|
تاريخ العرب تزوير بتزوير... لأنو لما بيناسبهون يعملو التاريخ الاسلامي عربي.. قومجية رخيصة
|
((((بعض الانجازااااااااااااااااات ))ول ول هسة صارت بعض الانجازات
على كل حال انا الي كلام كثير ورح رد عليك مش عشان ارد بس......انا ما يحزني هو تفكيرك الخاطئ عن العرب ما اعرف ليش احس انك تكره العرب يعني مش عارفة؟؟انت عربي ولا لا. وبعدين خلص اسحب الجملة الي قلتها عن الرازي وابن سينا والخوارزمي. طيب المامون شو عربي ولا لا؟؟؟وشغلة ثانية انا رح ادور على علماء عرب ورح الاقي. يعني هسة بدكم تقنعوني انه فش حضارة عربية....بعدين ول كل هالموضوع والنقاشات وكلكم علي:p........بعدين انته زي الي شاف كاسة نصها مي وللي شافها صار يقول ليش نص الكاسة فاظي. طيب والكنعانيون واليبوسيون وانجازاتهم. الي كلام كثير ورح اقوله.....انا كطالبة تدرس علم الاثار ارفض بشدة الكلام الي قلتوه يوجد حضارة عربية يعني يوجد.......اذا الاوربيون الي يكرهو العرب نفسهم مقتنعين وعارفين. لي عودة ((عقولة ساندرا 82)) |
اقتباس:
أي نجي.. المأمون؟ طيب المأمون اذا ماني غلطان مو هاد اللي تحالف مع خوالو الفرس ضد أخوه الأمين, و من بعدو انهارت الخلافة العباسية و تحولت لخلافة اسمية بيد السلطنة الفارسية؟ هاد "حضارة" عربية؟ الكنعانيين عرب؟ منوين هالمعلومة؟ طيب طيب ليش عم نستبق الكلام كتير... ليش ما نبدا من الأول: ممكن تعرفيلنا مين العرب؟ تحية |
اقتباس:
قد يكون تفكيري خاطئ ... ولكي ان تثبتي ذلك ... وقد يكون تفكيري صائبا ... وهو ما ارى ان بقية الاعضاء مجمعين عليه ... لك ان تقنعينا بالبينة والبرهان ... اذا استطعتي ))) اقتباس:
لا اكره شيء في الدنيا سوى امرين ... لا اكره العرب لانهم عرب ... وانما اكره النمط القومجي في التفكير العربي ... والاتكالية المفرطة عند العرب )) اما انا عربي او لاء ... فالقصة تطول ... لكن على العموم سكان بلاد الشام كلهم ليسو عربا صرف ... سوريا لبنان وفلسطين .. خليط من الاعراق ... وما يدريكي ))) اقتباس:
لما ينّور الملح ... على رأي ستي ... وافتح مجال للاحتمال ... لو وجدتي ستجدي انهم تعلمو من حضارات اخرى بالترجمة وغيرها ... ))) رح برجع بعدين ... بس امة لا تعرف اليوم سوى الماضي( 98% منه انجازات غيرها نسبته لذاتها بالابتلاع والتلفيق والتزوير التاريخي) ... والبكاء على اطلاله ... ولا تعرف سوى اللطم والبكاء والعويل على اللبن المسكوب ... امة لا تستحق الحياة ... |
اقتباس:
العرب؟؟؟هاد سؤال حلو؟؟العرب هم احفاد الشعوب السامية التي قطنت شبه الجزيرة العربية والمناطق المحيطة بها مثل سوريا وبلاد الشام وبلاد ما بين النهرين....ويطلق على الشعوب التي امتزجت مع العرب......يعني صحيح اخي انت ومتشائل واممي وغيركم تقولون انهم غير عرب الا انهم عرب.... اخي ياس الكنعانيون والاموريون هم ن امم العرب القديمة...ادخل على ويكيبيديا واتاكد بنفسك وهم ايضا من اول الشعوب التي سكنت الحجاز. للحديث بقية......تقبل فائق احترامي اختك عطر البرتقال :D |
اقتباس:
يعني اذا بدك العرب يكونو احسن من هيك.....ليش ما نبلش بالتغيير يعني انت تكره النمط القومجي والاتكالية عند العرب....طيب ما عمرك تمنيت انه هاي الاشياء تزول؟؟ نكمل بعدين اختك عطر البرتقال :D ملاحظة((انا عربية الاصل.....اصولي عربية بدوية....وانت الله يحييك شو ما كنت)) |
اقتباس:
هاد تعريف قومجي مزوّر مطاط و يسقط بثقله الذاتي (لا أقصد انك المزورة.. انت ضحية تزوير منهاج تعليمي...) العرب هم شعوب شبه الجزيرة العربية فقط, و تحديدا جنوب الحجاز و اليمن, من هنا انتشرو في باقي أرجاء الجزيرة العربية. المد الهجري العربي لم يصل بلاد الشام حتى الاسلام.. و الشعوب اللي سكنت بلاد الشام ليست عربية (لو تكلمنا بأصل عرقي), لأن هذا الأمر بكل بساطة ينافي أبسط قواعد علم الانتروبولوجيا الذي بكونك تدرسين آثار فأدعوك لقراءة انتروبولوجيا تيارات الهجرة. ما حدث أن التيار القومي العربي قد أحدث تعريفا مرتجلا و غبيا لما اتفقوا على تسميته عرب, و خلطو هنا مصطلح السامية بغباء منقطع النظير يتماشى مع غباء أفكارهم و نقضها لبعضها.. و للأسف فان مناهجنا التعليمية مشت مع هذا التيار القومي... هذا بما يخص العرب كشعب... و يكفي قراءة التاريخ الاسلامي أو حتى قراءة وثائق عشائر البوشعبان في سوريا و الأردن لرؤية كيف تسقط النظرية العروبية الرخيصة بثقلها الذاتي تحية |
الموضوع حلو بس انا ما عندي معلومات عن هيك مواضيع اعذروني
بس الاحلى من هيك و اللي لفت نظري طريقة نقاش الموضوع الراقية و طريقة الطرح مع الاختلاف بالرأي مع وجود الاحترام بين الاعضاء جد بشكر صاحبة الموضوع عطر البرتقال و اممي و حلبي و مايا و راند 2 و المتشائل و ساندرا 82 و ياس و كل مين شارك بالموضوع على نقاشهم الهادف و الحلو و اسف اذا نسيت حدا و بعتذر للخروج عن الموضوع و هي وردة للجميع :D تقبلو احترامي |
هلا فيك اخ حميدو....
بصراحة مع اني كثير انفعلت واختلفنا بوجهات النظر.....الا انه النقاش معهم ممتع واستفدت كثير وما اضايقت من اي رد....لانه جميع الموجودين ما تطاول على حدا وعرض رايه بطريقة يتقبلها الاخر برايي........هاي حضارة تقبل فائق احترامي وتقديري اختك عطر البرتقال :D |
مشان الكنعانيين )) شوفي شو ويكيبيديا بتحكي )
اقتباس:
|
اقتباس:
فقط متابع مع تحياتي :D |
يعني يا متشائل الي فهمت بالاخير انك تقول انه حضارة العرب هي مش من صنع العرب بل هي من صنع العرب الي اصولهم غير عربية
يعني هيك رايك.....بدي اعرف شو رايك ضروري....واذا في شي كمان ضيفه يا ريت تقوله لانه انا رح اعمل بحث كامل على رايك انت. رح استنى ردك وبعديها تصبحو على الف خير وتحياتي الحارة للجميع مع فائق احترامي وتقديري اختكم عطر البرتقال :ss: |
هلق انت حاسين شي كتير غريب؟؟
ان عم نتخانق اذا كان هالماضي بيخصنا ولا بيخص ناس تانية عم ننسبهم لماضينا بس دخلكم شو موقع اميركا من التاريخ ؟بلد متل استراليا او قطعة ثلج متل كندا وين تاريخهم هدول ؟؟ يعني نحنا الوحيدين الي ماسكين هالدفاتر القديمة وعم نبحووش بيذكرني بالتاجر الي بيفلس والي بيصير بيطلع شو كان بيربح ايام زمان !!! نحن شعب مفلس بارادتة.. وهاد منو دعوة للياس علي قد ان دعوة ان فيق من هالوهم التاريخي الي حاطيني علي ظهرنا تعوا لنتناقش عن شي كتير بسيط... الحضارة هيه مجموعة من الخلقيات والانجازات العلمية والانسانية لشعب ما وخلونا نلتف لمجتمعنا اليوم الي نحن عم نعيش فيه هلق نحنا شعب حضاري شي ؟؟ اي قيم بنملك (اذا استثنينا قيمة غشاء البكارة) ؟ نخنا شعب كذاب ومابنكتفي بالكذب علي باقي الشعوب بل ان نحنا بنكذب حتي علي حالنا نخنا شعب بندعي الثقافة بس قسم العلوم بمنتدي مثل منتدانا (الي بيعتبر حضاري) هوه قسم اشبه بقسم اشباح اذا ماقورن باقسام التسلية والعلاك فوق كل هاد عنا تعصب مو بس قومي ولا بس قطري بل تعصبنا بيتعدا هالشي للمناطقي والطائفي ليوصل ان ابناء البلد الواحد والي عايشين بحارة وحدة مافيهم يرتبط ببعض !! الحضارة مابتنكتب بس بالكتب الحضارة بتنعاش وبتخضع لمبادي التطور والارتقاء .. وللحديث تتمة اممي |
اقتباس:
اقتباس:
لا ما عم احكي انو عرب اصولهم غير عربية ... عم احكي من صنع غير العرب ... الرومان ، الاغريق ، الكنعانيين - غير عرب طبعا - هي ببساطة ... العرب لم يكونو امة في يوم من الايام اصلا ليكون لهم حضارة ... |
أحلى مافي الموضوع أن مجموعة من الشباب الغير العرب الذين يسكنوا الوطن العربي . ولا يعترفوا بأنهم عرب يمسحوا كل التاريخ العربي في الجاهلية وبعد الأسلام :shock:
حضارة أنارت أوروبا محيت وأصبحت تاريخ مزور :shock: مدري مين صنعو طلع كل الحضارات يلي أجت على العالم أثرت وقدمت شي الا العرب :shock: الزهراوي والطوسي وأبن خلدون وأبن زهر وأبن الهيثم وابن رشد وابن باجه والأدريسي وابن النفيس وغيرهم الكثير مو عرب ولا علماء :shock: الأثار التي تشاهدها أينما ذهبت في الوطن العربي كلها غير عربية :shock: العلماء المسلمين الذين تركوا بلدانهم وأتو الى الدولة الاموية والعباسية جائو لأنها بلدان متخلفة وتركوا بلدانهم المتحضرة المتقدمة :shock: أجمل مافي الموضوع أن شخص غير عربي . يقطن الوطن العربي يهاجم العرب وتاريخهم . ولايوجد من يعترف به عالميا وبحضارته التي ذهبت مع الريح . فأن كنا نبكي على حضارتنا . فهو يهاجم الحضارة العربية كنوع من النحيب على حضارته التي أندثرت . لأن العرب قومية حية عاشت وأثرت منذ ألاف السنين ولازالت تعيش وتؤثر حتى الأن . ولكل أمة كبوة ومانعيشه الأن هو مخاض نهاية هذه الكبوة . ومن الطبيعي أن يطول ركود الأمة لأن أمة عمرها ألاف السنين . لاتصل الى القمة وتعود الى الحضيض في عدة عشرات من السنين . ولا تصل الى الحضيض وتعود الى القمة في عدة عشرات من السنين . ومن يهاجم التاريخ والحضارة العربية . أقول له من أنتم واين أنتم ومن يعترف بكم . وماهي حضارتكم الأن وماهي علومكم الأن . حتى أقتنع بكلامك مازال العرب يعيشون . وستعود حضارتهم كما كانت . والأمارات وقطر هي بوادر هذه الصحوة |
اقتباس:
اتفق معك اخ اممي.....وردك عنجد اكثر من رائع يعني كلامك صحيح بس الي بدي تفهمه انه ليش هيك نظل نلوم بحالنا.....ليش دايما حاصرين حالنا بدائرة انه احنا العرب ما منا فايدة صحيح وضعنا اكثر من صهب وماكلين هوا....بس هل يا ترى تحب انه تشوف العرب احسن من هيك؟؟....طيب قبل هيك هل يا ترى العرب عمرهم ما كانو غير ما انت تقول عنهم؟؟؟ يعني انت كشاب الان تعيش وسط العرب وتنتمي لهذه البقعة من الارض.....تعيش على ارضها وبين ناسها وتاكل من خيراتها ومحتمي فيها.......ما تحب انها تكون احسن الامم؟؟ تحياتي واحترامي للجميع :D |
اقتباس:
اقتباس:
أنا اوافقك الرأي ... بلد متل استراليا واميركا كان تاريخ للشعوب الاصلية للبلدان وتم دحرها على يد الاستعمار الابيض ... يعني حصارة متل الانكا ... او حضارة متل الازتيك كتير شغلة رهيبة ... خصوصا الازتيك ... بوجهة نظري التي قد تحتمل الخطا والصواب ... ان التحجر الديني عامل اساسي في ان يبقى العرب مأسورين للماضي ... السيرة الدينية تلك تبقي العربي في قصص خالد وعمر وما باعرف مين ... ويفكر في السلف الصالح ... وينسى ان هنالك واقع ... العرب مثال جيد على ان الدين قد يكون عامل هدم ... وقد اعود ... |
اقتباس:
|
| الساعة بإيدك هلق يا سيدي 21:02 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون