|
وهل كان الا قائدا من قادة الغزاة
واذا كنت تقصد تململ صلاح الدين احتجاجا على عدم ذكر الاكراد فلم اذكرهم لانهم لم يسقطوا حقهم في اقامة دولة كردية ضمن الحدود الطبيعية لكردستان ولست ممن ينكرون هذا الحق واما الغزاة العرب اسقطوا حقنا في اقامة دولة ضمن حدود سوريا الطبيعية ولم يحترمو واجبهم بالعودة الى قريش بعد نشر الدين الاسلامي لكي يحافظوا على صفة دعاة وليش غزاة اشكر سعة صدرك واحب ان الفت النظر الى احد الردود الذي اتهم كاتب المقال بانه يريد التخلص من العروبة ليتبع المجموعة الاوروبية واسال لماذا علينا ان نكون عربا او اوروبيين الا يمكننا ان نكون سوريين فقط وهل كانت سوريا ارضا جدباء استصلحها العرب او الاوربيين شكرا |
وهل كان الا قائدا من قادة الغزاة
واذا كنت تقصد تململ صلاح الدين الخ............. كمان الصليبيين يللي احتلوا بيت المقدس كانوا يسموه قائد الغزاة؟ليك شو هالصدفة التاريخية بعد كزا قرن؟؟؟ |
اي اي كان في تواصل بيني وبين تلفزيونات ريكاردوس قلب الاسد
عيوني انت روق اي صرت رايق كويس صلاح الدين وغزاة قريش بالنسبة الي ارحم واشرف الف مرة او قلك عيب المقارنة بين القريشيين اللي الى حد ما بتربطنا فيهن علاقات كانت موجودة قبل مايشرفوا ويغزوا بلادنا وكمان مافينا ننكر فضلهن بالدفاع عن سوريا ضد همجية الصليبيين بتعرف ليش لانو الصليبيين لما اجوا احتلو ا بلادنا كرمال يحرروا القدس متل مابيقولو ا وتاريخ الكنائس والاديرة بيثبت بطلان هالادعاء لانو بلشو بقتل الرهبان بانطاكية وهدم الكنائس والاديرة فوق رؤوس المسيحيين بتعرف ليش لانو المسيحيين كانو متلي انا هلق بيعتبرو انو الرابط بيننا وبين القريشيين والعربان اقوى من الرابط بينهن وبين الصليبيين وكرمال هيك رفضو يساعدو الصليبيين على احتلال واجتياح سوريا بس المشكلة يا رايق انو الميراث اللي تركولنا ياه الصليبيين بعدو لهلق ضارب اطنابو بعقول عربان بيشوفو نص الحقيقة وبيكفروا المخالف دافعنا عن بلدنا بزمن الصليبيين ضد الصليبيين حتى انهن انكروا وجود مسيحيين وهلق عم ندافع عن بلدنا لانو البدو والعربان عم ينكروا انو في مسيحيين بالشرق وحياتك مافي تواصل ابدا بيني وبين اي قائد من قادة الغزو الصليبي لسوريا حتى انو ماعندي ايميلاتهن اصلا شكرا لسعة صدرك |
رفيقي طوروس هيك آراء بنظري بتوسع الهوة بين ابناء التراب الواحد..ليك انا اعز رفقاتي من مسيحيين الشرق وانا بكن كل الاحترام والتقدير للمسيحيين ولما رحت قبل ست سنوات للقدس العتيقة صليت بالاقصى وشاركت المسيحيين بحمل الشموع في كنيسة القيامة وهونيك نزلو دموعي لاول مرة بحياتي...بس انا بقول ما بيصير نتعدى على شخصية تاريخية وقائد عظيم متل صلاح الدين الايوبي بكفي مؤلفات المستشرقين يللي اساءت لالو....لازم نعيد قراءة التاريخ...وكمان صاحب الاسد ولو بياكلك
|
اخي ماعندي شك ابدا بحسن علاقتك مع المسيحيين لانو هالتراب مابيحمل علاقات سيئة
وانا مااسأت لصلاح الدين لما قلت انو قائد من قادة الغزاة وانما كانت تنبيه الى انو كان غزو ومو صلاح الدين جاب الغزو لانو كمان بلدو تعرضت لنفس الغزو واعتنق الدين ويمكن لانو قدر يفصل بين الاسلام (الدين ) وبين الاسلام (السياسة) واخد من العربان دينهم وترك بداوتهم وسوء سلوكهم مافي عنو الا اخبار الحرب اللي اعلنها على الصليبيين وحرر القدس من همجية الصليبيين يعني مافي اخبار عن الجواري والقصور والندماء والكاس والطاس ولا مرقت على ذاكرتي المتواضعة كتير قصائد بمديح صلاح الدين من شعراء السلاطين ومع ذلك مافي شي بيمنع انو قول انو سورية للسوريين وانو القريشيين الهن قريش والحجاز وانا مع صلاح الدين على الاقل من منطلق انو انا واخي على ابن عمي وانا وابن عمي ع الغريب والغريب بهاي المعادلة هوي الصليبي بكل تاكيد وتأكد انو مابيختلف عندي الصليبيين من اول يوم قرروا غزو بلادنا الى يوم اللي اعلن بوش عودة الحروب الصليبية |
الحكي اللي حكاه صديقي طوروس يمكن فسر شوي ...
الثقافة العربية كانت عامل أساسي من عوامل تخلفنا ...فثقافة المديح الشعري " مثقفي السلطان" والجواري والسبايا هيدي ثقافة دخيلة على سوريا تحياتي الحارة ظل جيفارا |
شو رايك بالموسيقى لغة العالم
اذا فيك تدرسا بيكون احسن الك والنا على كل حال يمكن يكون مامعك حق ويمكن يكون معك حقبس حاول ان تقرا اكثر وتسمع اكثر وبعدين تهجم |
يا رفيقي كلمات لينين بتوقيعك لازم تخليك تعرف ليش حكيت ...
تحياتي الحارة ظل جيفارا |
| الساعة بإيدك هلق يا سيدي 01:43 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون