|
اقتباس:
الفساد اهلية محلية داخل الحكومة.. هاي ما صفّى الحق لا ع أميركا و لا عالأكراد... وبيني و بينك عينك عينك واضح مين فاسد و مين لأ... النفوس الضعيفة و الخونة... لساتني ماني فهمان عن مين عم تحكي... لأنو معلم كلامك عام جدا... خصص يخليلي ياك لأنو التخوين و الديمقراطية ما بينجمعو.. ما يصح الا الصح و ما حدا خاين الا الخاين (و الخيانة كلمة كبيرة كتير... كتير زيادة.. و مو كل من قال لأ و دقو فيه الأمن خاين لا والله) |
اقتباس:
لاء وبيطلع معو انو بسوريا احسن وشوف قلة ادب الاميركان (على رايك) ووين هنن ووين نحنا |
رسالة متميزة تجمع ما بين الصدق والجراة واحترام سيادة الرئيس . ياريت كل الموضوعات تكون محترمة وتعبر باسلوب يعكس وعي وادب الكاتب حتى تصل الفكرة بود واحترام . هامش : ارجو من السيد القلب الدافئ عدم الخروج على الموضوع بعدد كبير من الردود ، هي مجرد رسالة محترمة ومؤدبة ، لو ماعندك تعليق عليها ، علق برا الموضوع بموضوع منفصل ، مع الود الاحترام :D |
اقتباس:
كل هالحكي.. هاد كلو ما يبرر اللامبرر.. و اللامبرر انو يندق بناس بسبب كلمة.. هاد ما يبررو شي لو قاري حكيي قبل كان شفت انو أنا أول واحد بقول انو الديمقراطية مانها قميص ينلبس .. بدها طريق طويل كتير... بس بهالطريق في خطوة أولى لازم تنمشى ما عم ينمشى فيها... هاد حكيي... عم تعملني كأنو بدي جيب أميركا عالشام يا زلمة حبة حبة علي!! ازا كتير مقتنع انو الحكي صح فين اسألك ليش عم تفوت ع موقع محجوب أمنيا؟ اذا مقتنع انو عم يشتغلو صح ليش عم تفوت ع أخوية ازا صوفتنا حمرا (مجرد تساؤل يعني) اقتباس:
و لأ مو كل الشعب السوري متلنا... اساسا أنا -لحسن حظك صدقني- ماني متلك .. بس لما انت أساسا معتبر الاختلاف جريمة ضمنيا -لا تقلي لأ... من أول رد زتيتها عالديانات المتطرفة و عالأكراد...- و عم تخوّن بشكل رهيب... حكي الشب ما فيو شي سياسي ازا بدك.. مطالب عادية رأسا قلتلنا مؤامرات و انقلابيات و عبد الحليم خدام و مدري شو... لا تجي هلأ تحط الحق علي يا معلم انت من أولها خارج سياق حكينا تماما |
اقتباس:
|
يا ناس في أساسيات مالها علاقة لا بالسياسة و لا بالموقف السياسي... في شي انساني بحت مالو علاقة اذا فكرك هيك أو هيك.. هالأساسيات لازم الكل يتفق عليها... الاختلاف السياسي بالنهاية شي طبيعي و حتى هو اغناء... لكن في أمور اعتقد ما نختلف عليها أبدا.. أو المفروض هيك
و تحياتي |
كلامك صحيح والرسالة رائعة جدااا
انا بس حبيت وصل الفكرة الرئيسية اني الدمقراطية مو بيوم وليلة"متل ما قال ياس " بتتحقق وبمجرد رسالة لرئيس الاسد واني هي بتحتاج لتحضيرات وشغل كتير من الشعب والحكومة واني الرئيس بشار الاسد مو هوي يلي عم يمنع الدمقراطية ... بالعكس رئيسنا منفتح ومتحضر بس في عوائق كتير للدمقراطية (يعني الوضع معقد وخصوصي بالوقت الراهن ) لازم يكون في اساس متين للدمقراطية مشان ترسخ عليه وبظن اني وصلت كل وجهات النظر من كل اخواني السوريين وبشكر ياس على وجهة نظرو ولنا لقاء اخر في المنبر واخيراً انا مالي مع الاعتقالات الغير مبررة بمجرد كلام او اوهام او شكوك |
جميل جدا احسنت
ولكن الاموات لا يستجيبون (( اصحاب الشعور الميت )÷) |
رسالة رائعة صديقي
الأصدقاء بالمنتدى يلي عم يدافعوا عن البعث على أساس أنو النظام بعثي صدقوني ياريت ومن ثم يا ريت أنو يكون النظام في سوريا هو نظام بعثي النظام في سوريا ليس بعثي وليس قومي وليس شيوعي وليس محكوم بأي أيديولجيا لان الايديولجيا حدود وقواعد وهذه النظام ليس لديه قواعد او حدود وهي دائماً في إزدياد تبعاً لمصالحه حزب البعث رغم تحفظي الكبير على أي فكر قومي لكن هو حزب وطني في أساسه تأسس على أيدي مناضلين عانوا وسجنوا وأعتقلوا لسبب أنهم امنوا بمبداً وجدوه انه الانسب للوطن لكن هذا النظام ليس بعثي هو نظام مصلحي لا يشبه إلى أنظمة المافيات |
الموضوع عبارة عن رسالة راقية لسيادة الرئيس المبجل بشار الأسد حفظه الله تعالى و قدس الله سره ..
ما في داعي لحملات التخوين بالموضوع أولا ً .. و ما في داعي لتصير الردود عبارة عن واحد بيدق التاني بيرقص .. و للتذكير إذا في أي مشكلة زر المثلث الأصفر .. حدا يعطينا تبليغ بكون أفضل شيء بعملو .. دمتم .. |
مشكور صديقي على ماكتبت . كلنا فداء سورية . وكلنا يتمنى أن نرى سورية من أفضل دول المنطقة .
ولدينا القدرة . على تحقيق المكان المنشود . من دون تخوين . ومن دون وجهات نظر أحادية . تلغي جميع ماحولها . |
اقتباس:
يعني كلامك يا صديقي كله شعارات،وزمن الشعارات ولى كما تعرف مين الخونة هل ممكن ان تحدد لي مثلاً هل الغير مؤيدين للنظام هم خونة هل الغير منضوين تحت لواء الجبهة الوطنية هم خونة يعني لو كان الخونة في كل مكان كما تقول إذا هم اغلبية؟ وبالتالي لديهم الحق في الحكم شرعاً بالطبع هم لا يعتبرون نفسهم خونة بل يعتبرون النظام خائن على سبيل المثال رجاء ثم رجاء ياصديقي دعنا أن لا نتتكلم في الشعارات تكلم منطق وواقع يعني واللله بتذكرني بأيام الطلائع بالمدرسة على كل ننتقل لموضوع ان الشعب لا تليق به الديمقراطية وأن السلطة الحالية هي المثلى لحكم الشعب انا أستنتج من حديثك إذن بان السلطة الحالية لاتمثل إرادة الشعب طيب قد نتفق فانت تؤمن بان الشعب لا يعرف ما يختاره وتؤمن بان على النخبة ان تحكم الشعب حتى يصل الشعب إلى طريقه الصحيح وهنا تعتبر انت ان نظام الأسد هو نخبة سأفترض معك أن جميع الشعب هم من الدهماء وأن السلطة هي نخبة لكن ماذا فعلت هذه النخبة بعد أربعين سنة من الحكم هل طورت الشعب ورقته ليصبح شعب أفضل ممن كان عليه ؟؟ طبعاً الكل يجمع بأن الشعب زاد تخلفه خلال حكم هذه "النخبة" له طيب بكونك تؤمن بهذه النظرية ما رأيك ان نجرب نخبة أخرى إعلان دمشق مثلاً هل تعتقد ان الأعلان أيضا هم من الدهماء أكيد لا فأنت تعرف بان غالبية الاحزاب المنضوية في صلبه هي أحزاب تقدمية وجميعها نخبوية في أعضائها والشخصيات المستقلة من اهم المثقفين في سوريا أكيد سترفص وهذا يدل بانه لايؤرقك الوطن ومصلحته ولاهم يحزنون الأساس عندك هو بقاء هذه السلطة بشخصياتها بالحكم طبعاً انا لا اؤمن بحق النخبة في حكم الشعوب وبهذه النظريات الشيوعية البائسة،انا أؤمن بحق الشعب بتقرير مصيره حتى لو لم يكن هو المصير الذي أريده لأن الشعوب تتعلم من التجارب كما قال أحد الأصدقاء في أخوية مشكورا وخطوة خطوة مع الديمقراطية نرقى لمجتمع رائع يعني التجربة الاوربية رائدة في هذا المجال؟حتى في مناهج المدارس التي تقرها السلطة في سوريا تعملنا ان اوربا كانت تعيش في ظلام دامس لكن هاهي أوربا بسب الديمقراطية والمؤسساتتية التي هي بصلب الديمقراطية تسبقنا مئات السنين حتى لا نقول ألالاف بكلتا الاحوال قد يرى البعض باننا خرجنا على الموضوع وهو الرسالة لكن كل هذه المداخلات كانت في صلب الرسالة غير ان بعض المداخلات الشعارتية شتتها وإعتذراري لكاتب الرسالة سلام |
اقتباس:
|
اقتباس:
|
اقتباس:
لكن لايمر نقاش دون تخوين ودون خلط للمفاهيم ودون ودون . رغم ان مايجمعنا هو حب الوطن. وحبنا للوطن يشجعنا على بنائه . فكيف نبنيه ان أفترضنا توقف الزمن . وتوقفنا عند خيانة خدام . وأجرام الأخوان . وأتينا بالأمثلة السيئة من العراق وحتى أفغانستان . (طبعا هذا الكلام . كرد على النقاش الذي دار في هذا الموضوع ) |
لقد أسمعت لو ناديت حياً **** و لكن لا حياة لمن تنادِ
ولو ناراً نفخت أضاءت **** و لكنك تنفخ في رماد واحد يقول انه الرئيس منفتح ( الباب اللي بيجيك منه ريح احسن من عشرة عالشجره :lol: ) والاخر يقول ما بتلبقلنا الديمقراطية ( شعب جاهل ) والتاني يتهم الاخوان بالاجرام (( مين اللي اندبح بحماه ) ) واحلى الشي طبعا نحن احسن من اوربا (( اكيد )) اولا هاد المنفتح بدو الف سنة حتى ينضف البلد ( عيش يا كديش )) و نحن اول شعب ديمقراطي بالمنطقه وكنا الاحسن والارقى ( سوريا 1950 -- 1970 ) , الاخوان حزب له شعبية و قد قاربت الى ان تكون له اغلبية في البرلمان , وان تكلمتم عن الديمقراطية ابدأوا بانفسكم ودع الشعب يقرر من باع البلد , اما اننا افضل من اوربا فهذا اكيد السبب اننا نفكر 1000000 مرة اكتر منهم الاوربي يفكر بالعمل و الاجازة اما السوري فيفكر كيف يومن الاكل والمدارس واجار البيت و المواصلات ووووووووو ينتهي اليوم والاخ ما خلص تفكير ((( احسن بكتير ))) ملاحظه لست مع الاخوان ولكني احب الناس الثابتين لقد أسمعت لو ناديت حياً **** و لكن لا حياة لمن تنادِ ولو ناراً نفخت أضاءت **** و لكنك تنفخ في رماد |
صديقي لو لاحظت ردي . سترى أني أرد على ما ذكره القلب الدافئ . وخلاصة القول أن مايراه احدنا
خيانة ربما يراه الأخر عكس ذلك . والحل في أن نتقبل بعضنا . وأن نتطلع للمستقبل بدل التوقف عند أخطاء الماضي . ما يعتبره البعض خيانة لخدام ربما يعتبره البعض تراجعا عن الخطأ . وهكذا . والموضوع هو رسالة لسيادة الرئيس كتعبير عن حبنا للوطن . فلا يجب أن نبقى نلغي ونخون . أما بالنسبة لموضوع الأخوان رغم أنو خارج موضوعنا وماحابب ناقش فيه . بس ياريت ماتخلط بين مجازر حماة يلي الكل بيستنكرها . وبين أخطاء الأخوان بالتفجيرات وغيرها . ويلي هنن أعترفوا فيها . |
اقتباس:
|
اقتباس:
ولكن عهد الخوف قد ولا ان الاوان للاحرار ان يفيقوا ولمساجين الرأي الاخر ان يجدوا من يقف معهم |
اقتباس:
|
كنت بتمنى اني كون اول وحدة بقرأ الموضوع وحط اسمي كمان بالرسالة
شكرا:D |
اقتباس:
|
رسالة من القلب
شكرا فيفا |
اقتباس:
|
انو بعد اخد ورد ... وامتناع شوي عن السياسة خصوصا سوريا داخلياً
بتشوف هيك موضوع ما بتقدر ما تحكي فيه يا معلم فهاد يا سيدي ردي رح يكون من قسمين اول شي بحب اشكرك يا معلم لأنو ما رح قول اول مرة بس من زمان ما عاد شفت رسالة بهالنمط هاد وبذات الوجهة بس بعيدة بكل اشكالها عن الغوغائية والسفسطائية اللي لهلئ بتمر ادامنا كل يوم بشكل غير منقطع بشكرك عهالرسالة لآنو كمان من زمان ما عاد شفنا رسائل بهالشكل هاد ما بتتطرق بمضمونها لمصطلحات التخوين والعمالة عرض ورفض الديموقراطية اللي صار كل ما دق الكوز بالجرة منادي فيها ونندد فيها ( واللي هلئ بلشت تفقد قدسيتها لهالكلمة ) رسالة خالية من أي انتماء طائفي اقليمي سياسي حزبي .... باستثناء انتماء ورابط وحيد هوي ( المواطن والوطن ) رسالة بتكفي اي مواطن يتخذها دستور شخصي الو ... وقتها بيكفيه شرف انو يكون اسمو مواطن ... ووقتها بيقدر يقول عن حالو عايش بكرامة شو ما كانت الاوضاع هلئ الشق التاني من ردي .... قبل ما بلش فيه بحب نوه لشغلة انا ما عماحكي عن شخص بزاتو موجود بهالموضوع او غير موجود ... يعني ما بخفيك ... ممكن اتطرق لحدا مشارك بالموضوع بس بنفس الوقت رح اتطرق لعالم ما موجودة بهالموضوع -- لكل شخص عميذكر العمالة والتخوين بشكل مباشر او غير مباشر كـــ خوف عمصلحة الوطن -- بحب قلو طالما مافي شي بيدوم وكلو مصيرو الزوال وما في شي بيضل على حالو ... تاكد انك متل ما بتحب بلدك نحنا كمان منحبها وبيوم من الايام مهما طال ... رح تنحط انت كمان بنفس الموقت وتكون المتهم بالخيانة والعمالة ... ورح تعرف شو معنى التخوين ... بس رح ارجع كرر النئطة كلنا منحب سوريا وفرضاً ... ازا في زمرة من زبالة هالمجتمع طالبت بالاصلاح او كشفت عيب او غلط بالنظام ... وطالبت باسقاطو ... مو كل مين كان عهالنهج ... بيتصنف معهن .... لأانو الغاية بتختلف بيناتهن -- لكل شخص من دعاة مقولة (( اسقاط النظام )) كل ما دق الكوز بالجرة -- بحب قلو انو مو هاد الحل ابداً ... هالشي ما بيعني اني من مؤيدين هالنظام ... بالعكس انا من الناس الي عندها قناعة بانو 95 من هالنظام فاشل وفاسد بشكل كامل ... ولازمو تطيير لانو الاصلاح فيه اقرب بدرجة للمستحيل وابعد بمليون درجة للمعقول لكن!!! ما بقدر انا ( كمواطن سوري والاولوية عندي الاولى والاخير لمصلحة الوطن سوريا ) طالب باسقاط النظام .. حالياً ...لانو مافي حل بديل ... وما بظن بالفترة الحالية لاقي شخص مناسب لمركز السلطة العليا ... لانو مافي شخص خالي من النفاق ... وهالشي خلانا نتوه عن تمييز الحق والباطل بنسبة 70 بالمية فلزلك مو هاد الحل بالفترة الحالية على الأقل ... وهيك حل ازا صار ... هو يعتبر دمار لسوريا داخلياً ورح يحطنا بحسابات نحنا بغنى عنها ويطول الحديث ... بس بغير فرصة ... مشان ما ننحرف عن مسار الموضوع ... وتحية كبيرة لكل مين شارك برأيو :D ومية وردة :D |
صدقني ياميدو ردك أغنى الرساله
|
رسالة رائعة ومعبرة ....بشكرك من كل قلبي ......:D
لاول مرة في سوريا بلاقي رسالة معبرة بهالشكل وعم تحكي بصدق عن واقع حساس وملموس عم يمر فيه السوريين بشكل عام .... واول مرة كمان ...بشوف رسالة معبرة بعيدة عن اللعي البلاطعمة والسفسطائية والجدال العقيم يلي مالو آخر ... واول مرة كمان بشوف رسالة غير هجومية ومعادية .....(بالعادة لما حدا بدو يوجه راسلة للرئيس بتلاقي نصها مسبات وستايم وبعبعة بلا طعمة !!) ..... واول مرة كمان بشوف رسالة عم تحكي بانصاف وعدل ...بدون تحيز لايا طرف ان كان معارض او موالي ....ومالها عم تحكي بالطائفية والأقليات والأكثريات ..... المهم انها : عـــــــــــــــم تــــــــــتحـــــــــكــ ــــــــــــي عـــــــــــــــــــــــن ســــــــــــــــــــــــ ــــــــــــــــو ر يــــــــــــــــــــــــ ــــــــــــــــــــا اقتباس:
:D:D:D |
طيب شو رأيكن بدال ما نضل نقول هاد مو حل و هاد مو حل نقول شو الحلول؟؟
|
شكراً ميرو زانت كمان مرورك حلاها أكتر.. :D
|
والله انا شخص حيادي ...:pos:
مالي معارض ومالي موالي ...:frown: بس كشخص الرئيس انا بحبو ....:oops: اما النظام او الحكومة فانا عندها عالحياد .....:pos: يعني الحلول بدك تلاقيها عند يلي بيفهموا ان كانوا موالاة او معارضة ....يعني الحل بدو يجي من الطرفين .........واكيييييييييييد حتى لو في حل فأكيييييييييييد مالح يرضي جميع الأطراف ....الا ما تلاقي طرف معارض بالقصة :pos: |
اقتباس:
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - .... بتلاقي حلول مو بس بهي المشاركة ... بل بالموضوع ككل:D |
حلو الدستور يلي كاتبو ميدو ....:oops:
معقوووول برأيي كحل :pos: :D |
اقتباس:
|
ولى زمن الصمت.. لكن أنتم فلتصمتو ا!!!
أبدء موضوعي هذا من حيث أنهيت رسالتي إلى الرئيس بشار الأسد بأن زمن الصمت قد ولى..
نعم زمن الصمت قد ولى و حان بنفس الوقت.. فقد حان زمن الصمت بالنسبة لكم أيها المستحكمون بسوريا.. حان لكم و لأجهزتكم القمعية الفاسده.. حان لكم يامن امتهنتم الظلم و الإرهاب.. حان لكم و لحكومتكم الفاسده المفسده.. حان لكم و لرجالكم الناهبين لخيرات البلاد.. و قد حان لكم أيضاً.. أيها المستعرضون.. يا من تذكرتم بعد دهور من الفساد أن شعبكم يأكل من القمامه.. لكن ياليتكم تركتم هذه القمامه بخيرها.. و لم تدفنو بأرضنا أبشع أنواع القمامة.. يا من عشتم حياتكم خارج البلاد ممولين مرفهين.. و حين كنتم في سوريا تتلطون خلف قناع الإسلام عثتم في البلاد فساداً و إرهاباً.. يامن نهبتم البلاد و أخرجتم منها إلى الشواطئ تبنون القصور و تفتحون الفضاء لمحطات مستعرضه بغية العودة إلى السلطه و اكمال مسيرة الظلم و الفساد.. أما زمن الكلام و الفعل فقد حان بالنسبة لنا.. نحن شباب سوريا المثقف الواعي الحضاري... نحن شباب سوريا الذين لم ننهب بلدنا يوماً بل نهبنا.. و لم نظلم شعبنا يوماً بل ظلمنا.. نحن شباب سوريا الذين لم و لن نحقد يوماً على أحد لأنه لاوقت لدينا للحقد.. نحن من سنبني بلدنا.. و سنعيده وطناً حراً سيداً شامخاً بأيدينا و طاقاتنا.. نحن من مللنا خطابكم الخشبي أيها المستحكمون.. و مللنا من كلامكم الإستعراضي أيها المستعرضون. نحن من مللنا كذبكم و نفاقكم.. ولم تعد تنطلي علينا حيلكم.. فلتعلمو إن زمننا قد حان.. أما أنتم فلتصمتوا.. وإلى الأبد. |
اقتباس:
وهاد مطلبنا جميعا ياصديقي الشباب المحب لسورية هوي اللي رح يبني سورية شلة الفساد و شلة الارهابيين و شلة المتعرضين وليش المعارضين كلها للزبالة لزبالة التاريخ شباب سورية بدو يقوم وبدو يخلي اسم سورية بالعالي من سورية ولسورية عالهامش : صديقي كل يوم عم تتحفنا بصوتك أشد على ايدك :D |
VivaSyria
دمجنا موضوعك "ولى زمن الصمت.. لكن أنتم فلتصمتو ا!!!" مع ها الموضوع لأني يعتبر تكملة لهالموضوع .. تحية |
اقتباس:
ولن يحررة من المستحكمون ومن المستعرضون لا امثالك... فاستجمع قواك فزمن الفعل قد اقبل... ما دام زمن الصمت قد اندثر...:D |
الله يعطيك العافية على هالموضوع وانا بحييك من كل قلبي على هالكلمات واسمح لي اخي ان انقل الموضوع الى منتديات اخرى كي يعم القول ان الخوف وزمنه قد ولى لاننا نحب سوريا ونحب قيادتها الحكيمة ولاننا نسعى لان ننهض بالشعب كما نهضت الحكومة ... ولكن لي كلمة : الى متى ونحن ننظر الى سيارات الرئاسة المدججة بالبنزين على حسابنا والمزينة على حسابنا والمهندسة على حسابنا والمصممة على حسابنا والتي ان عطلت على حسابنا الى متى ونحن ننظر الى لقمة اللحم في افواه الحكومة ونحن لا ننظر اليها الا عن طريق التلفاز الى متى ونحن ان كنا نتحدث عن حقوقنا وتمر بجانبنا دورية مخابرات نصمت كالكلاب ؟ هل هذه الديمقراطية التي وعدتنا بها .... واين نحن من قولك الذي كل العالم سمعه : سأجعل الشخص الامريكي يشتهي ان يكون سوري الى متى سنحلم باننا مثل الدول الاوربية بعد عمر 18 سنة لنا بيت على حساب الدولة ورصيد في البنك وعمل جاهز ... ولا احد يكلمني ويقول ان هذه عند الاوربيين فقط ولي سؤال وانا اعرف انه ليس من حقي ولكن من غيرتي على البلد سأسأله : اين الذهب الذي يخرج من اراضي سوريا ؟ يعني لو ان هذا الذهب يوضع في خزينة الدولة لكانت الليرة السورية تعادل 3 دولارات ... ومن الذي يتنعم بها حاليا ؟ وشكرا |
اقتباس:
|
على عيني وراسي بس انا حبيت انقله حتى يوصل للعالم كله شو مبتغى الشعب السوريا بس تكرم عيونك وعيون المنتدى انا ماكنت مفكر انقله الا بعد سماع الموافقة
اخوك سفير سوريا |
| الساعة بإيدك هلق يا سيدي 11:08 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون