|
اقتباس:
أهلين سامر يا ريت تخفف عصبيتك شوي مو مستاهلة القصة ومو مستاهلة قصة التحدي لأن صدقني لو بعرف أنو في مظاهرة صايرة فأنا رح شارك أنا ما عم انتقد مؤيدي حزب الله وما بعرف من وين جبت هالحكي وأصلاً موضوع لبنان ومين بدو يغلب مين ومع مين الحق ومو موضع نقاشنا بس الفكرة أنو نحن مو شاطرين إلا بالتنظير مننتقد السنيورة وسياستو اللي جوعت لبنان ومنشوف انو المظاهرات ضدو منيحة ومنأيدها في حين نحن ما طلع صوتنا لما غليت الأسعار هي الازدواجية اللي زاعجتني بكل بساطة ومو غلط انو ننتقد شي موجود فينا وهو الخوف لان إذا ما عرفنا عيوبنا واغلاطنا ما منقدر نعمل شي أو نحقق اهدافنا تحياتي |
لا يمكن التمييز داخلياً بين كل الحكومات العربية تقريباً من حيث ارتفاع الاسعار والفساد الاداري وبوضعنا لا يوجد معارضة ولا أحزاب تنظم مظاهرات ولا تدعو لاضرابات أو ما شابه لذلك الاجتهادات الفردية هنا ما الها اي تأثير.
دعمنا للحركات الوطنية بالعالم ليس عيباً وخصوصاً نظراً لارتباط سوريا بلبنان على كل الصعد. دعمنا للمعارضة اللبنانية ضد حكومة السنيورة مو من زاوية انو الحكومة فاسدة فقط بل لأنو أهداف المعارضة تحقق تطلعاتنا بحماية لبنان خاصرة سوريا ولتعاطفنا مع المقاومة اللبنانية قائدة المعارضة. بتصور ربط دعمنا لمعارضة لبنان بتطنيشنا لحكومة عطري فيه مغالطة كبيرة. |
اقتباس:
كل الناس بيحكوا هيك ... بس بنفس الوقت بقولوا خليها تطلع من غيري اقتباس:
جبت هالحكي من هون اقتباس:
يعني .. ما بعرف وين العيب أنو نأيد اي حركة وطنية بالعالم ..؟؟ اقتباس:
أنا آخر همي اذا السنيورة بجوع اللبنانيين أنا يللي بهمني أنو يرفع ايدو عن المقاومة و ما ينفذ بلبنان .. يللي عجزت اسرائيل عن تنفيذو اقتباس:
يعني يا منسب المقاومة .... يا أما بكون عنا ازدواجية ..؟؟!! |
ببساطة لانو محكومين بكرهنا للبنان . ومحكومين بأرهاب الفكر يلي منلاحظو بهاد الموضوع
|
اقتباس:
|
اقتباس:
تانيا اي منحل عن ربك خليك انت عم تغني منحبك ومبسوط ,المهم انو بشار عم يحميكن من الوهابيين السنة يبيدوكن على الهوية وانشاء الله يعمل بعدها اللي بدو ياه |
اقتباس:
|
اقتباس:
ونوع تاني ما بدو يفتح تمو لانو الاعتراض برايو ما رح يجيب نتيجة ,وبقلك انو خلينا عايشين بالغلا و تحت هيك حكم احسن ما يجي مين يبيدنا مشان هيك ما حدا بدو يعترض |
اقتباس:
وبالنسبة لحكومة العطري الحكي صحيح وخطا التشبيه والرد على صاحبو اللبناني هو الفارق الوحيد بين الحكومتان ان حكومة السنيورة متعاونة و عميلة لامريكا واسرائيل اما العطيري فلا اما باقي افلام الفساد والنهب والسلب في من الصفات الطبيعية المصاحبة دائما للحكومات العربية بالاغلب ....عدا السودان حكومته هي افضل الحكومات العربية الحالية في نظري اقتباس:
هي حركة حماس متلا نشأت في ظل الاحتلال وكانت حركه بسطية وكانت ولا زالت ملاحقه من قبل الاحتلال ... لكن ارادتها وصمودها واصرارها على الوقوف جعل صوتها وفعلها فاعل في الساحه رغم انف العملاء و العالم كلو وحزب الله نفس الشي ... الحكي والكتابة والتحريض ما بينفع انو بس نتشاطر فيه ونترك الفعل لسوبر عربي المنتظر ليجي يحل القصص ... دائما لازم يكون في تحرك على الساحه ولو بالخفاء لتلافي قمع الحكومات .. اقتباس:
بس برضو مو انو ازا ماحدا حتج او عترض يكون مبرر لتلعن الحكومه ابو الشعب يعني برضو هالحراميه يخفو شوي ويراعو وضع الشعب ... يزوئوا ويخففو نهب اقتباس:
واللي مارح ينتخب بشار مصيرة معروف ... يمكن يندبح مثل الخاروف ... ناهيك عن التزوير العربي المعروف في الانتخابات سواء انتخبت الرايس او لم تنتخبة فالنتيجه واضحه بفوز الرايس قبل الانتخابات بسنوات اقتباس:
...مابعرف بس بشوف انو الحكومات وكانها بتوهم الشعب بانو رح يجي وحي من السماء يحل كل المشاكل والواجب على الشعب هو انتظار هذا الوحي والابقاء على الحكومات كما هي لحين قدومة ويدعون الشعب للصبر مع ان المشاكل سببها الحكومة وحل المشاكل بيدها اقتباس:
فهاقد انتهى النظام العراقي ... هل ارتاح العالم وهل انتهت الفوضى والخراب في العراق بعد ازالة نظامه كليا!!!!! انا مع تغير او اصلاح الانظمة لكن لست مع تغيرها باستبدالها بانظمة تابعه للغرب مثل مصر والاردن والسعودية ..الخ تتحكم بهم وتسييرهم عنزة جرباء مثل رايس ............. بالنسبة لحزب الله والاحداث بالساحه اللبنانية الجارية حزب الله هو حركة مقاومه هدفها هو الدفاع والوقوف في وجه العدو الاسرائلي و الذي يقوم به الحزب حاليا في لبنان هو دفاع عن النفس من عملاء اسرائيل شنو اسرائيل ماقدرت تقضي عليه بحرب 2006 فلجات لتدميره من داخل بلده على يد العملاء من اللبنانيين بغض النظر شو انتمائهم الطائفي او الديني شنو العميل ماعندو دين او طائفه او مبدأ انتم في سوريا حكومتكم والرءاسة ليست عمليه لاسرائيل لكنها صاحبة حق فلماذا لا تدافع عن حقها المحتل من قبل اسرائيل _يعني الجيش ليش ما بيهجم وبحرر الجولان _ طيب نعتبر انو الجيش ما وظيفتو يحرر هيك ارض متل الجيش اللبناني وموقفو من مزارع شبعة التي حررها حزب الله شو المانع من نشوء حركة مقاومه سوريه مثل حزب الله !هدفها نفس هدف حزب الله ولتكن جبهتها على ارض الجولان تمهيدا للتحرير مثل مزارع شبعا اللبنانية التي حررها حزب الله ولم يحررها الجيش اللبناني ! السبب بسيط شنو بينخاف هيك حزب بيوم من الايام يصير من المعارضه السورية ويتبع طريقة حزب الله :lol: ولان الجيش اللبناني والسوري وباقي الجيوش العربية هي موجودة للحفاظ على امن سيادتو وبس ومنظر قدام العالم ال يعني هي عنا جيش ... |
اقتباس:
ممكن تحدد وين الارهاب الفكري اقتباس:
ايهم متاكد انك قريت الموضوع؟ اقتباس:
بس في دروس كتير بتصور المفروض نحنا كسوريين نستنتجا من اللي صار علما انا ما طرحت بموضوعي دعم او هجوم على حزب الله |
اقتباس:
شغلة تانية شو رأيك بموقف النظام السوري الذي قام قبل سنتين بتسليم عرب احوازيين لاجئين في سوريا الى السلطات الايرانية لكي تقوم باعدامهم. وهذا يؤكد لكم يا ابناء الشعب السوري زيف ادعاءات نظام البعث الاسدي الارهابي في ادعاء الفكر القومي العروبي. |
اقتباس:
لو كنت ضد المقاومة فأنا بقولها وماني خايفة من حدا لأن من حقي قول رأيي أنا ما قلت أنو تأييد الجركات الوطنية بالعالم هو عيب أو عار بس اللي أنا زاعجني هو أنو لي ما عم نلتفت لمشاكلنا ونكون متحمسين الها متل ما متحمسين لهالحركات كلامي بالمشاركة الأولى كان تعليق على كلام رفيق فونيكس بيرد بكل بساطة شفت أنو كلامو صح وأنت شفت كلامو غلط بس هاد مو معناها تقعد وتسفه برأيي تحياتي |
والله شي مضحك هاد يلي عم ينطرح بدعم حركات التحرر العالمية روح حرر نفسك بالأول
يضحكني بعض الشباب الشيوعي السوري _لهيك تركت الشيوعية انا عفكرة_ بنضالهم من اجل كل حركات التحرر العالمية في العالم لكن في وطنهم لا شو نضال من أجل الوطن عيب لك أخت الخوف يا شباب وهلأ نازلة موضة جديدة بسوريا يمكن انت يا ابن العم سامر من أتباعها وهي انو في شباب علماني سوريا يساري بتلاقي بيناضل من اجل كل شعوب الغالم المقموعة ما عدا سوريا وأيران وبدو يحرر كل شعوب العالم بالنيابة عن شعوبها وبدو يسد طبقة الأوزون كمان يا صديقي لا يمكن ان تكون أممي تدافع عن مشاكل الشعوب الأخرى وأنت لا تشعر بوطنك أيه يا صديقي حكومة العطري لا تختلف عن حكومة السنيورة بالفساد لكن لاحظ جزء كبير من حكومة السنيورة مختار من الشعب أي يعبر عن إرادة الشعب اللبناني الذي إختارها،حتى لو كنت انت تختلف مع إرادة ورأي الشغب اللبناني لكن هي حكومة بنظري أفضل من حكومة العطري التي لا تعبر عن إرادة الشعب السوري أبداً لك المضحك أنو الشب السوري بيعرف أسماء النواب اللبنانيين والوزراء اللبنانيين،وإسألو عن أسماء نواب سوريين او وزراء فما بيعرف غير واحد أو تنين وفي عالم ما بتعرف أبداً لكن السوريين بيعرفوا أسماء أحزاب اللبنان،اكثر من أسماء أحزاب الجبهة الوطنية التقدمية يلي عأساس تحكم بأسم البعث عيب نشبه حكومة السنيورة بحكومة العطري رغم كل مشاكل حكومة السنيورة لكنها تعبر كما قلت عن جزء كبير من إرادة الشعب اللبناني ذكرتني يا بلد-سامر- بشغلة مرة الرفاق السابقين بالحزب الشيوعي كانوا عم يوزعوا بيانات تدين بشدة الإعتقالات بنيكارغوا وبينما السجون في سوريا مليئة من رفاق شيوعيين لإلهن من غير حزبهم بلا ما نكذب على بعض يا اخي إذا جزء كبير من شعب لبنان ما بدو يقاوم لك شو فيني أنا سوي؟ يا أخي انا مع المقاومة ومع المقاومة من سوريا قبل ما تكون من لبنان بس إذا الكتائب والقوات وبغض النظرن عن رؤيتنا فيهن ما بدن يقاوموا بس هنن بيمثلو جزء كبير من المسيحيين اللبنانيين شو بدي خليهن يقاومو غضبن عنن!!؟ إذا التقدمي والمستقبل كمان بغض النظر عن رؤيتنا فيهن مابدن يقاوموا بالشكل يلي حزب الله بدو يقاوم فيه،هنن بدن مقاومة على الشكل يلي عأساس عم يقاوم فيها النظام السوري وهي الإلتزام بالهدنة وإقامة مفاوضات لا على العكس هن لو صار إعتداء على لبنان مع الرد عليه بعكس بشار الأسد بينما في سوريا وكلنا بيعرف كل شعبنا مع مقاومة إسرائيل وإرجاع جولاننا الحبيب بس شو النظام عم يهان من قبل إسرائيل والخروقات يلي صارت قايمة فيها أسرائيل بس شو مافي رصاصة صديقي خلينا نطلع من هالباب اما يلي لازم نتعلم منو من اللبنانيين،انو يا شعب سوريا نحن غالبيتنا ضد الحكم،،وهذا الحكم ليس لديه سند شعبي أبداً ابداً وحكومة السنيوزة رغم تحفظي عليها لكن لديها دعم شعبي لبناني لايقارن بما لدى النظام السوري من مؤيدين أي نسبة مؤيدي حكومة السنيورة من اللبنانيين أكبر من نسبة مؤيدي نظام الأسد في سوريا على كل يا شباب نحن لازم نستفيد انو ما لازم نضل ساكتين،لازم نعرف كمان انوكلمة معارضة ليست معيبة ولسيت خيانة ليكوا النظام يلي يقمع المعارضة في سوريا يدعم معارضة لبنان فاان تكون معارض ليس خيانة نحن لازم نطالب بحقوقنا كلها وبكل الوسائل السلمية مع قناعتي أنو النظام العتيد لا ينفع معه الحل السلمي،والخوف من إنفجار الوضع بس هون انا أؤيد سامر شعبنا جبان وخائف وما بيسترجي يعمل شي،وأنا لهيك بشوف ظهور شباب يساري يناضل من اجل كل حركات التحرر في العالم وينسى سوريا،وهذا يبرره الخوف وحب النضال في أن واحد بس بكون نحن كسوريين شو لازم نستفيد،وبكون أفراد النظام السوري هنن مواطنين سوريين فسؤالك يشملهم يا طارق بقول أنو هنن لازم يستفيدو وينتهو انو الشعب السوري ما رح يضل ساكت لو طال الصمت وليكو لبنان جنبنا |
اقتباس:
يعني لحنا مافينا ننتقد العطري لأنو مافينا نحكي . والأسكات هو أرهاب فكري . لفكرة لازم الواحد يبلعها يعني الكل شو عم يقولو بالمواضيع يلي الها علاقة للأحداث بالمنتدى . أنو خلي حسن نصر الله يطهر البلد من الحكومة الفاسدة .( بيقبلو حدا يفوت يطهر حكومة العطري أو حزب البعث ) مابيقبلو . بيقبلو حدا يعامل الطائفة العلوية متل ماحسن نصر الله عامل الطائفة الدرزية بلبنان . أنو مابيصير طائفة صغيرة تحكم البلد وتاخد أكتر من حجمها . طبعا لأ . طلع حاصر الجبل . منقبل عنا حدا يحاصر أي جبل ؟ . طبعا ماحدا بيقبل . لا يلي مو عاجبهم يلي عمبيصير ولا يلي عاجبهم . بس أزدواجية أراء ومعايير فظيعة . فشرت الامم المتحدة وأميركا يطلعلا معنا فيها |
اقتباس:
هل يقبل مؤيدي النظام السوري يلي عم يدافعوا عن المقاومة هون بوجود مقاومة ضد إسرائيل من سوريا ذات طابع ديني أولاً أو حتى ذات طابع سوري بشكل عام أنا اشدد على كلمة طابع ديني لانو حزب الله حزب ديني وانا وجهت سؤالي لمؤيدي النظام السوري لأنو غالبية الشعب السوري معروف جوابهم وهو على مأعتقد مع وجود مقاومة دينية ضد إسرائيل من سوريا فيا ريت تجاوبو |
اقتباس:
أنا بعتبر حالي من الراضيين عن النظام السوري والاسرة الحاكمة بسوريا. طبعاً مع بعض التحفظات بس انو بشكل عام راضي ومؤيد لكتير مواقف. وحابب قلك انو انا مع وجود حزب متل حزب الله يقاوم اسرائيل بسوريا ولو كان ديني ومنتني لأي دين بس شرط يكون بنفس نظافة حزب الله بالاهداف والسلاح. وبوضوح حزب الله يعني هدف واضح وهو الحرب على اسرائيل واستخدام السلاح فقط بالحرب ضد اسرائيل وخلق توازن بالبلد. يعني برأيي وجود حزب كحزب الله في سوريا شي مهم وضروري و الحفاظ عليه. :D |
اقتباس:
تانيا برافو عليك . حكيت شي لونتو أنا بالأخضر كل العالم بتنكرو وبتهرب منو . وهو أنو السلاح لأرهاب الداخل . كانو يقولو أنو ولا مرة حزب اتلله أستخدم سلاحو للداخل ( قبل الأحداث الأخيرة طبعا ) أي واسرائيل ولا مرة أستعملت قنبلة نووية صد العرب . بس هاد مابيمنع أنو كل العرب راضخين لأنو بيخافو من أستعمالها أنا ضد أنو يكون في تنظيم مسلح . أصلا مظاهر الأعجاب بحزب الله لازم تكون واضحة . يعني تكتيكو العسكري . مراقبتو لهدفو وهكذا . مو نقل التجربة كما هي وجعل البلدان أشبه بعصابات وقانون غاب سورية دولة لما بدها تحارب اسرائيل المفروض أنو عنا جيش قوي مجهز مدرب . بيدافع عن حدود بلدو ومو بحاجة لمجموعة مسلحة تاخد البلد للحروب حسب أهوائها لما بتاخد قرار الحرب لوحدها . وهاد من الأشياء يلي بحترمها كتير بسيادة الرئيس . الحكمة بأخذ قرار الحرب رغم كل الندائات وكل الأستفزازات . |
اقتباس:
|
| الساعة بإيدك هلق يا سيدي 15:13 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون