|
اقتباس:
وخلال هالـ 24 ساعة بدو يكون عطول ميتوجع وميتعذب.. و جسمو ما بيتحمل أي مسكن.. والاطباء نصحو بالموت الرحيم و المريض ميترجاهن وميصرخ ميشان يريحوه.. بس الاهل ما وافئو..وبعد 24 ساعة مات... بعد ما ضل بأخر 24 ساعة من حياتو ميموت مية موتي من الوجع... وقتها شو !!... شو منكون عملنا غير انو خلينا موتو ابطئ ..وخلينا عذابو اكبر!!.. شو منعمل وقتها ... منجي منعاتبو لـ الله يعني...ليش ما شفيتو!!!... |
بهداك الوقت بيكون قدرو الموت
مو هيك وبعدين اذا فيك تعاتب الرب ابقى عاتبووو |
اقتباس:
اقتباس:
وآاعد بدولي ما بتسمح بالقتل الرحيم (شروانا) ... هوي ميترجى الدكاترة انو ماعاد تعطيه دواه.. لأنو طول مانو مستمر بالدوا .. عذابو ميستمر.. واهلو كمان مترجو الدكاتر لنفس الشي.. لأنو ماعاد فيون يسمعو صراخ ابنن كل الليل.. ومو آدرين يعملو شي.. والدكاترة ما طالع بايدون شي لأنو القانون بيمنع.... هاد شو بيكون "قدرو" !؟ |
اقتباس:
|
معاكي حق وأنا معك كمان نور
|
اي خليكون مع بعض انتي ونور وانتبهو على بعض ها وامسكو ايد بعض مشان ما تضيعو الطريق مو عمو
|
يا نور .. فيني اعرف أنتي ليش ضد القتل الرحيم ..
أو اي شخص تاني بيرفض القتل الرحيم .. ممكن أعرف شو السبب |
أنا ما بأيده تماما بالعكس أنا ضده والي بساوي هيك مابكون عنده رحمه
|
اقتباس:
عدم تأييدي للموت الرحيم سببو رؤية لي وهي جميعنا مسلم بمكانة النفس البشرية وقيمتها وعدم حرمان او انتقاص اي احد حق الحياة [FONT='Arial','sans-serif']ألآن الموت الرحيم ينطلق من هدف سامي وهو تخليص شخص مريض بمرض عضال ولا يرجي شفاؤه من الم لا يحتمل في الدول اللي بتبيحو المريض يكون بحالة وعي كامل ويطلب هاد الطلب شخصيا او يكون في غيبوبة والموافقة على الموت بكون عن طريق اهلو [/font] [FONT='Arial','sans-serif']الموت الرحيم بدأ بالحيوانات يعني مثلا لو اصيبت فرس او اي حيوان بعرف انهم بيقتلو ودائما تجارب الانسان بتبدا ع الحيوان-لقيمة النفس البشرية- وبعدين بجربها ع الانسان وهاد شي منيح ونافع في كتير مجالات زي صناعة الادوية بس اللي نقل تجربة الموت الرحيم للانسان غفل عن مكانة النفس البشرية وقيمتها هلا سؤال [/font] [FONT='Arial','sans-serif']لو رجل متزوج ودخل بغيبوبة وزوجتو بكامل صحتها بعدين هاي الزوجة توفت مين يرث الآخر ؟ هاي دليل على قيمة الروح البشرية حتى لو كان صاحبها بغيبوبة[/font] [FONT='Arial','sans-serif']بعدين ممكن مريض بيتألم وبمفهوم ألآخرين الموت الرحيم افضل الو يكون شاهد ممكن ينجي حد من حبل المشنقة وممكن الشخص نفسو يكون عالم بمجال معين ويستعصي على علماء معو امر معين يكون مفتاحو معو [/font] [FONT='Arial','sans-serif']بجوز ناس كتير يعتقدو اني خرجت عن الموضوع بس الرسالة هي انو حياة الانسان الها قيمة وبتفيد البشرية وبجوز هالشخص اللي بتألم يكون سبب لتخليص آلآف الناس الاصحاء من الم بيتظرهم [/font] |
هلىء ممكن من ناحية إنسانية كون مع الموت الرحيم لكن إذا بدي أخد هالشي على نفسي أنا فأنا ضده ضده ضده مستحيل أتخيل ابي او امي اختي اخي اي شخص بحبه لاسمح الله ووافق على اني انهي حياتهم بقرار مني مستعدة عيش عمري كله معهم كأشخاص مريضين ومعزولين ومكروهين من كل العالم ولا وافق على اني اقضي على حياتهم بإيدي وجودهم وجود نفسهم معي ارحم من أنهم يكونوا بعالم آخر :cry: مابتخيل اني رح كون مع وأبدا |
أنا مع ضد.....يعني ضد
ليش ؟؟؟؟ما بعرف بالضبط بس مو ظابطة معي هالشغلة!! لهيك انا مع ضد |
انا مع مع مع كتيييير والاسباب انقالت مع الناس يللي هون يللي قالو مع هني كمان |
مع بالتاكيد
لانو راحة للمريض اولا وراحة للعائلة ثانيا وانهاء الاللام ما كان يوما ما جريمة |
للأسف انو انتي مع الموت الرحيم
|
اقتباس:
جوابك بيكفي وبيوفي انا معك بهالجواب ومافي داعي زيد |
اقتباس:
|
اقتباس:
مانك بحاجة لدعم حدا انتي هون لتقولي رأيك وتحكي عن الشي يلي مقتنعة فيه وملاقيتيه صح:D |
اقتباس:
|
أنا من ك يوم بس شفت فليم بيخص القتل الرحيم
انو شو مفيد خصوصا للتبرع بالأعضاء و هيك شي بس أنا ضد القتل الرحيم |
أنا من كم يوم بس شفت فيلم و الله مو مذكرة اسمو بيخص القتل الرحيم يعني حاطين فيه انو في مرضا معذبين و كثير تعساء أهلهم و حزنانين عليهم لمدة طويلةو كمان في المقابل في مرضا محتاجين لأعضاء و عم يقنعو أهل المريض الثاني لي مقطوع منه الأمل ليوقعو على ورقة موتو و يسمحو بتبرع الأعضاء و هيك شي .
بس أنا ضد القتل الرحيم مستعدة أوقف مع شخص يعنيلي لحتى آخر دقيقة بعمرو و ما أكون أنا السبب في موتو إذا الله كاتبلو انو يموت فياخذ آمانتو هو . أستحمل العذاب و شوفتو مريض لمدة يعلمها الله على أن أتحمل تأنيب الضمير . |
| الساعة بإيدك هلق يا سيدي 22:48 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون