|
اقتباس:
شكرا ولك مني هذه القنينة قصيدة الشاعر حسان بسطاطي في احتفالية دمشق عاصمة ثقافية في قاعة المحاضرات المركز الثقافي العربي يــــاشــــام يــامـــرايـــات أحــــلامــــيخــيّـــم عَ زهـــــرك نــحـــل إلـهــامــي ومــن كـتـر ماجـوعـك إلـــي مـشـتـاقصـــار الـعـسـل يـدلــق مـــن كـمـامـي يــاشــام يـامـرجـوحــة الـــــلآ فـــــاقشـمـسـك بـتـوعـى والــزمــن غــامــي بيغـفـى عـلـى حضـنـك جـبـل عـمــلاقلــــف الأبـــــد عَ جـبـهـتــو عـمــامــي بـحـبّـك ومـــن يـــوم لحـنـيـنـي فــــاقبـديـتــي عَ زنــــد الـعـاطـفـي تـنـامــي وبقـيـو إلــك قـلـبـي وروحـــي رفـــاقوقــطّــب حـنـانــي جــرحــك الــدامــي بـحـبّـك ولـــو هـالـكـون فـيّــي ضـــاقوبـمـشـي حـفــا عَ جــمــرك الـحـامــي بحـبّـك ولــو صــارو سنـيـنـي عـتــاقولـــــو عــرّشـــو بــالـــروح آلامــــــي حـبّــك ســـرق قـلـبـي مـــن الأعـمــاقوسـحـرك ســرق حـبـري مــن قـلامـي وأكـتـر مــن حـرامـي الـنـظـر ســـرّاقلــمّــا حــرامـــي بـيــســرق حــرامـــي شـــو لـــذّة الّـلـهـفـي بــــدون عــنــاقشــولـــذّة الـمــيّــي بــــــلا الــظــامــي وشــو الـحــبّ لـومــا شفـتـيـن رقـــاقيــدبــغ عَ خــــدّي تـوتـهــا الـشّــامــي فـلـفــش بهـالـغـوطـة الـربــيــع وراقإيـــــــد تــمــحـــي إيـــــــد رسّـــامــــي وغـــروب شـمـســك قــمّــر الـسـمّــاقودمّــــر الـهــامــي بــدمّـــر الـهــامــي وصــخــر مـعـلــولا مــــن الأشـــــواقبـيـحـكــو مـــــع الـتّــاريــخ آرامــــــي ويشهـق نـهـر بــردى بلـقـى العـشّـاقوبـيـودّعــن فــــي مـشــهــد درامـــــي وحــيـــاة آخـــــر نـظـرتـيــن غــمـــاقلمـنـهـن سـريــري ومـنـهـن حــرامــي يــاشــام وحــيــاة الــوحــي الــخـــلاّقصـــار الـزمــن كـرمــال عـيـنـك خــــد مـــنّـــي ألــــــك يـــاشــــام عــيــديّـــيوردة عـــشــــق حـــمــــرا نـبــيــديّــي عــطــرهـــا بــالــعــمــر مـابـيــشــيــخأعــتــق مــــن الـعـمـلــي الـرشـيـديّــي لـفــتــاتــهــا تــــغـــــازل الـــمـــرّيــــخوغـمــزا تــهــا طـــوابــــع بــريـــديّـــي بـورقـاتــهــا بـيـتـشـمّــس الــتــاريـــخعَ مـصـطــبــة ســــــوق الـحـمـيـديّــي يـاشـام عـطـرك مــن عبـيـر الـصـيـفمــن الياسمـيـن لــعَ الـمـدى تعـمـشـق جـايـي الـوحــي عَ قاسـيـونـك ضـيــفاسـتـقـبـلــيــه بــــقــــدّك الأمــــشـــــق خيوط الشمـس عّ النـدي ترسـم طيـفمـلــوّن يــغــازل خــصــرك الأرشــــق والسّيـف مابيعـرف شـو مجـد السّيـف" الاّ إزا مــابـــإيـــدك تـــدمـــشـــق " قــدّيـــش فــيــكــي تـعـتّــقــو الأيّــــــاموكـلـس العـراقـا صــار فيـكـي رخـــام ويــامــا نــحــت تــاصــارت بـسـاتـيـنبأرضـك أبــن " عـبـد المـلـك هـشـام" ولـوعـاد عَ دربــك " أبــن سـيـريـن "عَ بــابــك الـشـرقــي بـيـحـنـي الــهــام وكل مانحـرج بالفكـر "محيـي الديـن"بتـجـاوبـي عـنّــو يـابـصــرى الــشّــام يــاشـــام جـايـبـلــك شــعـــر شــفّـــافقـومـي اسمـعـي مــن وحـيـك ونَظـمـي قـبـالـك جـبــل حـيّــك الـغـيــم لــحــافوعَ جـريــه خـلـقـت تـركــع الـعَـظـمـي روحـو سألـو "غورو"لحيـاتـو عــافبــيـــرد عــنّـــو هـيـكــلــو الـعَـظــمــي وبـيـقــول بــعــدو بـالـقـبــر بـيــخــافمـن "ميسلـون "و"يوسـف العَظمـي" قـدّيـش فيـكـي "عـقـل" عـقـلـو طـــاروبــعــدهـــا عــقــولـــك مـخـاصـمــتــو وبالـرغـم مافيـكـي سـكــت " نـــزار"عــم يـسـكـت الـنّـارنـج مـــن صـمـتـو و"فـيـروز" لـومـا تـروحـن الأشـعــاركـنـتـو عـــن شـفــاف الـحــلا صـمـتـو ولا الأوبــــرا دولــــة ثـقـافــي صــــارولا الــشّــام رح بـتـكــون عـاصـمـتــو يــاريــت يــرجــع عــزّنــا الــسّـــوريو"سلطان باشا" و" قانصو الغوري" ومـــن بـعــد ماتـغـيّـم تـشـتـي رجــــالعَ قـصـر شـعــب وقـصــر جـمـهـوري لـــولا مـاجـبـلـك مــــن بــــلاد الــغــالمشـلـح صبـاكـي "فــارس الـخـوري" مـالـبــســتــي تـــــــــوب إســـتـــقـــلالولا يـاسـمـيـنـك عـــانـــق الـــجـــوري ومـــــن قــبـــل مـاتـلـبـســي الـــبـــزّييــاشــام قــومــي بـأخــتــك اعــتـــزّي كـتـرت مــا فيـهـا دم صـافـي انـصــب"البـحـر أحـمـر" صـــار مـــن غـــزّي يــاشـــام غـــيـــرك مـاسـحــرنــي ربتـرابــك إلـهــي وكعـبـتـي "الــمــزّي" مــــن هــيــك مـابـقـبـل بــعــد يـنــغــبكـاســي الـحـلــو وكـاسـاتــك الــمــزّي الـمـجــد الـكـرامــي الــعــز تـايـنـطــالصـوبـك طـلــع درجـــي ورى درجـــي وتَ يشيل مـن شالـك شـي وبـرة شـالوتَ يــمــد إيـــــدو مـــــا بـيـسـتـرجـي لـبـيـرصّــع الـتّــاريــخ عــنّـــك قـــــالالصـايـغ لـقـضّـى الـعـمـر جـوهـرجـي " بالأمـس كنتـي "مـرجـة الأبـطـال "ولـيـوم صـرتـي "سـاحــة الـمـرجـي" قـالــت الـشّــام لـيــوم مـــدري أمـــسمـــدري قـبــل أمــــس الـتـقــى فــيّــي بــدر اللـيـالـي لّـــي بيـهـمـس هـمــسبــحــكــايــة الــــحــــبّ الــخــرافــيّـــي بـــوّس الـبـردايّــي ولـمـسـهـا لــمــستـــــا داخ مـــــن خــمـــر الـشّـفـافـيّــي ولومـا ركـع حـدّي وهـدانـي الشـمـسمـــاصـــرت عـاصـمــتــو الـثـقـافــيّــي حسّـــــان بســـــطاطي :D:D:D:D يسعد مساكي ياشام |
من روائع الشاعر حسان بسطاطي.
..........................وردة الحمرا ....................... بكرا بعيد الحب يا سمرا ………الّي بتولع من شفافك الجمرا وخدودك من الوهج خمريي ……… منهن بيشفّي بتنطفي الخمرا عيونك الفيها الف غنيي ……… عليها جرار العطر منهمرا لا تنطري بهـ العيد عيدية ……… بفزع من الوردة الجوريي إنقطفتها وقدمتلك هيي ……… " بتضحك عليي الوردة الحمرا **** وبترجع الوردي تعاتبني ……… تقلّي بلهفي لمين جايبني بفزع إذا ع شفافها قربت ……… وهج الحلا فيها يدوبني **** تتلبك الوردة الخجلاني ……… وتقول رجعني ع بستاني بفزع إذا بدبل بتاني نهار ……… ومتلي عيونا تصير دبلاني **** وردي أنا بعتب كتير عليك ……… تركي بحوض الدار مزروعا هيي ودبلاتي عيونا هيك ……… كيف لولا عيونها بتوعا **** كل العطور الصاغها رّبك ……… وفيها الربيع بهـ الدني ملبّك من تمها مش قد هبت عطر ……… لما بلهفي تشهق بحبّك **** لما الحلوي ورد تهديها ……… بتكون مستصغر امانيها هديها جمر حبك بليلة ورد ……… وبشراشف اللهفات دفيها متل الصلا سردها بقلبك سرد ……… حفظها قصيدة حب ونسيها مش طالبي منك الحلوة ورد ……… عصرلا حياتك ورد وسقيها :D:D:D:D يسعد مساكي ياشام |
ناطرين الكمشة التانية
بلكي منتعطر ع اخر هالمسا:D |
شوهاد ياطوروس كل خاطرة وكل زجل أحلا من التاني
وألي شدني أقرأ الموضوع كتير حلو عم أنتظر جديدك يسعد صباحك ومساكي ياأغلى شام |
اقتباس:
ولزغلول الدامور قصيدة صدفة صدفة التقو بعيونها عيوني وع البيت من غير وعد عزموني وقلبي فلت مني وسبقني وطار ومدامعي ع الدرب دلوني ولحقت قلبي وعملت مشوار عبساط جانح ريح مجنونة ومن غيرتي عليها خيالي طار وتحارب جنوني مع جنوني وصلت ولقيت القلب محتار والعازمتني مقدرة فنوني أحلى ما إيدي تحترق بالنار عبابها دقيت بجفوني وسمعت صوت بيشبه الأوتار حرك شعوري وفيق ظنوني وقالت يا أهلا ودخلت ع الدار وعيونها بديو يحاكوني وإيدين متل الشمعتين قصار ما عرفت كيف وليش ضموني ولفو ع وسطي داير ومندار ولولا ما أجمد كان حرقوني والشعر يا ليلة بلا أنوار من عنبر كوانين مشحونة وجبين طافح بالحلا فوار خلا عقول الناس مفتونة والحاجبين الجار حد الجار سيفين بالحدين دبحوني وجوز الحلق ع دينتين زغار من الجرح بعد الدبح شفيوني والأنف قمقم شايلو العطار لدموع أحلى زهور ليمونة لو شافتو بياعة الأزهار بتقول منو العطر بيعوني خدين متل الزنبق بنوار أكتر ما بدي عطر عطيوني البيشوفهن بيقول توم قمار جاعو وطلبو الأكل والمونة شفاف حمر بيسكرو الخمار من فرد نقطة خمر سكروني وسنان شال الفل منها زرار بيضا بلون العاج مدهونة والعنق متل الخيط ع البيكار مسكوب لا ورقة ولا معجونة ورمانتين بيبهرو الأنظار ع الصدر يا ريتن يقبروني وعالخصر عيني بتحسد الزنار لو مطرح الزنار حطوني تكنت أكشف بقوة الأسرار ومعليش لو مجنون عدوني يا ناس هيدا اللي جرى والصار وتتصدقوني وتتعذروني روحو معي ع بيتها شي نهار وتفرجو ع حسنها من بعيد وان ضل فيكن عقل لوموني :D:D:D:D يسعد مساكي ياشام |
يسلمو
وما كتير تقطعنا :D:D:D:D |
اقتباس:
سهران وحدي..والقلم حدّي يغافل شرودي و يسرق الردة والصبح تا يفيّق مرج أخضر قصقص تياب الليل تا تقصر والليل بيفلّ..تا يندي وحدي و شتي و ليل و صلا و شموع سهران..بين القافية و الحرف اكتب و امحي اسمها الموجوع للمرة العشرين..بعد الألف حسيّت صرلي شي سنة وأكتر ما لقي خدّي عالمخدّة وشمع العاضوّو..كنت عم بسهر اصفر لونو من السهر قدّي سألتو..نسي ما عاد يتذكر ان كنّي أخدت خدّو يما أخد خدّي ووصلِت لعندي مرنخة من الطوف الطوف..المِحي دعسات ماضيها وبعينها..مَرقو السهر و الخوف و دشّرو لون التعب فيها وبلّش يقلّي عقدها المرمر بتحب؟؟ قلت الحب من ربّي قالت..الما بيحب ما بيسهر وليلك سهر لا تجرّب تخبّي قلت..شِعري ..و شَعرِك الأشقر اختصرو الدني..و تملكو حبّي بسهر عا بيت الشعر تا يشفا وعا وعد شعرِك تايجي لحدّي وبينك..وبين الشعر ما بغفا بس القهرني..خلصت المدّة ورح تهرب الأيام من يدّي ولا قدرت حبّو قد ما بدّو و لا قدرت حبّك.. قد مابدّي ______________ من روائع موسى زغيب :D:D:D:D يسعد مساكي ياشام |
اعتادت على شعر القصير من الصغر مش راضية بالشعر يلتف القمر بتغرفد الخصلات ع حدود الحلا وبتشعشع على الكون بليالي السهر :D:D:D:D يسعد مساكي ياشام |
اقتباس:
هيك ها:lol: |
عصفور --موسى زغيب--
مرة سحرني الهوى بقلب القفص عصفور وهديوا لابوكي وما كان القصد كرمالو كرمال عينك إذا بدك أغاني طيور يسهر يغني لك وتغفي ع موالو وبالليل جبتي القفص ع غرفتك والنور تسلل من فتحة الفستان ضوالو ما كان عندك عِلم تتستري المحظور العصفور هذا انا ورَح ينشغل بالو صرتي تفكي العراوي و العجين يفور والضو يعكس وهج وكنوزك يلالو يمرق خيالك سحر ع العاشق المسحور ويجن فيه العشق ويقاتل خيالو واول ما فاح العطر وتكشف البلور وقطعه ورا قطعه الحراير عنك انشالو بلش يروح ويجي وتحرقص ومقهور بدو يذوق الحلو ومش قادر يطالو ولما دلقتي الذهب ع شراشف المقصور وصاروا طيور الثلج يتغنجوا قبالو تشردق بدمعه وظل بجانحه المكسور يشبِّق بهاك القفص حتى قتل حالو  :D:D:D:D يسعد صباحك ياشام |
ممنونك
محبّة حبيبنا ....
انا المقشش عندي وازا بيلزمك عنب ببعتلك من الضيعة عنب كروم:lol: الله عالزجل والكاس والليل والزمن..... :cry: |
اقتباس:
وكرمالك وكرمال المقشش جبنالك قنينة بلدي من عند ايليا ابو شديدعنوانها سكران سكران سكران شالح هالدني خلفي ماشي ورا رهجة امل مقفي وكيف ممكن اوصل وسكران والدرب تمشي ومشيتي وقفة سكران مطفي منهنه وتعبان ماشي وعرض الدرب مابيكفي ياما سندت كتفي على حيطان وياما سندت حيطان ع كتفي تاوصلت ع الباب وانا هلكان تكَيت نتفة وتكِيِت النتفة لاكان يفتحلي حدا ولاكان يبين حدا مدري الحدا مخفي مدري الامل ميت وصارلو زمان ع الباب تاكي وساند الدرفة رجعت تصّرخ بَقوة الايمان دق بعد وتضحك الصدفة وكيف ممكن يوصل الانسان والبيت مطفي وقاصدو مطفي _____________ موعدنا قنينة عطر جديدة :D:D:D:D يسعد مساكي ياشام |
وهي قصيدة مشهورة للشاعر الزجلي الكبير موسى زغيب غناها الياس كرم وبعتقد فارس كرم . بيقول:
كاس وأنا وحِلوي صغيري مدَللي.............. ب 17 عام أزهى مَْرحَلي التفِتتْ وشافت سِت جايِي مْعَجَّلِي.............. وصرخت إجت إمي ووَقغنا بْمَشكَلِي هرّبتها وقِلتِلها بسرعه إنزلي.............. عاهالدراج وخلفك الباب قْفِلي ووصْلِت الأمّ من الغضب تِغلي غلِي.............. وتصُرخ وتضرب كفها عالطاولي قلتلها: بعدك صبيه مكحَّلي.............. وبتعرفي القيمه مَلازم تِزعَلي جَتنِي عاهالمطعم عَزيمه مْدَوْ بَلي.............. وعْزمت بنتك ليش كِل البهدَلي قالت: عزيمه وليل ساحر مُخملي.............. وخمر وحلا وحب وصبابه وترغلي تِبقى اذا بتريد مرّه ثانيه.............. وفر تعب عَالبنت وعْزمْني إلي :D |
ما بدها تاكيد
ناطرين لسا :D:D |
وكمان قصيدة غزل للشاعر أسعد سعيد :
رح خبرك ما زال ما عندك خبر شو بحب فيكي بالمفيد المختصر بحبك تكوني غربتي وكون السفر بحبك تكوني خمرتي وكون السكر بحبك تكوني ليلتي وكون السهر بحبك تكوني ريشتي وكون الوتر لكن إذا مرة على بالك خطر تكوني قمر ما انطال إلا بالنظر رح انجبر اعمل زنودي غيمتين ولفّك متل ما الغيم بيلف القمر واكيد اكيد مشكور خيي طوروس عالقصيدة :D |
اقتباس:
وانت كمان يا عجيب .... خليتي اتمنى كون القمر والله :lol: :D:D:D |
اقتباس:
اووف اووووووف ميجنا ويا ميجنا ويا ميجنا مااحلى سمارك يا صبايا بلادنا إلــهِـــك ريشــتو بــالنُّــور غطّا ........ ووهج نورِك ع نور الشّمس غطّى و ع ايدك لو القمر بينام غطّى ........ صـعـبـه يعود يسـتحلــي السّحَــاب خليل روكز |
اقتباس:
سبعة العجايب بالدني اختصرو الفِكَر وسبعة نقّوهن وجاني الخبر بس العجيبة شفتها بين الحروف كيف القمر عم يحلم يكون القمر :D طوروس من معبد الياسمين :D:D:D:D يسعد مساكي ياشام |
:sosweet::sosweet::sosweet:
بطلنا نصير قمار .....طلعت شغلة خطيرة :p |
كنت كلما زرتها ، أو سألتها موعدا ، تقول : عندي درس ،
أو وظيفة .. وبعدالامتحان واعلان النتائج ، اهتمت بالتسجيل الجامعي... فكتبت لها ما يلي : قديش صرلي ناطرك تتخلّصي فحصك وتطويلي كتاب المدرسه وتفتحيلي كتاب جامعة الهوى كليّة العشّاق ن فرع الوسوسه ** خلص الفحص ، قومي طويلي هالكتاب والحب قومي فتّحيلو هالبواب يكفي القلب يتحمّل بحبك عذاب والعين تهوى السهر ، وانت ناعسه ** يكفي الوقت يهرب ع درب المعرفه وانت تقولي بتعرفي وما بتعرفي حاجي تقولي اليوم عنّا فلسفه وبكرا عندنا حساب ، جبر ، وهندسه ** التاريخ ، شو التاريخ؟؟؟ يا دروب الهنى كتاب الأدب شو فيه ؟؟ غير انت وأنا والفيزيا ، ونيوتن ، وعلم الفلك والكون والتكوين ، كلّو هلوسه ** بعلم النحو ، والصرف ، وضروب الكلام قدّيش جمّعتي قواعد .. يا سلام !!! ضم ، فتح ، سكون ، شد ، والتزام تعي طبّقيهن هون ... برّا المدرسه ** كتاب القواعد .. ما حدا منّو اغتنى والشعر تعبة قلب شو منها جنى وبالقراءه ، قد ما تقري دروس بيضل بدّك يا حياتي تدرسي ** والكيميا ، والمنطق ، وعلم الحياة وكيف عاش افلاطون ؟؟ ولاّ وكيف مات ؟؟ وكيف بدّو يعيش هلّي بيلحقوه فكرك بيكفي بهالقضايا .. تحبسي ** وبالأجنبي .. البنجور حلوه لفظتا ومورنينك .. كود مورنينك .. سهله حفظتا جي تام .. آي لوف يو .. بيكفينا دروس فيهن منفتح جامعة ... مو مدرسه شعر : جرجس الموراني |
اقتباس:
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
اقتباس:
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - :D |
شروقية للشاعر موسى زغيب :
شو باك عاطي الدني استحقاقها شوباك طير الحبستو حرمتو المي والموني بعدك وبعدو الهوى وسبحان من خلاّك تغفى بقلبي وعد وتفيء بظنوني لوكنتْ وردة كنتْ بطلب من الأشواك كرمال عهدك من القطّاف يحموني ولو كنتْ حبقة كنت بسأل عن الشباك شباك بيتك تجبلو العطر بغصوني بكذب عحالي المسا وبقول رح انساك والصبح عنك إذا الجيران سألوني بخبي عيوني قصد من كتر ما بهواك بفزع يشوفك حدا من الناس بعيوني يالله تا نهرب سوى بالحب بترجاك عبلاد فيها القيل وقال مدفوني ومعليش تحكي الدني عني أنا وياك مجنون هربتْ معو بالليل مجنوني والرابط من هون : - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - :D |
اقتباس:
|
شكراااا عجيب
يسلموووو ايديك على هالاختيارات الروعة انشغلت شوي بس راجعلك وعم استمتع كتير بزوقك الراقي الك:D:D |
اقتباس:
اقتباس:
انا شخصيا بحب الشروقي كتير بالزجل اللبناني وموسى زغيب هوي الرائد بهالفن بقا ازا بدكم منزل قصيدة جديدة لهالكاتب والفنان . شو بتقولو ؟ |
كتير بحييكون على هـ الموضوع الحلو و أنا من عشاق الزجل و العتابا و رح أهديكون هي الكلمات لـ نشالله تعجبكون : يا بنـــت وينـــك قلبي الحـزن هـــــدو دمعـــو ســرح ســكــران عـ خــــــدو من يوم رحتــي صار الــورد دبـــلان و نــام الــــورق تعبـــــان عـ زنـــدو يصرخ من قهرو للسمـا عطشــــــان ريقو نشــــف من قـــد مـــا مــــــــدو و الطير لـ بعمرو ما نسي العنـــــوان راح و طــــريق البعــــد مـــــــا ردو و عشو لي بعمرو ما صبح فضيـــان سكر بوابو من قهر الشتي و بــــردو رجعي لا لبّـس الجبـــل فصطــــــان و خلـــي الورد خيطــان مزيني قـدّو و إعمل من نور الشـــمس ألـــــوان و أخطف لـون البحـــر من مــــــدو و إكتــب لطـــيور السمـــا عنـــوان و حيط لبناه العش بساعدي هـــــدو رجعي ما فينـــي علــى الهجــــران رجوعـك لقلبــــي الـــــروح بيــردو العقيد - عباس - 6-9-2009 |
| الساعة بإيدك هلق يا سيدي 17:06 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون