|
اقتباس:
يعني في عنا كتير حالات ..بتكون برضى الاهل ( من الطرفين ) و برضى المجتمع ( يللي هني عايشين فيه ) و مع هيك بيصتدموا بالمانع القانوني و أغلب الناس عم تضطر تسافر لتتزوج مدنياً و ترجع لهون .. يعني المنع عملياً ما عمل شي بهالحالة .... غير زاد مصاريف الزواج ....مع العلم أنو أغلب العرسان عنا بيبدوا حياتون منتوفين خلقة  |
رح ارجع احكي تفصيلا أكتر ... بس أكتر فكرة ممكن تزعجني بالزواج المختلط لما شخص بيغير دينو ليسير معاملات رسمية وهو مانو مقتنع ... يعني شو الفائدة يحمل اسم دين مانو مقتنع فيه ؟ هي ثغرة كبيرة ..برأيي ...
|
بالنسبة للزواج المختلط.. فينا نحكي قد ما بدنا عن آرائنا الشخصية أو تجاربنا الشخصية, ياريت يكون الواقع متل ما نحنا بدنا نتصورو أو متل ما البعض منّا عاشوه.. لكن المشكلة الاساية رح بتضلها موجودة ببلدنا ورح نضل نسمع بحالات فشل هالزواج و ظلم احد اطرافه او ظلم الاولاد... اذا قانون الدولة ما انفصل كلياً عن الدين فمارح يكون في زواج مدني, وطالما هالشي ما موجود--> فرح نضل نشوف تناقضات معيبة بين ما يدّعي به رجال الدين والدولة من إنصاف و عدل, وبين قوانين البلد. وافضل مثال هو القانون يلي مضمونو :الطفل يتبّع دين أشرف الابوين ديناً!. لذلك, التغيير يلي رح يصير لازم يكون تغيير جذري (فصل الدين كلياً عن الدولة ).... ولو اني بآمن أن تبادل المشاعر بين إنسانين ما بيحتاج لقوانين أصلاً, لكن إذا ماصار زواج مدني رح ضل شخصياً معارض للزواج المختلط. |
اقتباس:
ومتل ما انقال سابقاً لازم يكون في قانون مدني بالدولة بيساعد على إحلال الزواج المدني بتعبير أدق فصل الدين عن الدولة اقتباس:
|
و نرجع للنقطة الاساسية .....
مجتمعنا و وضعنا غير مهيئين للقوانين المدنية ... و لا للزواج المدني بس اذا صار تعديل شامل على قوانين الاحوال الشخصية ....... ممكن يصير تغيير ... و بالنهاية انا اشوف ... مشاكل الزواج المختلط ... كثيرة و ما تنتهي .... |
انا بعارض و بشدة الزواج من عقائد مختلفة لانو مستحيل يضاين الا وواحد فيهون بدو يضحي تضحيات جسيمة..
لانو عواقبو كبيري... هلق نحنا بالطائفة المسلمة و في عنا مشاكل بالمذاهب فكيف من ملة تانية و شريعة تانية ؟؟؟ المدني انا برايي انو زواج مو ناجح حتى ما فيني اطلق عليه صفة زواج لانو الزواج مو وثيقة تجمع تنين لاء هوي ترابط و تزواج و قران بمعنى الكلمة ... شكرا ...انا قلت رايي و و رح صوت للخيار التاني |
اقتباس:
بقول حيطلع الولد ضايع بين الدينيين خصوصا مع المشاحنات العلنية واللي بعضرنا عبتتمثل بقنوات فضائية كاملة همها الوحيد المحاربة + شخصية ضعيفة متأثرة بمجتمعين مختلفني انتجوا انسان غير متوازن + خجل وتذلل اجتماعي ناتج عن المدايقات اللي ممكن يواجهها .. يمكن ما تكون بشكل مباشر بس على الأغلب حتتمثل بالنبذ من المجموعات الدينية المختلفة ... وبالتالي جريمة بحق الطفل لأن الطفل هوي اللي عبيدفع ثمن العمل اللي ارتكبوه والدينه النتيجة السابقة شبه معممة وبعتقد الكل بيشترك معي ان صديقنا ياس اكبر مثال لنظرية " لكل قاعدة استثناء " |
اقتباس:
ع كل حكيت أنا انو مشان ينجح -بمجتمعنا- لازم تتوفر شروط هامة كتير.. و اذا توفرت هالشروط فراح يكون دون أي مشكلة طبعا الكلام ينطبق على مجتمعنا.. و خاصية هالزواج أو مشاكل هالزواج بمجتمعنا سببو المجتمع و ليس طبيعة الزواج |
الزواج هو للحقيقية أقرب لمشاركة مصالح شخصين لأدارة شركة كبيرة تعود للطرفين بأرباح كبيرة
هي تعريف مثقف تعريف سوقي الزواج متل البطيخة يا بتكون حمرا وحلوة يا صفرا ومرة اكثر شباب ها الأيام بيتخيلو انو الزواج هو حياة هانئة مليئة بالحب والتضحيات وتقبريني وبحبك وانا بعشقك المهم من خلال تجربتي بها الحياة لما اتنين بيخطبو من نفس الدين ومن غير ملة مو زابطة وابدا علوي يتزوج سنية او العكس مازابطة كيف بقا مسيحي ومسلمة او العكس السبب مو تعصب ديني ابدا السبب واضح كل انسان عنده عاداته وتقاليدة وطبيعة حياة اجتماعية ممكن الشخص يقول انا مستعد اتخلص منها لكن للأسف بعد الزواج رح يرجع يرجعها وغالبا المبادر بكون الرجل بها الاشياء هي الزواج المدني هو عبارة عن رخصة جديدة لصك زواج غير معترف فيه بالبلد يعني زواج عرفي لكن علني غير مخفي مهما حاولنا نحن الشعب العربي بكافه اطيافه فرض المجتمع المدني بكل احتوائاته وبكل مجتمعاته رح يضل عنا نزعه شرقية مستحيل تروح |
اقتباس:
يعني فرضا مسيحي ومسلم رح يجن الصبي المسكين لما يقعد المسيحي يحكيلو عن دينه ويقعد المسلم يحكيلو عن دينه :shock::? بالاخير بقول اهلي مجنيّن احسن شي صير ملحد او شوف سعدو او السطل |
اقتباس:
بعتقد في كتير شغلات فينو الأب أو الأم يحكيها مع الأبناء ما تكون دين... بيعلموهون الأخلاق يعلموهون الصدق يعلموهون الأدب يعلموهون الاحترام... هاي لغة عالمية... |
اقتباس:
هلأ هيك حديث تاني هي شغلات بديهية لازم يتعلموها وقبل الدين حتى نحنا عم نحكي عن الشغلات يلي بتجي بعد التربية الأخلاقية رسول الأسلام محمد صلى الله عليه وسلم قال(إنما بعثت لأتمم مكارم الأخلاق) |
اقتباس:
ما شرط يجي شي بعد التربية الأخلاقية... كون عند ناس يجي الدين ما شرط يكونو الناس التانيين هيك.. و ليسوا أقل سوءا من غيرهم |
اقتباس:
أي بيكون من حسن حظ الولد .. يصير ملحد .. ما في ملحد إلا و ألحد بناءا ً على إعمال و تشغيل مخوّه بالتفكير لمدة طويلة بقصة الوجود و العدم اللي هيه من أعقد الأمور الفلسفية و العلميّة على أرض هازي المعمورة .. يعني قصة أنو عم يشغل مخوه بهازا الشي بيعطيه ميزة عن متديني هالبشرية أنو في مخ يفكر مش مخ بيسلّم تسليم .. مشان ما يفتكر اللي عم يقرا هالجملة من ردك "أنو أحسن شي صير ملحد" مسبة لأ مانا مسبة .. وجب التوضيح .. |
اقتباس:
ماهية كل الاديان السماوية سمّوها باخلاقها |
اقتباس:
|
اقتباس:
بس على قدر الاستيعاب بقول انو الاولاد يلي بيجو محترمين وخلوقين اكيد رح يكون اهلون علموهم ها الشي وزرعوا فيهم ها الصفات والولد الغير اخلاقي اقل كلمة ممكن تنقال عليه اهله ماعرفوه يربوه |
اقتباس:
أها... و قصدي من الكلام.. انو في امكانية لتربية الأطفال بشكل صحيح بدون دخول الدين بالنص |
اقتباس:
اقتباس:
الأخلاق والأدب شي أساسي للطفل , وهيي يلي بتاثر عطفولتو وكل شيء بحياتو رح يكون مبني على هالأخلاق, خصوصاً الدين. بمرحلة الطفولة, الطفل يلي متلقي تربية سيئة ما رح يفيدو الدين بتاتاً , بالعكس رح يكون لدينو نفس صبغة التربية يلي عندو. هادا غير اذا فكرنا شو بيستوعب وشو ما بيستوعب الطفل. |
تحياتي الحارة لكل من شارك بهذا الموضوع ...
طبعا حسب ما لاحظت .. كانت معظم الردود مدروسة وواقعية ..ومشكورين على هالإهتمام .. بس حبيت علق على موضوع .. انو أنا بعرف كذا عيلة متزوجة مدنيا .. وبعرف ابنائهن وهني رفقاتي .. وهني ولاد طبيعين وبعمري .. وأبدا ما في مشكلة .. فمنرجع منأكد أنو المشاكل ممكن تصير من المجتمع .. وطالما الزوج والزوجة متفاهمين ..مافي مشكلة أبدا .. مع التحيات ... THE PUNISHER " .... |
انا ضد واصد كل زواج مدني بالاساس لا اعترف بهكذا زواج
نحنا عم نشوف انو المشاكل تبدأ لما شب وبنت بيكونوا من دينين او من مذهبين من دين واحد طبعا الحل براي الجميع الزواج المدني اللي رح يقدر يجمع بين الطرفين وهاد الشي غلط برأيي كل واحد ياخد من ملتو وعلى دين هو اختاره بين قوسين ماحدا يقول انه الدين رح يكون تابع للاب والام والاولاد مضطرين وصغارين للتتبع ابدا هاد الشي كمان غلط اختيار الدين والمذهب لازم يكون عن فهم لعقيدة الدين مو انو البابا مسلم نصير مسلم او البابا مسيحي خلص صرنا مسيحي يا عمو انت راسك كبير قد البطيخ لما بصير بمقدورك تقرا وتفكر وتكتب ابحث عن عقيدة تناسب عقلك وانسى امر ابوك وامك وبس تلاقي العقيدة المناسبة لتفكرك وقناعاتك ابقى تزوج من مخلوقة من نفس عقيدة وفكرك وبهيك ما رح تواجه اي مشكلة |
اقتباس:
بلنسبه للإسلام أود أن أصحح هذه المعلومة,,الأسلام أبدا لا يعتبر الرجل(المسلم) المتزوج من غير دينه زاني لأن الدين يسمح بهذا,,,مادامت البنت مسيحية أو يهودية,,,, رأي بالموضوع,,, الزواج من دين تاني (مع أني لست متشدده و لا متدينه) مرفوض لأعتبارات كتيرة اولها دينه و آخرها أجتماعية,,, هيدا الموضوع مو متل الحجاب أو أني ألبس مايوه أو روح على مسبح مختلط ممكن انو نطنش عليها (على سبيل المثال) أما الزواج و الأولاد موضوع حياة بتدخل في عيل,,,ومو بس حياتي كمان بالمستقبل حياة أولادي,,,الأولاد ماعاد راح يصير عندهم عدم توازن و راح يكونوا ضايعين بلنسبه للدين(أعيد أنا لست متشدده !!!!) الولد ماعاد يعرف حالوا مسيحي و لا مسلم ...أبو مسيحي و انا مسلمة,,,كيف بدي ربيه ,,أوكي على المحبة و الأحترام ,, و انو الدين معاملة ,,,ووووو أنو الكذب حرام,,,وووو كل هي القيم و المبادئ,,,أنا معكم فيها,,لكن الولد لازم يكون عند توجه ديني ,,,و دين على الأأقل يعرفوا,,,صحي نحنا مالنا ماشين على الدين 100% بس على الاقل عنا انتماء,,, بعدين الواحد مع نفس الدينو يلا يلا يمشي الحال,,,كيف إذا من دين تاني,,,, مع خلص احترامي وتقديري للجميع,, |
اقتباس:
فعلا الردود مدروسة و تدل على واقعية الناس,,, أنا معك أنو في كتير زاوجات ممكن تكون ناجحة,,,و هذا دليل على انهم عرفوا يتأقلموا مع بعضن مزبوط و يفهموا بعض منيح ,,,و وجدوا طريقة و حل وسط بينهم,,, لكن صدقني هي حالات قليلة,,, بعدين غالبا الأهالي ماراح تقبل هيك زواج,,,نحنا كشباب و مستقبلا اولادنا راح يكونوا منفتحين اكتر منا,,و ممكن يصير الموضوع أسهل,, و انو نصير نتقبل انو بنتنا تتزوج مدني مابعرف(مع اني من معارضي هيك خطوة بالوقت الحال) أما انو يكون أخوي بدو يتزوج مسيحة أو يهودية ماعندي اي مشلكة لأنو بصراحة هي راح تكون تابعه اله حتى لو ضلت على دينها مالها مشكلة أبدا أبدا,,,,,,مو العكس,,,متل ماقلت بمشاركتي السابقة(مشان الأولاد العكس صعب كتير مسلمة تتزوج مسيحي,,,,) بعدين لما البنت بدها تقدم على هيك خطوة راح تخسر أهلها هيدا شئ أكيد,,,إلا اذا كان كتير الاهل منفتحين ,,, نحنا مسلمين بين (شيعة و سنة) بنعمل ميت فلم لحتى الاهل يوافقوا,,,,,كيف مايكون مسيحي,,,, :D:D:D |
اقتباس:
اقتباس:
في فرق بين أول اقتباس والتاني مش هيك ... شو هيي الإعتبارات الدينية ... إذا الإسلام لا يعتبر المسلم المتزوج من غير دينه زاني ... وشكرا عالمشاركة ... |
خليني وضحلك قصدي,,
الدين الأسلامي يبيح زواج المسلم من مسيحية اويهودية,,,و لا يعتبره زاني أبدا أبدا,,, أما زاوج المسلمة من مسيحي او غيره(غير مسلم)هو الذي يعتبر زنا,,, هذه هي احكام الشريعة الإسلامية بموضوع الزواج من غير الدين للرجل و المرأة,,, اما انا رأي بالموضوع,, بشكل عام أرفضه يعني على نفسي لعدة اسباب أولها الدين,,,مو لأنني لا أتقبل الدين الآخر و لكن لأننا راح نكون وقعنا بخطأ كبير,,,,و ديننا راح يعتبر انو هدول الأولاد حرام,,,مو متل (متل ماقلت إني ماكون محجبة أو بلبس قصير أو أو) أما أنو الشب المسلم يتزوج غير مسلمة فما عندي اعتراض(أصلا مو من حقي لأنوأصلا بدينيا مافيها شئ ) هيدا قصدي:D |
بشكر أول شي صاحب الموضوع على هالموضوع الرائع ... يعني من وحي المجتمع وبيعبر عن واقعنا ..
يعني إذا بدنا نحكي بالمشرمحي ... الزاوج المدني أنا معو إذا كتير الشخصين حابين بعض ..وهالحب حقيقي .. يعني متل ما بيقولو الحب بيصير مرة بهالدني ..وكيف يا ترى لو أجت هالمرة مع شخص من دين تاني .. .. ! وأنا ضدو إذا كان مشان المصاري أو أي شي تاني .. وبالنسبة ل اقتباس:
... بس لوضحلك شو سبب تحليل الزواج للرجل ومنعه للمرأة المسلمة من شخص من دين آخر الرجل عند زواجه من مرأة من دين مغاير .. سيكون الأبناء من نفس دين الأب .. أي أنهم أبناء مسلمون .. .. أما المرأة المسلمة عند زواجها من رجل من دين آخر .. سيكون الأبناء قانونا من ديانة الأب وليسو مسلمين .. لهيك تلزم بالزواج من مسلم للحفاظ على النسل .. ومع انو هيدا حق .. بس يعتبره البعض عدم مساواة ... وما تفهميني غلط .. بس هي الحقيقة .. ! |
أهلين سيادة العميد,,,
أكيد هادا هو السبب,,,هو الحفاظ على النسل كما أن المرأة لما بتتزوج بتصير تابعة لزوجها و الأولاد كمان,,, بعدين ليش أفهمك غلط ؟؟ أما عن كونه عدم مساواة نحنا بدنا المساواة بشئ و شئ متل العادة,,,الله مامنع شئ عن عبس كل شئ له حكمة فيه ,,,حتى لو ماعرفناها او كانت ظاهرة لنا ,,, شكرا لك:D |
اقتباس:
بالحقيقة هو الموضوع الاساسي .... عن المسائل المترتبة من الزواج المختلط ... من ضمنها الاختلاف الفكري و الاجتماعي ... |
اقتباس:
يعني .. مو زواج مدني ضمن قوانين مدنية ... |
ana ma ba2ayed hada el zawaj bs msh barfodo
bafadel el zawaj mn nafs el deen bs el wa7d ma by3rf shoo bseer bl nesbeh ely bafadel atzawaj mn deeny w moo bs mn deeny kaman bafadel ykoon moltazem w ma bseeer eno nfsl el deeen 3n 7ayatna l2no el shara2e3 w el 3aqeede elly 7atha rabna feeeh el 7ayah btkoon as3d w a7san 7ata law ma eqtan3na b shi mo3ayan bl bedaye l odam bnktshf eno hada afdal shi hada el kalam bra2yee l kol el mawadee3 bl 7ayah msh bs l hada el mawdoo3 hada ra2yeeee thanks |
اقتباس:
|
يعني صراحة ... إحنا شعبنا (( العربي )) كلوا هيضل متخلف لحتى يجي اليوم وتنحط الخلافات الدشنية عجنب والكل يصدق أنو في النهاية إحنا عم نؤمن بنفس الرب ...
أنا وزوجي عايشيين وعم نربيون أحسن ترباية .. وعن نعلم أولادنا من عبر قصص الأنبياء كلون ... يعني انا مو فاهمة شو الفرق نعطيون تعاليم مسيحية مثلا ونكرهون بالإسلام او العكس ... لأنو اذا بدنا نحكي الصراحة هاد الي عم يصير ونسيانيين أنو في الأخر الرب واحد .. الله هو نفسو .. وعشان هيك فكرة الزواج من دين أخر مرفوضة .. إحنا هل الجيل اذا ما فتحنا نخنا شوي فما رح نطلع الدرج ابدا .. رح نضل تحت .. |
انا حطيت الخيار التالت
من ناحية مش عدل نهائيا نمنع 2 راشدين وعندهم عقل من الزواج لأنو دينهم مختلف .. اكيد لما اختاروا يتزوجوا كانو حاطين هيك فكرة براسهم واللي بيميزهم عن اللي بيتزوجوا من نفس الطائفة والدين انو اختيارهم للشريك جاء عن حب وقناعة وايمان بأنو هاد اللي بدي اكمل معو حياتي .. ومن ناحية تانية أنا ما رح افكر بالزواج من انسان مش من ديني لأنو لو انا ما عندي مشكلة وبتحمل عقاب اهلي وعقاب الناس ما برضى ولادي يتحملوا عقاب المجتمع الهم... كتير حالات عنا اهل البنت قتلوةها لأنها بدها تتجوز مسلم وكتير بنات كمان اهلهم طلعوهم من البلد كلها عشان يبعدوها عن المسلم اللي حبتوا.. اللي بعرفوا وتعلمتو انو المسلم بيصير يتزوج يهودية او مسيحية (يعني كتابية) بس المرأة المسلمة لأ لأن زوجها بيأثر عليها و ع ولادها وممكن يخليها ترتد عن دينها :S والمسيحية ازا تزوجت مسلم وما غيرت دينها لا ترث (عد مشروعية زواج المسلمة بكتابي وحرمان الزوجة المسيحية من الميراث ال 2 مش عدل ).. المسلم ازا تزوج مسيحية ما بيتعاقب من المجتمع بس المسلمة ازا تزوجت مسيحي زي ما سبق وحكت اهلها بينبذوها وفي اكتر من حالة صارت هون اهلها قتلوها .. ولو هي ما دفعت الثمن ولادها بيدفعوا .. الموضوع حلو بس ما قدرت أكون رأي ثابت انو انا مش معارضتو ابدا بالعكس مؤيدة الو ومن ناحية تانية مش مستعدة اتزوج حدا مش من ديني عشان ولادي :) يعطيكوا العافية d: |
انا مع wild_angel للعضم ... الله يوفقكن وانشالله بيطلعو ولادك من أحسن الناس ..
انتي تحديتي المجتمع والتقاليد .. وفي كتير رجال ما عندن الجرأة يقدمو على هيك جرأة .. بهنيكي .. |
انا الصراحة صوتت للخيار الاول ل سبب بسيط هوي انو نحنا كلنا بشر و من طينة وحدة و بالنهاية نحنا منعبد الله
|
اقتباس:
|
اقتباس:
ما عم ننكر قدرة الزوجين على ترباية اولادن احسن تربية,, هاي شغلة انسانية خاصة فيهن.. حتى لو كانت كل حالات الزواج المختلط مبنية على التفاهم (متل حالتك) رح بيضل قانون الزواج الموجود هو غير منطقي وغير عادل... |
بخصوص ما ذُكر بهذة المشاركة ..
اقتباس:
المرأة المسلمة لا ترث من كتابي " مسيحي او يهودي " إذا كانت لها صلة قرابة به "كأن تكون إبنة أو شقيقة"و قد أعلنت اسلامها بينما هو بقي على دينه . كذلك الأمر في كنائس مصر "و لعل هذا القانون موجود في معظم كنائس الشرق" فهي تمنع أيضاً توريث المسلم من زوجته المسيحيه. بما يتعلق من الزواج من شريك معتنق لغير ديانة, هو بأنو الموضوع بيصير فقط بحالة وحدة و بينجح كمان لما بيكون الشريكين ديانتهن أو معتقدهن الديني فقط انتماء اسمي .. يعني متل مو صاير بالعالم الغربي . باسقاط التجربة على عالمنا الشرقي .. في عنّا كتير بالدول العربية من هيك أمثلة! انتماء اسمي " يعني متل لما بتلاقي واحد علماني من خلفية مسلمة أو مسيحية! هي الخلفية ما كان إلو إيد باختيارها بس خيارو هو كان النهج العلماني. هيك عيّنات بالمجتمع ما بتلاقيهن جايين من خلفيات متدينة أو حتى محافظة .. يعني أصلاً رح يكون انبثاقهن من خلفية علمانية بيجوز الدين كمسمى هوي فقط انتماء. بهي الحالة رح يكون الزواج ناجح لأنو كلا الشريكين أصلاً مافي عندهن أفكار متناحرة أو متناقضة و النتيجة رح تكون سلسلة من نفص الفصيل و ما تنسو بانو الزواج من تعريفو و اصول ديمومتو هوي " الإنسجام و التوافق " . طبعاً مكارم الأخلاق موجودة و لكن الديانات تعمل على تكليلها بالنجاح و الثبات و الاغناء. |
اقتباس:
ليشنلف و ندور بالموضوع ... ؟؟؟ المرأة المسيحية لا ترث زوجها المسلم اذا مات ... الزوج المسلم يرث زوجته المسيحية ..... و الابناء يرثون امهم ... هذه القوانين المعمول بها في القوانين المدنية ......... في محاكم الدول العربية ... على المسلمين و المسيحيين .. و هذا لا يمكن ان يسمى العدل ! اقتباس:
ام اسمع بهذه الحالة ابدا ... لكن الذي اعرفه ... ان المرأة اللي تتزوج مسلم ... تخرج من المسيحية .. حسب الايمان المسيحي .. و ما اعرف شلون يتم القانون في هذه الحالة على اعتبار هي ليست عضوة ... |
bsaraha mahma fhemna rah idal fi chi mou wadeh bhik masael
hala elwahed ida fakar ba3idan 3an edine rah ikoun ma3a leanou binihaya kelna bachar bes lama benkareb 3adine benlaki enou hachi mamnou3 wa moukayad bichourout hala had sah am ghalat 3ilmouhou 3inda alah lich tharam bedine el islami had kaman 3ilmouhou 3inda alah bes bdon enou lama yet3alak el amr bi masihyine 3arab ou mouslimine 3arab fa btejhtelef elkesa leanou etakalid nafsha ou fihoun ama wahed masihi ghir 3arabi fahik betsir elkissa a3kad biktir hala metl ma kalet wild_angel el aham enou n3alam elawlad edyanat kelha ou henen yejhtarou hata ikounou mekten3in ou mou majbourine ou binihaya ezawaj fih 3akl ou kalb ou kel wahed hor ma dam mouktane3 tahyati |
| الساعة بإيدك هلق يا سيدي 17:28 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون