|
اقتباس:
النظام انا ما بشوفو علوي انا بشوفو عائلي ،صحيح غالبية رؤوساء الأفرع الأمنية هنن من الطائفة بس هادا مو دليل على انو الطائفة كلها مع النظام في معارضين كتير من العلويين عبد العزيز الخير فاتح جاموس محمود عيسى الروائية حسيبة عبد الرحمن وغيرهم الكثيرين |
موضوع كتير مهم و شكرا لك اخ فاوست المحترم:
في الحقيقة هناك شيئ يحيرني كثيرا وهو انه عندما اتناقش مع زملائي في الجامعة من الموالين للنظام ( وهم في معظمهم من الطائفة العلوية الكريمة) اجدهم متناقضين : قييقولون لك عاشت سوريا الاسد , عاش حزب البعث العربي الاشتراكي , اي انهم مؤيدون لفكر حزب البعث العربي الاشتراكي القومي العروبي , ولكن عندما نتناقش حول الامة العربية و حالة العرب واوضاعهم تجدهم يقولون نحن السوريون لسنا عربا وليس لنا علاقة بهم بل نحن فينيقيين او ما بعرف شو , وايضا يمجدون ايران و يفضلونها على كل الدول العربية . فما هو تفسير ذلك؟؟ |
تفسير هل الشي يا حبيب انو هنن حبو حزب البعث لانو كان حافظ هو الامين العام تبعو وهلق بشار وصدقني لو راح بشار مثلا واجا اي واحد مكانو (مو علوي) وصار امين الحزب ورئيس الدولة حتشوف اول ناس ضد حزب البعث هنن رفقاتك بالجامعة !!
|
اقتباس:
هالحكي مانو دقيق ابداااااااا انا هلق رح اكتبلك اسماء الضيع الي خاطره ببالي الي مو واصلتلها المي ... والكهربا بتقطع فها وميا اربع ساعات اوقات العز واحيانا بتقطع ست ساعات كمان .... وكلهاااااااااااااا ضيع علويه ... يعني ع رايك محسوبين ع النظام ... الي هوي سيط غنى ولا سيط فقر يعني ... رح ابتدي طبعا بضيعتي ... البودي: بعدنا بنشتري مي وبنعبي مي من العين ... مية الدوله بتجي بالاسبوع ساعه ... اسراف يا عمي شو بدك بالحكي ..وبتقطع الكهربا يوميااااااااااااااااااااا اااااا برمانا ... لسا ما عندها مي واغلب بيوتها ما فيها كهربا والخبر الي بيفلج اكتر انو ما عندهن شبكة صرف صحي ... وطبا فقيرين جدااااااااااااااااااااااا ااااا الطويشره : الحمد لله ما في ميي...الكهربا بتقطع اكتر ما بتجي ...كل الضيعه فقيره لحد القرف مع الاسف ... عندك الحوران كمان ما واصلها مي وفيها فقر .... اصلا كل ضيعنا فقيره ..ما بتشوف فيها واحد غني ..بتشوف فيها واحد مرتاح بس بالمجمل الكل تحت خط الفقير وبكتييييييييييييييييييير كمان ... ولولا هالزراعه كان ما بيشبعو الخبز .... ولسا في كتير ضيع عهالشاكله ... علما انو هالضيع كلها قريبه من القرداحه يعني اذا حكيون صح لازم نحنا نكون اول ناس مرفهين |
اقتباس:
يعني ما حدا مقتنع من داخلوا ان هذا النظام هو نظام رائع أو جيد حتى بحديث لإلي مع بعض الأعضاء بالمنتدى قالتلي أنو هي تعارض عائلة الاسد،ومدركة انو تصرفات العائلة هي تشوه صورة العلويين لكن بنفس الوقت هي بتشوف أنو مصلحتها مع النظام وقالتي "تتشوه صورة الطائفة أحسن ما يحكمني شخص غير علوي أنا لأ أتمن له وبيقوم بعدين يمحي الطائفة كلها" بس في شغلة انو غالبية العلويين في سوريا هنن من الفقراء وحديث ريمي عن الضيع الفقيرة العلوية صحيح مية مية عنا بدريكيش نفس الشي،طبعاً في ضيع بالقامشلي وبجنوب سوريا ودير الزور كمان نائية وغير مخدمة بس القصد من موضوع أنو الضييع العلوية يغلب عليها الطابع الفقير هو للدلالة أنو مافي تمييز بين العلوية وفئات الشعب الاخرى بس خلينا نكون واقعيين النظام عم يستخدم العلويين وعم يحمي حالو فيهن وعم يكونوا كبش فدا لإلو على الرغم من انو ما عم يقدملن شي وعم يستخدمن بفكرة انو انا الحامي لإلكن وانو البديل عني رح يعمل فيكن إبادة جماعية طبعاً هو عم يستخدم السياسة ذاتها مع المسيحيين والدروز وغيرهم من الأقليات بس بالرغم من هذا ما نجح مع المسيحيين ومع الدروز على سبيل المثال متل ما نجح مع العلويين على الرغم أنو في عدد منهن أي الأقليات الاخرى الغير علوية بتعتقد انو بديل النظام هو الأسلام السني المتطرف يلي رح يبيدهن وطبعاً هادا مو صحيح أبداً |
اقتباس:
والله انا بذكر انو كل الضيع الي مارر فيها ما بقلك اغنياء بس متواضعة او انو ماشي حالها فما بعرف بباقي الضيع انتي اذا بنت المنطقة اكيد اعلم مني بس انا قصدي بكل الحكي تبعي مو اني ضد العلوية بالعكس انا عندي كتير رفقات علوية ومافي اي مشكلة بيني وبينون بس الي اسء لهي الطائفة الكريمة هنن الي هلق ماسكين النظام بسوريا وصارت الشغلة عائلية يعني متل مو بشار حاطط صهرو واخوه وابن خالو يستلمو البلد في كتيير من الضباط او المسؤولين العلويين بيمشو امور الي بيقربون يعني صارت عوائلية الشغلة ! وشكرا على توضيحك بس فعلا ما كنت بعرف او ماكنت بتوقع حتى يكون في ضيع مافيها كهربا وماي !!!!! وهاد اكبر دليل على انو النظام ماهمو غير حالو وهاد دليل اكبر انو هو نظام فاسد عميسرق اموال الشعب صرنا بالقرن الواحد وعشرين وفي مناطق مافيها كهربا !!!!! لك يا عيب الشوم انا الي بقهرني رغم كل هل الشي الناس بيحبو !!!!!!!!!!!!!!!!!!!!!!!!!!!!!!!!!!!!!!!!!! |
يحرق اخت هالموضوع ..
كل شهر .. أو شهرين بالكتير .....بنطلنا موضوع مماثل ... و بنفس الفكرة يعني بصراحة ملينا من كتر ما عدنا الحكي فيه |
نفس فكرة مليون موضوع انطرح من قبل
ورح احكي خلاصة اللي حكيتو بكل موضوع ... النظام لما يمارس الإضطهاد فهو عم يمارس الإضطهاد لشخص الفرد السوري بمكتسباته اما الموالاة والمعارضة على اسس طائفية فهيدا المشروع الأميركي بالمنطقة وبتوقع صار اوضح من انو نحكي فيه التفتيت على اسس إثنيات وهمية باطلة الحل برأيي بكون بطرح مشاريع متكاملة بديلة عن هــذا المشروع وتلامس جوهر الحياة الإقتصادية للناس بشكل اكبر واهم تحياتي الحارة ظل جيفارا |
اقتباس:
|
| الساعة بإيدك هلق يا سيدي 06:06 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون