|
اقتباس:
ما فيكِ بـ اي شكل من الاشكال انك تشبهي وتساوي بين حدا بيكفّر انسان لانو متابع مسلسل وبين انسان ما بعمرو بيقول لناس بانهم عبدة شيطان .. وجند ابليس .. ولا ممكن يقول انو والله يللي بيتابع مسلسل كذا او برنامج كذا هو كافر بـ الله حلو يكون في توعية انو انتبهوا للنوعية يللي بتختاروها لانها بتأثر عليكن .. وانو نصيحة بدل مضيعة الوقت على هيك سخافة روحوا زيدوا ثقافتكن اما هون القصة ما قصة توعية.. هون قصة تكفير على شو اصلاً ؟ بقى يا ريت تنتبهي اكتر بس بدك تساوي بين طرفين |
اقتباس:
|
اقتباس:
لك بقص ايدي إذا ماكان عم يتابعو |
اقتباس:
لازم يخبي فتاواه القيّمة ...... لناس قد المقام أو لازم يكون تفكيرو أبعد بشوي من سنوات الضياع |
اقتباس:
لما يتم اصدار فتوى تافهة " بتعبيرك انت " لازم نحكي عنها لانو السكوت رح يخبّي واقع مهم هو .. انو هالمفتي .. مو بمحلو على قولة مطر " المشكلة .. انو ما بيتم اختيار الرجل المناسب بالمكان المناسب " لما ننتقد فتوى هالمفتي.. بنكون عم نوصل معلومة مهمة .. انو هالمفتى مو بمحلو وادا ما بتعرف.. انو يكون مفتي بغير محلو .. مشكلة اقتباس:
معقول يسب حالو ويكفّر حالو؟:lol: وعلى قولة طفولة .. ما محرزة القصة .. بذكر هيك مرة قالت يعني ما محرزة قصة ايدك ابن العم |
مين قال انو مسلسل تافه ((طبعا انا ما بتابعو وهو اكيد تافه))
بس اللي صاير بهالامة هو التافه لك الشوارع بتفضى وقت المسلسل بيكون مبلش احنا هون واقعين بمشكلة انو صار الشعب بدو قصة ليعلق فيها وهاد مو شي جديد لأنو بلش وقت كاساندرا على كلن يصطفلو |
بالــعـاده مــا بسـمع كلام مفــتي او غــيرو .. تــ يعلمنــي وهــلئ مـا دخــل بـراســي كلام حضــرتـو .. لأنــو بغــض النظـر .. عــم ينــصـح بطــريئه بتــنفــر .. ولهــدف مخــتلف عــن هــدفـي النئــطـه ويــن .. مو بالكــبار الي عــم يتــابـعو (للتسليه . او او .. الخ ) .. النئــطـه بالأطـفال الي عــم يتـابـعو مـع اهاليــون .. بكــير علــيون هالامـور .. بكــير نســمع اسـئله من طــفل عمــرو 5 ســنه .. عــن امــور مو منـاسـبه لعمــرو |
اقتباس:
لك شو العدسات ما يكفوووووووووو؟؟؟؟؟؟؟؟؟؟؟:c ry::cry: |
شو بدكون تتوقعوا يعني من هيك أشخاص جاهليييييييييييين ولا يفهون شيء في الحياة وتكفيريين
لككككككككككك اضرب على هيك شعب |
ملاحقة اخبار حجب نور و مهند
 اقتباس: وآخر مهازل بعض رجال الدين السعوديين كان تحطيم أهالي قرية في جنوب المملكة العربية السعودية أطباق صحون فضائية لاقطة بعدما فرغوا من أداء صلاة الجمعة الأسبوع الماضي والتي حرمت خطبتها المسلسل التركي المدبلج "نور" حيث أن شيخاً وعدداً من أهالي قرية الحجرة (على مسافة 70 كيلومتراً من منطقة الباحة جنوب السعودية) نفذوا وصية قاضي القرية، "إنقاذا للأبناء من المفاهيم الخاطئة في تلك المسلسلات". وبدأ الشيخ بتحطيم أطباق بيته، وتبعه بعد ذلك الأهالي في تحطيم أجهزة الاستقبال داخل المنازل. وكانت خطبة الجمعة التي ألقاها قاضي قرية الحجرة مؤثرة في نفوس الأهالي، إذ طالب الآباء والأمهات بمراقبة أبنائهم وتوجيههم لما فيه فائدتهم خلال أوقات فراغهم وبخاصة في العطلات المدرسية - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
هيئة العلماء بالسعودية لاتمت للاعتدال والوسطية بصلة ... انا برأيي ان المسلسلات التركية كلها تافهة من نور الى سنوات الظلام وهلم جره ... بس هيك نوع من المفتيين كبر الله عقولهم بيكبروا القصة وبيخلوا كل ماليس له اهمية له اهمية قصوى ! كمان الكبت بيلعب دور لو مالشعب السعودي مكبوت كبتة اخت اختها ماكنا سمعنا عن المشاكل اللي تسببت بها تلك المسلسلات التافهة بتلك المجتمعات الملتعن نفسها من الكبت الجنسي والعاطفي |
دخيلو هالمفتي شو اجدب
لك الحين صارت مسلسلاتنا حرام هو على كيفو يصطفل هيدا الأهبل بس انا بعرف شو القصه هي القصه وما فيها انو هيدا المفتي غيران من kıvanç شتان ما بين هيدا الوجه  وهيدا القمر :p  الله يستر ونقدر ننام اليوم آسفه اذا بسبب لكم كوابيس :lol: |
التنين اضرب من بعض ...:frown:
|
لك شو اضرب من بعض :?
اطلع مرة تانيه :larg: |
مرة منشوف شيخ بيحكي على البوكيمون وبيقول يهودي
وشي بيقولو سنوات الضياع كمان حرام وحرب على الأمام علي والحسين وحضرة مفتي السعودية بيقول مسلسل نور محاربة لله ورسوله. ومابيحكو عن السلبيات الكبيرة اللي في مجتمعاتنا العربية المتخلفة مابيحكو عن الظلم والديكتاتورية اللي في بلادنا.. والأغتصابات اللي في السجون.. القتل والنهب والسرقة والفساد والرشوة المتغلغلة في كل البلاد العربية. والله العظيم متل هيك مشايخ هم اسباب تخلف الأمة العربية وارجاعها مئات السنين. واخيرا هيك مشايخ ما بيمثلو الدين الأسلامي ولكن بيمثلو انفسهم فقط. |
اقتباس:
الله يرحمك يا الشيخ الكواكبي.. من مية سنة كتب شو رح يصير |
اقتباس:
او بس بدك تدخل الامام علي والامام الحسين في الموضوع |
لك في مسلسلات وافلام اضرب من هيك
مع اني انا مابتابع المسلسلات هي بس حسب الصدف مافي هالشي المخل بالاداب |
ريتها تسلملي الرذيلة والكفر إذا كانت من عند نور
|
اقتباس:
هالمسلسل ما الو اهمية صحيح..وبالرغم من هيك في الو مشاهدة ومتابعة وانتشار بالوسط العربي لهيك..ادا اجى مفتي..او رجل الو مكانة مهمة..للتوعية يقول يا جماعة هالمسلسلات الافضل تركها اني بكون ماني ضد هيك توعية..انو هيك هيك هاللي مالو اهمية ماخد اهمية..فـ لهيك معليش يعطوا توعية القصة هون انو الكلمات المستعملة ما محبذة ..تكفير..والخ... بالنسبة للكبت.. فـ المسلسل يمكن ما بس بالخليج منتشر..مين قال بس بالخليج؟ اقتباس:
يعني في تصرفات وكذا.. بينقال انو ليه لتنوجد..ما لها داعي..وشغلتها متل اثارة مستقصدة اقتباس:
|
وان مشاهدة كل حلقة من الارنوب المقدام بالف الف سيئة, فاهتدوا الى السبيل الصحيح
|
طيب هيدولي اللي بيفتو ليش ما بيفتو ع افلام السينما المصرية؟
ولا هي حلال ؟؟؟ اقتباس:
بتزكر وقت قالو هالحكي مارجعت شفتو للبوكيمون منوب وانا من محبين البوكيمونات ووقتا كان بدي ربي بوكيمون واااع |
يمكن هاد اللي بسموه " المضحك المبكي "
من فترة طلع لنا واحد حرّم فيه شوفة ساسوكي وتوم وجيري باعتبار انهم بيسؤا للذات الالهية سؤال بالخط العريض لو شخص لاديني حط هيك فتوى ما كانت اعتبرت اهانة لمعتقدات البشر وتسخيف الرموز الدينية وبيطلع بالأخير الأخوية ذو بدعة تكفيرية " مصخرجية " وتدنيس للمقدسات البشرية يلعن سعدوا بقبروا على هيك شعب :jakoush: |
ليش نور شبو من شو بيشكي
مع انو عملو رقابة على نص المسلسل و ما خلصنا و هدول تبع السعودية اليهود يلعن ابوهن واحد واحد هلأ صارو يفهمو بالدين في ميت شغلة بالسعودية ألعن من نور يروحو يحسنو وضعهن :pos: |
اقتباس:
|
اقتباس:
لك هدول آل سعود من بني قريظة يعني يهود الاصل هلأ صارو يعملو حالهون شرفاء مكة لك شي بيجنن ياه يا ستي بدي شوف نور و بدي كون خارج عن اسلام آل سعود و هي ضربة بوز :pos: |
اقتباس:
انا كتبت كلمة ( لو ) بالأحمر لاني متأكد تماما انه مافي لاديني وصل لمراحل متقدمة من الجرأة بتسمح له " يستجحش " العقل البشري بالشكل اللي متبعينه سيادة المفتين ... فكلمة لو كانت لضمان شرف وكرامة اللادينيين من الفرضية الباطلة اصلا كون اللادينيين بعد ما تمتعوا بميزاة وبقدرة ( استجحاش علني ) للعقل البشري ودمتم ودام الجهل شعارنا والتخلف غايتنا :D |
كابي \\
اني بقلك.. انو كأنو سؤالك بيظهرلو للواحد انو كأنو هالمفتي ما اعتبرناها اهانة منو.. لحتى عم تسألنا انو لو لا ديني كنتو بتعتبروها اهانة لو احنا ما معتبرين هالفتوى اهانة واستخفاف كان بيجوز فيك تسأل هالسؤال.. |
اقتباس:
ليش مين قال لك مش معتبرين حكيه صحيح ... خليني شوف شخص واحد بس شخص واحد بس مو صحفي ... انسان عادي ما بدنا صحافة بيقدر ينتقد هاي الظاهرة علنا بكل جرأة وبدون خجل .... شخص واحد بس وانا رضيان اسحب كلامي ... وانا مقتنع تمااااااااما ان اي شخص بينه وبين حاله ما عنده الجرأة يوقف بوجه شخص متل المفتي المشار إليه بغض النظر عن اسمه ومكانته ويقول له " انت غلطان " |
اقتباس:
وانتقدوا هالشي.. وعم نقول ع العلن يا عمي ما بيجوز التكفير وهالبهدلة بعدين.. مين قلك معتبرين حكيو صحيح؟ كابي.. لما تقول انك مقتنع انو "اي" شخص بينه وبين حاله ما عندو الجراة ينتقد ويقول فلان غلطان فـ انت بهيك عم تقول ما حدا من غير الملحدين ضد هالفتوى..وهالشي غلط كتار ضد هالفتوى.. لانو بنعرف انو كتار ممكن يستعملوا الدين لمصلحتهم حتى لو غلط اسلوب الاستعمال واكتر من هيك.. بنعرف انو ناس ممكن تفبرك بالدين لحتى يتناسب بـ انو يكون غطاء لافعالهم.. يعني كوننا بنعرف هالشي..ما رح نقتنع بهيك فتاوى.. ورح نكون ضدها اكيد :D |
كابي طرحت فكرة مهمة ...
هل ممكن يطلع شخص محسوب دينيا على الشيخ بالتلفزيون او يكتب استنكار باسمه و يعلن معارضته لهذه الفتوى ؟؟ |
اقتباس:
يعني ما شفتوا ولا مرة..شيخ عم ينتقد تصرف شيخ..او مدّعي المشيخة!! ؟ |
اقتباس:
كثير احيان يساء الفهم ... و يتحول الموصوع عند المشاهد الى شي شخصي بين الاثنين ! |
اقتباس:
طيب..بعطيك حالة..في حالة صارت انو المصلين هاجموا من يؤم الصلاة فيهن لانو حكي حكي ما بيرضاه اي مؤمن.. يعني بدو يستغل الدين بس ما زبطت معو يعني هيك ناس بسطاء مصلين..انتقدوا مفتيهم وعارضوه + ضربوه اي ضربوه |
اقتباس:
انا وقت قلت لك مافي حدا قاصد انه مافي حدا وقت بتفوتي على الانترنت وبتشوفي مدري كام الف موقف مختص بالافتاء ووقت بتفوتي عليهم بتشوفي المصخرة اللي فيهم وما حدا مسترجي يرفع راسه وينتقد مجرد انتقاد صغير معناها شعبك ما عنده الجرأة شو بتنفع انك فايتة على النت بينما بالحياة الواقعية ما عندك الجرأة تحكي ولا كلمة .... حتى بالفوتة على النت في خوق وخوف كبير كمان وبيصل لمراحل الرعب من كلمة المفتي ... على راسي الاحترام وعلى عيني الرموز والمراتب ... بس عفوا للاستجحاش البشري واذا بتحبي باللحظة هي بنزل لك لينكات مواقع للمفتين بيبدوا معي بالافتاء بكيفية الاستحمام وبينتهوا معك بكيفية نشر الملابس مع تفاصيل كافة العملية (( التنضيفية )) وبيبدوا معك بكيفية ارتداء الملابس وبينتهوا بكيفية جمع الملابس قبل غسلها وعدد مرات الغسل حتى ... وبتقولي لي مش مصخرة والعالم مانها راضية !!! |
اقتباس:
اصلاً شو مصلحتي بـ الكذب باني قول مصلين ضربوا مفتيهم وكذا؟ يللي عم احكيه انا (على ما اذكر) صار سنة 2006 .. المفتي داخل المسجد بعد ما كان يؤم الصلاة فيهن افتى فتوى.. قلت انا انو ما بيقبلها مؤمن..اي مؤمن.. اي انسان عندو عقل..ما بيقبل هيك فتوى فـ المصلين لما انتهى وقت الصلاة..انتظروه خارج المسجد وضربوه.. بذكر بوقتها.. قالوا ضربوه بـ الاحذية.. هالخبر انحكى بالاخبار مدري جريدة سنتها..مش من عندي عم قلك وحتى هلأ رحت تأكدت من اختي انو اي هالحكي مزبوط حكيوه سنتها وكذا يعني اني بذكر اكيد سمعت هيك خبر..مش من عندي جايبتو.. وما في اي سبب يخليني اكذب.. مو من مصلحتي اكذب اصلاً.. بقلك اني في ناس جاهلة ما بتفكر ، وبتمشي ورا هالمفي وحسب هالفتوى.. بس حكيك انت انو ما في حدا ممكن يجابه هالفتوى ، عم قلك لا في.. وفي كمان .. اقتباس:
كمان لنحكي شغلة.. ما بعرف اديه انت بتابع اخبار او هيك برامج وكذا.. اني هلأ ادا بحكي هالشغلة مع ذكر اسماء مناطق رح تقوم قيامة سكان المنطقة انو اني منحازة وكذا بس رح احكيها كونها وقائع .. اني لما كنت فوت اتجول بين المواقع كنت قول بالعيلة انو كيف في ناس عم توافق على مواقف ما بيقبلها العقل... وانو بهالمواقع كتير في دعم ومحبة لـ اسيادهم..مع العلم انهم ما بيستحقوا هيك فـ من خلال متابعتي لاحد البرامج.. انو في كتير كتير مواقع هيي بـ ايدي اسياد الاعضاء.. يعني.. اني عم اتجنب اذكر اسماء مناطق وكذا.. بس بتصير انو هول الاعضاء مش ناس عاديين فهمت قصدي شو يعني مش ناس عاديين؟؟ والممولين لهالمواقع هني اسيادهم..يعني طبيعي يدافعوا عنهم.. يعني هني معهم.. بالتالي لما اني او اي عضو يجي..رح يفكر انو هالشعب فعلاً من عقلو موافق على هالشي.. وصلت الفكرة؟ اقتباس:
الجواب لا.. مو لانك جبان.. ولا لانك خايف.. بس لانو وين رح تشوفو لحتى تقلو ياها بوجهو؟ انت عمليًا ضد هالفتوى.. وما بتنفذها..واني هيك..وغيرنا هيك.. ما احنا عنا عقل لنفكر.. بالتالي احنا مالنا خايفين من هالمفتي.. كوننا بنقولها غلط يفتي هيك فتوى..او اسلوب الفتوى .. يا كابي.. مجرد ما انك تلاقي حدا ينتقد الفتوى.. بيبطل فيك تقول ما حدا ضد هالفتوى وبيبطل فيك تقول انو الناس معتبرة هالحكي صح.. بيبطل فيك تشمل.. وعفوًا طولت عليك :D |
اقتباس:
بحب اقول ... بلا تعليق اقتباس:
ناس من هديك المناطق مواقف العقل ما بيقبلها وهي بالأساس بايدين اعضاء مو اعضاء اسياد اعضاء عقلهم موافق على هاد الشي ما بقدر سمّي بالأسامي بس جارنا شيخ الشباب جوز ابوه قبل مبارح ودفنوه بالقبو اللي كدفوع بسابع طابق ... فهمتي علي ؟! وصلت الفكرة !!! اقتباس:
تاني شي ليش سألتنيني اذا بقدر اوقف بوجه ولحالك جاوبتي اني ما حاقدر .. شخصيا ... كان الي كتير مواقف ومشاكل مع مجموعة من الرموز الدينية مع العلم انه ما وصلت معهم لحد (( الاستجحاش )) للعقل البشري يعني كان الحكي منطقي اكبر بكتير كتير من حكي سنوات الضياع وساسوكي وتوم وجيري ونشر التياب وغسل التياب النجسة ووضعية النوم المفضلة وحكم المثائبة وانا عبصلي وحكي اصدار الروائح وانا عباكل ومع هاد الشي قدرت اوقف بوج الشخص اللي عبيحكي ... طبعا الشخص اللي بهمني اوقف بوجه يعني وقت بيجي خوري بيتفلسف على رب سماي اكيد بدي اوقف بوجه كون اللي يتم الفلسفة على رب دينه هوي شخصي المصون وانا معنى بالكلام اللي حضرة الخوري او الراهب او القس عبيتفلسف عليه... عبحكي معك انطلاقا من مبدا اني مسيحي الخلفية الدينية .. فواجبي اني اوقف بوج ال(( مستجحشين )) المسيحيين وشخصيا مش بحاجة انك تقتنعي بعتقد مواقفي بالحياة اكتر منها مافي واي شخص بيعرفني شخصيا بالحياة الواقعية بيعرف شو هوي تعاملي مع هاد النوع من الاستجحاش . اقتباس:
والنعامة كمان بتحط راسها بين التراب وبتقول مش غلط اني ابقى متخبية انا مش خايفة من الصياد اللي مارق جنبي .. لا بل يسجّل باسمي اني تحركت وافتعلت طريقة ذكية للتعامل مع الموقف ... اذا مانك مصدقتيني اسألي النعامة وهية بتجاوبك اقتباس:
فاي جرأة واي خوف واي نقد .... حارتنا ديقة عزيزتي [quote=matya;1082480 وعفوًا طولت عليك :D[/quote] خدي راحتك |
طيب بلشنا نقاشنا.. على قصة انو هالمفتي ما حدا بيعترض عليه
اني قلتلك في ناس بتعترض..وانت بتقول لا.. اني بحكي هيك لاني سمعت..وانت بتحكي هيك لانك ما سمعت عن هالشغلة بقا كل واحد ونظرتو .. خلص اقتباس:
بينقال انت شب ضد هالفتوى.. هيك القصد + سؤالي ما كان طالب جواب منك .. بس لانك بـ رد قلت قليلي حدا بيجرؤ يطلع بالعلن ينتقد وكذا فـ قلتلك انو هو بيكون بينتقد.. بس مو الكل بيقدر وجه لوجه تجاه هالمفتي.. لانو مو الكل عم يشوفو لحتى ينتقدو وجهًا لوجه..وهالناس يللي بتشوفو ممكن بتنتقدو..واحنا ما بنعرف فيها لانو مو بالاعلام ع كلٍّ.. رايك.. ووجهة نظرك .. وحر فيها |
اقتباس:
ان ظهرر هاد الشخص الجريء القوي الفحل المقدام البطل الفارس ووقف بوج المفتي وقال له " انت هلق غلطت " بتقديرك شو بده يكون نوع ردة الفعل اللي بده يلاقيها سواء من الشعب او من المفتي نفسه . هل بده يقدر يعيش حتى يروي لنا شو صار معه !؟! |
اقتباس:
بس بتفرق ادا مجموعة او شخص.. كـ شخص واحد .. ادا مفتي متل المفتي بهالموضوع "بظن".. ممكن يهدر دمو .. وخرج عن المسموح .. ودخل في الممنوع.."بظن" هيك بس كـ مجموعة .. يعني تكاتف .. غير شخص واحد انت شو رايك؟؟ بس شغلة..اني ما سمعت شو صار بحالة شخص واحد عادي انتقد هيك مفتي .. يعني ما وصل بالاعلام لهيك يمكن بدنا وقائع وكذا مو كل حسب رايي بيصير هيك وهيك |
| الساعة بإيدك هلق يا سيدي 05:07 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
