|
بتوقيعك بتقول : نحنا هون نحنا منغير هالكون ! +
شو بيدايقك اذا كتب آية دينية ؟- ماعم قول أنا نحنا مع ادخال آيات دينية بمواضيع علمية أبدا أبدا أو بمواضيع لاعلاقة لها - بس ليش ماسك هالقصة ؟ أخي اذا ما تهجم عليك هو هيك معتقدوا .. لاتوافقوا بس هو هيك معتقدوا .لما يكون كلاموا صف حكي ديني بموضوع لاعلاقة له لا من قريب ولا من بعيد المشرف بيمسح الرد .. بس اذا موضوع عن شي خُلق أو صفة وحدا حب يذكر نبي أو صحابي أو أو .. طيب شو المشكلة ؟.. أنت ممكن تجيب أمثلة من كتب معينة مؤمن فيها صح اذا اجا هو قال " لينين ملحد انا ما بقبل يكتب فلان اقتباس من كتاباتو ... هيك ماحدا بيكتب شي ! |
يسعدلي أوقاتكون شباب وصبايا أنا لاحظت بهاليومين الي مضو من خلال بحبشتي بالأقسام انو أغلب الفتيشات الي عم تأجج الإختلافات بين الأعضاء الدينين واللادينين انو عم يكون في أعضاء يادوب لسا مسجلين أو طازة لساتون من المقلاية طالعين عم يفوتوا يرمو حكي شي بطعمة وشي بلا طعمة يعني هنن يلي عم يعملو هالفرتينة بين الأعضاء وبصراحة إذا بتطلعوا عالمواضيع يلي عم يصير فيها مشاكل كمان بتلاحظو انو أغلب الأعضاء ويلي عم يشاركو بهالحوار خلينا نسميه ولا واحد منهن أساء لمعتقدات التاني أو حاول ينصح التاني بشكل من الأشكال إلا طبعا ما ندر من هالأعضاء يلي كلون على راسي من فوق كزدرة في منهون بيكتب مواضيعوا بطريقة استفزازية وأنا ماعم وجه الكلام للكل والي بيكتب بطريقة استفزازية أو فيها سخرية بيعرف حالو مافي داعي نأشر عليه ونقول ليكو... لهيك أنا إقتراحي للشبيبة كلهون لما نشوف تعليق بيثير المشاكل بيناتنا كبسة زر صغيرة للمنسق أو المشرف المسؤول وبينحزف التعليق ولا مين شاف ولا مين دري ومافي داعي نعلق بينات بعضنا نحنا هون أخوية دون النظر إلى الدين وإلى المذاهب والإلحاد وغيرو وغيراتو كل واحد عقلو براسو بيعرف خلاصو..... سامحونا إذا طولنا عليكون وتحياتي للجميع بلا استثناء |
اقتباس:
اقتباس:
اقتباس:
هلق من ناحية بدايقني ... معك حق بدايقني ... وسببي بعتقد واضح لعدة اسباب بذكر لك سببين على الماشي .. سبب متعلق بالأخوية وسبب متعلق بالحياة بالاخوية .. ممنوع منعا باتا وبكل الاشكال الحوار بالأديان ومعتقداتها بس المشكلة العظمة ان شو هية المعتقدات تبع الاديان ؟!!؟ اذا جيت عبحكي مع واحد مسلم على الارض والجيولوجيا نط مثلا جاب لي الاعجاز تبع الرواسي شو مطلوب مني اعمل انا ؟!؟ او اني عبحكي مثلا على الوزن الجزئيئ واارخميدس نط حط لي حادثة مشي المسيح على المياه ... انه مثلا شو مطلوب مني اعمل انا !؟؟ اقعد اصفق له او اقوم اعمل لي فتلة رقص ؟! بكون الحوار فيه لاحة امل انه يصل لنتيجة .. بيجي نص ديني من نوع ما برجعك مو بس للصفر لما وراء وراء وراء الصفر بأبعااااااااااد كبيرة واكبر مثلا تاريخ الأخوية في الاحاديث المتعلقة بالمثلية ... ما منلحق نصل لنتيحة " يا جماعة هدول بشر " بنط لك واحد بحط لك مقولة دينية مقتبسة من شي كتاب ديني سواء من عندي بولس الرسول او من الاحاديث بترجعك لما وراء وراء وراء نقطة البداية ... تاني سبب تبع الحياة بشكل عام ... بالحياة وقت بصير نقاش من اي نوع كان ومن اي شكل كان يطلب اثبات مصداقية المصادر انا شخصيا من وجهة نظري الشخصية ما بعتبر الكتب الدينية بتحمل مصداقية عاليا ومطالب الشخص اللي عبيوردها انه يأثبت مصداقية مرجعه وعقلانية مصدره وبالتالي برفض رفضا قاطعا ايراد اي اقتباس او اي نص من كتاب مشكوك بمصداقيته . عبحكي ككتاب بغض النظر عن الكاتب بغض النظر عن الفكرة ... فاذا كان سبب ورود الآية داخل الموضوع كدليل علمي .. فانا ارفض هاد الدليل لأسباب كتيرة ومتعددة وعادة بحتفظ فيها لنفسي . كل اللي بدي اوصله .. يا جماعة .. حفاظا على كرامة الاديان من التداول والتناقش في محتواها الشي اللي ما بيرضاه اي ديني بالعالم لأن ببساطة محاولة النقاش مع دين تكافئ التعارض مع افكاره وبالتالي حيصير جو غير مريح ابدا وحيصير لط حكي من تحت الطاولة على امل تمشي على المشرف . مشكلتنا مانها مع الدين مشكلتنا مع الاشخاص المصرّين يدخلوا الدين بكل شاردة ووراردة الشي اللي بالنهاية ما عبيطلع حدا منه مبسوط انا اولا انسان وثانيا انسان وثالثا انسان ورابعا ... وبالنهاية في بيني وبين القوة العليا علاقة اسمها دين الفلاني فليش حتى اهمّش انسانيتي واحصر حالي بعلاقة " يفترض " انها شخصية .... |
[quote=gabriel;1072286]
مشكلتنا مانها مع الدين مشكلتنا مع الاشخاص المصرّين يدخلوا الدين بكل شاردة ووراردة الشي اللي بالنهاية ما عبيطلع حدا منه مبسوط [\quote] طيب المحاولة مالها زرع هوا . مالها زابطة عهالمثال . لو الأمل ضعيف ... ليش التشاؤم ! ملاحظ أنو عم تدورنا بدويرة ؟ قلي شغلة وحدة من كل القصص يلي زكرتها انت نحنا عم نقلك انو مالنا معها ؟ حكيك مزبوط وعم قلك هاااد يلي بدنا نحلو .. بس مافينا نلغي وجودالطرف التاني . نقول لو بلاه كان كلشي تمام القصة بدها طرفين .. بتبدأ من عندك ؟ |
اقتباس:
شكرا الك :D |
ناقشنا وحكينــــا ووصلنا فكرتنــــــا .. هلأ بدنا من كل شخص- مازار الموضوع أو زاروا - مأيد للفكرة و ما ذكر تأييدو لسا ,يذكرو هلأ .. بيكفي يقول أنا معكـــن ... لأن بدنا نبدأ اقتراحات وتعهدات وحلــــــــول :D:
|
انا معك ooopss الى الامام...:D
|
و الله يا شباب انا ما بحب فكرة التعايش .....شو تعايش يعني !!!
انو انا بتخيل التعايش متل اذا واحد قاعد بمحل فيه دبان كتير ( ذباب يعني ) ..و ما قادر يعمل شي للدبان...بيتعايش...او انو مثلا يتعايش مع فارة موجودة بنفس المكان..و معقدتو يعني ..ما خلا طريقة علمية و تقليدية ليقتل هالفارة و ما انقتلت...و ما لقا حل غير انو يتعايش .. اما تعيش بين الدين و الالحاد ...ما بتزبط معي ! لشو ليتعايشو يعني .....انو هو الالحاد مأثر ع الدين يعني ؟؟ اذا الالحاد بدو يأثر ع الدين ...اي شو هالدين هاد ولا !! شو هالدين اللي ما بيلقى ملحدين !!! و الالحاد كمان اذا بدو يتأثر بالدين لشو هو الحاد يعني ...ما هو الحاد لانو ما بيتأثر بالدين ...على ما اذكر يعني !! بقى لشو هالحركات !!..... احلا شي يتعايش الدين و الالحاد :? |
والله اشوف ان الظلم الذي مس الملحدين , هو بسبب التطبيق الخاطئ للدين..
لا اكراه في الدين , هذا صحيح.. ولكن الملحد بشكل عام يخطأ دائماً على الاله , وبشكل متكرر , وكثيراً ما تكون آرائه ( تصف المتدينين بالاديان السماوية ) على انهم اغبياء يعيشون في خزعبلات ..فبالتالي يتسبب بحقد شديد من قبل المتدينين.. لذلك,الفلسفة الالحادية ترتبط دائماً بسب الاله , ووصفه باوصاف لا تصلح حتى لوصف البشر !..فكيف يسكت المتدينون من الاسلام والمسيحية ؟؟ .. ولكن , التعايش بينهم ممكن, بس الانسان ما ينسى ان الوضع بين المتدين والملحد ( هو قنبلة موقوتة ) قابلة للانفجار في اي وقت ..طالما صبر الطرفين عن السب والشتم والقذف , بيكون الوضع احسن.. وطالما ان الملحد يتقبل من اتباع الاديان السماوية وصفة ( كافر ) , فبالتالي ما بتكون في مشاكل بالمرة.. ولكن , هناك خط احمر لا يجب تجاوزه ابداً من " الملحد ".. ونعرف كمان ان هذا منتدى , فبالتالي هو موضع لوجهات النظر..والتعايش فيه بيكون اسهل بكثير من الواقع بالنسبة للطرفين ^^.. ولكن ننصح المتدينين بالبعد عن ( التعصب والحديث بأسلوب ( ايها النطفة القذرة يا عبد ) ننصح الملحد بالبعد عن ( سب الله وسب الاديان , ونعت الله بصفات لا تليق ,لو اراد ان يفجر مافي نفسه فليفجره , ولكن بدون تريقة ).. وشكراً على الموضوع |
اقتباس:
و اللهي يا عزيزي .. لما بنطلّك شي واحد فهمان بقلّك إذا جامعت زوجتك يوم الإثنين بيجي الولد أشوص , و إذا عملت سكس مع صاحبتك يوم الخميس ما رح تشوف الرزق بعمرك .. فا أعذرني من حق أي ملحد هون يقعد يتضحك و بملء فمه عا كل شي أسمو أديان و كل شي أسمو ألله .. الخط الأحمر اللي عم تحكي عنوّه من الممكن الملحد يحترمو لما المتدين بيحترم عقل الملحد و ما بيحكي خزعبلات و خرافات و قصص شغل علي بابا و الأربعين حرامي .. أما بخصوص الفلسفة الإلحادية التي ترتبط دائما ً بسب الإله .. ف بصفتي لا ديني ما عندي أدنى فكرة عن أنو فلسفة الإلحاد تكمن في سب الذات المسماة إله .. و عودة للمووضوع التعايش بين لاديني أو ملحد و بين أي متدين ( بمجتمعاتنا ) أمر مستحيل , المتدين من المستحيل يحترم عقل أو تفكير الملحد .. و الملحد من غير المعقول يآمن بخرافات المتدينين .. و هيك قصة طويلة .. ما في أمل من الآخر يعني .. تحية |
اقتباس:
يعني انت عم تقدم امثلة معينة موغلة بالتطرف لتبرر تصرفات بعض الملحدين مو كل المتدينين يؤمنوا بهيك خزعبلات و لا كل الملحدين بيحبو على الطالعة والنازلة يتمسخروا من معتقدات المؤمنين ليثبتوا لنفسن دايما انو هني متقدمين عنن فكريا بمراحل التدين اساسا مرتبط بشخصية الفرد وفهمو الصحيح لجوهر الدين, يعني في ناس بتفهموا صح وهالشي بينعكس على سلوكن وعلاقتن مع الاخرين وناس ما تفهم منو الا الخزعبلات اللي اصلا مو موجودة بالدين بس القصة هي انو الملحد فقط في دولنا العربية مصر على الغاء الاخر وهو المتدين واعتبارو مخلوق متخلف غير قابل للتطور, وانا خالطت ملحدين غير عرب بتلاقي بيحترم عقيدتك حتى لو كنت بتامن بالصرصور وبيحاول يثبتلك وجهة نظرو من دون ما يهين معتقدك والمحصلة يعني انو بعض الملحدين بيضلوا ياخدو على المتدينين انن اقصائيين وما بيحترموا الاخر بالوقت اللي هني نفسن بيكونوا متطرفين اكتر من المتدينين , بتلاقي واحد كان متطرف ديينا وفجاة صار ملحد وحمل معو التطرف من فكر للفكر المضاد تماما |
المحبه .....والتسامح ...وتقبل الاخر شو ما يكون .....هو مانادت به الاديان ...وماينادي به اللامتدينين..
(كلمه ملحد ماعجبتني بالموضوع وماحبيت قولها لان مو منحقي نادي بها اي انسان) ليش ما منحترم هدا الشي ...ومنتحرم الشخص لشخصه ...... بعدين مين انا او انت ..اواي حدا لاحكم انت ملحد او انت مؤمن ..... وليش ما منتعايش ...هي صعبه كتير ... مع احترامي لصاحبه الموضوع ..الي عم تحاول بشي كتير صعب ...:D |
اقتباس:
اقتباس:
انا بس بدافع عن مقدساتي والقرأن الكريم انا مواقف عالفكرة بس بشرط ما حدا يحكي عالمقدساتنا وانا بحترم الحرية الشخصية :D وبحب التسامح والاخوة وما بحب احكي على حدا ولا اذي حدا شكرا للموضوع |
بتكبرو الخط بتصغرو الخط بتلونو بأي ألوان بدكن ياها ما بتزبط معكن.. حارتنا ضيقة ومنعرف بعض ومنعرف كل واحد شو قصتو وشو ترتيبو..
باختصار: التعايش مستحيل أضل شي ممكن نوصله هو هدنة.. بمعنى انتو من عندكون ونحن من عنا.. والسلام |
شو يعني تعايش؟
أنا بفهم تعايش يعني وجود شخصين بمكان واحد.. ما حدا حكى انو التعايش يقتضي انو الناس تصير متل بيت فستق تتبادل السلامات و التحيات و المحبات... الاتفاق الفكري بين اللادين و الدين مستحيل.. هذا يعني انو صيغة الأرضية المشتركة مستحيل.. مما يؤدي الى وجود صيغة ثانية ممكنة و هي التطنيش الفكري.. شو سبب المشاكل؟ فرط حب الاستفزاز من طرف و فرط الحساسية من طرف تاني (و كلا الطرفين يتخذ أحد الموقفين حسب الحالة).. هلأ أنا بفهم انو اللاديني أو الملحد هو شخص لا يؤمن بوجود ذات الهية.. و القصد من الفكر اللاديني هو ملئ الفراغ الفكري الناتج عن انعدام هذه الفكرة بأفكار من طراز ديالكتيكي آخر.. يعني اللي معتبر انو هالشغلة خلقة ألله انت بدك تدورلها على مغزى ثاني أو معنى ثاني.. ما حدا قال انك ملحد مشان تقعد تسب ألله أو مشان تقعد تتمسخر أو تتفزلك ع ألله (أي هاد معنى الحكي.. و مو دفاعا عن ألله.. لأنو أنا ملحد و لا ديني مقتنع بلادينيتي.. لكن بعتقد انو اذا مافي دببة قطبية بسورية فمافي معنى أو مغزى انو اظل جايبب سيرة الدب القطبي السوري ع لساني ليل نهار.. مالو معنى و لا منطق.. و يدخل ضمن منطق الخبل حتى).. بالزمانات بمناقرة مع واحد نزّل موضوع الحادي من النمط الاستفزازي .. عم قلو انو في زوايا لادينية بالانترنت فيك تنشر هيك أمور و أماكن مخصصة يعني متل منتدى اللادينيين و هيك.. قام شو رد علي.. قاللي اي هنيك كلو ملحدين.. شو استفدنا اذا ما فات متدين قراها؟؟ يعني انت تلذذك مو بكتابة هالمقالة.. انما باستفزاز المتدين هون خلصنا من النقد تبع الجانب الأول ... و هو نوع اعتب عليه لأنو يبتذل معتقدي اللاديني و يحوله الى زعبرة.. الجانب الآخر... انو ما بعرف... شو بيضر ايمانك ازا فلان حكى؟ و ليش ما تفكر انو في نسبة مئوية من حكي فلان قصدها استفزازك و لما عم ترد عليه عم تحقق مرادو؟ هاي بالنسبة للحكي اللي واضح استفزاز.. (مافيني حاكم نيات كجهة ادارية.. يعني لما ينبعتلي تقرير برد شخص يحكيلي انو استفزاز.. طيب أنا مافيني حاكم نياتو و احذفلو الرد.. لكن انت يا متدين اذا معتبرو استفزاز فيك ساعتا تطنشو و ما تفوت بلعبو و لا تخليه يحقق مرادو).. بعدين في جانب و هو موضوع فرط الحساسية, أو موضوع حمل سيف الاهانة.. يا حبيبي القدسية لألك لا تعني فرض قدسيتك على الجميع.. و خصوصا بالأمور الدنيوية اللي يدخل فيها الدين بشكل ما.. من أمور حياتية و اجتماعية ... هاي هيي الأمور اللي يستحيل ما يصير فيها صدام لأنو هاي أمور تمس جوانبنا الحياتية.. لكن السخيف بالأمر انو الصدام ما عم يصير بهالأمور انما عم تعلق بقصص واهية و سخيفة... الدين الو مكانو و مكانتو.. و استخدام الدين و كلمة الله في كل شاردة و ورادة ابتذال للدين.. انت اللي عم تدحشو بكل شي عم تسيء الو قبل اللي يجي يعيب عليك هالأمر... فلذلك... طنّشو بعض يا أخوان... و البطاطا غذاء الروح :gem: |
التعايش ممكن جدا جدا....
بين اي فئة من الفئات المذكورة,,,(المسلمة أو المسيحة أو الغير مؤمنة بوجد الله سبحانه و تعالى) و أي موضوع ممكن جميعا نتناقش فية و كل واحد منا من منطلق دينه و اعتقاداته و تربايته و مجتمعه,,,مابعرف ليش عاملينها مشكلة,,, مجال عملي فرض علي التعامل مع جميع الفئات ,,, كوني اعمل بمستشفي كان يحضر بغرفة العمليات مختلف الطوائف المسلمة(شيعة , سنة و دروز) و غلبا معنا مسيحين و بعض العلمانين و أحيانا غير مؤمنين و كثيرا مافتحنا مواضيع و نوقشت بقمة الذوق بدون تجريح و لا إهانات و بهذا اعتدت على تقبل الأخرين مهما كانوا,,,و الأصل بالنقاش تبادل الآراء و المعارف مو التهجم على بعض,,,, المجمتع الذي أعيش فيه فرض علي أحياناالتعايش مع ناس مو بس متدينين لا أكتر ,,,,ولم أجد الموضوع صعب,,,صحي أنو أي موضوع حتى لو طبي بيدخل الدين فيه و دائما نضع وجهة نظر رجال الدين فيه إلا أنه لا يفسد للود قضية ,,,, حتى أبناء الدين الواحد و الطائفة الواحدة مو سهل انهم يتعايشوا مع بعض,,, القدرة على التعايش مع الناس بعض النظر عن دينن و عمرهن و مجتعن بترجع ل شخصيتنا و تطوير ذاتنا حتى نقدر نتعايش مع اللي حولنا ,,,, كل واحد منا عندو وجهة نظر اللي بتعبر عن حالوا مو اكتر,,,,,, شكرا لصاحبة الموضوع :D |
اقتباس:
انت لما تسمع حاجة زي كذا لا تسب الدين !..سب الحمار الي عاملي فيها متدين ! يعني على سبيل المثال فتوى ارضاع الكبير !..هذي ثلاثة ارباع المسلمين عارضوها لو لم يكونوا كلهم ! انت هنا راح تسب ( المخ الزبالة ) الي يفكر بهالشكل , ويلصقه باسم الدين ! اقتباس:
انت تحب ابوك وامك جداً..اوكي؟ جا واحد وقام سب ابوك وامك بافظع الشتائم , واتهم ابوك ( بالجهل والغرور والتكبر ) واتهم امك باوصاف لا تليق ! ماذا ستفعل ؟ هل ستسكت له وتقول : ( سبه لأبوي ما حيأثر على محبتي لأبي ) ؟! ما بالك ان المتدين , يحب الله اكثر من حبه لامه وابوه ..ويحب نبيه ( محمد للمسلم وعيسى للمسيحي ) اكثر من امه وابوه واخوانه !..وتجي وتتهم الانبياء هذول بالكذب,وتتهم الله بالغرور.. يومها ماذا سيفعل المتدين .؟.يصمت ؟ هذا هو الخط الاحمر الذي لابد لكل ملحد ان يتجاوزه حتى يسمى بـ"ملحد " ..فاما يسب الاله , واما يرفض فكرة الاله بالاساس !.. والمتدين يسكت منعاً للـ"فتنة" ..الفتنة ممكن تؤدي الى احتراق المجتمع في حروب اهلية ونزاعات..لذلك,مو بالضرورة انه يكون مستحيل التعايش..الاحترام قد يكون مستحيل,ولكن التعايش ممكن ..يعني على سبيل المثال,نتخيل ان هناك عمل خير بالمجتمع..رواد هذا العمل مسيحيون مثلاً..فهنا , مالذي يمنع مشاركة ( المسلم والملحد ) ؟؟ طالما المجتمع متكاتف بعمل الخير لبعض , ما اتوقع ان بيكون في حقد على الغير..اما الانزواء الي احنا شايفينه من الملحدين عن المجتمع , ونبذ بعض المسلمين لعمل الخير حقهم , فهذا يدلك على جهل بعض الناس.. طالما ان الجميع يساعد في اي عمل خير يفيد الناس,بغض النظر عن الديانة او المعتقد , المجتمع بيكون بألف خير..لكن اول ما الانسان يوقف التفكير بان البقية ( بشر ) , وانهم يحملون معتقد لا غير,بيكون التعايش مستحيل ^_^ |
اقتباس:
اقتباس:
انا قلت التعايش ممكن .. حسب مفهوم التعايش عندي.. و مشان تتعايش بدك تطنّش بعض الأمور اللي مستحيل يطبق فيها المود.. طالما طريقة التفكير الاحادي الايماني تختلف عن طريقة التفكير الديالكتيكية فساعتها في أمور الناس ما بتحكي نفس اللغة.. و لما شخصين ما بيحكو بنفس اللغة ثبتت الدراسات انو صعب يتفاهمو.. أما عن "انزواء الملحدين" .. فبقلك كل عام و انت بخير... راح تسألني ع شو؟ رح قلك ما بعرف... بس ع اعتبار ما عرفت عن شو عم تحكي فجاوبت بأول شي خطر ع بالك.. بس كل عام و انت بخير خيو أبتفرق... ها أي و شغلة أخيرة... اقتباس:
اقتباس:
بعدين الحالات اللي عم نحكي عنها -ختاما- و اللي عنيت فيها فرط الحساسية تبع بعض المتدينين اعني فيها مثلا أخبار: اسم الله في بطن سمكة, لم تقرأ القرآن و فضلت مدري شو و ألله عملها خنزير براس حمار... الخ... لما هالأخبار يتم انتقادها و انتقاد التزوير اللي يصير فيها للعب في عقول العوام هناك البعض يعتبر انو انت عم تتمسخر على الاسلام.. و لو ينط و ما يحط أنا ما عم اتمسخر على الاسلام لما عم انتقد هالخزعبلات... وصلت الفكرة؟؟ و سلامات |
اقتباس:
اقتباس:
الآن انت لم تفرق بين " الاسترسال بالكلام والخروج من المناقشة " وبين " اكمال المناقشة نفسها ".. سياق كلامي السابق " ليس له دخل بك " .. اقتباس:
بالنسبة لانزواء الملحدين..طوال عمرنا ما شفنا الملحدين عملوا حاجة غير الانقلابات السياسية والاحزاب المعارضة الي كانت تقاتل وتحارب اي دولة دينية تقوم بمنطقتها.. غير هذا , فلا دخل لهم بالدولة ,لانه بالماضي " لم يكن هناك قومية " .. هالزمن هناك قومية ,ولكنها تسير الى الانحلال..واتساءل لو قامت دولة دينية باحكام دينية ماذا سيفعل الملحدون ؟ هل تتوقع انهم سيعملون مع الدولة لتطبيق احكام هم ينكرونها بالاساس ؟! ما اتوقع اني " اتحدث باللغة الهندية " , فكلامي واضح كلياً..وهو في سياق الموضوع 100%,طالما اننا نتحدث عن التعايش بالمقام الاول.. اقتباس:
الآن بتقول لي: صباح الخير..بقولك : مساء الخير,انا ما اقصدك انت بالذات !. لو انت كنت من الصنف الي يتمسخر على الخزعبلات , فالرد غير موجه لك .. لو انت كنت من الصنف الي يتمسخر على الدين بذاته بسبب الخزعبلات , فالرد موجه لك بنسبة 600%.. الله يسلمك |
اقتباس:
كيف طلع معك هيك؟.... على كلن اي عملو كتير اشياء تانية... حاسس عم تخلط الملحدين واللادينيين والعلمانيين والليبراليين كلن سوا وتعتبرهم بعبع مخيف.. هدول الي عم تحكي عنون الدولة الدينية بتحارب فكرهم، لكن اذا هنّي حكموك مارح يحاربو دينك ولا رح يجبروك تتركو... لذلك ياريت تمطر السما منون ويزيدو ...هادا الي بدنا ياه... اقتباس:
ماهيي دولنا كلها دينية....! بعدين شو جاب القومية عالنص؟ |
انا عندي سؤال :
هل التعرض و سب المقدسات امر مشروع ؟؟ هل انسانية الانسان تسمح بالتعرض لمقدسات اخوه الانسان اللي بيحترمو ؟؟ انا جاري يهودي...هل اذهب و اسب ديانته و معتقده و في نفس الوقت اقول اني احترمه و لست ابالي بما يعتقد؟؟ |
اقتباس:
الصين انقلبت واصبحت شيوعية " تاركة كل دياناتها خلفها " , واذاقت المسلمين الصينيين شتى انواع العذاب.. حكومة تركيا " علمانية ملحدة " , ورأينا فعائلهم بالمحجبات , واحتقارهم للعنصر الاسلامي بالبلاد.. لا بد من الإلحاد قبل اتباع احد هذه المذاهب..ولا تقولي ان احد اتباعها كان " متدين " , لأن مافي انسان يتبع ديانة معينة , ولكنه يفصلها عن حياته.. اقتباس:
بالنسبة للقومية , القومية " قد " تجمع المتدين والملحد تحت لواء واحد لعمل عمل مشترك , لفترة بسيطة على الاقل..ظننت هذا واضحاً ! |
موضوع ........كان حلو
|
اقتباس:
بالاساس , في الاسلام لا يجوز السب لاي سبب من الاسباب..والرسول لم يكن فاحشاً ولا متفحشاً !. لذلك ليس هناك سبب لسب المسلم للملحد.. ولكنه ينعتني بـ"تابع للخزعبلات " ..وانا انعته بنفس الوصف ايضاً " تابع لخزعبلات والاعيب الشيطان " !.. الى هنا وضعنا عادي ( مع انه نعت كلام نبيي ونبي المسيحيين ونبي اليهود بـ"الخزعبلات " ) , وبهذا اتهم ( محمد عليه الصلاة والسلام-عيسى عليه السلام-موسى عليه السلام ) بالكذب..ومع هذا سكتنا.. ولكن انه يسب الله ؟!..فكيف تريديني ان اسكت ؟ هنا لن احترمه بالمرة !..ينعت الله بالنقص,هنا سأحاول اقناعه "..ولكن السب يكون خارج الموضوع.. يريد ان يصف الله " كما يراه هو " ؟ ليس لدي مشكلة طالما لم " يتعدى " بالسب والمسخرة على الله , او على نبي من الانبياء ! |
اقتباس:
اقتباس:
برضاي عليك سياسة التباكي هاي إنو و الله الملحد همّو إلغاء الآخر .. المتدين أولا ً رافض فكرة وجود إنسان لا يؤمن بإله و رافض يحترم هالشخص .. هالشيء اللي عم تحكي عنو نتج من الرفض القاطع لوجود الملحد أنو و الله .. الملحد في الدول العربيّة عمّا نطالب أنو يتعامل كإنسان متلك متلو ما كإنسان واجب إهدار دموه .. ماني بصدد أحكيلك عن القصيمي و المهدر دمهم .. من مرسيل خليفة إنتهاء ً ب جدي .. هالتطرّف في الإلحاد ناتج من الضغط الجم على صدر الملحد بحيث الملحد ما بيملك أقل حقوق الإنسان بوجهة نظر الغالبيّة العظمى عند شعبك .. ف هاي قصة المقارنة بين الملحد غير العربي و العربي غير جائزة حكما ً كون المتدين غير العربي بيعاملك عا أساس كونك إنسان ما عا أساس دينك .. اقتباس:
و بس هيك .. |
اقتباس:
عزيزتي في إختراع كتير مناسب لهيك حالات أو هيك ردود أسمو التقييم فيكي تقيمي الموضوع من دون ما تطحي مشاركة متل هاي و تعتبر سبام .. أو بتقدري تعطي رأيك لصاحبة الموضوع ب ر.خ .. |
كنت حاطط ردين طوال لكن قررت امحيهون بعد ما نزلو... مشان ما أحوّل موضوع ooopss .. و كمان بصراحة ما بحب ناقش هيك أمور... لأنو ازدواجية المعايير و التقسيم و التنظير شبه الغوغائي قد يصل أحيانا لحد الوقاحة السافرة.. و مانو أمر مستحب تحمّل هيك أمور
لكن بس بدي احكي كلمة مشان يفهمها اللي بدو يفهمها: اذا بتعتقد يطلعلك توزع تعليمات احترام للناس... ابدأ بنفسك... ها أي... بس بدي رد ع هاي النقطة.. هيك عالهامش اقتباس:
لا يهين من يريد بل من يستطيع.. و كون واحد سب أبوي و هو قاصد اهانتي لا يعني انو هو نجح بهالشي.. على الأغلب هالشخص بيكون أحقر بكتير من انو يقرّب و لو من بعيد على هالمراد ... و لما واحد واثق من نفسو ما بيحتاج يرد عالسفهاء... "آذان طرشاء... لكلمات تافهة".. هاد مثل اسباني ينفعني كمان... و مو بس لقصة السباب |
رح رد بالدور
اقتباس:
بقتبس من حكي ياس : اقتباس:
|
اقتباس:
أو انو بس نصل لنقطة الخلاف نوقف . مشان ما ينتزع الموضوع .. ما انو اذا انا انزعجت من هيك ردود مشان يضل الموضوع من الواجهة مافي أحلى منو بكون عم نظر عليكن .. طبعا هي راجعة لرغبتك كمان وبفهم انو النقاش بهالامور غير مريح بس بلكي بنصل يعني:D اقتباس:
معلش بنختلف شوي لنحسن نتفاهم :D |
اقتباس:
بس لاحظ هالجملة المقتبسة .. كيف عم تدلني انك ما فهمت جوهر الموضوع .. نحنا هون ما لنا أنبيا لنهدي حدا سبق وقلت هالشي أنا .. انت اذا شايف انو ما في منهج الحادي وانو هنن غلطانيين .. هاد رأيك .. ولازم تحترم رأيهن وما تسفه أفكارن بكلامك بعدم وجود منهج وبأنهم منزويين و و و الخ مما سبق وقلتو انت نحنا هاد يلي بدنا نصلو .. تقبل الآخر كما هو .. بدون ما نهدي حدا وبدون ما ننتقد حدا بتمنى تكون وصلت الفكرة :D |
اقتباس:
انو انا مثلا مضطر اتقبل اي واحد تلقائيا ..و من تلقاء نفسي!! او انو هو مثلا لازم يتقبلني متل ما انا !! عفوا ..بس ما حدا مضطر لهالشي ....اللي ماني متقبلو ماني مستعد اتقبلو متل ما هو ...ما بتزبط معي اللي بيزبط انو يكون في ضوابط للعلاقة ...للتعانل...و انا بتقبل هي الضوابط....و هو بيتقبل هي الضوابط ......في حال ما مشينا مع الضوابط تلقائيا بكون في رادع . بالمنتدى على سبيل المثال ....بكون في مخالفة لاي واحد بيطلع برا الحدود بردودو او مواضيعو . هيك بيمشي الحال ....غير هيك ما بيمشي . اي مانا طايقين حالنا ....لحتى نطيق غيرنا :lol: مشان هيك ...بلا تعايش ...خلو ايدكن و الكف ....اللي بيرفع راسو قصولو ياه ....راسو يعني :frown: و ما بينفع ابدا نعتمد ع انو الناس من تلقاء نفسها هيك تكون متقبلة الاخر و ع كلام حلو .... وصل ! |
مين جاب سيرة الكلام الحلو ؟ انا ما قلت انو نحب الآخر وندللو .. بس ما نتهجم على معتقداتو لو ما لنا مقتنعين فيها من باب " حرية الاعتقاد يعني .. وبالنسبة لهالحكي .. اقتباس:
يعني أنا ما بسرق بس لأن اذا سرقت بيحطوني بالسجن ..ما بقتل بس لأن فيها اعدام ..والخ الخ مزبوط ؟ |
اقتباس:
|
شو يعني تعايش ديني؟يعني انا احترم وجهة نظر الآخر بما يحمله من افكار واتقبل اي فكرة يمكن طرحها...او على القليل ما يكون في طرح من الاساس يعني مرحبا...نقطة على السطر... انت عيني......................رح احكي عن تجربة شخصية عندي صديقة مسيحية بتقدروا تقولوا انو نحنا كشلة متعايشين معها دينيا...كمان مثال جو الشغل معنا مسيحيين ودروز ومشكّل عين الله علينا متفقين ومنشتغل سوى ونحنا تيم كتير حلو مناكل سوى منضحك منزعل سوى يعني منفهم من ها الحكي انه التعايش ممكن في نظام حياتي وسطي او نظام معين اما اني قرر اتخذ صديق او صديقة ملحدة لاء وابدا.....اما بالنسبة لدين آخر فهاد شي مابقدر قرره ابدا لاني ماجربت ها الشي وبتخيل اني ماجربه مو لشيء شخصي ذاتي معي او مع الشخص المسيحي لاء....لشيء اكبر من هيك وهو عدم تقبل فكر الآخر وعدم تقبل دين الآخر الذي يكّفر دين التاني هاد رأيي شو رأيك في ooops
|
اقتباس:
طيب شو الأسباب الي بتمنع من صداقتهن ؟؟ .. |
انوو بما انو الشخص التاني من اي دين كان او اي مله .. بأي تفكير ملحد سني شيعي يهودي شو
ماكان بما انو ما عم يدايقني فأنو خلص ... مو معقول كل العقليات بهالكون تكون عقليه وحده .. بالعكس حلو انو الواحد يكون صداقات من عقليات مختلفه .. بكفي تخلف وكل واحد عايشلي بأسلوب فلان مو على ديني ما بحاكيه او علاقتي فيه سطحيه .. \\ كل مين على دينوو الله بعينو والي مالو دين بعين حالو بحالوو \\ :D |
اقتباس:
ما هو الناس ما بتسرق لانو بخافو من السجن ...و ما بيقتلو لانو بخافو من الاعدام .....الله وكيلك يعني هاد الواقع . انشالله مفكرة العالم ملايكة و ما نقصها غير جناحين و رنديلة !!! ما اساساً الدين اجا مشان هاي الامور.....يعني انو مشان الواحد ما يسرق مثلاً لانو اذا سرق و كان كتير حربوق ونفد من اشرطة في مين يحاسبو بعدين ...و شايفو ع طول و كاشفو ع الاخر يعني ,.....و شو ما عمل ما رح ينفد منو ترهيب و ترغيب القصة ..و بس , انا انو ننطر الشباب و الصبايا ليصيرو هيك اوتوماتيك يعني بيتقبلو الاخر ...اي عفوا يعني ..من ط*** بيمشي الحال :lol: ايدكن و الكف اخواتي ...ايدكن و الكف |
اقتباس:
:D |
اقتباس:
يعني بهالحالة .. انتي عم تلغي كل العالم وتخلي دينك .. وهي شغلة ما فينك تعمليها .. يعني لو كنتي شب .. ورحتي عالعسكرية .. كنتي تعلمتي اكل البرغل .. وتعلمتي شغلة تانية اهم .. هيي التعايش .. ان كان على مستوى المحافظات .. على مستوى الاديان .. بدك تتعايشي .. متل ما حكيتي انتي انو الشغل تبعك في كل الاطياف .. طيب بما انو بتاكلو وبتمزحو وكزا .. شو المانع انو يصير حدا منون صديقك .. طيب ممكن سؤال بالآخر .. ازا خيروكي بين تنين .. شخص من دينك .. وشخص من دين تاني .. الشخص اللي من دينك عقلو ما بيطبق على عقلك بنوب .. وتفكيرو سطحي نوعا ما وما بتتقبليه .. واللي من دين تاني او حتى من دون دين .. عندو نفس المستوى الثقافي تبعك ونفس التفكير تبعك .. etc مين بتختاري . وليش؟ |
اقتباس:
اذا أخدنا (كمثال) أي مدينة سوريّة فيها مسلمين ومسيحيين وملحدين ودروز وعلمانيين إلخ وكان فيها التعامل مع الناس بحسب دينهم هو قاعدة..: اي هون رح تكون نصّ مصيبة لما تقتصر الشغلة بس على تحديد مين(من أي دين) بيصلح كصديق ومين لأ!.. لكن بوجود هالتفكير احتمال كبير إني "أنا" اتجنب التعامل مع الغير بكل مجالات الحياة, ابعّد عنون في المدرسة والشغل والشارع, وما اشتري وابيع إلّا مِن-ولأبناء ديني وما وظف غيرون بشركتي وما اعزم غيرون ع عرسي ويمكن اذا وقعت بالشارع ارفض المساعدة من شخص منتمي لهديك الشلّة (حتى لو كان هو الوحيد المتواجد بالشارع) واذا طفلين تخانقو بالمدرسة ممكن تصير حرب بين دينين, كل واحد بيجيب أهلو وعشيرتو وتشتغل السواطير والعصي ....!! أكيد رح تقولي اني كبرت القصة كتير.... ما كبرتا لانو اولاً إذا ضل التعامل مع الناس حسب الدين فمتل ما بتعرفي انو الناس اجناس, يعني إذا عندك كانت الشغلة مقتصرة عالصداقات ف في كتير ناس مخّون سميك وبياخدو السلّم بالعرض. وتانياً, في هيك حالات عنا بالبلد ولو أقل من غير بلدان, لكن تزداد وتنقص حسب الموضة. فليش ما بنترك الدين عجنب بتعاملنا مع الناس, على مبدا انسان مع انسان ونخلص من هالمشكلة من اساسا ونفضى لغير مشاكل(ما اكترها!) ... وما ضروري نرضى بالإسائة لمقدساتنا لنوصل لهالشي. المسيء مين من كان(حتى لو من ديننا) لازم نرفضو ونوقف بوشو لكن مالازم نشمل مجموعة كاملة معو... والانسان المحترم فينا نتعامل معو من دون الدخول في امور الدين (لانو هون رح يبلش الخلاف).... اذا (:sick:) عملنا كلياتنا هيك فرح يضلو السيئين لحالون ويا إما يعقلو او ينقرضو شي يوم (بكرا بنستفاد منون كبترول)... |
| الساعة بإيدك هلق يا سيدي 00:36 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
