|
صحيح أنا بأمن بوجود الله ... بس سؤالي ...
إذا الله نفسوا بالقرأن بيقول لازم كلشي يكون عن اقتناع ... طيب هل انتو حقيقة مقتنعين انو في النهاية في حقا جنة ونار ؟؟؟ لأنو هل الموضوع من المسلمات فوين الاقناع بالموضوع ؟؟؟ شو الدليل ؟؟؟ صحيح أنو كل شي في أله حكمة متل ما بيقولوا بس بنفس الوقت الدنيا ما فيها عدل بالمرة ... فشو الحكمة بهل الموضوع ؟؟؟ ----------------------------- على الهامش: غريبة yass فات على الموضوع ولسا ما قفلو مع انو ممنوع حوار الاديان بالصالون ؟؟ |
انا بالنسبة الي مقتنعة في لدرجة كبيرة
والدنيا لانه ما فيا عدل في جنة ونار عشان يتحقق العدل وهون مش حوار اديان...هون عم نناقش ليش انخلقنا؟؟وكل واحد يحكي الشي يلي مقتنع فيه. |
اقتباس:
قلت انا من البداية انو التفكير بهل الأمور تؤدي الى الإلحاد والكفر وليس الى الإيمان كما يقول البعض ... احنا واسفة على هل الكلمة عم نمشي على اشياء مكتوبة بكتب ان كان انجيل او توراة او قرأن وعم نمشي عليها لآنو الاجيال الي قبلنا كلها عملت هيك مو لأنو حقيقة مقتنعين بالموضوع ... وهل الافلام والقصص الي عم تطلع عم تزيدنا تفكير والحاد .. عفوا بس شو السر الإلاهي بالتناقض حتى بين الاديان؟؟ القرأن بيقول المسيح ما صلب مع انو هي اساس الدين المسيحي كلو ... والمسيحيين بيقولوا القرأن مو من عند الله وكتب عن طريق راهب مع انو هو معجزة الاسلام واساس الدين كمان .... واحنا الاتنين بنكره اليهود ...وكل دين فيو عشرين مذهب كل واحد بيختلف عن التاني ... حقيقة شي بيدعوا للتفكير ... طيب مو يمكن هي الكتب كلها في النهاية كتبت بأيادي بشرية وعاى مر الاجيال ترسخ بالعقل انها إلاهية ؟؟؟ أرجوا انو حقيقة نكمل النقاش بهل الموضوع يمكن نوصل لحالة اقتناع في النهاية ... ------------------------------- على الهامش: اتمنى من كل قلبي من المشرفين ما يحزفوا الموضوع لأنو حقيقة مهم ... ورح نضل بحدود الحوار الحضاري .... |
اقتباس:
كلما ازاددنا علم كلما ازددنا قربا من صفات الله |
اقتباس:
ليش الخلق ما بيعتبر حوار أديان ؟؟ |
اقتباس:
صديقتي....معك حق احنا اخدنا وامنا بهاي الاشياء لانه وجدنا اباءنا واجدادنا مامنين فيها....بس وين الغلط اذا بحثنا فيها وناخدها عن اقتناع بدل تبعية الاجداد. الحياة ما فيا عدل اكيد....لكن بما انك تامني بالله فاكيد تامني بالاخرة...وتامني انه رح يجي يوم ونتحاسب وياخد كل واحد حقه وبالعدل. |
اقتباس:
لا انه قصدي هون كل واحد عم يحكي راييه بانه ليش انخلق يعني بغض النظر شو ديانتك او ما عندك ديانة.....شو حاس سبب وجودك بالحياة هل انه لهدف زي ما يعتقد البعض....ولا هيك ما الك اهمية ووجودك كان غلط ومحض الصدفة كما يعتقد البعض الاخر |
اقتباس:
هاد السؤال لماذا خلقت ولما وجدت وشو دوري بالحياة مو ضروري يكون متصل بالدين كل الفلاسفة والمفكرين حتى الملحدين منهم اهتموا بهالسؤال وحاولوا يوجدوا الو إجابة بغض النظر عن الدين شو بيقول يعني بعتقد شي حلو أنو الواحد يفكر بالأشياء ومسبباتها وغايتها بالاعتماد عالعقل والمنطق والتفكير ومو بالاعتماد فقط على الإيمان |
يعني اذا في الله
فالجواب عنده مو عندي |
لا حول ولا قوة الا بالله
عملت هالموضوع قبل فترة ونسيتو لأني ما عدت فتت عالمنتدى اليوم لما فتت خطرلي انو شوف شو صار ويا ريتني ما فتت ولا شفت هالشوفة يا لطيف!!!!!!!!!! يعني نيتي من البداية اني اعطي مفهوم جديد يخلينا نعيش بمتعة اكبر بس سامحني يارب بسبب موضوعي اتعرضت ل...ما بعرف شو بدي اوصف هالكلام يللي انقال يعني لو كان في ملحدين وما بيعترفوا بالله على الاقل يحترموا المؤمنين ولو كان في غير مسلمين على الاقل يحترموا المسلمين لك المنتدى اسمو اخوية يعني كمثال: اذا بعرف حدى بحب وبيحترم انسان معين ما بيجي انا وبسب هالانسان قدامو يعني هي اسمها قلة زووووووق يعني وما بالك اذا كانت هالمسبات اجت في ماهو اهم من نفسي بالنسبة لي ما عندي شي ضيفو سوى حسبي الله ونعم الوكيل ويلي مانو مؤمن بالله فأنا متأكدة انو بيؤمن بالاخلاق فبقلو انو الاخلاق ما بيرضيها هالشي مع احترامي للجميع واعتذاري لكل من تعرض للاهانة بسبب موضوعي |
اقتباس:
|
هلا الواحد مو معترض على خلقة الله....بس ليش ماشاورونا باسامينا والطبقة الاجتماعية يللي بينتميلها الواحد.....؟؟؟؟هيك خبط لزق لقي حاله الواحد بيدب على الارض متل السلحفا واسمه فلان لونه مدري شو؟؟؟
|
عندي شي عم اشتغلو...
عم دوّر ع شغل |
اقتباس:
|
الغريب ان فى ناس غير مقتنعه بالحساب والجنه والنار
يعنى مقتنعين اننا خلقنا لنأكل ونشرب ونتزوج ونموت ؟؟ هل هذا مقنع ؟؟ الله خلقنا ليكرمنا بفضله ويرزقنا فهو سبحانه واسع الكرم والفضل والنعم وعبادة الله هى شكر نعمته بالطريقه التى يريدها سبحانه .. ومن يفى له الجنه .. |
عفوا بس شو السر الإلاهي بالتناقض حتى بين الاديان؟؟ القرأن بيقول المسيح ما صلب مع انو هي اساس الدين المسيحي كلو ... والمسيحيين بيقولوا القرأن مو من عند الله وكتب عن طريق راهب مع انو هو معجزة الاسلام واساس الدين كمان .... واحنا الاتنين بنكره اليهود ...وكل دين فيو عشرين مذهب كل واحد بيختلف عن التاني ... حقيقة شي بيدعوا للتفكير ... طيب مو يمكن هي الكتب كلها في النهاية كتبت بأيادي بشرية وعاى مر الاجيال ترسخ بالعقل انها إلاهية ؟؟؟
------------------------------- انت عم تقول انو القرآن مكتوب بأيدي بشر و على افتراض كان مكتوب بأيدي بشر كان لقيت القرآن متل ما هوي لحد هذا اليوم؟ او لقيت ان المصحف او القرآن نفسو ا عند جميع المسلمين الكلام المكتوب نفسوا نفسوا ؟ طيب انت قرأت شي من القرآن بدي قلك شغلي في كتيير من العلماء اكتشفوا اشياء كتير وكانو مفكرين حالهون انو ا هني اول مين اكتشفها وما حدا بيعرفها بس بعدين بيكتشفوا انو موجودي بالقرآن . بتعرف ليش القرآن محفوظ لليوم هذا لأن رب العالمين تكفل بحفظوا وموجه لجميع البشر ومناسب لكل زمان ومكان مع ان الاديان السماوية نازلة من رب العالمين بس ترك الكتب السماوية للناس للتكفل بحفظها بس للاسف الناس ما حافظت عليها وحرفتها لذلك بتلاقي كل طائفة بالمسيحية بيختلف الكلام الموجود بالانجيل كمان اليهودية دين سماوي للاسف كمان حرف على حسب اهواء الناس مع احترامي للجميع |
مناسب؟لا مالي كتير كقتنع بهاد الكلام وبخالفك عزيزتي
اذا بتطلعي عالظروف الاجتماعية والفكرية والعلمية قبل 1429 سنة لح تلاقي كلام مختلف تماما |
و بعدين شو الدليل انو الكتب التانية تحرفت؟
بس انو القران هيك قال يعني؟ |
جنة ونار وحساب
وتحريف كمان بس منشان التحريف ليش عثمان احرق النسخ الخمسة للقرآن وترك نسختوا الو مو منشان ما يصير التباس معناها في شغلات كتير راحت يمكن لهيك بالمختصر ما في قناعة بالدين غير محرف هي اذا كان في دين سماوي اصلا |
الانسان الذى يريد الوصول للحق ويبحث عنه باخلاص لينجوا بنفسه ،، يهديه الله الي الطريق
من قرأ القرآن بتدبر وفهم يتأكد انه من عند الله تعالى |
خلقتم لـِ تموتوا ! وَ بينَ الخلقَ وَ المَوت يوجد لديكم مُهلة زمنية قد تكون قصيرة أو طويلة لتعيشوا كما تريدون أو كَما قـُدِرَ لكم أن تعيشوا وَ هل يَصنعُ الإنسانُ قدره ؟ |
الانسان يصنع قدره عندما يمتلك قوت يومه وناصية امره وحريته الشخصية الانفرادية....عدا ذلك يتحول الى نملة في طابور النمل
|
انا ما خلقني الله انا جيت بالتكاثر اللا ضوئي معلم ...
مع ذلك أنا موجود هون لحتى إنبسط بكل الوسائل الممكنة هلأ بعرف كم بني أدم رح ينطوا يقولولي شيوعي وكيف يعني تنبسط وشيوعي "" في كتير ادمغة قاصرة لإنو"" عادي انا بدي إنبسط وأنا شيوعي لإني ما في إنبسط والناس التانية عم تتعذب تحياتي الحارة ظل جيفارا |
| الساعة بإيدك هلق يا سيدي 18:12 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون