|
اقتباس:
ولو انت اخترت الغلط شو رح يصير انا هاد الشي اللي بعتقد في بس مو معناتو انو الله بيعرف شو رح تختار لا الله ما بيعرف انت شو اختيارك بس بيعرف النتيجة تبع اي اختيار انت رح تختارو وهالشي مو نقص علم ابدا بالعكس هاد اسمو انو هوي عطاك حرية اختيار |
اقتباس:
مبدئياً هو اعتراف بشكل أو بأخر انه ناقص علم بدليل أنه تارك لنا حرية الخيار.. بمعنى أنه لايعرف هذا الخيار.. فإذاً حصرتي مهمة الإله بالمراقبة فقط و الحساب!!! يعني فينا نقول عم يحضر فيلم و مستني ليشوف أخرو مشان يوزع الأوسكار أو يشوي الفاشلين!!! و بهالحالة تضارب هذا المفهوم مع تدخلاتو السابقة يلي كان يصحح فيها من مسار الأرض؟؟.. و بهالحالة بيكون رضيان بموت الأطفال و دمار الشعوب مقابل إنو يكمل هالفلم و يشوف النتائج!!! |
اقتباس:
ليش ما تشوفها من زاوية حرية ولما هوي اتدخل من قبل اتدخل لانو كان في فساد بالارض من كل النواحي لدرجة بتستدعي انو يتدخل بس هلأ انا بنظري انو ما في هالشي الفظيع متل قبل يعني اذا بدك تقيس اللي كان عم يصير وقت اللي الله اتدخل وحط ايدو بالنص لازم تحسبها بمعايير هداك الزمن مو بمعايير عصرنا وليش لحتى ما تكون المهمة الاساسية للاله هي المراقبة والحساب على اعتبار انو انت او غيرك ما بدك ياه يتدخل بحياتك طيب هوي تركلك حريتك التامة بس انت بدك ياه يتدخل ولما يتدخل بتقلو ليش اتدخلت انو اثبت على شي راي وبعدين على اساس هالراي تعا حاسب الله ما تفكر تهجم او شي انا بس عم وضح نقطة :D |
اه وبالنسبة انو هوي علمو ناقص طيب يا سيدي واعتبرو ناقص بهالنقطة هي انت شو رح تاثر عليك؟
|
يا سَيدي كَتبتُ لكَ رداً واضحاً عَنْ ماهية الله أجبتني بما هوَ الله !. لن تصلَ إلى إجابة وَ اضحة لم وَ كَيف وَ لماذا !. كُل هذا لن يوصلكَ إلا لـِ فلسفاتٍ وجودية أنتَ لستَ مُتمكناً مِنْ موضوعك وَ هذا واضح مِنْ خلال ردودك أرجو أن تقرأ جيداً وَ تصغي جيداً لـِ كُل ما يُقال وَ نقاش وَ لا تطرح أسئلة مُعاكِسة تعيدنا لأول الطرح الله " فكرة " فقط !. استغلها الإنسان بـِ كافة الوسائل كما استغلها طَرحكَ هذا في إثارة جدل لا يوصلُ إلا حل " أعطني حَلاً أعطيكَ إلهاً " . . |
طيب زيرو .. هلأ الله من منظورك ..
عم يراقب .. ويحاسب .. او عم يتدخل .. لانو بالرد موجود التنين .. الله .. معروف انو التنين .. اي برأيك .. ما لازم يتدخل وكل نهار عم يمتلو شي الفين طفل والفين بني آدم ما لازم يتدخل وكل نهار عم يبنو نووي .. مشان يهدمو الارض اللي عملا هوي .. وتعب فيها .. الله .. بمنظوري الخاص .. لوحة افضل النظر اليها .. بدلا من ادخل في خطوطها المتقنة .. المتقنة : تم رسمها من قبل اناس ازكياء .. جدا .. |
اقتباس:
بهالحالة بعبد حالي انا .. لانو ناقص انا .. صح او لأ |
اقتباس:
يجب علينا ان نفهم .. انه لا مستحيل .. والحلول موجودة .. اينما كان .. موجودة وبكثرة .. ولكن يجب ان لا نمل من التفكير .. لانه هذا هو الشيء الوحيد .. اللذي نقوا على فعله |
اقتباس:
طيب هلأ لو ما كان حدا عم يموت على وجه الكرة الارضية كانت الارض ما صفي فيها مكان تشك دبوس وبعدين لو الله بدو يتدخل بالشاردة والواردة وبكل واحد عم يعملو كم عملة غلط كان ما اسمها حرية يعني لو كان فعلا هيك كنت لقيتني اول وحدة بتوقف وبتقلو ليش ما عم يعطينا حريتنا بالعكس هي قمة الحرية وبعدين الكرة بملعبك يا اما انت بتفوت جول على فريقك يا اما بتفوتو لفريقك يعني يا اما بتعيش وبتنقي الصح وبتبعد عن الغلط يا اما بتعيش كمان وبتنقي الغلط وبتبعد عن الصح القصة راجعة الك مو الو :D :D |
انت ليش شايف القصة من زاوية فلم واوسكار
ليش ما تشوفها من زاوية حرية ياعيني هو يلي ما بدو ياني شوفها من هالزلوية لما يقول انو يعلم كل شيئ و لانحيط من علمه شيئاًً يعني هون في تناقض غريب ولما هوي اتدخل من قبل اتدخل لانو كان في فساد بالارض من كل النواحي لدرجة بتستدعي انو يتدخل بس هلأ انا بنظري انو ما في هالشي الفظيع متل قبل يعني اذا بدك تقيس اللي كان عم يصير وقت اللي الله اتدخل وحط ايدو بالنص لازم تحسبها بمعايير هداك الزمن مو بمعايير عصرنا أيوا !!!!!!!!!!!!!! هون بدك توضحيلي شو معاييرك؟؟؟ اجو بدهون يهدمو الكعبة بعتلون الطيور الأبابيل؟؟ خسف الأرض بأقوام لأنو كفرو؟؟ عمل قوم كامل أصنام لأنون زعجولو نبي !!! طيب على حكيك شو مشان مليارات الكفار اليوم؟؟ و ينو عنون؟؟ و شومشان ألاف المقدسات يلي عم تنتهك اليوم؟؟ هي مابتهمو؟؟ ياريت تعطيني مثال عن يلي صار قبل و هلأ ما عم يصير!!! شو مشان ملايين الأطفال يلي عم بيموتو من الجوع و الفقر؟؟ مابيستاهلة تدخل؟؟ وليش لحتى ما تكون المهمة الاساسية للاله هي المراقبة والحساب على اعتبار انو انت او غيرك ما بدك ياه يتدخل بحياتك معناها حكينا صحيح لا عم يتدخل و لا كان يتدخل.. معناها القصة كلها كذب بكذب.. و اذا ما عم يتدخل ليش ولا بيفيد و لا بيضر فارض علينا عبادتو؟؟ طيب هوي تركلك حريتك التامة بس انت بدك ياه يتدخل طبعاً ياريت يتدخل للأخسن اذا بدو يتدخل. ولما يتدخل بتقلو ليش اتدخلت صدقيني و لا مرة اتدخل و ناقشتو بالموضوع انو اثبت على شي راي وبعدين على اساس هالراي تعا حاسب الله ياريت توضحيلي الأفكار يلي تعارضت مع بعضا لأنو على مايبدو رأي ماعم يوصلك.. و أكيد المشكل مني :D |
اقتباس:
:D |
اقتباس:
شو محلو من الاعراب ؟ |
اقتباس:
بس الفكرة اني عم حاول ناقش الموضوع على كافة المستويات و على مستوى جميع العقول :D |
اقتباس:
ازا ما كان عندي ايمان بخالق ما .. بكون مثلا معلش اغتصب أي بنت بالشارع ؟؟ بركب و بسرق أي سيارة بلاقيا؟؟ لا تربطي بين الأخلاقيات و الإيمانيات.. الأنسان و بسبب عقدة ما تاريخية كان يبحث عن شيء يشعره بالأمان ..حتى لو نفسيا ..عبدو الشمس عبدو الحجر ...الخ الترغيب و الترهيب هي كالسكاكر للأطفال .. يعني خود ساعد ها الختيارة بحمل الغراض و خود عشر ليرات .. اي لا خيو انا بدي ساعدا و ما بهمني ازا في 10 ليرات أو لا .. فالمجتمعات كانت تبحث عن شيء قادر على ربطها بالمعايير و الأخلاق..طبعا مع تغير هذه المعايير حسب المجتمعات و جغرافيتها ...الخ اما عن موضوع التسيير و التخيير.. هذه ثغرة كبير.. عندما قتل الخضر الطفل الذي كان يلعب مع أصحابه و برر ذلك فيما بعد انو الطفل كان رح يطلع عاق لوالديه و رح يجرن عل ضلال ... ممم سألت مرة استاز الديانة .. ليش ما بصير يوم القيامة دغري ازا الرب عارف شو رح يصير .. جاوبني .. مشان يقيم الحجة عليك .. مشان ما يكون عندك حجة.. طيب هل ولد شو ؟؟ المهم اذا كان عالم فلامبرر للحياة فعلا و اذا كان جاهل فهو ليس إله فبسقوط أهم صفة له تسقط باقي الصفات .. انو هيك هي وجهة نظر تحليلية |
اقتباس:
كما وجود الإله ضرورة منطقية لـِ مواصلة العالم الحياة رغم أنه تم استغلال فكرة الإله مِنْ أجل تبرير الخطط السياسية و سلب الأموال منَ الشعوب إلا أنها فكرة تنظم حياة المجتمع وتبعده عن العشوائية الحيوانية التي قد يعيش بها في حال إعدام تلكَ الفكرة اللطيفة ,. |
أنا بظن بانو العبادة بتكون لشيئ يفوق قدراتك و يجعلك تشعر بصغر حجمك و قدراتك تُجاههة
و بخالفك الرأي بخصوص ما ذكرت ؟ اقتباس:
|
ارى ان "اللة" فكرة اخترعها العالم لفرض نظام اجتماعي معين... وبما انو اللة مصوّر كتلك القوة العظمى الخارقة والمبهمة... وبما ان الناس تخاف الشيء المجهول المبهم... فكرة "اللة" نجحت... والخوف من اللة ازاد... والعقول البلهاء والحائرة استمرت بالانجراف...
|
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - موضوع ذو صلة تفضلو لأشوف |
بتخيل اني فوت و شارك بهيك موضوع هوي خيانة لثقة أهلي فيي..(خوفن عليي بسبب اني ما طبقت السن القانوني بعد)بس كان لازم اعطي رأيي...
نحنا ما فينا ننفي كل شي آمنوا فيه آباءنا و أجدادنا بكلمة وحدة...بس كمان ما فينا نجمد عقلنا و كل شي منضعف عندو أو منشعرو أقوى منا نلزقو بشي مجهول "الله" أنا ما عمبحكي هيك عن عدم إيمان..أنا مسلمة مؤمنة و الحمد لله..و ليكني بشكر الله على كل شي.. بس يا جماعة هاد الشي الحلو يللي الروح الانسانية جزء منو ..عمنشوه مفهومو.. يعني بالمختصر المفيد:مو الإله يللي منآمن فيه هوي نفسو الإله يللي بيحرق بالنار و يللي منخوف منو الولاد إذا شاغبوا...و مو هوي يللي لما ما مندرس و ما منعذب حالنا و آخر شي لما منفشل منقول هي إرادتو... لا ..بالعكس..الله سبحانه و تعالى هوي يللي ايمانا فيه بخلينا نشوف كل شي حلو بالكون..و بخلينا نعرف كيف نتصرف بإنسانية..و بالتالي نعرف كيف نكون بشر.. |
اقتباس:
اقتباس:
هلأ انا تربيت هيك .. بس انو وقت كبرت .. وتغيرت شغلة الدين فيي .. تمت هي الثوابت اللي زرعوها اهلي فيها .. انو ما ضروري الواحد يكون متديّن لحتى يكون انساني .. ما ضروري يعترف بالله ليعمل صح .. وما كل واحد بيعمل صح .. بيعترف بالله .. |
اقتباس:
|
اقتباس:
لكنك فعلت العكس لأنك مؤمنة بشئ ما و أحسستي بالغيرة على هذا الشيء و هذا هو الصحيح .. فلا تدعي الشكليات و العناوين تأثر فيكي .. الثقة موجودة و الإيمان موجود |
ممكن حضرات المثقفين أصحاب العقول النيرة يقولولنا عن أنو الله عم يحكوا منشان نعرف نرد أو لا...
الله عند المسلمين أو المسحيين أو اليهود....؟؟؟؟ لأنو في فرق و فرق كبير و أكيد أصحاب العقول بيعرفوا هالشي يا ريت ما حدا ايقول اني ناوي اتهجم أو فرّق بين اسلام و مسيحيين....لأني مؤمن بأفكاري و ديني فقط......يعني فقط |
اقتباس:
من نظرة العقل .. ثم العقل |
ان الله هو الشئ الذي لا يمكن ان تصفه ُ بعقلك او بحواسك او بثقافتك المقتصرة على البحث في شؤون هي اصلا تحتاج الى تدقيق ، ( متى نكون ُ تحت يد ٍ تحكمنا الى الابد ؟ عندما لا نستطيع ان نصف هذه ِ اليد ، وفي نفس الوقت تتحكم ُ بنـا وتسيّرنا كما تشـاء ، وفي اي ّ وقت ..
ان الله موجود ، ولكن اين ؟ وما الذي يؤكد ُ صحة كلامي ؟ سأقول لك عزيزي الكريم .. نحن ُ نتبع ُ الله عن طريق كتابه ِ المنزل ، والذي نسير ُ عليه ِ ، وهو َ الذي اثبت وجود العديد من الاشياء الصحيحه والتي لامسناها في حياتنا ، فمثلا ًَ : يوجد سورة قرآنية تتكلم عن نجم ٍ يسير بسرعة ٍ فائقه وهذه ِ السرعة اعمق واسرع من كل ما تتخيله انت او من هو اكبر ُ منك َ في التفكير ، فيقول عز وجل عن هذا النجم ، انه اذا نقصت سرعته ُ قليلا ً ، فان صوته يصبح مثل صوت المطرقة على الطاوله ، وهذا ما حدث وقد اثبته ُ العلماء وسمع َ صوته ُ وتأكد منه علماء الغرب الملحدين واسلم منه الكثير والآية القرآنية ( والسماء والطارق ، والنجم الثاقب ) ... الخ ( صدق الله العظيم .. لكن ما فائدة كلامي هذا ، سأقول لك ايها الباذخ .. بمجرد اننا نتبع شيئا ً يحدث من هذه ِ اليد الخفيه اذا ً ، كل ّ شــئ ٍ ، يقوله ُ الله صحيح وبنفس الوقت نحن ُ لا نعلم صورته ُ ولا نستطع ان نفكر َ ولا ان نعتقد ان شكل َ الله ، بهذه الطريقة او بتلك ، بينما لو انك مثلا ً اردت ان تتبع َ (الاساطير ، او ما يسمى اله ُ ُ لشئ مـا ) مثل كيوبيد او زيوس ، او او الى اخره ِ .. فهذه لها اشكال وقد رسمها التاريخ ووضحها ، وعرفنا شكلها ، وهذا ما يميز الله ، عن هذه ِ المخلوقات .. وأنت مثلا ً اذا اردت ان تعبد َ البقره ، فالبقره مفيده ، تعطيك حليبا ً ، وجنبه ولحمه ، ولكن هذه ِ البقره ستموت .. وبالتالي ستبدأ بالبحث عن بقرة ٍ اخرى ، وهكذا ، حتى تصل َ الى نهايتك ، ولن تحاسبك َ البقره .. عندما تتألم انت َ او مثلا ً اصابتك َ مصيبة ، فأول ما تبدأ بالقول : ( يا الله ساعدني ، اخ او اي ام اع اف از اق اج ) وهذه الحروف فقط على ما سيخرج منك َ اثناء الألم .. ( وهي تشمل المسلم والمسيحي ، واليهودي ، والبوذي ) الخ .. عزيزي الكريم : لقد جأت تتحجج ُ باحجيات ٍ باردة يطبخهـا فقط من هُم اشباه ُ اوراق ، واصبحت تتكلم ُ عن ظلم الله ، وعن عدله ِ وعن وعن وعن .. اذا ً نحن ُ بالاصل وكما تحدثت انت خلقنا بدون ِ فائده ، اي اننا عبثيون ، والعبثية واضحه في كلامك ، ( فعندما تموت ، وانت طبعا ً ستموت ، ستكون في مكان ٍ ، يدهشك فما فعلته ُ بالدنيا ستلقاه ُ بالآخره وهذا ما يثبت عكس كلامك ، اننا بدون حاكم ، يحكمنا .. ) .. ان الشيطان وهو شيطان ، يظن بأن رحمة الله ستصله ُ من شدتها يوم القيامه ويوم الهول ، العظيم .. وان الله خير الماكرين ، مع الماكرين ، وغفور رحيم مع التوابين ، وشديد العقاب مع الظالمين .. وهنا تكمن ُ حكمة الله ، من هذه ِ الناحية .. اكتفي هنـا ولكن سأوضح ُ لك َ شــئ اخيرا ً ، وهو َ يدل ّ على ان الالحاد هو عناد ، فقط ..: لاحظ ما هو مكتوب تحت اسمك : المطرح : في مكان تعب منه الناس من الدعوة الى الله .. ، وماذا يدل ذلك ، وعلى ماذا ؟ لقد خرج الدود من لحم سيدنا يعقوب عليه السلام ، وبعد سنين ، قال : ربي قد مسـّني الضر ّ .. فهذا سيكون جزاءه ُ ، الجنه ، اما انت َ اذا بقيت َ هكذا فسيكون جزاءك َ جهنم َ وبأس المصير .. وهذا هو الله ، يعطي كل ذي حق حقه ُ .. اشكرك .. |
اقتباس:
هي اول نقطة صحيحة بالموضوع للأسف تعلمنا من صغرنا ان الأديان كلها بتدعي لنفس الله وهي اكبر فكرة غلط لأن ما كل دين دعا لله الواحد بيعني انه دعا لنفس الإله انا بهي النقطة بسجل اعجابي لأن فعلا تاريخيا والوصف اللي قدمته الاديان " السماوية " الثلاثة بيختلف تماما فيها وصف الله وبيختلف فيها الأمور المتعلقة فيه بعتقد سؤالك بلب الموضوع وصحيحي 100 بالمية انه على اي رب عبتدافعوا انتو ؟! مشان نعرف نحكي :larg: |
اقتباس:
أول شي الغريب بالسؤال انو بتتخيل انو في إله لكل واحد من هالأديان؟؟ و الفكرة الأساس بالموضوع متل مانو مشروح ( اذا قريتو طبعاً) لا يناقش صلب الأديان... يعني الموضوع هو موضوع الإله الخالق لهذه الحياة ألإله الخالق مفهوم موحد لدى كل الأديان (السماوية).. الإله العادل مفهوم موجد لد كل الأديان (السماوية).. الجنة و النار مفخوم موحد عند جميع الأديان (السماوية).. يعني نحنا عم ناقش هالأفكار ببساطه و دون المس بالأديان.. |
اقتباس:
اي اهلين صديقي الحديث عن الله بشكل مطلق دون التعرض لأيات قرآنية رجاءا الموضوع عقلاني بحت |
تــــــــــــامر : أشكر مرورك لكن نقاشك من باب ديني بحت و للمرة الألف لا أريد للموضوع أن ينحو هذا المنحى.. و للمعلومات كل ماقلته عن وجود الإله سنسير معك به لكن للأسف لم تجيب عن أي من الأسئلة المطروحة في الموضوع.. و لا أدري هل الله ضعيف لهذه الدرجة التي تجعلك مستفزاً إلى هذا الحد؟؟ هل النقاش حوله يهينك إلى هذه الدرجة لمعرفتك أنه نقاش لامنطقي؟؟
اقتباس: فسيكون جزاءك َ جهنم َ وبأس المصير .. إذا كنت أنت من سيحدد مصيري فأفضله جهنم كي لا ألتقي بك في جنتك...:D |
اقتباس:
طيب سؤال الك انا اذا حابب افبرك شي قصة وما بدي حدى يكشفها شو المطلوب مني وكيف بدي أمن لحالي ان ما انكشف ؟! انا بجاوبك عنك مطلوب مني اولا اني ارفع المادية عن الكائن الموصوف خوفا من وصعه تحت المجهر وتحليله وبالتالي اكساب الطابع الروحي لله كان جدا موفق بهي بالنقطة ، مع محاولة وضع التفاسير انه الله " مثل الهواء نستطيع ان نشعر به لكن لا نراه " بس صاحبك الفهمان اللي شبه الله بالهواء نسي ان الهواء ظاهرة ممكن نراقبها عن طريق الفعل اللي بتخلفه ورائها يعني انا بعرف هوا وقت بشوف الشجر عبميل لهيك بقدر الاحظ اثره الفيزيائي هي اول خطا وقع فيه اول " داهية " واللي تاريخيا اسمه ابراهيم الخليل . تانيا : شيء حسي لا يمكن ادراكه ولا يمكن وضعه تحت المختبر ما بتسأل حالك اكيد معناها هاد موجود اذا ما عندي وصف دقيق اله وما عندي دليل لوجوده شو هوي دليلك الدامغ اللي بأكد لك انه فعلا موجود ؟! اقتباس:
على الهامش : تعمدت اني ما رد على الآية اللي انت جاية مشان ما نخصص الحكي بأحد الأديان اقتباس:
كيف بدك صدق الجنة مثلا هلق بعقد ما عرفت انها فكرة اغريقية بحتة !؟ بدك ياني صدقها معناها عبتطلب مني صدق انه في زيوس وعبتطلب مني آمن انه في كيوبيد وفي اثينا وفي وفي وفي وفي يعني انت هلق نزلت بمفارقة غريبة انك عبنتقد وصف الآلهة الاغريقية بالوقت اللي وصف الآلهة باكتر من ناحية جاء مطابق تماما لوصف الآلهة الاغريقية . اقتباس:
اقتباس:
اقتباس:
اقتباس:
طبعا عبحكي معك بحسب الاسطورة اللي انا بحب اسميها اسطورة " الثائر والدكتاتور " واللي بمفهومكم " اسطورة الله والشيطان " تاني تلوينة بالأحمر : الرجاء تحتفظ شوي بلباقة الحديث احسن ما ينط لك واحد يقول انك عبتعطي احكام مسبقة لأن في كتير عالم مني وجر وصل لهي المرحلة بناء على تفكير وتفكير كتير عميق وبحوث يمكن اذا ذكرت اسماء الكتب بدي مشاركة من 15 سطر فيا ريت ما تحط احكام مسبقة احسن ما يجي واحد يقول لك كل المؤمنين متل الجيجات ما حدا منهم بيسترجي يشغل مخه وبالتالي ما بيختلف عن بقية الكائنات الحية بشي " اذا اعتبرنا ان العقل هو المميز بين الانسان والكائنات الاخرى " اقتباس:
"ان شاء الله " يكون حاطط مطرحة بجهنم انت ما من حقك تعقب على الشخص طالما الحديث لا يدور حوله نحن عمنحكي هون فكرة فالرجاء عدم " شخصنة " الحوار . |
اقتباس:
يعني مثلا ً لو انك اقنعتني بكلامك كان رديت عليك بكلام تاني بس ما اقنعتني ورح ارجعلك ، ولا اهم شواربك ومتل ما بدك .. :D |
اقتباس:
حابب ازكر قصة صغيرة معروفة عن شخص كان متلكون بيحاول يفهم الله بعقلو... بيوم من الأيام كان عم يتمشى عالشاطئ و عم ايفكر....مين الله و وين هو؟ لقى صبي صغير عامل حفرة صغيرة بالتراب...سألو الشخص لشو هي الحفرة؟؟ قللو الصبي: بدي فرّغ ميّ البحر جواتا.. الشخص ضحك و دار وشو و مشي.....بس بعد لحظة اتوقف عن التفكير و رجع اتطلع ما لقى الولد و فهم إنو كانت رسالة.... بإنو ما فيك تستوعب الله بعقلك...متل الحفرة اللي ما بتسع لميّ البحر بس قدرتوا تفرغوا مي البحر بحفرة صغير رح تقدروا تفهموا الله بعقلكون |
اقتباس:
شكلك تعبت اخي وانت تكتب :lol: رح جيبلك اكم قصة اريحك ، من هذا الهوس ، اليوم في شغله صغيره بس لو بعرف انو نقاشكم ، هيك كلو بالعامية ، كنت رحت على جيما كاترس ابولوين :D |
اقتباس:
|
اقتباس:
يا اما أنا ما فهمت عليك..يا اما انت ما فهمت عليي:? |
اقتباس:
|
انا فهمت عليك ..
قصدك انتي انو عقلنا " عاجز" عن استيعاب الله وجبتلي هدا المثال .. تبع الولد اللي بدو يعبي البحر بحفرة صغيرة .. طيب يا حبيبي .. هوي البحر .. بحفرة اصلا .. الولد = نحنا " مع احترامي النا " ... الحفرة الصغيرة " بمنظورك " : عقلنا .. البحر هو الله عندي انا : الزلمي اللي عم يفكر عن معنا الله = نحنا .. البحر : الله ... الحفرة الكبيرة : القوى الموثرة اللي ادت لوجود البحر "" الله "" ... الولد : هوي انتي.. الحفرة الصغيرة : عقلك .." كمان مع احترامي الك " ليش لنفكر بالولد .. ما نفكر بالبحر .. ليش لنفكر بالحفرة الصغيرة وما نفكر بالحفرة الكبيرة .. اللي عبي فيها البحر .. انتي معي هلأ ؟ ولا كمان بدك |
للأسف "تائه" عم احكيك شرق تردلي غرب متل التائه....كمان مع احترامي لعقلك
عالهامش: أنا قريت الموضوع فقط و ما طلعت عالردود بردي الأول...و الظاهر كم شب تحسس من كلمة عقول نيّرة و ما الى ذلك بلاك: 5دقايق و شوف شغلك مع هي المشاركة |
اقتباس:
|
هلئ أنا توصلت لنتيجة جميلة اللي ما اقتنع بوجود الله يكفيه وجود الأعراف والتقاليد الصارمة كـَ مُنظم لحياته لكن هذا الشيء بيمنحه حرية في الاعتقاد . واللي مقتنع بوجوده خليه مارس دينه حسب الأصول بس سؤال للمؤمنين هل تمارسون صلاتكم بخشوع . ؟! و هل تطبقون الدين كما طلب الله منكم يا مؤمنين . !؟ أشك !. وتحية لصاحب الموضوع ولكل المحاورين :D |
| الساعة بإيدك هلق يا سيدي 20:45 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون