|
اقتباس:
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - يعني هي لمحة لمفهوم الاخلاء :wink: |
اي هادا موضوع مو علاقات البلوط اللي كل واحد بيعمل حالو شريف مكة فيها
انا بهنيك عاهالموضوع وانا هلأ عم اقرا اللينك اللي انت بعتو من فلسفة الإلحاد "رهيب"!!!!!! |
مرحبا
الموضوع عن الجنس قبل الزواج ... انتوا عم تقلبوا لاخلاق و حب و ما بعرف شو :evil: معلمنا حشت نشت سأل اسئلة كتير مهمة بس مستغرب كيف ما سأل اهم سؤال بالموضوع ..... شو يعني "جنس"؟ الجنس هوي غريزة بقاء ... متلو متل اي غريزة بقاء تانية (الجوع ، العطش ، الشعور بالحرارة ...الخ) ، بس الفرء بينهم انو
شو فايدة السوسبينس ؟ الحكمة الالهية (اي الهة ) او حكمة الطبيعة او المنظم لهاد الكون العجيب (او المهندس او القدرة ... سموها يللي بدكم انا شخصياً رح سميها آلهة و بدون تخصيص) ربطت الجنس بمغريات ضرورية (متل الحب و العواطف وغريزة التبرج و ... الخ) لتضمن الوصول للغاية المقدسة ( او الاساسية لدرجة التقديس ) التالية: غاية الجنس : الجنس كان (قبل الاستنساخ) هوي الوسيلة الوحيدة لاستمرار البشرية ( و اغلب الكائنات الحية) هلأ ... لأنو الانسان حشري ، و لأنو بيشكك بصورة دائمة بكمال تنظيم الكون و الطبيعة (لأنو عندو شي اسمو تفكير منطقي خلاه احيانا يحسب حالو آلهة) و لأنو هي الشغلة بالذات مقدسة اكتر بكتير من غيرا (بسبب الغاية تبعا)، و لأنو النتيجة الطبيعية لممارسة الجنس هي كائن بشري ...... قام طبعاً خربط الدنيي (عم نحكي عن الانسان) و بعبص فيها متل دايماً من خلال قانونين رئيسيين الاول عام و التاني خاص (ع فكرة التاني هوي استثناء للاول): الاول (العام): تحريم ممارسة الجنس الانسان سما ممارسة الجنس "زنى" و حرم هي الممارسة و اعتبرها " جريمة " و بعدين ربطها " بالآلهة " (يللي اساساً عملت سوسبينس لضمان استمرار هالممارسة ) و سما الزنى " خطيئة " و عاقب عليها باشد العقوبات بتوصية من " الآلهة " (اي آلهة) { لا تزني } و بمعظم الحالات اتمادى الانسان بزيادة (لحتى يكبت السوسبينس الموضوع من الآلهة ) و حرّم حتى التفكير بممارسة الجنس معتبراً (على لسان الآلهة ) انو التفكير بالجنس "خطيئة " اخرى لا تغتفر { لا تشتهي امرأة غيرك } التاني (الخاص) : لأنو مو ممكن انو يقضي الانسان على غاية الجنس ( و إلا بيكون عم يقضي على حالو) و لأنو الجنس هوي الوسيلة الاوحد و الوحيدة لاستمرار بقاء الانسان ... قام نظم الانسان عملية ممارسة الجنس بما يسمى " الزواج " و هو بالتعريف : عقد موثَّق (عرفياً او دينياً او شرعياً او قانونيناً) يسمح بموجبه المجتمع البشري لكائنين بشريين " تحديداً كائنين اثنين " بصفتهما الفردية المتفردة (يعني بيحددهم بالاسم فلان ابن فلان الفلاني وعلتانة بنت علتان علاك البان) بممارسة عملية الجنس ( التي تضمن الاستمرار البشري) ، و بموجب هذا العقد تنتفى صفة " الزنى " المجرمة التي حددها القانون الاساسي الاول (العام) عن الممارسة الجنسية ما خلصت لذلك يتبع ..... |
,وين الكمالة يا استاذ؟ :frown: :frown: :frown: :frown:
|
اقتباس:
طول بالك لبين ما جمع افكاري و شكراً ع اهتمامك :D |
اقتباس:
جمعهون واكتوب :jakoush: :jakoush: :jakoush: :jakoush: ماللي بدك تكتبو منعرفو انا وال انا :lol: :lol: :lol: وعاقولتو: فهمت شي؟ :wink: |
اقتباس:
اقتباس:
اقتباس:
اقتباس:
اقتباس:
انا مابدي اعمل مقارنة بين مجتمع الاميركي و المجتمع العربي...مو هادا الهدف من الموضوع و منشان موضوع الاخلاق : ليش كانت الاخلاق مرتبطة بالالحاد يعني المؤمنين ما بيعرفو الاخلاق و لا بس حصرا على الملحدين ......... شباب الموضوع مانو كتير كبير و مانو معقد لحتى نضيع بمتاهات و نطلع عنو كتير بسيط و هو بيتلخص بسؤال انا حطيتو من قبل و رح ارجع عيدو شو رايك بالعلاقة الجنسية قبل الزواج هل هي شيء صحيح او شيء خاطئ و ليش |
اقتباس:
أنا برأيي أنو العلاقة الجنسية غير المشروعة تؤذي وتضر بالعلاقات القائمة بين الناس. والعلاقة الجنسية تتطلب تفهما وضبطا للانفعالات واعتدالا. وحتى في الزواج فإن هذه العلاقة يجب أن يحكمها العقل النابه المتزن الذي لا يسير وراء الأهواء والإثارة ولا يخضع للأنانية. وعلى الشبيبة أن يتعلموا كيف يسيطرون على انفعالاتهم وشهواتهم. أثناء سني المراهقة تكون الانفعالات الجنسية على اشدها. ولو سمح لها بالانطلاق فهي ستتحكم في كل من الصداقات بين الشبان والشابات. ولكن الصداقات التي يرجى لها أن تستمر وتدوم دون أن يعكر صفوها التأنيب تتطلب المشاركة الفعالة للآراء والطموح. وان الانخراط في علاقة جنسية غير مشروعة في تلك السن من شأنه أن يفسد مثل هذه الصداقة والمشاركة. وان التعبير الجنسي قد يؤدي لأن تسلم الفتاة ذاتها لشاب (أو بالعكس) دون أن تكون قد درست كل الأمور المتعلقة بهذا التسليم وخطورته. هذا التسليم ينبغي ألا يعطى إلا للزوج الذي تخضع له الزوجة وتسلم له ذاتها في ثقة ومحبة. لهذا السبب يجب التشديد على ضرورة إبقاء العلاقة الجنسية في نطاق الزوجية حتى تكون عونا على إخضاع حياة الزوجين لبعضهما في رابطة مقدسة تدوم دوام حياتهما. وما فترة الخطوبة إلا لدراسة طباع الرفيق الآخر وتقرير ما إذا كان الشخص المقدم على الزواج سيقرر أن يسلم ذاته لرفيقه أم لا. فإذا اكتشف أحد الطرفين أن الطرف الآخر لا يناسبه ولا يوافق طباعه وميوله فالأفضل أن تفصم الخطوبة من أن يقدما على الزواج ويتحملا عواقب عدم انسجامهما معا. وهناك حالات زواج فصمت بعد 24 ساعة فقط من عقد القران. فإذ يمارس الشاب الجنس مع فتاة (أو بالعكس) يشعر بأنه قد سلم نفسه لتلك الفتاة ولا يعود يشعر بقدسية رابطة الزواج. آخرون ينخرطون في العلاقات والممارسات الجنسية أثناء فترة الخطوبة للدرجة التي يشعرون معها بأنهم قد تمادوا في هذا الطريق الشائك ولا يستطيعون التراجع وفك الخطوبة، حتى بعد معرفتهم بأن زواجهم قد لا يكون ناجحا. أنا هادا رأيي الشخصي وبدي قول كمان أنو في عالم بتقول أنو يلا أنا ما لح أتضرر أنا ما لح مارس الجنس بس مداعبة أو ملامسة أو تقبيل أو غزل... ويعتقدون بأن هذه الممارسات لا ضرر منها ما دام الشريك قد اختار شريكه الدائم وانهما سوف يعلنا الخطبة والزواج وشيكا. وبيقولوا أنو مافي فرق بممارسة الجنس قبل بيوم من الزواج أو بعد الزواج بيوم بس أنا برأيي أنو في فرق كبير بين ممارسة الجنس الغير شرعية والممارسة التي أقرها الله وانا برأيي كمان أنو نحنا ما لازم نترك الجنس لأنو والله شو أنا خايف من الحمل لو هيك تفكيرنا كنا أخدنا حبوب منع الحمل ومشي الحال الخطورة مو بالحمل الخطورة بالنتهاك قانون الله الطبيعي اللي بيحكم العلاقات بين الجنسين وبحب قول كمان أنو الاحصائات في تزايد بعدد المصابين بالايدز والسيلان والزهري وكلها نتيجة العلاقات الجنسية قبل الزواج أنا أبديت رأيي وانشالله الكل يأبدي رأيو منشان نستفيد من الآراء بحب قول أنو العلاقة الزوجية الماكنة والحب الصادق الوفي من قلب مؤمن وصادق هي أساس ومفتاح للحياة الزوجية |
جاي عبالي احكي في مجال بدي اسمع رايكن ازا ممكن فيه مجال احكي شباب؟؟؟؟
|
طبعاً في مجال
:D :D |
اقتباس:
|
اقتباس:
انا رح قللك شي واحد: ما فينك تكون "بتحب" عنجد اذا ما عملتها... (غير قابل للمناقشة) ____________________________________ انا رايح بكرا عالبحر ورح تخلصو مني شي يومين :P :P :P |
اقتباس:
اقتباس:
|
اقتباس:
انا راي انها غلط وغلط كبير كتير من كل النواحي صحيا لانها بتسبب امراض متل الايدز وغيروا ودينينا هاد الشي حرام واخلاقيا هاد الشي عيب بالخص للبنت وكرامتها. وانا حطيت راي بالموضوع بس هلا حبيت ضيف هدول الكلمتين... |
اقتباس:
الأحيان .... في الدول الغربية يميزون بين ممارسة الحب وممارسة الجنس ... وعندنا كلو بطيخ ... فأنا كإنسان شرقي ... الفكرة مرفوضة لي بشكل تام ... حتى لو فكرت فيها بشكل آخر ... فمثلا ... فيني قول ... كل إنسان بالغ مسؤول عن نفسه .. ونحن في مجتمع شرقي متخلف .. نعطي لكلام الناس فوق حقه بكثير .... و أنا لا آبه بكلام الناس .. فماذا أنتظر ...؟؟؟ أنا شاب ووسيم .. ويمكنني اصطياد الكثير من الفتيات ... وإن كن يردن فما المانع ؟؟؟ أنا لا أضر أحدا ... لكن .... كل هذه الأفكار .. تتلاشى دفعة واحدة .... عندما يرن في رأسي صارخا هكذا سؤال ..... هل تقبل لأختك .... لأمك ... لابنة عمك .. أن تكون مكان تلك الفتاة التي ستمارس الحب أو الجنس ؟؟؟!!!! فأنا لا يمكنني أن أغض الطرف ... وأن أقول يحق لي ولكن لها هذا لا يحق ... فأنا بكل معنى الكلمة ضد هذا المجتمع الذكوري المتخلف الذي نعيش فيه اليوم ... اعذروني إن أطلت .... ( ما بعرف ليش طلع ببالي أكتب بالفصحة ) ...ههههههه :P :P :D :D :D |
اقتباس:
انت حكيت متل ماكل بنت بدها تفكر شكرا :D :D |
اقتباس:
|
اقتباس:
يعني ماحدا احسن من حدا وقبل ماتشوف القذاة في عين اخيك شوف الخشبة اللي بعينك :jakoush: :jakoush: مشكور فيليب على ردك وانشالله هيك يارب بينفتح عقل هالناس شي شوي وكل واحد يلتهي بحالو و يعرف انو ماحدا احسن من حدا ويوم ليك ويوم عليك :wink: |
| الساعة بإيدك هلق يا سيدي 16:44 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون