|
:lol: في كتير من شكال صاحبك هاد
و أحياناً بتحاور واحد و ما بتصدق أنو معقول في بشر بهالعقلية هي !! أي تطرف بالدين رح يكون مزعج للآخرين شو ما كان دينو أو ملتو و أبشع شي لما بيعاملك شي واحد بحسب دينك ... عالهامش .. كنت مفكرك مرتاح من هالنوعيات عندك ;) شو أخبار التلفزيون :p |
اقتباس:
التلفزيون شغال آخر حلاوة و بيسلم عليك :lol: |
انا عايشه فى مصر و مصريه و عمرى ماروحت سوريا خاااااااااالص
بس بجد انا بتكلم من منظور عام هو انتم عايزين ان الدين يبعد عن السياسه ولا ايه لو كنتم عايزين كده ازاى يعنى ده الدين هو الدنيا و لو شلنا الدين من الدنيا هتبقى غايه و هتبقى العن من كده يعنى انتم عايزين الدين بس يبقى صلاه و صوم و لبس محترم و بس و يتشال من السياسه و الاقتصاد يعنى ولا ايه ؟ ولا انا فهمت غلط :) |
اقتباس:
أي دين يلي عم تحكي عنو؟؟ دينك هو الدنيا بالنسبة إلك انتي حرة.. أما بالنسبة إلنا حياتنا شغلنا و علاقاتنا و أخلاقنا و أفكارنا و قضايانا.. و لو انتي شايفة ان الدنيا بتصير غابة بلا الدين بتكوني كتير غلطانة.. الأخلاق الإنسانية و منظومة العلاقات الإجتماعية و الإحترام و لحرية هدول قيم من قبل ما يكون في شي اسمو دين.. هدول الفطرة البشرية و مالهون علاقة بالصوم و الصلاة و الحجاب يلي انتي مختصرة الدنيا فيهون.. ولعلمك مو كل واحد مانو من دينك بيكون بلا أخلاق و شخص سيئ.. بس يمكن صعب توصلك هي الفكرة.. عالهامش: بإعتبارك مصرية و مو جاية بحياتك على سوريا خليكي برات هيك مواضيع داخلية بتتعلق فينا و بتركيبة مجتمعنا يلي صعب شوي انك تستوعبيها.. وياهلا |
اقتباس:
|
اقتباس:
|
اقتباس:
كون بهالإيام دارجي موضة جديدي لحرية الاعتقاد... حرية اعتقاد بتتعدى عحريتي ..أو ليش بتتعدى .. بتنفي حريتي:jakoush:...حرية اعتقاد بتقيمني وبتحكم عليي وبتتصرف معي حسب حريتها بالاعتقاد.. يعني هلئ في جماعات متعصبي إذا لسّا زادت حريتها بالإعتقاد... بيجوا لعندو وبيئتلوني لأني بنظرهن كافر مثلاً (كون هني وكلاء الله)... أو بيجوز بيكسروا المدرسي فوء روسنا لأنو مختلطة مثلا...أو... أو...(في كتير)... يعني عإيام الحرب بالعراق لقطوا واحد إدام عيوني (كان بدو ينفذ حريتو بالاعتقاد) كان رايح يفجر حالو بمشى الحصن البطرياركي.. وقبل الساعة ستي حصرا... لك حزور ليش:lol:!!... ميشان يلحق يتعشى مع الرسول:shock:..... إي عنّا في هيك حرية إعتقاد:shock:...(يا أخي هوي حر). خيو أنا ضد حرية الاعتقاد:cry:... اقتباس:
