|
اقتباس:
وقتها يا اما بضل معو وبجوزو انا او بتركو يشوف حياتو يعني تؤدين فكرة الزواج الثاني . . اي المتعدد |
لكل رجل بيفكر بالزواج مرة تانية على مرتو
أنت تثير اشمئزازي |
اقتباس:
فرضا مثلا لا سمح الله طلعت ما بجيب ولاد وهو بدو ولاد وما في اي طريقة يكون عنا ولد فيها والتبني مش مقبول عندو كخيار وقتها ضميري مش حيسمحلي اضل مربطتو ! عالاغلب رح اتركو لأن صعب اتحكم بالغيرة اللي عندي وصعب جدا اتحمل فكرة انو في وحدة تانية بحياتو وصعب اتحمل فكرة انو الو حياة تانية انا مش فيها فهمتي اللي بدي اوصلو :oops: |
اقتباس:
اقتباس:
قد نضطر الى قبول بعض التازلات ثم المزيد منها . ولكن على كل حال هناك بعض الرجال وان كانو نسبة ضئيلة للغاية قادرة على الزواج من اكثر من واحدة ، وهذاهو مايعنيني هنا ، اما ان زوجاتهم الاوّل مضطرة على العيش معهم لسبب او لاخر فهذا ليس سببا لتراجع هؤلاء الرجال . فاذا افترضنا ان زوجا تغير حاله واصبح يضرب زوجته (فمن حقها ان تطلب الطلاق) وان كانت بنفس الظروف الغيرمثالية التي ذكرتها سابقا ، فانها ستعيش معه رغما عنها وكذلك ان اصاب الزوج مرضا خطيرا او أصبح لايعطيها كامل حقوقها او اي شيئ ، فهي ستظل مجبرة على العيش معها نظرا لظروفها السيئة . - الحياة المثالية لن تكون موجودة ابدا ولم تكن موجودة من قبل في اي زمن . |
اسمح لي ان اقول لك الحياة المثالية ممكنة وبشدة وانا مٍن من يؤمنون بتلك الفكرة على الافل في المحكمة وفي الدفقتر الذي يسمى دستور ومن ومن ومن لا يوجد شئ كامل ولكن يوجد شئ اقرب الى الكمال الذي نحن (عفوا اقصد المجتمع ككل) بعيدين عنه الان كثيرا ربما توجد تلك النسبة الضئيلة لا اعلم (الضئيلة) ولكن بجميع الاحوال بالنسبة لي الطلاق سيكون افضل حل انا افضل الموت على الاهانة الابدية |
رضا مثلا لا سمح الله طلعت ما بجيب ولاد
والتبني مش مقبول انا فهمانك من ابل ما توضحي بس مع الحب الصادق لا مستحيل انا لا اتخلى عن حبيبتي ولو كانت عمياء وخرساء وعاجزة عن كل شئ لست ابالغ ! انا لا اتكلم عن نفسي انا اتكلم عن زواج نابع عن حب صادق |
اقتباس:
ولكن الحياة ليست مثالية شئنا ام ابينا . ولن تكون مثالية شئنا ام ابينا ولعلمك لم تكن يوما مثالية الاهانة ياعزيزي ليست فقط عندما يتزوج الزوج على زوجته ، مطلقا فد يعرف عليها اخرى وقد يحب على زوجته باخرى وما الفرق اذا ؟؟ ولكن مايعد اهانة في وجهة نظر امراة هو شيئ عادي من وجهة نظر اخرى فالامر نسبي يا عزيزي وقد تجد امراة لا ترى مشكلة او عيبا في زواج الرجل من اخرى من غيرشروط او بشروط وقد تجد اخرى ترى الامر مشكلة وهكذا . |
اقتباس:
اتفق معك بعض الشئ حتى لو لم تكن الحياة غير مثالية يوما هنالك امل مشاكل المرأة كثيرة المشكلة الاصل هي الذكورية لا للذكورية هذا المجتمع يجب ان يتغير ومن قال مستحيل . . . جاهل |
طبعا تعدد الزوجات صعب جدا و مستحيل تقَبلو من قِبل اي مرأة..
مستحيل اي وحدة تتقبل فكرة انو قلب زوجها مقسم لنصين.. النص الاول الها و التاني لشريكتها!! انا ضدو.. و ما بلاقي اي سبب ممكن يكون مبرر لتعدد الزوجات.. اقتباس:
هلأ انو فرضا و عدل بيناتهن.. فهل الشي بيسمحلو انو يتزوج..؟؟ وين راحت مشاعر المرأة و غيرة المرأة.. الدين ذات نفسو قال انو المرأة عاطفية جدا و حساسة جدا.. فكيف بنفس الوقت سمح للرجل انو يتزوج عليها ..؟؟ طيب و ليش ما سمح للنساء بالزواج اكتر من مرة بشرط العدل..؟! |
اقتباس:
ومن ظن انه قد علٍم فقد جهٍل قد تتفاجى بان الذكورية تصنعها امراة (الام) وقد تساهم في تأصيلها امراة (الزوجة) اتابع نقاشك في وقت اخر فلدي شيئ خاص "عذرا" |
اقتباس:
شكرا لتفاعلك مع الموضوع وابدا رئيك ____ اسف لأكون فظا بعض الشئ ولكن الموضوع لا يتحمل المناقشة في الدين كيف لا يتشعب رمبا مرة اخرى او في مكان اخر مع احترامي |
دخلنا عالخط ياهادي...هيدا رحمة عمو نابليون قال "تبا للمستحيل"فبقى بلا منها هاي المستحيل في تعدد الزوجات بعدين العمى شلون الواحد راح يقضي حياته على صنف واحد تفاح يعني..الدنيا فيه المانجا والاناناس والمشمش ..اكيد الواحد بيحب يشكل
اقتباس:
|
اقتباس:
هادة اولا.. تانيا كلامك لازم ينطبق ع التنين.. الرجال و النساء.. ولا انت بدك الرجال يشكلوا بالمشمش و التفاح و المانجا.. و النسوان ع التفاح بس..!! هدا الموضوع بيحكي عن المسواة بهي النقطة.. معناها لازم هل الشي يكون متاح للطرفين.. |
اقتباس:
|
اوكه بس بعيدا عن الشوفينية وقصص الجندرة والذي مثله الرجال كوكتيل عشان هيك الواحد بيكفي وبيجمع كل الاصناف:clap:
اقتباس:
|
أممممممم بصراحة مستحيل .. مستحيل اقدر اقبل تشاركني الشخص اللي بحبو .. أنسانة تانية لك تلمسو تاكل معو ... يصير عندو حياة تانية .. أنا ماني جزء منها :fwlee: ما بقدر مو لمجرد الغيرة .. ( يعني أي اكيد رح اغار لدرجة اني انسحب طبعا ً ) .. ما رح عيش بزواجي المنافسة ... بدي عيش المشاركة .. الثقة .. الاحترام .. الحب الجنس الشغف بس ما بدي عيش بهاجس كيف فيي احافظ عليه واسرقو ... ومين مننا عم تقدر تحصل ع حبو اكتر بنظرة قد تشوفوا متطرفة .. انا مع احادية الزواج .. طول العمر يعني مع احادية الزواج طول العمر ( انا برأيي الطلاق ... من الخيارات اللي اقرب الى المستحيل اني اقتنع فيها بين شخصين ) هلق بخصوص المساواة .. اخي إذا المساواة بدا تخليني اتجوز تنين وتلاتة دايمة المساواة ما بتكون بتعميم الاخطاء .. يمكن بتكون .. بإلغاءها |
الزواج المتعدد هو نسف صارخ وتقويض لحقوق الاسرة ككل . هو قلة احترام بل واهانة للبشرية . برأيي ما يسمى بالزواج المتعدد يجب منعه ووضع قوانين صارمة تحول دون جمع زوجتين على فراش زوجية واحد لأنه اهانة للمرأة بانسانيتها و ضربة قاسمة للأطفال والاسرة و تؤكد ذكورية المجتمع و تزيد من القيود .. لا ارى بهذا الزواج اي ضرورة واي مصلحة في اي حالة .. ان حصل هناك توافق فليستمر الزواج الى الابد وان لم يحصل فالانفصال هو الحل الأمثل ويجب ان يكون الحل القانوني الوحيد.
|
اقتباس:
تماما ولكن الفكرة عندما يؤيد احدا ما الجواز المتعدد . . هنا اطرح عليه السؤال . . بالمساواة كي يراجع قراره مرة اخرى ويشعر كرجل الحالة التي تكون بها المرأة حينها |
اقتباس:
و تؤكد ذكورية المجتمع و تزيد من القيود ان حصل هناك توافق فليستمر الزواج الى الابد وان لم يحصل فالانفصال هو الحل الأمثل ويجب ان يكون الحل القانوني الوحيد بالضبط هدول اهم نقطتين بالموضوع |
تعدد الزوجات هو مخطط امبريالي استعماري توسعي هدفه القضاء على القومية العربية من خلال القضاء على الحركة التقدمية ذات المضمون الاجتماعي ،
يسقط الاستعمار ويحيا الاستقلال ، الرجعية بتجرب كل الاسلحة ولكن الى اين المفر ؟ لا مفر للرجعية من الاشتراكية والعدالة الاجتماعية . من هنا اطالب باعدام كل رجل يجمع بين زوجتين او اكثر ، |
المجتمع الواعي كفيل باعدام التخلف مهما كان لا داعي لقطع الرؤوس :lol: |
لاااااااا ولا بقبل هيك شي ابدا
وبس لو عرفت انو عند الشخص الي بحبو هي الفكرة واردة بتركو دغري حتى اذا بس كانت مجرد فكرة هذا اسمو ذل وحتى ولو عمنحكي عن زوجة متزوجة اكتر من واحد كمان نفس الشي بعدين اسال الكل عن تعريف الزواج الا ما يقولو ربباط مقدس بين تنين او شي بهاد المعنى يعني ولا مرة بقولو رباط مقدس بين اربعة ااو تلاتة :frown::frown: هامش : حابي اسالك شو مشان كلمة رمبا .......يعني على علمي ربما ولا انا غلطانة :oops: |
اقتباس:
اقتباس:
. خطأ مطبعي ليس عندي احرف عربية على المحمول حفظتهم بصم حلوة الملاحظة :lol: :D |
لك انت عم تطرطشنا
اعدام مرة وحدة؟ خليها اقامة جبرية على الاقل يالطيييييييييف شو افكارك تقدمية!:x اقتباس:
|
المشكلة حالياً انو الزوجة -بشكل عام- عم يعتبروا وعاء تفريغ لا اكثر ولا اقل
قليل كتير لشوف شخص حب انسانة مو حلوة عنجد بالنسبة الي المرأة يلي بدي ياها ويلي رح تعيش معي 10 20 30 سنة لازم تشاركني احلامي واهدافي وشيء من عقليتي لازم يكون الرابط معا كتييييييير قوي مابكفي بس انجزاب جنسي شريكة حياتي لازم ضل جمبي لو شو ما صار ضروري كتير تكون العلاقة مبنية على هل امور والا بعد كم سنة رح يملو من بعض لانو اشكالن رح تتغير ومارح يضل هل انجزاب الجنسي متل ما كان هلأ اكيد عم تقولو انو شبو هاد ليش هيك عم يحكي عن مواصفات المرأة يلي لازم يحبها وشو الها علاقة بالموضوع هون فكرتي انو انا عم دور ودور ودور ولهلأ ما لاقيت ولا حتى لاقيت شي بيشبه يلي بدي ياه او شي قريب منو لزلك ما بقدر اتخيل حالي انو لما بدي ارتبط بهل انسانة يلي بجمعني فيا هل رابط القوي اني اقدر اتزوج وحدة تانية ولو كان شو ما كان السبب يعني بتجيب ولاد مابتجيب صارت بشعة ضلت حلوة كل هل شغلات لازم ما تخلي الانسان يخون شريكو زكرتوني ببقعة ضوء في حلقة صارو يعملو مقابلات مع ضيعجية قام سألون انو شو رأيكن بالمرأة يلي عمرا 40 بكل بساطة قلن اندريه سكاف انو بعمر ال40 المرأة صارت للكب ولازم يطقها زواجة تانية مشان يجدد شبابو فعلاً هل كلام هو مزروع بعقلية المجتمع بشكل عام وشكراً للموضوع |
اقتباس:
أنا برأيي تعدد الزوجات مانو منطقي.... الا بحالة وحدة هوي وجود سبب يستوجب مثل عقم المرأة وعدم قدرتها على الأنجاب بهي الحالة من حق الرجل أن يتزوج مرة تانية برضا الزوجة هاد طبعاً اذا فشلت أساليب االتلقيح الصناعية . |
اقتباس:
|
اقتباس:
انا لا افهم سأفقد الامل . . او ربما فقدته لماذا تعلقون وبسرعة وفصاحة على الايات والدين وتتركون الموضوع الرئيسي ارجوك يا صديقي . . يا اصدقائي لا مناقشة في الدين . . في هته البقعة من النقاش على الاقل!!! |
اقتباس:
وشكراً :D |
تعدد الزوجات؟؟؟ غير مقنع ابدا خصوصا في هذا الزمان..لم يعد الرجل قادر على ايفاء حق زوجة واحدة..فكيف له ان يوفي حقوق ثلاث او اربع؟؟؟؟
تعدد الزوجات بحاجة الى مقدرة وصبر وقدرة كبيرة من الرجل وهو مالانجده كثيرا في زماننا اناضد التعدد مهما كان.. عالهامش:مابعرف ازابيقدر الرجل يعطي حبو لاكتر من امراة في نفس الوقت؟؟ |
ممكن....بيصير انا بعرف واحد(والله العظيم)كان يحب تلت نسوان بنفس الوقت.ويتعزب كمان!
اقتباس:
|
اقتباس:
|
اقتباس:
اقتباس:
بعدين شو هالاستقرار العاطفي وقت الي يحب اكتر من وحدة؟؟؟؟ |
اقتباس:
الحب الحقيقي يأتي مرة واحدة ولا يتجدد فرق كبير عندما احب اخي واحب حبيبتي تعدد الزوجات؟؟؟ غير مقنع ابدا خصوصا في هذا الزمان..لم يعد الرجل قادر على ايفاء حق زوجة واحدة يعني تظني لو رجعنا في الزمن . . كاد ذلك ليكون ممكنا هل كان قلب الرجل اكبر اذا اثبتي لي ان الطرفين مستاوين ولهم نفس الحقوق |
اقتباس:
لماقصدت انو بهالزمن ماممكن يتحقق هالشي؟؟قصدت انو الحب بهالايام نوعا مامتشوهة صورتو وماعادت تعرف العالم شو هو الحب عن جد..وازا عرفتو فرح تعرف جانب منو وتنسى جانب او جوانب اخرى ولحتى يقدر الشب يكفي حقوق 3تلات بالحب مو ليقدر يكفي حق وحدة؟؟ويعرف شو بيعني الحب بالنسبة الها؟؟ |
اقتباس:
|
اقتباس:
اي انت قلتها محمد..حب 20 قبلا مو معها يعني انامابعرف..هلأ الشب بس يحكي..يحب او يتزوج اكتر من وحدة بنفس الوقت..هل بكون عندو استقرار عاطفي؟؟؟؟؟؟؟انا من وجهة نظري مابظن |
اقتباس:
بخصوص الاستقرار العاطفي ، انا بحب التفاح والكريز والموز كلهم مع بعض ومابقدر اقارن بين اي نوعين منهم يعني اذا حبيت وحدة شقرا ووحدة سمرا ووحدة بين البينين بيكون عادي لانهم مختلفين ، شو المشكلة اذا حبيت الذكية وبعدين قابلت المثقفة وحبيتها وبعدين قابلت الدلوعة وحبيتها وبعدين قابلت الصلبة القوية وحبيتها وبعدين قابلت الرقيقة وحبيتها ، انا بحب التفاح و الكريز والموز وعفكرة بحب البطيخ والكمثرى والفريز . هلاء يجي الزلمة اللي كل شوي يحكي عن المساواة (اي لا تحكي معي الله وكيلك ، وكمان الزوجة ماعندي مانع تحب الكريز والكمثرى والتفاح والبطيخ :o) بدك مساواة حتى بالشيئ اللي انت معتقد انو خاطئى (يعني اذا الزوج سرق يبقى من حق الزوجة تسرق من باب المساواة) يعني اذا من حقو يجمع بين اكتر من زوجة فهي كمان من حقها تعمل نفس الشيئ !! اوك متل مابدك انا ما عندي مانع . |
اقتباس:
اي افهم انو موافق تتزوج عليك مرتك؟؟؟:larg: |
(يعني اذا الزوج سرق يبقى من حق الزوجة تسرق من باب المساواة) واذا الزوج تزوج اذا من حق الزوجة الزواج ايضا انظر الى المثالين كما هما متشابهين فيهم من السوء اكثر من ما فيهم من الصحة عندما اناقش فكرة التساوي في الزواج يكون المقصد الحقيقي وراء ذلك ان ابين ان الزواج المتعدد غير عادل وليس فيه مساواه ليس ان اشجع على الفكرة والمساواة في عمل الخطأ عموما لا يهم هنا تطرح وجهات النظر . . . ووجهة نظرك بينت |
| الساعة بإيدك هلق يا سيدي 18:58 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
