|
مبيضة.. بعد إذنك إم الرور
اقتباس:
بس مارح تقليلنا مين عاطيك ياها;):p |
اسف عالتأخير...
طيب رؤى... رح أتبع نفس الطريقة تبعك ورح آخد الرقم 23 يلي هوي حاصل الجمع لـ: 2 + 21 ناتج الضرب=42= 6×7 \ 3×14 \ 2×21 والجمع هو 13و17و23 ولكن 13 تتفكك ل 2و11 3 + 20 ...............\\........................ 4 + 19 .................\\...................... 5 + 18 .................\\..................... 6 + 17 ناتج الضرب=102=17×6\51×2\34×3 والجمع هو 23 و 53 و 37 كلون ما بيتفككو لعاملين اوليين فقط! 7 + 16 ................\\........................ 8 + 15.................\\........................ 9 + 14 ................\\........................ 10 + 13...............\\........................ 11 + 12 ..............\\......................... يعني من ال 23 طلّعت 3 حلول بحسب طريقتك : 17 و 6 51 و 2 34 و 3 ;) والمفروض يكون في حل واحد فقط. هلأ لنصل للحل لازم نعرف: 1- شو هني الأرقام (أو مجمعات الارقام) الي استبعدها فادي (هي عرفتي قسم منها ;)) 2-بعدين من جملة ماهر الاولى لازم نعرف شو هني الارقام الي استبعدها فادي بعد هالجملة ليصل للحل 3-بعدين لازم نعرف من جملة فادي (الآن عرفت الحل) كيف قدر يستفاد من حكي ماهر ...وشو هني الارقام الي استبعدها ماهر ليصل هوي كمان للحل. واذا ما استبعدنا كل الارقام والاحتمالات الي ما بتناسب معطيات المسالة فرح يطلع معنا اكتر من حل. انتي (متل ما فهمت من حلّك) حللتي المسالي كالتالي: 1- من جملة فادي عرفتي انو استبعد الاعداد الاولية : للدقّة "عرف فادي ان ناتج الضرب لايمكن ان يتكوّن من عاملين اوليين فقط) يعني لو معو 9 فرح يعرف الحل فوراً لانو 9=3×3 بس لو معو 27 ما رح يعرف الحل لأنو 27=3×3×3 (رح تفيدك هي اذا فكرتي فيا منيح، يعني رح تقدري تستبعدي اكتر اعداد) 2- من جملة ماهر فهمت منك ان العدد(ناتج الجمع) المطلوب يجب ان يكون فردي .. مع ان بعض عباراتك هنا وفي اماكن أخرى غير دقيقة! اقتباس:
وعلى هالاساس اكملتي الحل بس ما بيكفي هيك وخاصة انو المجال واسع من 2 الى 99. بصراحة ردك شوشني كتير، حاولت رد على كتير نقاط بس حسيت انو رح نفوت بمتاهات مابتفيدنا بالحل. على كلن قبل ما تبلشي بالتفكيك (متل ما عملتي بالـ 11 والـ 17) لازم تكوني استبعدتي كل الاعداد الغير لازمة وتكوني حطيتي قواعد بتفيدك اثناء التفكيك ... ونصيحة لكل يلي بدو يشارك: انو نناقش سوا مراحل المسألة على درجات مشان ما يبقى معنى بالأخير غير العددين المطلوبين وبس انا دخت :hashish: :D |
على فكرة ...
ردّك بالمشاركة # - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - غير الرد يلي ضمن اقتباس اخيليوس.. مع اني قريتو من اول نزلتوشو القصة :? |
اقتباس:
مشان التشويش اللي حكيت عنو.. رجاع اقرا المبيضة.. رح تلاحظ انها مو أوضح بالخط وبالترتيب فحسب, بل بتعطيك فكرة عن كيفية استبعاد باقي الأرقام الفردية بين 3 إلى 99 على أساس.. إنو جمع رقمين فرديين لازم يعطي رقم فردي+استبعاد الأعداد الأولية..(3-5-7)-ذكرت هالشي برد سابق كذلك استبعاد التسعة.. -ذكرتو كمان برد سابق, وعدت انت حللتو-;-):D |
شو مشان وقف قلبي من اول المسالة :x
|
دوختوني .. :shock:.. هلأ ماعدت ركز +فات كل شي ببعضو .. خلص انسحبت :lol:..
مشان الحل التاني طويل جداااااااااا .. اخد معي 3 وراق :cry:.. بس طلع الناتج (2,6) ومجموعهما 8 وحاصل ضربهما 12 |
اقتباس:
- لا يجب ان يكون أن يكون ناتج الضرب (بعد التفكيك لعوامل الضرب الاولية) مكوناً من عاملين اوليين فقط. - لا يجب أن يكون المجموع(ناتج الجمع) مكوناً من 2+عدد اولي - يجب ان يكون المجموع فردياً بس الي دوخك هو انك بديتي فورا بالتفكيك... ما في داعي تنسحبي ... انسي كلشي ماعدا الاستثناءات الي وصلتيلا ورجعي فكري اكتر.... ويمكن حدا تاني يشاركنا وبيتكون عندك معلومات اكتر... اقتباس:
رح يضل احتمالين عند فادي 8= 2+6 = 5+3 لو ماهر استبعد الشي الي فهمو من فادي (5 و 3 أولي) فريح بيضل معو خيار واحد وكان رح يعرف الجواب فوراً ومافي داعي لبقيّة الحوار;).... |
اقتباس:
بس لازم توصلي لنفس الجواب:? ولا انت شو رأيك;) |
ترا اذا ما انحل اللغز هاد, فما رح نزل الالغاز الحلوة التانية :pos:
|
كلون هيكـ من الاخـير ما بحب الــ ئال وئلــنــا لسه فــادي ..ماهر .. |
اقتباس:
شو الظاهر ماا.. توصلتي لشي..:D |
اقتباس:
بس لازم ينحل هاللغز بالاول :idea: |
ممتاز .. معلمنا .. انا بدي اسبوع .. لقدام لحتى اقدر بلش حل باللغز .. بتمنى انك ما تنزل الحل او تنزل شي جديد .. لحتى ينحل هاد .. صراحة مشغول كتير هلا بالامتحانات وصعب اني اعد فكر فيو .. بسو لا يهمك معلمنا .. وصلت :p
:D |
شو رأيكن نكمّل...؟ :idea: |
يلا ئول الله
|
ماانحلت معي..
وقريت حل اخيليوس ورؤى عشرين مرة وماكنت استوعبن:jakoush: |
:Dيلا معلم .. نسيناه ومنيح انك زكرتو ..
لح جرب حاول .. وشوف شو وصلتو .. |
2×2 = 4 2+2 = 4 هادا هو الحل ؟! |
معليم .. نسفت ابوها للمسالة انت هيك .. :p
ارجاع اقرا كلشي مكتوب بالصفحات اللي قبل .. |
أنا مو بحب رب الحساب قرقعت راسي بهالمبطخة هاي الله ينسفها نسف أنا ما صدقت خلصت من أم المدرسة وأتخرجت بدون فضايح بدك ترجعني أياك :o :shock: |
ترا انا انطعجت من هالكام كلمة اللي انت حكيتون بخصوص الجهابذة ولغز ما خرج حدا يحله وسمايلي ضارب بوز
لهاكذا بدي حل اللغز انا والشباب .. مشان ما تصير معلم علينا مو مشان شي شبيبة :deal: انا في عندي شوية خيوط للحل قدرت اني اتوصل الها .. بدي حطلكم ياها وانتوا مشوا معي وشوفوا فين وصلك كفو الطريق : :larg: بس بالاول بدنا نحكي شوية مسلّمات رياضية لحل المسألة : ضرب الاعداد : عدد زوجي × عدد زوجي = عدد زوجي عدد فردي × عدد زوجي = عدد زوجي عدد فردي × عدد فردي= عدد فردي جمع الاعداد : عدد زوجي + عدد زوجي = عدد زوجي عدد فردي + عدد فردي = عدد زوجي عدد فردي + عدد زوجي = عدد فردي المسالة جدا بسيطة وبتعتمد بشكل كتير كبير على محاكاة القواعد الرياضية (( مش قواعد .. بالاحرى البديهيات )) للنص اللي مكتوب كيف وشلون ؟؟!!؟ . . . يتبع |
كون في عنا عددين تم منحن لفادي وماهر .. الاول ناتج ضرب الاعداد المطلوب ايجادها والتاني ناتج جمع العددين المطلوب ايجادهم غلط اننا نبدا بطريقة عشوائية (( مع احترامي لاوبس اللي كتبت كام شلغة ظريفة بهي الخصوص ))
كل رقم طبيعي بنتمي احدى المجموعتين : اما عدد فردي او عدد زوجي وكون في عنا عددين عما اناقش وضعون وعلى مبدا الاحتمال بقلك في 4 طرق ( 2 قوة x ) لتشكيل العددين السابقين ناتج الضرب زوجي وناتج الجمع زوجي ناتج الضرب فردي وناتج الجمع فردي ناتج الضرب فردي وناتج الجمع زوجي ناتج الضرب زوجي وناتج الجمع فردي خلينا نفنّد كل طريقة بطريقتها لنشوف ايا هية متطابقة مع مسئلتنا بناءا على المسلمات اللي كتبناها بالمشاركة فوق : 1- ناتج الضرب زوجي وناتج الجمع زوجي : فادي محتار وما بيعرف شو نوع العددين (( زوجي ـ زوجي )) أو (( زوجي ـ فردي )) ماهر محتار وما بيعرف كمان شو نوع العددين (( زوجي ـ زوجي )) او (( فردي فردي )) 2- ناتج الضرب فردي وناتج الجمع فردي : فادي متأكد بانه ناتج الضرب هوي لعددين (( فردي ـ فردي )) وماهر متاكد بان ناتج الجمع لعددين (( زوجي - فردي )) 3- ناتج الضرب فردي وناتج الجمع زوجي فادي متأكد بانه ناتج الضرب هوي لعددين (( فردي ـ فردي )) ماهر محتار وما بيعرف كمان شو نوع العددين (( زوجي ـ زوجي )) او (( فردي فردي )) 4- ناتج الضرب زوجي وناتج الجمع فردي فادي محتار وما بيعرف شو نوع العددين (( زوجي ـ زوجي )) أو (( زوجي ـ فردي )) وماهر متاكد بان ناتج الجمع لعددين (( زوجي - فردي )) ايا هية حالتنا وكيف بدنا نعرف ؟!!؟ . . . . يتبع |
خلينا نشوف ايا حالة هية حالتنا ومن بعدا منكون قطعنا اكتر من 75% من الحل :
الحالة الاولى : فادي محتار وما بيعرف شو نوع العددين (( زوجي ـ زوجي )) أو (( زوجي ـ فردي )) ماهر محتار وما بيعرف كمان شو نوع العددين (( زوجي ـ زوجي )) او (( فردي فردي )) هي ما بتتماشى مع حالتنا لان ال 2 محتارين بينما بحالتنا كان بس فادي محتار وماهر قدر من حيرة فادي يستنتج اشياء كتير الحالة التانية : ناتج الضرب فردي وناتج الجمع فردي مافي داعي نحكي عليها بنوب لأن لهلق بالبشرية وبمجال الاعداد الطبيعية او الحقيقية مافي عددين ناتج ضربون عدد فردي وناتج جمعون عدد فردي كمان اذا لاقيتوا هيك عددين اركضوا بسرعة لجماعة براءة الاختراع والاكتشاف وسجلوها باسمكم لهي الحالة قبل ما يسبقوكم عليها الحالة الثالثة : فادي متأكد بانه ناتج الضرب هوي لعددين (( فردي ـ فردي )) ماهر محتار وما بيعرف كمان شو نوع العددين (( زوجي ـ زوجي )) او (( فردي فردي )) ما بتتماشى مع معطيات مسألتنا لان بالحالة هي يفترض يكون ماهر ضايع بين خيارين وفادي عارف تماما شو بده لكن فادي محتار وما بيعرف شو نوع العددين (( زوجي ـ زوجي )) أو (( زوجي ـ فردي )) وماهر متاكد بان ناتج الجمع لعددين (( زوجي - فردي )) المسالة كان العكس هوي الصحيح وبالتالي الحالة هي معاكسة لمسألتنا ... ترا في الها حل ها ما حدا يحسب انها ما تنحل .. الحالة الرابعة والاخيرة : 4- ناتج الضرب زوجي وناتج الجمع فردي فادي محتار وما بيعرف شو نوع العددين (( زوجي ـ زوجي )) أو (( زوجي ـ فردي )) وماهر متاكد بان ناتج الجمع لعددين (( زوجي - فردي )) وهاي كانت مفتاح مسالتنا وهاد هوي الحل تبع اول سطرين : وقت فادي شاف ناتج الضرب انه زوجي .. احتار كتير بين الاحتمالات .. لأنها شاملة لكل الارقام الأكبر من ال 1 والاصغر من ال 100 لهيك قله : "لا أعرف ماهما العددان" اما ماهر كان بايده ناتج الجمع وهوي عدد فردي فكان متأكد 100% بانه العددين واحد زوجي والتاني فردي ومتأكد كمان 100% بان ناتج ضربون (( واللي هوي بايد فادي )) عدد زوجي وكان بيعرف انه فادي ما حيقدر يحدد طبيعة الاعداد بناءا على الرقم اللي بايده فقله : "أمر طبيعي أن لا تعرفهما". الخطوة الرابعة كانت انه ... ولا قلكم خلوها يتبع .. |
خلونا شوي على ضو الارقام نشوف كيف بصير حل المسألة هي :
اتفقنا على انه العدد اللي بايد فادي زوجي فهوي بالتاكيد واحد من هي القائمة  والعدد اللي بايد ماهر فردي فهوي بالتاكيد بينتمي لاحد عناصر هي القائمة  بس انتبهوا !! في شغلة خلتني اتردد شوي لبين ما رجعت قريت نص المسألة منيح حتى فهمتها ، واللي هوي الرقم واحد كان بالحل عما يعملي مشكلة كتير كبير لبين ما لاحظت شو كاتب الفتى الرهاوي : إيجاد عددين اكبر من 1 و اصغر من 100 بعد هي الجملة مشي الحال وكملت مسيري وفق الخطا الثابتة كما بتدكم تشوفوا بـ . . . . ولعية ما حفظتوها ؟! .. يتبع :p |
هلق في عنا طريقين ومجموعتين منقدر نشتغل فيهم فكيف بدنا نشتغل ؟!
انا بديت بقائمة الضرب اللي مع فادي لسببين : الاول بقلك بأن عدد عوامل الجمع اصغر بكتير من عوامل الضرب يعني مثلا العدد 11 ممكن يتمثل بالشكل : 9 + 2 8 + 3 7 + 4 6 + 5 فاذا بدنا نوقف على كل عدد بالطريقة التالية .. مصيبة والسبب التاني هوي نص المسالة .. اللي هوي سخيف بنظر البعض لكنه جدا معبر بهي النقطة والي بوضح انه فادي هوي اللي عرف الرقم قبل ماهر لأن العملية عند فادي اسهل بكتير من عند ماهر .. لهيك بديت من عند فادي رقم ورا التاني احلله لحتى اوصل لرقمنا المطلوب واللي لسعتي ما وصلتله خلينا نمشي مع بعض بالتحليل : هلق نحن عما ندور على عدد بيتحلل لناتج ضرب عددين .. واحد من العددين فردي والآخر زوجي وبشكل وحيد . . هالمرة مافي يتبع . . منكمل : العدد 2 بالاول عملي مشكلة لأن بيتحلل لناتج ضرب العددين 2 والعدد واحد بس متل ما قلت مسبقا الاعداد المطلوبة اكبر تماما من الواحد لهيك مننفي احتمال العدد 2 العدد 4 : ناتج عن ضرب عددين زوجيين .. وبالتالي غير مقبول العدد 6 : ناتج عن ضرب عدد فردي وعدد زوجي .. وبالتالي هوي مقبول لكن خلونا شوي نطلع على القصة بمنطق اكتر .. لو قالت ريما بدها عددين اكبر من الواحد وناتج ضربن 6 ... مافي احتمالات عنا غير ال 2×3 ونحن منعرف انه فادي عبقري بالرياضيات .. فلو كان هيك كان لقطا من اول لحظة كون مافي غير هالاحتمال لهيك العدد 6 مرفوض قطعا . العدد 8 : تحليله من الشكل 2 × 2 × 2 ، منلاحظ انه مستحيل من التحليل السابق نشكل عدد فردي × عدد زوجي .. لهيك مرفوض العدد 10 : تحليله 2 × 5 وبشكل وحيد .. يعني مافي غير هالتحليل اله .. وعلى نفس مبدا مناقشة العدد 6 بيطلع معنا العدد مرفوض العدد 12 : تحليله 2 × 2 × 3 وبتم تجميعه بالشكل اما 6 × 2 (( مرفوض لأن العددين زوجيين )) ، او (( 3 × 4 )) مقبول لكن ناتج الجمع 7 خلينا نشوف ماهر شو بقلنا : ماهر بقول انه ال 7 بتتشكل اما من 5 + 2 واللي ناتج ضربهم ببعض عشرة او من 3 + 4 واللي ناتج ضربهم 12 فاذا كان بطاقة ماهر 7 فبطاقة فادي يا اما 10 (( شغلة بديهة وكان عرفها فورا )) او الحل البديل اللي مافي غيره .. 12 وبالتالي ما معقول تكون الاجابة صحيحة نظرا لسخافتها . العدد 14 : تحليله 2 × 7 ، نفس مشكلة العدد 6 والعدد 10 العدد 16 : تحليله 2 × 2 × 2 ×2 وبالتالي ما بيختلف عن العدد 8 بشي العدد 18 : 2 × 3 × 3 : تحليله اما 6 × 3 او 9 × 2 .. والحالتين مقبولتين .. والرهاوي قال : بتصور لو حاولتي تعللي المعلومة الي وصلتيلها(افترضتيها) بشكل منطقي, فهالشي رح يساعدك من التقرب للحل اكتر.. لانو اذا فهمتي بشو فكر فادي وعللتي هالشي بشكل صحيح فاكيد (كخطوة تالية) رح تقدري تفهمي شو دار بذهن ماهر كمان..وهكذا الى ان يبقى معكي في النهاية رقمين فقط لاجدال على كونهما الحل الوحيد وكون فكرة الحل الوحيد ما بتنطبق على هي الحالة فالعدد 18 مرفوض العدد 20 : 2 × 2 × 5 شكل التشكيل اما 10 × 2 (( مرفوض العددين زوجيين )) او 4 × 5 عند ماهر بكون 9 بهي الحالة .. ال 9 متشكلة اما من 4 + 5 ناتج الضرب 20 .. قيمة مقبولة او من 6 + 3 ناتج الضرب 18 .. قيمة مرفوضة او من 7 +2 ناتج ضربها 14 .. قيمة مرفوضة فلو كان صحيح هاد الكلام كان ماهر عرف الحل قبل فادي .. حتى قبل ما يحكي معه بحرف .. انا لحد هون فصل القاطع معي وما عدت اعرف كمل طريقي اقدرت اعمل شوية عمليات استثناء وعمليات استبعاد وصلت فيها لهي المرحلة :larg: والحل واحد من هدول الارقام : (( طبعا اذا ما كان في ولا خطأ بالحكي السابق اللي انا كاتبه ))  الله وايدكم شبيبة وخلونا نكمل لنشوف فينا بدنا نصير هاموش : بعد كل هاللعي الفاضي .. رهاوي في شي من حكيي صح ؟!؟! :oops: |
بصراحة .. فلجتني اب طوني ..
طريقة الحل كتير ممتازة .. لشي كتير .. بسيط انك بعدت عن التعقيد بالحل .. بشكل كبير .. بصراحة اول شي وقت كانو عم يحلو الشبب كان في تعقيد بالحكي .. بس عندي سؤال .. بعد تحليلك الاول واللي اختصرت انت فيو كتير اجزاء من الحل .. الحل ما ممكن انو يطلع .. بدون ما نحلل كل الارقام المتوفرة عنا ولا كيف ؟ ! راجع .. لاني ما ركزت كتير 100 بالمية باخر جزء . بس بصراحة لفت نظري كتير بداية الحل .. :D |
أبو طوني... يا أبو طوني،
انا مضطر "مع الأسف الشديد طبعاً :sly:" اعترفلك أنو حلّك ذكي وحلو وطريقة الشرح كمان ذكيّة ومتعوب عليها... هلأ انتا وصلت لمرحلة صار عندك فيها مجموعة من الأعداد الي ممكن تكون الحل الصحيح... بس للاسف هالمجموعة مانا مكونة من عددين فقط :lol: انتا استعملت فكرة الاعداد الزوجية والفردية بناتج الضرب والجمع، وكان عندك الحوار يلي صار بين ماهر وفادي جاهز واستعملتو متل ما هوي، صح؟ المفروض طبعاً انك تمشي خطوة خطوة مع الحوار بحلّك.. طيب خلينا نفترض انو ماهر وفادي أول ما استلمو البطاقات فكروا سوا بهالمعلومة قبل ما يبلشو الحوار: اقتباس:
وتنيناتون استثنو الحالة التانية لأنها "متل ما ذكرت انت" مستحيلة.. اي فيعني لهون لازم يستسلمو الشباب (إذا هي كانت طريقة الحل الي فكروا فيها)، لأنو مارح يقدرو يتوصلوا غير لمعلومة وحدة وبس، وهيي (استثناء الحالة التانية)... انت لما اخدت الحوار جاهز، عرفت أنو الحالة الرابعة هيي المطلوبة وهالشي صحيح 100% بس فادي وماهر مارح ما بيقدرو يوصلو لهالشي، لانو عندن كل الحالات (عدا التانية) هيي حالات واردة، على حسب الحوار... ================ اقتباس:
بس أكيد لازم نحصر الحل بعددين فقط، ولنوصل لهالشي مارح تكفينا فكرة الاعداد الزوجية والفردية وبس. في كتير حالات ومجالات ومجموعات من الاعداد لازم نستبعدها :yahoo: |
الاعداد اللي بقيت معي
هي مش الحل هي تبع ناتج الضرب بعد ما عملت عملية استثناء لكل الاعداد اللي ما بتحقق الشرط (( ناتج الضرب من عدد زوجي والآخر فردي وبشكل وحيد )) حتى بالمجموعة هي حصرت الحل ب 3 احتمالات بس ال 3 صحيحين لهيك وقفت الحل وتركت الطريق حتى غيري يستفيد من الشي اللي ان كاتبه |
شو نكمّل ولا حطّ الحلّ جاهز؟
 |
هممم .. المسا بردلك خبر اورهوي .. عم حلّا .. نطور شوي :D
|
شريك عندي استفسار صغير وصلتلو بعد هيكه شوية حركات وبركات .. ما بعرف ازا الفكرة فيها نوع من الصحة بنكتب فيها .. وبقلكم شلون بس انو بدي اعرف ازا الها علاقة ..
الرقمين بدن يكونو زوجيين حصرا ؟ |
انو مع انو التعن نفس نفسا للفكرة وحلّقت بعيدا بس منرجع .. منعمل Up ..
|
اقتباس:
ليش ليكونو زوجيين حصراً؟؟ مو شرط يكونو حصراً أعداد زوجية... طيب حطّ الحل أو الفكرة الي عندك لنشوف.. :D |
هلا ما قصة حصرا اجات .. هيكه يعنوي . بس انو بعد ما حششت بفرنكين .. بعد ما كنا طارقين .. صحنين . رز بفول .. بتعرف الفول بيعطي مفعول يعنوي .. طلع معنا هاكزا استنتاج .. طيب لح حاول ارجع استجمع الفكرة والحشا هون .. ولشوف :D
|
دقيقة .. غيرت رايي .. وبما اني ما كتير قدرت اتزكر الفكرة هديك .. خربطت باول ما رجعت حاول اشتغل فيها حسيت في شي غلط مانو منطقي .. بشغلة الفردي والزوجي خطر عبالي شلة تانية .. لح حاول فيا ..
:D |
| الساعة بإيدك هلق يا سيدي 09:57 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