يعني حسب استنتاج صاحبك الخطير هاد: علماني = علوي :shock: يعني صاحبك هلئ عمل كل الأحزاب العلمانية أحزاب طائفية علوية:shock::shock::shock:(إد ما حط سميلات ما فيني عبّر) عفكرة كان في دكتور إلماني ميدور عواحد من هالنوعيات بدو يعمل عنو حلقة بحث:o... إذا صاحبك عندو مصلحة.. لرد عالدكتور خبر.:lol:.. |
وشغلي كمان
اقتباس:
بس للأسف كلهن ناطرين ياخدو الشهادي من هون ويسافورا من هون إما عـ إلمانيا..أو اليونان..أو السويد ... وأنا منهن (مو من الواعيين...من المسافرين:lol:) |
اقتباس:
الله وكيلك لو كانت غير شام ما كنت اهتميت بس والله مشكلتها بلدنا الغالية وكل يوم زيادة عم قضيه هون عم شوف قديش الظاهرة قوية. مبارحة كنت قاعد مع واحد وحكينا بهالقصة قلي هالتشدد الكبير ما رح يدوم وهوي فترة عابرة. حسيت انو الزلمة متفائل شوي زيادة. انا بتمنى يكون كلامو مزبوط قبل ما نكرر نموذج سعودي - ايراني او ما شابه. |
يمكن اللي عايش بالبلد ما رح يلاحظ زيادة التشدد متل اللي بيغيب فترة وبيرجع
من هالشي الناس مستغربة شوي من كلامك |
اقتباس:
الي لاحظتو انا انو الناس هون عرفانة وملاحظة هالشي. |
اقتباس:
بعدين ضحكتني كتير بقصة سعودي أو أيراني . أيام بحسك بتقول كلام وكأنك نايم . ليش عنا التركبية بتشبه هالبلدين |
أنا بصراحة متل صافو لما نزلت عالبلد حسيت اديش في تشدد ديني والتعصب زايد
قبل ما كنت اسمع حدا بيسال انتي شو دينك هلا من أول ما بتلتقي بالشخص بدو يعرف هالشي وبيسأل بكل وقاحة ما في حديث بينفتح إلا وبتنجاب سيرة الدين وشغلة تانية بتلاحظها بالبلد انو نسبة التلطيش زادت ... قبل كانت البنت اللي لبسها غريب تتلطش (مع انو هاد مو مبرر للتلطيش) هلا صار بيكفي أنو بنت تكون ماشية بالشارع لتسمع مية كلمة بلا طعمة أوبوساخة |
وصارت اللحى الطويلة والتشدد موضة كبيرة
وفي اغرب انو اوركسترا شيعي او علوي او سني عم تنعزف بقوة هستيرية |
اقتباس:
قبل ماكنت منتبهلا انا .. او انو هي كانت قليلة .. هديك السنة كتير حسيتا زايدة .. ومافي حدا مابلطش لك حتى مرة ولاد صغار اب 6 سنين .. او 8 سنين ازا شافو وحدة حلوة شوي رأسا بلطشو :o وكتير زايد عنجد .. وكمان الشغلة بتختلف من منطقة لمنطقة .. بس بشكل عام كلو |
أول شي بدي قلكن إني ما قريت كل الردود، مشان ما توه وابعد عن الموضوع الأساسي، بس بظن إنو سبب هالعنصرية بسوريا بسيط جدا، الفضائيات الدينية والبرامج الدينية يللي هدفها الوحيد -وما بستثني منها أي برنامج- الكسب المادي بحت، والهدف هاد هوي هدف كل العاملين ابتداءا من صاحب القناة وانتهاءا بالمذيع أو الشيخ يللي بيستضيفوه.
وإذا بتلاحظوا إنو معظم الشيوخ هنن 3 أنواع: 1- يا أما خليجيين، يعني الدين مبني على أساس عادات بدوية "أعرابية"، يعني مشان ما يطلعوا من عاداتهن يللي الدين بخالف معظمها، فمشان هيك بماشي الدين مع مصالحو وعاداتو عن طريق الافتاءات وتغيير معاني الحروف وتعقيدها. 2- شامي أو عربي بشكل عام وعايش بالخليج، يعني مو من مصلحتو يحكي عليهن أو يناقضهن عالأقلز 3- صعايدة، وهدول أهدافهن متل أهداف الخليجيين، يعني مشان ما يطلع من العادات والتقاليد ويتمسك بالدين بنفس الوقت بتلاقيه بيفتي وبيحلل وبيحرم على كيفو. طبعا في شيوخ مو من الأنواع التلاتة بس بضللوا بدوروا عالمكسب المادي أو الاجتماعي. متل ما قلت، الفضائيات انتشرت بالفترة الأخيرة بشكل مو طبيعي، وهيي السبب الوحيد بانتشار التخلف بمجتمعاتنا، وأكيد شعبنا عندو الاستعداد لهيك نوع من أنواع الانحراف لأن في عنا كبت سياسي وفقر وبطالة...الخ فاجتمعت كل هالعوامل وخلقت شعب ساذج ومتخلف وعنصري. |
قرف والله صار الواحد بيحمل هم النزلة علبلد يعني احسن حب بلدي وانا بعيد عن كل الصور ويمكن يقولو هروب او جبن بس لا قرف من كل هالمظاهر
|
برأيي ان المسلمين بسوريا مسلميين وسطيين معتدلين في أمورهم الدينية والدنيوية وعايشين من أجمل مايكون مع الطوائف والاديان الأخرى ... كل ماهنالك أن بعض الناس تهول وتكبر الموضوع بسبب الفرق الشاسع اللي وجدوه بين الغربة بالدول الاوروبية والوطن ... أما بالنسبة لزيادة المساجد ودور العبادة فهادا شي كتير طبيعي بسبب النمو السكاني الذي يتطلب توفير مثل تلك الاماكن أسوة ببقية الاديان ... وأن كان البعض من غير المسلمين يشتكي من كثرتها فهاذا شيء طبيعي ناتج عن الزيادة السكانية للمسلمين من ابناء هذا البلد أما بالنسبة لموضوع التطرف .. فالمتطرف منبوذ سواء اكان مسلم او مسيحي او يهودي او حتى ملحد .. وهذا الشيء طبيعي ايضاً ... ياجماعة الخير لاتتمارضو فتمرضو فتموتو ... الامور كلها ماشية بشكل طبيعي ومافي اي داعي للترهيب والتخويف وماهنالك من زيادة في الاراء السلبية التي لاتخدم المجتمع بشكل عام ... الناس بالوقت الحالي تلتجيء للتدين بسبب زيادة الوعي والعلم وبسبب قناعة الشخص بأن تلك الدنيا فانية مهما عمر الانسان بها فهو الى زوال وهذه سنة الحياة .. |
اقتباس:
يااخي شو بدك فيهم خلي كل واحد يعبد الله على راحتو ... انت عليك من نفسك وانتهت القصة ويادار مادخلك شر .. ماحدا حمل العصا عليك وقال لك تعال اعبد الله ؟! وبالنهاية لايصح الا كل صحيح ان قلنا ايه او لأ |
اقتباس:
|
اقتباس:
باختصار ظاهريا في تدين وتمسك بالدين، وباطنيا ما حدا منهن بيعرف الله، يعني الدين دين مصلحة وتشدد مشان مصلحة. الله يلعن هيك مجتمع، كل واحد راكض ورا عيوب العالم وما حدا بيطلع على عيوبو. |
اقتباس:
ما الموضوع من الأساس عن التشدد الديني . وعن مظاهرو يعني لما الواحد بيكون راكض ورا أخواتو وبيلطش غيرهم مافي داعي يطول ذقنو مثلا وأصلا كل يلي شاركو . وكل تغميز صاحب الموضوع . أنو هيك ظاهرة بدهون يجبروا الناس فيها على اللبس والحياة على طريقة المتشددين . فكيف ركبو التنتين مع بعض ولا كل الهم نهاجم المتدينين وخلص |
اقتباس:
و لو... ليش مانك سمعان بمبدأ "ساعة الك و ساعة لربك"؟ هالأيام مين معبّي كباريهات و مواخير سوريا و لبنان غير أهل السعودية.. بيكونو هنن نفسهون اللي باقي أيام السنة يضربو شرفيات على كل سكان الكرة الأرضية و سكان الكواكب المجاورة كمان.... تغميز, هجوم؟ خير انشالله؟ |
أولا مين جاب سيرة السعوديين . بموضوع عن الأنطباع الأول للعودة للوطن . الموضوع عن السوريين مو غيرهم
تانيا صاحب الموضوع عم يقول اقتباس:
يعني كيف بدهم يسهروا أذا لغوا السهرات :? أكيد جملة تناقدات هالموضوع . بدها خير أنشالله |
اقتباس:
ونعم احترام الآخر ... |
اقتباس:
تاني شي.. لما جبت مثال السياح السعوديين ما حكيت عن حالة السعودية.. انما عم جيب مثال لازدواجية المعايير .. فقطا لا غير و ما بعرف شو مشكلتك بالضبط مع هالموضوع.. و ليش زاعجك و ليش عم تدوّر ع مؤامرات خفية فيه.. يعني وين الغلط بالزبط لحتى أفهم.. كل شي عم تعتبرو هجوم و كل شي عم تعتبرو غمز.. ما بعتقد في داعي لهالحطة بموقف الدفاع.. مالو لزوم.. عم نحكي عن ظاهرة.. ما حدا جاب سيرة المتدينين بسوء .. |
اقتباس:
|
اقتباس:
يا ملعم بالوقت الحالي صار الدين مظاهر وفرض آراء بحجة إنها ثوابت، مثل الموسيقى، 99% من الشيوخ بحرموا الموسيقى، ولعلمك أغلبية المسلمين يلي بيسمعوا موسيقى وأغاني مقتنعين إنها حرام بس بيسمعوها، وإذا طلعت وحكيت إنو الموسيقى والغناء مو حرام، بتصير إذا مو كافر منافق وزنديق، إذا قلت إنو الحجاب مو دليل على طهارة المرأة وعفتها، بتصير كافر وعدو للإسلام، وإذا ما اتفرجت على برامج "عمر عبد الكافي" أو "عمرو خالد" يللي معباية الفضائيات أو مو حاطط قناة "الرسالة" أو "اقرأ" بقائمة المفضلة بالريسيفر أو ما بتابعها بانتظام معناها حضرتك منافق ومتأمرك. هلأ يا معلمي صار دورنا لنعيش بعصر الظلام، متل ما كان الدين المسيحي عايش بالقرون الوسطى، ودولاب الحضارة بكل ما فيه من منيح وعاطل رح يمر عالكل، وهلأ دورنا بالعاطل، وهي هيي كل القصة. |
اقتباس:
|
اقتباس:
أنت حكيت عن السعوديين بالبداية كمثال عن أزدواجية المتدينين . أو على الاقل هيك بتنفهم . يس هلأ لحتى وضحت هدفك من المثال مشكلة مع الموضوع مافي . بس الغلط والغمز يلي أنا شايفهم . بعتقد فيك تلاحظهم بسهولة . اذا قريت الموضوع بحيادية . يعني كل واحد عندو مأخذ معين برأيو . وكل واحد بيقول كلام بيناقد كلام التاني . والمشكلة الوحيدة هي الأسلام . بما أنو صار في مين عم يتهم ويفرز الناس قاعدة وغيرو . وعم يفترض نيات عن تغيير اسلوب حياة ويحاسب عليه . أنت عم تقول أنو ماحدا جاب سيرة المتدينين بسوء . ,انا ماعم قول أنو انت ذكرتهم بسوء . بس في ردود افترضت وأتهمت وفرزت . ,انا لما رديت وقلت غمز لا ذكرتك ولا تقصدتك . بس هاد واضح من تبيان الردود |
أعرف انو ما قصدك علي (لأنو أعرف بشكل جيد شو أكتب و شو أقصد)...
المشكلة بذكر أي ظاهرة انو رأسا تعمل اسقاط وحيد و هو: اقتباس:
على كل أنا حكيت قبلا رأيي بالظاهرة.. و ما بعتقد كتير ينفع هلأ نقعد نناقش هالنقطة كتير... لأنو ما بعتقد فينا نوصل لشي |
اقتباس:
|
اقتباس:
رجاع أقرا الردود وشوف كيف بلش فرز الناس شي أخوان وشي سلفيين وشي قاعدة . أنا يلي كتبت هاد الكلام ؟ ماحدا عم يحكي مثلا عن المشكلة التطرف للمعتقد مهما كان . يلي عم ينذكر بسهولة المتدينين المسلمين وبس . مع أنو كل متديني الديانات الأخرى بيطلقو اللحى وبيلبسو أزيائهم الدينية أنت يلي بردك وأسقاطك عم تجرد الكلام من معانية . لما بتسخف ردي بأني عم أقول فلان عدو الاسلام . مع اني ماقلت هاد الشي |
اقتباس:
هلأ أنا شخص لما بسافر وبرجع بحس مثلا أنو في أزدياد كبير بالتخلف المدني ( كل مايمت للحياة المدنية بصلة ) وفي غيري بيرجع بيقول أنو في غلاء . وتالت بيقول أنو كتران الجهل والأمية . ورابع بقول أنو في أزدياد بالدعارة وهكذا |
اقتباس:
بعدين أنا فعلا قرات الموضوع الرئيسي، لأن ما بدي فوت بجدالات تبعدنا عن الموضوع الرئيسي وناخد من وراها مخالفة. نحنا قوم بيتحكم رجال الدين بحياتنا وحريتنا الشخصية بحجة الدين، يعني متل حكم الكنيسة بالقرون الوسطى، ومو مشان شي، بس لأن معروف إنو الدين هوي الشي يللي برخصللك تتحكم بحياة شعب بدون أي مقاومة، وعلى فكرة هادا مو عيب بالدين، هادا عيب بيللي بينتمي لهالدين. |
زبدة الحديث
اقتباس:
متل ما قلنا ومتل ما دائما منقول ... الحل بفصل الدين عن الدولة من جهة وفصل المعتقدات عن الممارسات من جهة تانية واعطاء الدين مكانته اللي بيستحقا بحيث انه يعتبر نوع من انواع العلاقة الشخصية بين العابد والمعبود .. بين المؤمن والقوة العليا اللي بآمن فيها دون فرض اي ممارسات او اي تشاريع من اي نوع آخر .... العلمانية حلمنا ... |
العنزة السارحة غير مبارحة ...هي هيي عوارض شي وخيم نحنا نطرينو ...
|
اقتباس:
بزمناتو خيو كان في حركة شعبية اسمها (رجال الدعوة) هدول الي بيدعو الناس لدينهم لمذهبهم ومن هل القصص هي الحركة ماكانت سياسية ولا عندها شي اسمو برنامج حزب اوشي من هاد بتقدر تقول حركة دينية اجتماعية هي نمعنعت بـــ1983 او بعد بسنة مابقا اذكور , المهم السبب مجهول بس بيقولو السبب غير مرخصة وبيقولو كمان أنو ماعاد بدون متل هيك قصص , بس يقال وعلى زمت الراوي أنو الاخوة الايرانين مساوين جماعة وعم يشتغلو على راسك ياتاجر وبنفس الوقت كل شغلون علاك مصدي مالح يستفيدو شي يلي صار بالعراق قسمهم اكتر ماهنن مقسمين والكراهية هيي الي عم تزيد مو شي تاني , كرهو بعضون كرهو بعضون .. عرفت مو وتاني شي مو كانو حوارك انتة ودورا صار جانبي :adal: ع فكرة تزاولت من هل الجدال العقيم بيناتكم اقتباس:
صحي كيفون لولاد ؟ |
ردي لكل من يهمه الأمر : انا مو غريب عن الجو والوضع بالبلد ومالي غبي لقارن وضع بلدي بوضع بلد اوروبي منفتح .. لما عم قول انو الوضع متغير بالبلد فأنا بعني ظواهر جديدة ولباس جديد وعدد اشخاص محيطين متغيرين باتجاه محدد. الظواهر كلها وصلتني لنتيحة انو في مد سلفي بالبلد .. وانتشار كبير للأفكار المتشددة بين اوساط حتى الشيوخ المعتدلين .. انا مبارحة كنت صافن بكم حالة وصلت انو نحنا وصلنا لمرحلة مو بس بالبلد بل بكل المنطقة وهي صراع بين تيارين متشددين احدهما متشدد للعلمانية والتاني متشدد للتدين وفي صراع بيناتهون وهالصراع عم يلغي او يضعف بشكل او بآخر الصوت الوسطي او المعتدل. انا هون ما بكون جزء من اي تيار على الاطلاق ولكن بشوف انو بخاف توصل التيارات الاسلامية لحد تشكل خطر حقيقي على حياتنا وحريتنا بادارة تفاصيل حياتنا .. لانو بلش شي اسمو قيود مجتمع متزايدة . المد الديني بالبلد لا يمكن اخفاؤه فوضوحه فاق الحد ..... وشكرا. |
اقتباس:
|
| الساعة بإيدك هلق يا سيدي 16:26 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
