|
أممي :D
شو هالدفااااا بهالموضوع :sosweet: وانا بدي قول بحبكن لكتيييير اشخاص ..ناس مرقوا بحياتي وما قدرت قلهن هالكلمة من اصحاب رفقة وناس :cry:..وناس بحياتي ودايما بشوفهن بس ما بقلهن هالكلمة :cry: يمكن كسل يمكن خوف ما بعرف..وناس رح ييجوا بحياتي أكيد رح حبهن (ولادي يعني :p) وأكيد لاحلى اعضاء بأخوية الحلوة..بحبكووو :hart: |
المحبة اللي من القلب بتبين بالتعامل ما في داعي نضل نقولا
لانو في كتير احيان بتنقال لقصر الشر او من نوع البروظة او لتحقيق المصالح هامش * شو خيو اممي مبين رايقة معك الحكاي اليوم معناتا حكيان مع حبيبة القلب على سوريا اليوم من هالشي مزهزه وعم توزع محبات ههههه :lol: |
حلوة كتير الفكرة..عم فكر نعمل شلة بأخوية نسميها شلة بنحبكن :o
والتوقيع تبعها يكون أخوية..بكل مين فيها..بحبكن... بس يعني صعبة شوي انه تحب الكل هون لأنه اخوية مجتمع جامع من كل مكان ومن كل الأصناف والأنواع...بئا فيه ناس صعب تحبن او تتقبلن..بس يلا بنحاول... ميرسي أممي عالموضوع... هامش* حبيت قول لهالكم حدا خص نص بحبكن..ريتا,ريمي,سرسورة,هان .يمون :sosweet::sosweet::sosweet: |
ما بعرف شو صار....ليش بالرد عم ينئطش نصو...المهم باقي الأسماء كانو هنهون ويمان...
هالمشكلة عم تصير معي دايما مدري ليش...أخوية محششة عندي...:jakoush: |
اقتباس:
هاي مشكلتنا سيريان .. ان نحنا بنفكر كتير قبل مابنقول كلمة هيه بحد ذاتها مستحيل تكون وسخة او جارحة او شريرة بلا مانفكر المرة الجاية ,خلو هالشي الحلو الي جواتنا لبعض يطلع ساعتها هالجو النقي راح يخلي حتي الغبرة الي عنا بالاخوية بتنضف بحبك رفيقي:D |
اقتباس:
ياسيدي مابنكر ان الي وصلت لالو من محبة لكل شي كان الو علاقة فيها يعني بتحس حالك كان عندك نبعة بتبلش بتروي ترابك وتلون حدودك لتنتقل للتلون عالمك لون لون ويوم بعد يوم بتكبر عبايتك لتضم تحتها كل العصافير الي مالها بيوت و الناس البردانة الي ماعم تلاقي تاكل لتوصل بالنهاية لتحس حتي بهالحجار الي بندعس عليها ماراح اكذب عليك اذا قلتلك اني هلق انا حاسس اني مصهور مع كلشي بهالوجود وايدي عم تلمس ايد الرفيقة رغم كل هالمساقات بحبك ننوشة اممي :D |
اقتباس:
لك اه يامروة لو بتظبط شي يوم ويعم هالمرض علي ارض بلدك ويصير الاحوة بيحب بعض ويبطل هالصهيوني فكرة الكره تبع لالنا ونفكر نتعامل مع اليهود علي انن اعداء ونعيش يوم من الايام بلا حكومات قذرة بتثير الكره بين الانسان والانسان يمكن ساعتها كنا اختزلنا ارواح الاف من الابرياء ومئات الالاف من المهجرين وكانت هديك الارض المقدسة بناها وطورها كل ولادها ومحبيها :D |
اقتباس:
حبيت كلماتك ..:cry: |
لك آآآخ شو بدّي قلك يازلمي ... أنا وقت شفت هالموضوع صار في طوق قلوب فوق راصي مشنكلين شنكلة ببعضون البعض ... يعني متل هيك شي==>:sosweet: هيك وتبادر بزهني أشيا كتيرة :o
الله يديم المحبّة.. |
اقتباس:
اقتباس:
|
اقتباس:
الظاهر بعاد عن بعضكون هلا الله يجمعكون سوا بأقرب وقت ممكن :D |
اقتباس:
يمكن بعد مرور تقريبا سنة من سفري صرت موقن اكثر ان الحب والاراواح الي بتحب فيها بتقهر كلشي المسافة ماعاد بتعني شي ,كل يوم بعيش معها اكثر مما بعيش مع حالي وكل يوم بزور الشام 100 مرة وادعس علي ارضها اكثر مما عم ادعس علي تراب هالبلد الي انا فيه ... ويسلموا علي دعائك وانشالله بيجمعك مع كلي الي بتحبيهن :D |
كتير دافي الموضوع
يمكن :( بحاجة اليوم لكل هالدفا كالعادة هالكام يوم من السنة :lol: بيكونو غليظين وانا بكون ما بتحكى فين :D |
اقتباس:
اقتباس:
منشان الله حبيني بس شوي يعني قوليلي ياها مرة وحده بس لحس اني مو من الي ما بتحبيهم:fcray: |
اقتباس:
شو رأيك تحاولي انتي تحبيني شوي ؟ :fsad: :D |
اقتباس:
بهل موضوع و ما بعرف ليش ما لقيت اكتب حبيني ألك بالذات !! يعني الله وكيلك بقولو فيك تحس بمشاعر التانين اذا بجد كانت صادقة و هادا الي حسيته من هيك قلتلك حبيني:D |
اقتباس:
انت مو بس هاليومين من السنة مابتتحكي ...ما انت طول السنة ماحدا فيه يحكيكي .:frown:...:lol: ياسيتي يمكن هالدفا الي عم تحس فيه منو طالع من الموضوع علي قد مو طالع من قلوبكن وتحديد انت يا رفيقة مرسيل مرات بحس انا وعم اقرا لالك كاني عم اسبح بحر دافي كلما لمس شي من رملاتي بيبللن وبيخليهن بيزهر..يسلم لروحك الي عم تقدر مرات ان تكون جسر تمرق عليه ارواحنا لروح ربنا . (لا تصدقي هالحكي بعدين عنجد مابيعود فينا نحكي معك :o) بحبك رفيقة:D |
اقتباس:
بتمنى عن جد انو تحسي بالدفا يمكن في كتيرناس حواليك بيحبوك وكتير كمان بس ما بيعرفو يعبرو .. اعذرين :mimo: خلص مشروع صديقة :deal: اتفقنا ؟ |
| الساعة بإيدك هلق يا سيدي 07:47 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
معناتا ما بحبو