|
اقتباس:
يا عيني عليك ..... . . كلامك درر :D هو نص المشاركات اما شكر او سبااام :lol: |
اقتباس:
هون باخوية اي موضوع بدو ينزل .. هوي موضوع هادف انما بتنقصو بعض الافكار بيجو الاعضاء .. بيشاركو ... ليصير موضوع متكامل .. بينما لما يجينا هالمشكور .. رح يرجع الموضوع لورا بدال ما يطورو لقدام وصلت الفكرة يعني بالنهاية .. ازا ما بدك تضيف شي جديد عالموضوع نحنا بغنى عن المشكور تبعك وازا ما عندك تعلق عاي نقطة بالموضوع فيك تكتفي بالمشاهدة بس مو طالبين منك اكتر من هيك |
يعني ليش هاد الهجوم علي
خلص يا اخي فيفو (مو مشكور على موضوعك) |
من كل مصايب الدنيا هي الي مذايقيتكوو؟؟ يعني عادي قلك شكرا قلو عفوا وخلصنا :p
يعني مرات لازم تشكر حدا على موضوع اذا عجبك بس مو يعني تكون كل ردودك الشكر وبس |
اقتباس:
لا والله يا علاء مو شغلات لازمها انتقاد يعني ازا انتا كتبت موضوع وانا عجبني موضوعك بحكيلك شكراً أو يسلمو أو موضوع رائع..........ألخ يعني انا بعبر عن اعجابي بموضوعك بس,,,,,,,مو بسب عليك |
ابو شريك ..
هي الردود .. بتكون بقسم متل عالطاير .. لك حتى بعالطاير .. بتكتبلو ههههههههههههههههه مشكور يحرق عرضك على هالنكتة .. ما بتكتب مشكور حاف ... وكمان في قسم تاني .. اللي هوي الملطوشات مثلا ازا واحد جايبلو شي صورة .. شي كزا .. مشكور بس بعتقد انو فادي عم يحكي عالمواضيع اللي بدها نقاش مثلا بالصالون بالكزا .. بالمنبر .. لك شريك .. هي الكلمة حلوة انا معك .. بس ما حلوة وقت بتكتر وبتجي غير محلا عرفت شلون صاحبنا |
عندي سؤال ليش كل المواضيع بالاول نقاشية
يعني اذا كانت قصة واو صورة او اي شي تاني غير نقاشي شو بدنا نعلق ولا ما نعلق بالمرة؟؟؟ |
اقتباس:
يبدو انو ماوصلتك الصورة مزبوط.. نحنا عم نحكي عن المواضيع النقاشية أو الفكرية أو الأدبية.. بيجي واحد بينطلك بموضوع بالسياسه مو عرفان عنو شي بيقلك مشكوووووور هي الطريقة بتخليك تقرف. |
هاها
هون انت عيني وهون انا بقصد انو واحد جبلك قصة وشايفو تاعب عليها منيح شو بدك تعلق غير شكرا يعني بدك تألف قصة وترد فيها انا هيك قصدي يعني بمنبر اخوية الحر ما حلوة الواحد يعلق ب شكرا بس بمعظم المواضيع ممكن تعلق بشرا وبس بالاقسام التاية |
ما عم افهم عليك... لما مايكون عندك شي تضيفو على الموضوع.. حتى لو نوع من الرد الظريف اذا الموضوع نكته.. شو الله جابرك تعلق؟؟ ولا هي القصة مجرد انو انا هون
|
اقتباس:
ليش لتفوت عالموضوع مثلاببساطة موضوع قصة ؟ بدك انا شلون برد عليه حبكة رائعة . تسلسل احداث رائع .. اول مرة بقرا لهالكاتب هاد .. هي عاشر رواية بقرالو ياها .. مستوى الرواية الفلانية كان احسن .. عرفت شو الطرنيب ؟ |
بدي اطلب منك طلب دخيل عينك... اقرا حكي ميدو وعلاء منيح وبدون تشنج بتعرف عن شو عم نحكي بالزبط مشان ماكون عم عيد الحكي.. يعني في حالة استياء من يلي عم يصير.. ان كان من نوعية المواضيع السخيفة ونوعية الردود يلي مالها حل..
|
عندي حل بس بدو الحكيم
الشكر على المواضيع يكون من خلال كبس زر بالموضوع (تقنية باي موضوع متل : انو يكون تحت قائمة ادوات المواضيع خيار (شكر صاحب الموضوع ) وبالتالي بيستحق اي شخص ينزل كلمة شكرا برد مستقل وككلمة لحالا فقط (الضرب بالصرماية ) ، غير هيك بيكون من حق اي عضو يشكر اي عضو على موضوعو (هاي مانها جريمة ) واحد شايف انو لازم يشكر صاحب موضوع على موضوعو برد جوا الموضوع . انا شخصيا وصلت لقناعة شخصية بالفترة الاخيرة انو اي رد فقط بكلمة شكرا رد ما بيضيف لاي موضوع بس بيضيف لصاحب الموضوع (كلمات الشكر بترفع معنويات الشخص اللي بيكتب ) بعض الناس مانها اجتماعية (بتعرفو انو هون اوقات الرد بيكون شللي وراجع للعلاقات الاجتماعية) هالناس ما بيتوفر لمواضيعا عالم ترد وبتستنى كلمة شكرا او اي كلمة حتى منشان يحسو انو كتبو شيئ ، من هالمنطلق انا بقول من حق اي واحد ينزل رد ويكتب شكرا طالما صاحب الموضوع ما بيضايقو هاد (لانو الشكر الو ) ما معقول مثلا "انا" ما بيجي حد يشكرني واجي انزل موضوع انو ضد الشكر وهكذا (لاء ما بقصد فادي) انا شكرتو بهالموضوع باول رد الي يعني في عالم بتشكرو (بس بحكي بصفة عامة). |
اقتباس:
|
فعلا موضوع بيستاهل المناقشة الثقافية والفكرية .........
يعني انت ليش مواضيعك كلن هيك .......... دوما فايق ورايق |
طيب سؤال ؟؟ يعني انت شو مدايقتك هالشغلة ؟؟,,, يعني شكرا والا عفوا والا شو ماكان,,,باعتقادي ما بتأثر عليك ,,بعدين شو يعني لو الواحد شكر صاحب الموضوع لو شو ماكان ,,,
على فكرة انا بلشت اكتشف انو انت لما ما يكون عندك شي موضوع او شي تناقش فيه بالمنبر ,,بتبلش تدور على الكلام اللي متل هيكم لحتى تنزل مواضيع ,,,يعني اللي انت بتقول عنو قاعد بتعملو انت,,,, الله بيعين,,,, |
الناس صنفين ياقاعد لاشغلة ولا عملة بدو يهش وينش ولو على الفاضي يا متل حكايتنا ناس تعيبة بتجي بأخر النهار بتزتلها كلمة هون وكلمة هنيك يعني شراب سعلة قبل النوم :D
|
ما تقصر يا طويل العمر
|
هلا ليش نازلين برب الزلمي ؟
عم يقلكون مظبوط انو هالحركات اللبلاطعمة بلاها مو يعني انو ما تشكروا حدا بس يعني كل شي زاد عن حده انقلب ضده مثلا بتلاقي واحد كاتب موضوع بالمنبر بيطلعله واحد بيقله مشكور موضوع ممتع بقص ايدي اذا كان قاريه ولسا اللي بيحطلي متل ما قال الزلمي قال تعو باركولي عملت شاي وعملت قهوة او صرت زعيم وبيضل يفتق ويعيد علما انه صار مستشار بعدين الزلمي حقه لما يشوف شي ما بيعجبه وغلط انو يقول يا جماعة بلاها يعني .................................... بدها ................................ الشغلة |
شكرا وماقصرت بالعكس طولت الله يجعلها في ميزان حسناتك
اختك ام انس |
تضرب على هالموضوع :larg:
|
الشيء المضحك هوي ال 562 شكرا ً تحديدا ً ..
:lol: :o :clap: |
اقتباس:
مين قدك وصلت للرقم القياسي :lol: وهي شكرا سلف |
كالعادة بيتخلل هالنوع من مواضيعك..مزيج من السخرية والاستهزاء :p
يابا يا فادي.. لما بدك تنتقد شيء برايك هو مش من مصلحة المنتدى.. فـ حبذا انو هالنقد يكون راقي..ويكون منو نتيجة..مش ينقلب لسخرية على يللي بيقولوا هيك لانو سخريتكن هيدي شو جابت؟ جابت حل؟ غيرت اسلوب؟ شو عملت؟ ولا شي.. |
الحل الأمثل :
الشخص يلي بتكون ردودو كلا شكراً و يسلمو و هيك أول كلمة شكراً بيتنبه .. تاني كلمة .. ينحط بـ المعتقل أسبوع .. تالت كلمة حذف عضوية وصلا الله وبارك شنو صار في زايدة كتير كتير .. |
اقتباس:
|
| الساعة بإيدك هلق يا سيدي 05:13 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون