لا لا .. لأسباب تانية :pos:
__________________

أما أنا فما كان أعجب بحدا .. الكل كانوا يعجبوا فيني :angel:
وحتى الآن :gem:

بس ما تصدقوا كتير :cry:

يعني انا بصراحة ما كان عاجبني حدا :pos:
ما كنت بعطي حدا وش :frown:
لانو بس كانت الماما تتركني ع باب المدرسة كنت بلش ابكي :cry:
بس كان في واحد بالصف معنا بيضلو حدي لما ابكي ويعطيني شوكولا :oops:
بس ما حبيتو :pos:

حبيتي الشوكولا اكيد :p

الله يســامحك يازلمة فتقتلي جروحاتي القديمة ومشاعري المرهفة اللي مخبية وكابتا .. :pos:

اييييييييييييييييييييييه .. الحياة فاضية
كان في وحدة متل فلقت القمر .. بطة .. جمال ودلال وشقار وبياض وجسم وعيون خضر مدري زرق ماعاد اتزكر وكلو بتاع كلو ..
ملاك كان يمشي ع الارض ..
وكان اسما بشرى (بشرى مو دوا الغسيل اسما للبنت )
وكانت معي بالروضة .. وبالاول الابتدائي والتاني ابتدائي هيك كان عمري اب 5-6-7-8 سنين
يعني ضلينا هيك مع بعض بالروضة والمدرسة ع مدا هاالاربع سنين ..
وكانت جارتنا بالبناي وبيتا قدام بيتنا بالزبط واما رفيقة امي وهيك ..

اخي كانت غير شكل .. شي ببكي .. لطيفة وطيبة وحبابة اومورة يعني اخي كان شعور مدري شلون
كنت فصعون مااعرف هالحكي هادا ولد صغير مافهم شي من هالشي :cry:
اخي اربع سنين كنت حبا كتير لهالبنت ع صغرا سنا وسني ..
وكنت ماخلي امي غير تغسل بدوا غسيل بشرى ع اسما للبنت ( ولحدا اليوم مامنغسل غير ببشرى ) وفاءا لبشرى
المهم بعد هالمدة انتقلنا ع بيت تاني .. بمنطقة تانية
وضلت العلاقات بينا مع انو قلت شوي بس كنت شوفا بالمدرسة ع طول وهيك ..
وهييييييييييييك لحد ما اجا اليوم اللي قرر في الوالد (الله يحفظو) يطلع ع قطر مشان يامن مستقبلو
والله انا كنت صغير يوما كنت مفكر طالعين ع قطر سباحة ابوي بدو يشممنا هوا اب شهر شهرين ونرجع :o
ماكنت بعرف بدو ياخدنا روحة بلا رجعة :o

والله لما اخر مرة تركت فيا المدرسة ماودعتا ولا شي .. يعني ماكنت وعيان انو رايح روحة ماعاد شوفا بالمرة .. مع اني كنت جن عليها :sosweet::sosweet:

والله المهم مرقت ايام وغربتنا سنين (ع قولة فيروز)
وانقطعت اخبارا هالبنت بالمرة كنت اسمع اخبار خفيفة هيك من امي يعني ماكتير شي مهم

وبعدي شي 7 سنين هيك او 8 وتقريبا هيك من شي سنتين
كان الي شغلة بمكتب وكنا هيك عمندور ع شغلة .. المهم فكان النا شغلة بمكتب عقاري .. وبالصدفة ومن كلمة لكلمة وهيك طلع صاحب المكتب اخوا للمزكورة اعلاه :cry:
طبعا انا انبسطت كتير انو شفنا وحكالنا عن اخبارن واخبار العيلة كلا
بس هي بالزات ماحكالي عنا شي ابن الايش :o
وانا استحيت اقلو شلون اختك ؟ (ماحلوة يعني ) :lol:

المهم والله وخلصنا من عندو ولسه انو بتزكرا لهالبنت والاخبار يعني رجعت انقطعت عن اخر شي وصلني وهيك

ومن فترة شي شهرين تقريبا
وصلني اخبار انو تجوزت :cry:
مابعرف ازا الاخبار اكيدة 100% ولا لا
بس انو تجوزت وفي احتمال من هالحكي وان شاء الله يطلع غلط :cry:

واي لحد الان الاخبار مقطوعة .. والمسافات بعيدة .. والدروب طويلة .. والقلوب محروقة .. والاشواق ومسلوقة ..
وفات المعاد وبقينا بعاد .. وويازمن ايه ينفع الندم وايه ينفع العتاب ..



وطبعا انا مازلت .. ولا ازال وساضل وفي الا .. سابقا او حاليا او لاحقا .. وطبعا وفائي الا بانو ممنوع منعا باتا لما مننزل ع سوريا اي حدا يغسل بغير بدوا غسيل " بشرى "
وفاءا الا .. وبصراحة بنصح كل ست بيت وكل صبية بالاخوية انو تستخدم دوا غسيل بشرى لانو عنجد فلجة .. وريحتو طيبة

والله ومانك قليل حسون طلعت حبيب ونحنا مفكرينك برئ ومالك بهالشغلات.....بس قصتك لزيزة وكل القصص المزكورة كتير نايس وحلوين وبيدلوا على براءتكن.....لك ما يعدمكن ياها هالبراءة....;)

ايييييييييييييييييييييه شو هالموضوع اللئيم:p والله رجعتني لورا ابو 15 سنة :yahoo: كنت فصعون وكنت حب بنت رفيقو للوالد:D كانت اكبر مني بسنتين او 3 ماعاد اتذكر المهم منت ابكي وافقع من القهر لما كان تروح من بيتنا,كنت ضلني عيط وضرخ بديييييييي ميري بدي ميريييييييييييييييييييييي ييييي:p ,يالطيف شو كنا نحب بعض بيقنا هيك حب متبادل :o شي ابو 3 سنين لحتى فجأة:cry: سافروا على امريكا :jakoush::jakoush: ويالطيف شو انقهرت وبكيت وشهقت لما عرفت انو ماعاد رح شوفها:sick::cry::cry::cry: وبعد شي 4 سنين رديت شفتها بالكنيسة بس ماحكيتها وطلعت في ومابعرف اذا عرفتني :jakoush: المهم لهلأ كل ماينجاب اسمها على بالي بيهز قلبي هز :p شنو كانت حلوة وبيضة وشعرها بني ايييييييييييييه شو كانت حلوة:sosweet::hart:

hhhhhhhhhhhh
2essas 3'rameye fas3ouneye mn edaraji el2olaaaaaaaa:D:D

برايي تبعت قصتك ع قسم التسويق بشركة بشرى للغسيل .. لك كتير بتفيدون ...:o

هههههههههههههههههههه انو الز قصة سمعتها لهلأ قال جسم قال ههههههههه

ولك بنت 8 سنين هي :lol: لا جد بتجنن قصتك حسون....



انا قصتي كمان بهي الحدود كنت تالت لحد الصف السادس يمكن :? المهم ابن جيراننا :oops:

و اسمو كان انس كنا بس ننزل ييجي لعنا عاساس يسلم علينا كلنا و يكون مخبيلي هدية و بيستنى الصيف بس اجي ليعطيني اياها :cry:

بتزكر مرة لعبنا ببالونات المي و عبيتو مي ووقعنا بالشارع و توسخنا...و كان عارف انو حنتبهدل من اهلنا

بس وقتها كملنا لعب عادي...ياي شو حلوة كانت هالايام

و بتزكر وقت سافرت كيف ضل يركض ورا السيارة و يقلي باي:cry::oops:


هو اكبر مني بسنة ...من كم شهر بس رجعت شفتو....مغير كتير ما بعرف ازا شافني



وقفت شوي انو شو بدي احكيلو ...:angel:



لو كنت تالت او رابع او سادس كنت قلت اشيا كتير :p:sosweet:





هلأ ما بيمشي الحال :cry::lol:

هاد يا سيدي انو انا انحرمت من هالشغلة للاسف لانو الابتدائي والاعدادي نكبست بالسعودية وهنيك بتعرفو ازا الواحد بيطس بنت واللي بيطس كيس زبالة اسود ما بيفرق بينهن
بس بتذكر بالصف الاول هاد درستو بسوريا كان عنا تسميع لجدول الضرب

بقا يا سيدي نطت الانسة شرف يا احمد ... حافظو لجدول الضرب .. هون انا عرضت كتافي وبلغة شامية بحت .... اي معلمتي متل كرج المي حافظو

سالتني 2×2 اديش ولا فصعون ..... 4 انسة طيب 6× 8 اديش ... قلتلها والله حافظ الجدول كلو الا هاد نسيتو :pos:طبعا مو زابطة الكشة .... المهم 7 ب 7 اديش طرشتلها 55 وبكل ثقة قالتلي شرف عجنب وكانت بالعادة الي عجنب بيتلزق ورقة عصدريتهن قطار الكسلانين هيك بتزكر وبيدورو عالصفوف صف صف وخود على مسخر:cry:كنت رح اتهزأ

لولا ما نطت فارسة احلامي المدعوة لانا وبلشت بكي وحرام يا انسة ومدري شو ئام المسكينة نشحطت بدالي :cry:يحرئ حريشها شو طنبر هية التانية

المهم بلا طول سيرة .... ما قدرت زبطها عالاخير لانو بعد اسبوع سافرنا عالسعودية ووقت رجعنا عالشام

دريت انها صارت طب اسنان هلئ ........... وانا مكاني راوح ...... بكالوريا سنة تالتة:gem:وبشوفها دايما بحكم انها جارتنا .... بس الله وكيلكن مالي عين حكيها:cry: هاد اللي اسمو حب من طرف واحد

ولهلئ اهلي ازا بدهن يستلموني تقفيل ........ بتلاقي اسم لانا علسانهن:cry:هية طب مع كسر ال .. ط... بينما انت طب مع فتح ال ... ط ...

حاجة مآسي لليوم:cry:

لذيذ جدا الموضوع برجع الواحد للعفوية
فعلا أخي بتستحق الشكر على الموضوع
مشكور كتير أخ موسيقار
وللأخوى اللي حلوو الموضوع

طبعا مية مسا على احلى ناس هون ..........
شو هي ياعمو الموسيقار شو ذكرك بهديك الايام ..
اي والله انا مامتذكر منها ولا شي....
لان ماكان في بنت بصفي سالمة من شري ... :o
وحياه الله مامذكر .. ياجماعه الي بتعرفني من ايام الدراسة تقول

انا اللي باتذكروا من المدرسة الابتدائية اني كنت اعمل المسطرة سيف واحارب فيها الولاد ,, ومرة ضربت ولد كف فاكلت كف من المديرة ,, لان امه للولد كانت مفتشة شكرا اخي العزيز الموسيقار على ها الموضوع الحلو كتير كتير

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

قصتك كتيييييييييير حلوه