|
اقتباس:
مع اني مو حابب إنزل لمستوى هالإتهام "السخيف" بس حابب أثبتلك انك تفتقر لأدنى درجات المنطق بحوارك: ماخطر ببالك وانت عم تكتب هالإتهام انو لوفي واحد بالألف علاقة بين أخوية وجهة من الذين تتحدث عنهم لم تكن أخوين لتحجب في سوريا؟؟ بالعكس كان أعلن عنها بالصحف الرسمية لأجل تصيد كل من يذهب بأفكاره يميناً وشمالاً على حسب تعبيرك... هل سمعت عن صياد يرمي شبكته في البحر ويمنع السمك من الدخول إليها؟؟؟ بس يبدولي متل ما قلتلك بأول مشاركة عندك أزمة فكرية رهيبة مشان ما تكون نيتي سيئة وإتهمك بشي أخبث من هيك "ممكن يكون صح" |
اقتباس:
فكرتو فيها وجهة نظر ها يعني انتو بتكتبو بالموقع شغلات ممنوعة:pos: .. قام بتجي المخابرات بتمنع الموقع بيجو ناس بيصير يحكو طالع نازل :jakoush: ولاتو الموقع حسب حكي الاخ اولا واخيرا تابع الون وانتو بتعطون معلونات عن الاعضاء:cry: بتجي المخابرات بتعتقل يلي عم يكتبو فيه :shock: وانتو بتصيروا تنعوون .. فبيجي تانيين كمان بيضربون الحماس وبيتضامنو مع رفقاتون :pos: كمان بتجي المخابرات عن طريقون بتعتقلون و وهكذا:yahoo: انا شايفتها كتير منطقية ه:oا !!!!!!!!!!!!!!! انت شو رايك؟؟؟؟ :adal: بس كلشي لحال يا شباب عن جد بهنيك اخ Yass ع طولة البال يلي عندك ... بهنيك بكل معنى الكلمة وحابة اعرف بس شغلة شو شروط تسكير المواضيع ؟؟؟ مو بس هيدا..... هيك بالمجمل ؟؟؟؟؟؟؟؟؟ |
صباحُ الخير...
كيفَ الحالُ يا عزيزي يمو عاللمبة؟! لم أتوقّع عودتك وخاصّةً بسبب سيوف الأصدقاء المسلّطة عليك!!! فأمّا وقد عُدتَ فأهلاً بك ومرحباً... هذه الليلة يا صاحبي افتقدتُ النّومَ فبعدَ أن رقدتُ في الرّابعة والنّصف على صوت المؤذّن يدعو إلى الصّلاة ويقول: "الصّلاةُ خيرٌ من النّوم"، تقلّبتُ كثيراً ولم أتزحزح عن محاكمة الضّمير، وأنا أتذكّر كيفَ أغلظتُ في القولِ عن المنسّقين والمشرفين في صفحةِ البريدِ، وكيف كان ردّي قاسياً على يوميّات اسبيرانزا... سامحني الإله!!! ما علينا... دعنا من ترّهات أحكامي ولنأتِ على إجابتِك الأخيرة. أنتَ تتحدّثُ هنا يا صديقي عن حجبٍ جزئيّ وهذا يجعلُ الأمرَ يختلف كثيراً، لأنَّ كلَّ ما سبقَ، ومن بينه مشاركتي، تكلّمَ وحاورَ وناقشَ في الحجب الكامل، هذا الذي جاءَ في المشاركة الأولى من الموضوع، إذ كتبتَ تقول: "مرحبا يا قوم لما انحجب أخوية ليش الكل عارضوا الحجب ومافي حدا أيده ؟ ولا في حدا أيد بس خايف يحكي مشان ما حدا من الإدارة يوقفله عضويته ؟؟؟؟؟المنتدى متل مجتمع شفنا المعارضين بس وين المؤيدين للحجب ؟!". ولهذا يا عزيزي فردّك على إجابتي لا يتساوى معها لاختلاف الموضوع بين الحجبِ الكليّ والجزئيّ. سألتُك أن تعطيَني سبباً واحداً يُمكن لأيّ كان أن يؤيّدَ معه الحجبَ فجئتني بهذا المثال: وهو اعتقالُ أحد الذين أحبُّ. أنتَ ألقيتَ اللائمةَ على الموقع وأنا ألقيها على صديقي قليل الحذرِ. ولا يُمكن يا عزيزي يمو عاللمبة أن نختزل منتدىً فيه الآلاف أو المئات أو حتّى العشرات يكتبون في قضايا مختلفة، بشخصِ واحدٍ مهما كانت صلتي به. وأنتَ أعلمُ أنَّ الصّلات تتوقّف أمام العلم والمعرفة، وإلا كان كلامُنا على ما قلتَ من الانحياز والخوف من الإدارة وعقوباتها. أجدُ يا عزيزي أنّك لا تستطيع أن تثبتَ الأسباب التي قد تؤدّي بأحد الأعضاء إلى تأييد الحجب ولو على سبيلِ الفكرِ، كما سبق وأشرتَ إلى ذلك مراراً وتكراراً. لأنَّ الأسبابَ جميعها تبطل أمام وجوده أو عدمه. وإذا قبلتُ معك بنظريّة الحجب الجزئيّ، فأيّ طعمٍ يبقى للأخويّة وأيّ لونٍ يجعلها تتميّز عن بقيّة المنتديات؟! الجميعُ يعلمُ أنَّ الشرقيّين بأطباعهم وعقليّتهم المحدودة نوعاً ما يمنعون التحدّث في مسألتين اثنين: السّياسة والدّين! وبما أنَّ الحوار الدينيّ، ويا للأسف الشديد، باتَ ممنوعاً في هذا الحيّز الإلكتروني الحرّ، بقيت المسائل السياسيّة، فإذا منعت هذه أيضاً بحسب مقولتك، فعلى الأخويّة السّلام!!! أتركك بخير يا عزيزي وأرجو أن تبقي لمبتَك منارةً ليستطيع كلُّ من حولك أن يرى فيسلكونَ سبلَ الحقّ بخطىً ثابتة شجاعة :D. فليُباركُ إلهُك نهارَك هذا. |
شباب ..
مثال .. أنا اشتركت بموقع للمعارضة السورية و ضليت شارك فيه و كل يوم قضي فيه كذا ساعة من باب معرفة الطرف الآخر و نزلت حوارات مع الطرف التاني و هيك شي يعني .. لما بينحجب الموقع .... أكيد رح كون مبسوط على الرغم من أنو أنا عضو بهالمنتدى و مشارك فيه بشكل يومي بس اتجاهو كمنتدى ما بيناسبني و بكون مبسوط لما بينحجب فهمتو فكرتو |
عذرا عن التدخل ...
بس انت بهذه الحالة ... مشارك فيه و دواخلك ما تتمنى المشاركة .. |
بتمنى المشاركة ... بس ما بتمنى للموقع النجاح و الشهرة و الانتشار
|
انت بمشاركتك قد تساهم في تغيير افكار البعض ...
و بذلك قد تفتح باب تغيير او تعديل بفكر بعض الاعضاء ... و اذا انحجب ... ما رح يستمر تأثيرك ! |
لما يتم اعتقال شخص بسبب أفكاره ... فالمسؤولية تقع على من اعتقله و ليس على من وفّر له فرصة حرية.. هاي أولا...
بعدين للأخ هاد بس بدي وجهلو كلمة أخيرة.. كون ما عد عندي رغبة احكي بالموضوع كمان: صرلك من أول الموضوع عم تحكي شروي غروي و تقول هاد فكري و هاد مدري شو... بما معناه تطالب بحقك بانو تحكي, و بنفس الوقت نازل اهانة بالناس.. شوي بتقول أعضاء أخوية ببغاوات, شي بتقول مسيّرين بفكر غيرهون, شي بتقول بيحكو بس على مبدأ خالف تعرف, و شي تقعد تقسم الناس من عندك بـ هاد مثقف و هاد جاهل, و هاد بيعرف شو عم يحكي و هاد ما بيعرف.... بس لأنو عم يتعارضو مع فكرتك القمعية .. فلذلك ما بعتقد يطلعلك كتير تحكي عن حرية التعبير و الفكر لأنو أولا عم تدافع عن اجراء الغائي اقصائي, و ثانيا عم تهين من ليس من فكرك... طبعا باقي "الغمزات" السخيفة تبعيتك مافي داعي حتى الواحد يوقف عندها... عمي من الآخر.. هاد هو الموقع, و هاد هو أعضائو.. و اذا انت مع الحجب ما بعرف ليش عم تتعنى لتخترق الحجب و تكتب هالتنويرات و هالاتهامات المبطنة..... أخوية الها نهج.. و هالنهج مستمرة عليه لو مين ما حجبنا... و بيكفينا انو الناس اللي عم تفوت من سوريا ما زالت تفوت و ما زالت متعلقة بالموقع رغم حجبو .. و هالشي مدعاة فخر لألنا و مو مأثرة فينا شماتة الشامتين و نظريات المؤامرة السفيهة بالنسبة للعزيز صياد الطيور: اقتباس:
|
اقتباس:
أنا عم وضحلك الفكرة الي عم يحكي عنها ما عم اتبناها ... أكيد هو مبدأ متخلف ..لإبقاء مبدأ الحزب الأوحد ( أو الفكر الاوحد ) و بلا ما يكون في بأي بلد بالعالم حكومة و معارضها عمرو ما بيكون بلد سليم الوضع الداخلي ... |
اقتباس:
بس المشكلة يا أبو حيدرة انو يا ريت فكرتو اللي عم يذكرها جاية من هالسياق.. انو خيو ببساطة موقع مو جاي ع رأي الجماعة اللي ماسكة الأمر و أنا رأي هالجماعة عاجبني فمعناتا كش برا و بعيد.. ساعتها بنقول و الله حياتنا كلا هيك و هيك عم يصير بالبلد و الانترنت مانو استثناء.. لكن الفكرة تبعيتو عم تروح و تجي.. يعني بداية كان متل ما تقول "لوم" للأعضاء انو ليش مافي حدا مع الحجب (مع الاتهام للادارة باسكات من هو مع الحجب و مجموعة اتهامات اخرى ظهرت لاحقا) و بعدين صار تبرير للحجب الجزئي على رأيو مع كمان شوية اهانة لأعضاء الموقع (عم يفترض انو اللي عم يكتب هون ناقص القدرات العقلية أو مهبول أو هيك شي لحتى عم يكتب.. و الحق علينا حاوينو) أخوية فيها فوق الخمسين قسم.. من هالخمسين قسم فيها 3 بينحكى فيهون سياسة.. و حتى ضمن هالثلاثة مقابل واحد يحكي عن الحكومة في واحد يدافع عنا... كوكتيل يعني.. و كتير ناس لا هيك و لاهيك... بس انو عرفانين يجتمعو بمكان واحد (إلى حد ما ... بين الحين و الحين خناقة تسالي هيك لتغيير الجو :lol:). اللي يشوف خطر بانو يكون في مساحة حرة للتعبير عن الرأي... أيا كان الرأي (لأنو ما بعرف ليش معتبر الأخ انو التعبير عن الرأي= معارضة) .. فالمشكلة بمين معتبر هالشي.. مو بمين موفر هالمساحة .. هاد أمر بديهي.. و بعتقد كمان انو اللي يدافع عن الحجب أيا كان التبرير المخملي اللي يعطيه هو شخص اقصائي... بعدين حتى الحجب بسوريا خدني جيتك و غير قانوني... مافي أمر قضائي و لا في اذن نيابي و لا شي .. طب! حجبناه... من فترة موقع النزاهة (انو موقع محامين و قضاة و هيك) انحجب.. و رفعو دعوى على وزير الاتصالات هي الأولى من نوعها... وزير الاتصالات سألو القاضي انو مين المسؤول عن شبكة الاتصالات بسوريا فرد انو هو... و سألو طيب شو سبب حجب موقع النزاهة رد عليه انو ما عندو معلومات عن هيك موقع محجوب... طيب مين عندو؟ ما بعرف.. مين بيقدر يحجب غيركون؟ ما بيعرف.... فيعني القصة تسالي عالآخر... تحياتي الك |
بعتقد كلام وزير الاتصالات هو صحيح ..
لأنو على الاغلب آخر من يعلم بهيك حجب أو هيك تصرفات .. ما فينا ننكر أنو في كتير من التصرفات الفردية و الشخصية بسوريا ... محسوبيات .. مصالح .. كلها بتندرج تحت اسم الامن القومي لسوريا ( اذا حدا حاسبهم ليش هيك عم تعملوا ) حتى موقع أخوية ... بيفتح شوي و بيسكر شوي ... يعني ما في منهجية أو مبدأ ماشيين عليه الشباب ( يعني بحسب مناوبة الضابط الموجود :p ) |
اقتباس:
أي تحشيش من سيستيم الحجب على محاولات من عنا... هل تعلم انو بسبب حجب أخوية حاجبين السيرفر اللي عليه الموقع كاملا... شي 300 موقع لا هنن منتديات -أغلبهم- و لا الهون علاقة بالسياسة لا من بعيد و لا من قريب |
يعني بتزيد عليها انو في مواقع عم روح بخطية مواقع تانية ... وبدون ذنب .... تسالي
|
| الساعة بإيدك هلق يا سيدي 14:13 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
