|
اقتباس:
نقطة النساء هاي كنت رادد عليها بالرد اللي طار من بعد فتح الموضوع ، مش متل ما انتي فاهمة بالزبط ، في شوية ابعاد ، انو النساء اللي كانو مع هيلاري لانها امرأة مش كتير ، لانو نسبة النساء المثقفات سياسيا والمتعلمات كتير ولانو النساء اللي عندون انتماءات حزبية بيمثلو نسبة لا بأس فيها من اجمالي النسائ الاميركيات وهادول رح يروحو لاوباما لانو هو ممثل الحزب اللي هننى بينتمو الو هذا بالاضافة الى انو في نساء كتير رح يختارو على اساس البرنامج الانتخابي وهاد كلو بيخلي نسبة النساء اللي مع كلينتون بس لانها امراة نسبة قليلة غير مؤثرة على مجريات الانتخابات . بدي حق العشا وعفكرة عندك باميركا عالم كتير من الاخوية ، لا تفتحي على حالك باب كبير ، بلكي ربح اوباما:lol: |
اقتباس:
بس قلت انو اوباما صاحب الفرص الاكبر للوصول للبيت الابيض لانو معو الولايات اللي بياخدها بيكون الرئيس ولكن قلت انو في مفاجأت وكل شيئ بالسياسة وارد . انا مابشارط حدا مابدي اشارطو " فادي مابدي شارطو" شو بدك يافادي ؟ بدك تشارط على الف دولار ؟ |
اقتباس:
لا الجمهوريين ولا الديموقراطيين عندون استعداد يراهنو بأميركا وبالنتيجة يلي عملو بوش خطير كتير ولازم يكملوه بنفس طريقتو وأي تغييرات مفاجئه رهان خطير ههن مو قدو وتحديداً بهالفترة... الجيش الأميركي بحالة حرب بـ 3 جبهات بالعالم.. الاقتصاد شبه منهار.. مشاكل مع الناتو ومع روسيا... كل هاد بيخليون يعدو للمليون قبل مايفكرو يعملو تغييرات جذرية بطريقة الادارة... ممكن حدا يقول انو بالعكس هالشغلات بتخلي التغيير ضرورة أنا بقول لاء بالعكس هدا الشي بيخليون نهائي مايفكرو بالتغيير حالياً... بالنتيجه بهي الانتخابات الكل كسبان الديموقراطين حققو سكور كبير للتاريخ انو رشحو واحد بهالمواصفات.. هالشي رح يتسجلون تاريخياً انو هنن حزب معتتدل ورسخ المبادئ الديموقراطية الأمريكية... والجمهوريين رح ينجح مرشحون... بتبقى وجهة نظر والأيام جاية وبتبين كل شي... هامش: اتفضل أبو حميد نتشارط:larg: |
مافينا نراهن على حدا وكلو اتعس من بعضو اسود ولا ابيض ديمقراطي او جمهوري مالنا الا نراقب ونشوف الدعم اللي رح يوصل لاسرائيل كنو ديمقراطي او جمهوري وعالحالتين رح يوصل ونحنا منكون عم نتشمس
|
من وجهة نظري ولو كنت باميركا كنت ما بعطي صوتي الا لــ اوباما.. لانو هو فعلا الوحيد اللي بيستحق يستلم هيك منصب.. من خلال كلامو الواحد بيقدر يفهم انو اوباما عم يشتغل لصالح الشعب ككل - يعني عم يشتغل لجوا-
و هل الشي هو اللي لازم فعلا يصير و اللي اميركا بحاجة لهيك تغيير خصوصي بعد الازمة الاقتصادية اللي وصلتلها .. ولكن من ناحية مين ممكن يفوز ,, فأنا مع تحليل فيفا للوضع اللي صاير بأميركا.. و بالتالي هي توقعات لا اكتر ولا اقل يعني ممكن هل الشي كلو يطلع غلط و يفوز اوباما فعلا - و بالسياسة مافي شي اكيد - Politics is full of surprises !! |
[quote][بإختصار إلى متى ستبقى سياسة الحكومة السورية هي سياسة الرهان على الوقت.. ألم تراهنون على ساركوزي بعد شيراك؟؟ ألم تراهنون عل بان كي مون بعد كوفي أنان؟؟ ألم تفشل كل رهاناتكم؟؟/QUOTE]
بصراحة امل من كل قلبي لو كان هيدا صحيج بس للاسف في تناقض بهيدا الشي سياسة اللعب بالوقت اثبتت لحد الان نجاحها عند السياسة السورية .... رهانون على ساركوزي برايي ما فشل ابدا بالعكس ساركوزي هوي اول رئيس قطع الحصار الدبلوماسي على سورية .. حتى سياسيتون مع الامريكيين لحد الان ما فشلت لانو تغير اللهجة الامريكية تجاه سورية واضحة جدا .... من تغيير نظام لتغيير سلوك النظام . يعني حاليا تنشر مقولة سورية صبرت ونالت ..او بالاحرى الحكومة السورية.. لانو ليك هي العلاقات الدولية رجعت وما اتغير عنا شي ... لا نمط حكم ولا نظام ولا تعام دولي وبقصد هون ايران ولبنان والعراق بالعكس بلش ينطلب منها اتكون عنصر فعال .وهي انضاف الها تحسن بالعلاقات مع روسيا يلي عم اتحاول استغلالو بشتى الوسائل .. يعني الجو العام برايي بيادي انو السياسة السورية للاسف ناجحة واثبتت الدول الكبرى انها الى الان عاجزة عن فهم اسلوب لعبها واختراقو و بالنسبة للرهان على الرئيس الامريكي المقبل بتوقع ما عاد الو هالاهمية بضوء الانهيار الاقتصادي الحالي يلي عم اتواجهو امريكا ,, بس بالتاكيد سواء ديمقراطي او جمهوري فهني وجهين لعملة وحدة وبتوقع رح يغرق الناجح منون بالمشاكل الداخلية يلي عم تنهال على الامريكيين اكتر من الاهتمام بالسياسة الخارجية الكارثية ( العراق وافغانستان ). بس الفرق الاساسي بين الحزبين انو الجمهوريين لعبون ع المكشوف مباشر وسريع اما الديمقراطيين فهني بيضحكو بالوش ويشتغلو بالخفا لهيك كان بشكل عام التعامل الدولي مع الحكومة الجمهورية افضل من التعامل مع الحكومة الديمقراطية. |
اقتباس:
اقتباس:
اشارات النصر قوية ، كيف شايفين الوضع هلاء ؟ ! أوباما الخيار الافضل للعالم ، الله يرحم ستو |
لك اهلييييييييين بمولانا وين هالغيبة يا كبير الجماهير كانت عن تسئل عنكم...اهلين بالاستاز محمد ابراهيم....بس لاتقللي انتخب اوباما
|
اوباما ولا ماكين ماكين ولا اوباما؟؟؟؟
بريتني سبيرز:p كللو متل بعضو لأنو الحكم عندن مو للشخص متل عنّا الحكم للمؤسسات والمؤسسات للوبي واللوبي لاسرائيل وعليكن عوض... |
اقتباس:
و غو اوباما غو :gem: اقتباس:
|
اوباما وماكين ولا ماكين واوباما يلعن فخامته بعزا فخامة منافسه
|
بــكل فخر بدّي قول مــــــــــبروك لاوبـاما و مبـروك لاميركا بـأفضل المرشحيـن ..
YES WE CAN :gem: |
اقتباس:
مع اني ماني بامريكا.. بس عن جد فرحت انو اوباما ربح.. |
أول بدي بارك لكل المؤيدين لأوباما بهالنجاح الملفت ان كانو داخل أميركا أو خارجها...
تاني شي بدي اعترف انو تحليلي كان غير دقيق... ما بعرف كيف وليش بس الحالة أبداً مانها معتاده أو طبيعية... بالفعل بوش هزم ماكين مرتين.. مرة بالانتخات التمهيدية بالـ 2004 وهي المره التانيه... داخلياً أتوقع من أوباما الكثير.. أما على الصعيد الخارجي وسياسات أميركا بالمنطقة ومصالحها الاستراتيجية لا أتوقع منه ولا من غيره شيئاً... كلمتين خفاف نضاف: يلي صار مبارح بأميركا درس بالديموقراطية... أثببت أميركا فيه أنها دولة للديموقراطية والحرية... دولة الطموح ودولة مؤسساتيه... دولة شركاء في البناء والقرار.. يحق للشعب الأميركي الفخر... رئيس أسود في البيت الأبيض... رئيس افريقي الأصل ومن الوافدين الجدد في البيت الأبيض... رئيس مسلم الأصول في البيت الأبيض... باراك حسين أوباما رئيساً للولايات المتحده الأمريكية ...هنيئاً لهم بديموقراطيتهم... وعقبال عنا ودمتم. |
الان أصبح فوز اوباما امرا واقعا ،صاحب اقل الفرص في البداية انتصر على الجميع في النهاية وممكن نتعلم من هالدرس انو "لاحياة مع اليأس ولا يأس مع الحياة " من جد وجد ومن زرع حصد ، والشاطر اللي يضحك في الاخر
الان امام اوباما 3 تحديات كبرى 1- الازمة الاقتصادية 2- حرب العراق 3- حرب افغانستان وال3 تحديات مؤثرين على العالم بشدة ونحن طبعا جزء من هذا العالم . اقتباس:
اقتباس:
اوباما 61% وماكين 38% بس اكيد الشباب بالجامعة بيوصل لنسبة ال 90% اللي قلتي عنها . اقتباس:
رئيس اميركا مش بس بيحكم اميركا ولكن شئنا ام ابينا بيؤثر عل مجريات الامور بالعالم فهو بيتدخل بصورة او باخرى وبدرجة او باخرى بكل بقعة في العالم . كلمتينك الخفاف النضاف عالعين والراس وفعلا حصل تغيير في الولايات المتحدة لحتى نوصل لرئيس متل اوباما وهو تغيير ايجابي وبيثبت ان الشعب هو اللي بيدو الاختيار وقادر على تحقيق ارادتو . هامش : بتتذكر كيف دار الحوار ليلة الرهان من اكتر من 3 اسابيع ، بدأت معك بالف دولار وانت رفعت قيمة الرهان وانا رفضت وانت صممت وقلت 10 الاف دولار ، قلت انا الفين دولار كفاية ، وانت صممت على رفع الرهان وانا وافقت . انا بدي الدولارات هلاء |
هلا بعد مرور شهر ع انتخاب اوباما للحكم..اليوم اعلن عن خطتو الاقتصادية،بحيث هي اكبر خطة اقتصادية لتطوير الاقتصاد وزيادة فرص العمل من الخمسينات. هالشي كتير مشجع ع الصعيد الداخلي بعد المرحلة السابقة وخصوصا بعد فقدان الكتييير من المواطنين اعمالون وبعد أزمة الرهن العقاري الكارثية. فايجاد فرص عمل للمواطنين شي كتير مهم وكتير أساسي بعد اللي مرقنا فيه بالمرحلة الاخير. هي على الصعيد الداخلي اما عالصعيد الخارجي لساتنا ناطرين وانشالله خير :D |
شايف في حكي عن انقاذ صناعة السيارات الاميركية.. هي جزء من خطة اوباما لما هي من نتاج الفلسفة الجمهورية الحالية؟
انا بشوف اكبر غلط هيك حركة |
اقتباس:
أما بالنسبة للسياسات الخارحية فما بتوقع انو بالمرحلة الأولى من رئاسة أوباما حيكون في نقلات نوعية خارجباً... تحياتي. |
اقتباس:
تحياتي. |
من ناحيتي لح ضل ناطر لنشوف شو بدو يطلع معو على جميع الصعد مو بس الاقتصاد
سياسيا وبالنسبة للصعيد الخارجي مالي كتير متفائل يعني مدري كيف ناطرين |
اقتباس:
|
اقتباس:
وبالنتيجة الإدارة ككل هي من يأخذ القرارات الإستراتيجية ومو أوباما منفرداً. |
اقتباس:
رئيس الولايات المتحدة بيقدر يعلن الحرب على اي دولة منفردا دون الرجوع لاي مؤسسة حتى وان كانت مجلس النواب !!(على سبيل المثال ) |
اقتباس:
بس على اعتبار أن دوائر صنع القرار في الكونجرس تكون دائماً من الغالبية "ديموقراطية أو جمهورية" وتتبع نفس سياسات الرئيس بحكم أنه من نفس الحزب والتوجه فما صار ولا مرة خلاف بهالمجال. |
اقتباس:
فلذلك هاد اخر رد الي واذا بدك حط تعليق عليه وانا مارح اقدر ارد على تعليقك حفاظا على فكرة موضوعك . حتى اكون دقيق بالالفاظ الرئيس الاميركي له قرار ارسال قوات اميركية والتدخل العسكري دون الرجوع الى الكونجرس ولكن ليس قرار اعلان الحرب اللي بيكون للكونجرس ولكن الكونجرس بينظم عملية ارسال القوات او العمليات العسكرية وحجم القوات والانتشار وموعد الانسحاب وهكذا ولا تسألني على الفرق بين (ارسال قوات والتدخل العسكري) وبين (اعلان الحرب ) ، حيث انو الدستور الاميركي بيفرق بين التنين !! واذا كان علي بعتبر ارسال قوات والتدخل العسكري "حرب" حتى اذا ما اعلنوها حرب ، خلاصة الحكي انو الرئيس الاميركي ممكن يرسل قوات لاي مكان (بس مايعتبرو هاد اعلان حرب ) وفيك تكبس و تشاهد - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
اقتباس:
بس على اعتباري صاحب الموضوع فأنا سامحلك تجاوب بغرض تعميم الفائدة وإثراء النقاش... اقتباس:
اقتباس:
يبدو يا أبو حميد انو عندك مشكل بإختيار الألفاظ على إعتبار إنك بأول مشاركة قلت انو يحق للرئيس الأمريكي منفرداً إتخاذ قرار الحرب ثم عدت لتقول أنه ليس قرار الرئيس الأمريكي منفرداً بل هو قرار الكونغرس... ولعلمك قرار إرسال قوات يختلف كتير عن قرار إعلان الحرب فإرسال القوات قد يكون بغرض حفظ السلام أو دعم قوات موجودة أو إعادة إنتشار أو أي غرض آخر... بالنتيجة منيح يلي تطرقنا لهالنقطه لأنها بالفعل مهمة... هامش : مابعرف ليش إتذكرت أحد حوارتنا حول الشيطان وشيطان يلي كمان فيه غلط بإنتقاء الكلمه أو في سوء بتقدير كلمه بتأدي لسوء فهم عند الطرف الأخر... وورده أبو حميد :D |
انا حسيت انك مفكرني متهرب من النقاش لاسمح الله :o
يا سيدي اهو موضوعك انشالله يخرب :lol: هو انا قلت الك حتى اكون دقيق وبلشت استخدم نفس الالفاظ اللي بيكتبوها هننى (انا اللي قمت بالتدقيق مش انت ) ووضحت الك اني بشوف انو ارسال قوات والتدخل العسكري (هي حرب) حتى اذا الدستور الاميركي بيشوفها مش حرب :lol: (انا ماني مقتنع ) لانو اذا ارسلت قوات او تدخلت عسكريا فهاي معناها حرب !! ولا مو ؟ وعلى كل حال انا وضحت موقفي من القضية برمتها ، مارح تأثر على النقاش هون وتاخد اكبر من حجمها (التدخل العسكري وارسال قوات عسكرية ) قرار استراتيجي ممكن يتخذه الرئيس الاميركي دون الرجوع للمؤسسات (غصب عنك :p) هامش : (لا تخليني اذكرك بانو الي عندك كم الف دولار نتيجة استبعادك لفوز اوباما بصورة لايمكن وصفها وانا راهنت على فوز اوباما ) وانت لهلاء ما عطيتني المبلغ ، انا ساكت بمزاجي ما نسيت (بس قلت لانو مارح يطلع معي شيئ ، خليني ساكت بمزاجي ) :lol: |
| الساعة بإيدك هلق يا سيدي 22:13 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون