:42 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
