|
ما بعرف شو الخبر الصح يمكن متل ما قال ياس بالساعات الجاية بيبين ..بس أنا قرأت متل الكل بكتير مواقع انو تم ايقاف آصف شوكت بس كمان قرأت أنو تم تعيينو نائب لرئيس الجمهورية وأنو المرسوم التشريعي رح يصدر قريباشي بيفاجئ تناقض الخبرين طبعا نتيجة لتناقض الموقعين يلي قرأت فيهن الخبرين..
والخبر التاني كاتبو "وحيد صقر " محرر شفاف الشام |
مبارح صرعت ربنا المستقبل بهالخبر ...
اليوم ما جابت سيرتو مع أنو هيك خبر ...... ما يبرد و بتخلص آثارو بيوم واحد |
آصف شوكت ما زال في سوريا
مبارح كان في احتفال على قناة الدنيا لتخريج دورة ضباط القيادة والاركان بالجيش السوري
وكان واضح ظهور اللواء آصف شوكت بين ضباط القادة المحتفلين ويعتبر ظهور اللواء شوكت خوي نفي لكل القصص اللي روجها الاعلام السعودي واللي حاولت اثارة الشائعات حول الاوضاع في سورية. المصدر : ( بث حي للاحتفال على قناة الدنيا ) |
شي بيفوت بالحيط
على كل منشوف الايام الجاي شو بتحكي |
أي ميدو بس هنن ما قالو انو هو برا البلد... و بصراحة ما بتصور يعتقلوه و هو على رأس عملو, يعني أول شي يعينو حدا محلو..
|
اقتباس:
|
كلام ميدو صحيح
ظهور آصف مبارح على التلفزيون السوري الرسمي هو نفي بشكل غير مباشر للخبر ... لأنو آصف بحياتو ما حضر هيك احتفالات و حضرها بس ليثبت للآخرين أنو الكلام مو سليم و أنو بمكانو الطبيعي و مافي شي من كل الكلام الي انقال .. |
اقتباس:
يعني حسب الاشاعة ... هو ماعاد موجود على رأس عملو و برأيي لو الشغلة أكتر من اشاعة ....... كانوا استغلوها بالاعلام أكتر من هيك |
اقتباس:
اعتقد راح تظل الأمور معلقة و ما حدا عرفان شو القصة لفترة منيحة, لحد ما يبين شي أو يصدر شي واضح.. على الأغلب كمان الاشاعات مبالغ بها (من ناحية نية اتهامو بمحاولة انقلابية مثلا) بس كمان اعتقد مافي دخان بلا نار, في شي عم ينطبخ ضدو لأنو عبد الحليم خدام (اللي ما زال يحتفظ بعلاقات قوية داخل سوريا.. عالمستر طبعا) صارلو فترة شهر و شوي يبيض صفحتو لآصف شوكت (لا يعني انو آصف شوكت كان يتعامل مع خدام طبعا.. انما خدام بدو يستغل بشكل دنئ أي خطوة ضدو مشان يقول ليكو المنيح بيناتهون طيّروه...) ما استبعد كمان يكون مصدر الاشاعات من الداخل... تحضيرا لامكانية تقديم آصف شوكت ككبش فداء بقضية عماد مغنية (ليس بتواطؤ انما كتقصير) لأنو ايران عن طريق وكالتين رسميات+ الصحيفة الناطقة باسم علي خامئني ركزو بشكل ملفت للنظر على انو "السيارات المفخخة كانت موجودة كمان داخل مرآب بيت عماد مغنية" ضمن أخبار تأكيد مسؤولية بندر و المخابرات السعودية عن الاغتيال... هالشي برأيي رسالة لسوريا انو الحق مو عليكون.. لكن عندكون صار في تقصير... و كمان ممكن تكون خطوة امام المحكمة الابتزازية الدولية تبعيت الحريري... لأنو ممكن لو ثبت الادانة يسلمو ضباط صغار لكن ما يسلمو آصف شوكت... و السبب هو انو لو عن جد يتهموه بالخيانة العظمى مانهون مجبورين, بناءا على القانون الدولي, يسلموه لأي جهة قبل انقضاء فترة العقوبة ببلدو... و العقوبة راح تكون طويلة الأمد طبعا.. يعني هات ليل... و خذ عتابا طبعا هاي مجرد تكهنات شخصية.. السيناريو يجوز خيالي شوي لكن اعتقد كخطوة تكون ضرب عدة عصافير بحجر واحد |
اقتباس:
|
أكد متابعون أن اللواء آصف شوكت ظهر يوم أمس في احتفال تخريج دفعة جديدة لضباط كلية القيادة والأركان . وهذه هي المرة الأولى التي يظهر فيها شوكت في مناسبة من هذا النوع منذ أن تقلد منصب رئيس شعبة المخابرات العسكرية في شباط / فبراير 2005 . وبطبيعة الحال إنها المرة الأولى التي يظهر فيها منذ أن سرت شائعات ومعلومات متضاربة بشأن وضعه . وقال هؤلاء لـ " الحقيقة " ، التي لم تتمكن من مشاهدة حفل التخرج كما بثه التلفزيون السوري ، " إن شوكت كان في الصف الأول من ضباط هيئة الأركان ، إلا أن قلة من المشاهدين استطاعوا تمييزه بسبب ارتدائه لباس المراسم العسكرية ، وهو ما تقتضيه مناسبات من هذه النوع ، وبسبب اعتيادهم عل رؤية صورته باللباس المدني " . وقال مصدر في وزارة الإعلام السورية لمراسل " الحقيقة " في دمشق " إن توجيهات أعطيت لطاقم التلفزيون السوري والإدارة السياسية في الجيش ، المسؤولة عن بث كل ما يتعلق بأمور الجيش ، بتركيز الكاميرا أكثر من مرة على شوكت " . ولفت المصدر إلى أن السلطة " حرصت على ظهوره في هذا الاحتفال ردا على الشائعات والأخبار التي أحاطت بوضعه مؤخرا ، لاسيما وأن عددا كبيرا من الضباط العرب والأجانب ، فضلا عن الملحقين العسكريين المعتمدين في العاصمة السورية، حضروا المناسبة " . وليس من المألوف في تاريخ تخريج الدورات العسكرية في سوريا ، من أي كلية كانت ، لاسيما منها ما يغطى إعلاميا ، حضور رئيس شعبة المخابرات العسكرية أو رؤساء الأجهزة الأمنية الأخرى ( الجوية ، المخابرات العامة ، الأمن السياسي).
وكان نائب الرئيس السوري السابق ، المنشق عبد الحليم خدام ، قد زعم أن شوكت موضوع رهن الإقامة الجبرية . لكن مصادر نفت لـ - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - هذا الأمر ، وأكدت أن الإجراءات التي اتخذت بحقه اقتصرت " على تكليف اللواء علي يونس بتسيير أمور الشعبة ، وهو ما يعني تجميد مهمة شوكت ، دون أن يعني عزله من وظيفته . وهو إجراء إداري معروف ومألوف في الجيش السوري " . لكن " الحقيقة" لم تستطع " التأكد التام " من صحة هذا الخبر من مصدر آخر ، كما أشارت في حينه .بالمقابل ، أكدت مصادر عليمة أن ظهور شوكت في الحفل " لا يعني أن أموره طبيعية وعلى ما يرام . كما لا يعني أن تكون مهمته في رئاسة الشعبة لم تجمد . إذ بإمكانه حضور الحفل طالما أنه لم يعزل من وظيفته ، وطالما أنه لم يزل أحد ضباط الأركان العامة " . هذا ناهيك إذا وضعنا فرضية أخرى جانبا ، وهي " إرغامه " على حضور الحفل بهدف الرد على المعلومات المتداولة . ومن المعروف أن النظام السوري ، كأي نظام شمولي آخر كتيم وكتوم ، لا يرد على معلومات من هذا النوع بشكل شفاف وواضح ، وإنما من خلال " حركات إعلامية " شبيهة بما حصل يوم أمس. الحقيقة |
كلام الحقيقة نفس الكلام الي قلتو أنا مبارح ...
|
عليي الحلال الشعب السوري بيعرف القرارات و المراسيم الجمهورية قبل ما تطلع من القصر الجمهوري
ملا ّ إشاعة .. :lol: |
كلو ومايوصل البل لدقنا . شنو هلأ حلقتا .
سيدي . الله يستر |
ما بعرف انا من راي ماد ماكس
الخبر كوميديا سودا مايسترو |
اقتباس:
و من جهة تانية مو معقول ... يحلقولو و بنفس الوقت يجبروه يظهر ليكذبوا خبر الحلاقة و الا كانو أجلوا قرار الحلاقة من أصلو ...... و تركوه واجهة ..... حتى لو بدون صلاحيات أنا بظن أنو هي حملة جديدة من معسكر معين و لأغراض معينة |
اقتباس:
|
اذا الخبر صحيح اكيد فيه ملح وبهارات ليوم الملح والبهارات
بس هي شغلة الأنقلاب ضحكتني كتير |
| الساعة بإيدك هلق يا سيدي 06:40 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون