|
انوو قرار .. الو فوايد .. بلكي بصير في شويه تطور بالاماكن العامه ..
بس .. بعتبرو فاشل .. .. :D |
يعني سوريا احسن من الامارات بشو :? هيك قرار حلو جدا وفيه مصلحه كبيرة بس المهم الضوابط وبقى ينورنا بقصة بدون سقف
|
اقتباس:
مو سعودين .. واول مين رح يتملك منهم الوليد بن طلال ... اي الله يهنيهم .. |
اقتباس:
اذا بارد اذا اسمحلي اشك :o على كل حال صب وانما الاعمال بالنيات وانا نيتي اشرب شاي . اقتباس:
فكرت وماطلع معي شيء بس شوف دايما في مميزات بعمالة الشرق الاوسط او الدول النامية بصفة عامة هالعمالة رخيصة (بتاخد اقل معدلات اجر) عندا ذكاء فطري عالي بتقدر تتعلم بسهولة اما مارح نختلف على ان العمالة الاجنبية اكتر مهارة ووعي . طبعا وصولا الى نقطة المستثمر المحلي ام الاجنبي (مارح ينفع تعيش وتقفل حدودك على نفسك كدولة) يعني مثلا الموارد ما بتتركز كلا بدولة وحدة او بتتواجد كل الموارد بدولة وحدة (وبناءا عليه لازم يكون في تجارة بينية) لتداول الموارد سواء خام او نصف مصنعة او مصنعة . وبالتالي متل ماالعالم بيتفيد بالموارد كمان في فرصة للاستفادة بالموارد المالية ,يا سيدي اذا ما اخدت انت المستثمر الاجنبي غيرك بيتمناه , لازم تدرك جيدا انو المستثمر الاجنبي بيعمل وفق خطة الدولة وبالقطاع يللي الدولة عندا نقص فيه (يعني المستثمر الاجنبي رح يد ثغرة ويوفر احتياج الدولة) طبعا اذا جاي المستثمر الاجنبي يزاحم المستثمرين المحليين (هاد اسمو غباء في التخطيط) من الدولة لانو اذا عندك مستثمرين محليين وبيقدرو يوفرو كافة احتياجات القطاع , فطبعا مافي حاجة لاي مستثمرين اجانب . وانا بميل لتفضيل المستثمر المحلي لانو ارباحو بتضل موجودة بالبلد سواء في ودائع بنكية او استثمارات جديدة او حتى لو احتفظ فيها باي شكل ,على عكس ارباح المستثمر الاجنبي يللي بيكون الو كامل الحرية في استثمارها باي مكان بدو او اي دولة . يبقى بناءا عليه لازم اختيار المستثمرين يكون في قطاعات الدولة بتعاني من نقص فيها (والمستثمرين المحليي وانتاج الدولة ن ماقدرو يحققوا ويلبو كافة الاحتياجات للوطن او ممكن نلخص الوطن بالفرد او المواطن (كافة المواطنين) *بعتقد التاميم اتوقف وهاد لو موجود مافي مستثمر رح يجي سوريا. * من هون بقترح انو كشباب ليش ما تحاولو تفهمو اكتر توجه الحكومة الجديد ,انا متاكد انو رح يساعد الجميع . كمثال شوف سعر دقيقة الموبايل بمصر في 3 شركات بمصر وحدة مصرية (موبينيل) وحدة انجليزية عالمية (فودافون) وحدة امارتية (اتصالات) سعر الدقيقة كتير رخيص والخدمات كتير جدا ومنها مجاني كتير بيوصل سعر الدقيقة ل 20قرش مع موبينيل في احد الانظمة مثلا الدولار بيساوي 5.53 جنيه مصري يعني الدقيقة باقل من 4 سنت (اميركي) واعلى سعر دقيقة موبايل في مصر 40قرش يعني 8 سنت (اميركي) يعني تقدر تقارن بين التوجه للسوق الحر وبين النظام الاشتراكي , عفكرة اشتراك الdsl بمصر لسرعة 256 كيلو بايت عالثانية ب 95 جنيه شهري والخدمة جيدة هاد لانو في 4 شركات كبيرة بهالمجال بينون منافسة شديدة . المنافسة عنصر هام بيخلي الجودة ترتفع وبيخلي الشركة تسعى اتخفيض اسعارها وتقديم مميزات للمستهلك . عنجد بصراحة مارح اقدر احكي عن كل مميزات نظام السوق اللي هالتشريعات الجديدة رح تسعى لتحقيقه بس بيكفي نقطة المنافسة مؤقتا بهالموضوع . |
اقتباس:
لولا الزيت ماكان صار عندون اي تقدم . اقتباس:
اللي مارح يفيد سوريا اصلا مالازم يكون الو مكان فيها . اذا رح يفيد سوريا ما مهم شو جنسيتو (المهم شو رح يقدم لسوريا) |
اقتباس:
أكيد المشكلة فينا, بس هاد مو معناه أنو اقتصاد السوق هو الحل.. لأنو لا عنا صناعات ثقيلة وقوية ولا من يحزنون... لك صناعة سينما ما ضل عنا.. صفي المسكة والبسكويت والمعكرونة.. اقتباس:
لهيك كنت معترض على الموضوع, لأنو مو شاطرين غير بأنو يابا تعوا استثمروا.. طيب شو نوعية الاستثمارات؟ يمكن 90% منها فنادق ومطاعم وشركات خدمية.. مافي صناعات ولا زراعة ولا أي من الإستثمارات اللي لازم تدعم اقتصاد البلد, هاد الفرق بين المستثمر السوري برا والأجنبي بسوريا, السوري بس بدو يستثمر بشي مفيد للبلد ربحو طبيعي وكمان بدو يدفع للسوريين اللي بيشاركوه على المصاري والربح بأسلوب مافيا معروف للكل صار.. إي ما رح توفي معو وبيروح بيفتح معمل بالصين.. بينما الأجنبي أو السوري اللي بدو يعمل شي سريع الربح ودائماً غير مفيد للإقتصاد الوطني بيكون معو يدفع للكل, متل شركات الإتصالات والفيلل تبع الإماراتية.. طيب شو وصل للمواطن السوري من هاد؟؟ |
اقتباس:
وهلأ هي سيكارة  وفنجان قهوة كمان من ناحية العمالة محمد بجوز تكون رخيصة بالنسبة لفرق العملة مع الدول الصناعية او المتقدمة بس هاد ما بيعني انو العمالة اجرها رخيص في البلد نفسها ... وفرق العملة عم تستغلو الدول الكبرى والشركات الكبيرة حتى تزيد من ربحها على حساب راحة شعبها هل انا ماني ضد انو يكون في استثمار بالبلد بس هالاستثمار لازم يكون مبني على اسس تؤمن الفائدة للبلد واهل البلد بالدرجة الاولى ..... وطبعا ما في دولة بالعالم بتقدر تنغلق على حالها ( حتى الاتحاد السوفييتي وكبر اراضيه ومواردو ما انغلق على حالو)بس بنفس الوقت ما بدنا نعمل من الدولة مشاع للشركات والمستثمرين الاجانب ..... هلأ من ناحية سد الثغرات انا معك فيها ومن البديهي هالشي يصير ومع الاسف الدول النامية كلها ما بستمر بالنمو تبعها ( مع انو لازم تستمر ) لاسباب ما بدنا نزكرها هلأ ونخرج عن الموضوع وطالما هي نامية فمن الطبيعي انو تستورد مستثمرين بس بنفس الوقت غالبية الدول النامية عندها طاقات هائلة ( بشرية وطبيعية) وما عم تقدر تنسق بين المستثمر وبين الشعب او الاقتصاد تبعها وهاد الشي يؤدي الى تراكم اخطاء وتزايد الفساد فيها وهو يللي بخلي العمالة عندها مستغلة وكمان هجرة شبابها واليد العاملة الى الخارج طيب لو الدولة مثلا بتعمل حركة حلوة مثلا وبتلغي او بتتنازل عن شغلات لفترة معينة في سبيل تحسين اوضاعها الداخلية وتحسين وضع المستثمرين المحليين او المغتربين طيب شو يللي عم بخلي المستثمر المحلي يهرب او ما يخاطر بمشروعو ضمن البلد ؟؟؟ عدة امور ومنها الفساد الداخلي يللي بشل الحركة الاقتصادية وبزيد من ثراء الطبقة الغنية ( يللي دايما بتشارك السلطة بتجارتها )وبزيد من ضعف الطبقة المتوسطة وهيك بتلتغى هالطبقة من الشعب وما بعود في استثمارت بالبلد او مافي بديل غير المستثمر الاجنبي وهاد يللي مع الاسف عم نوصل لعندو .... هلأ كل دولة لها طبيعة خاصة فيها وجغرافيتها الخاصة وعلى هاد الاساس لازم تعمل مشاريعها الاستثمارية..... رح اعطيك مثال سوريا ... تعتبر سوريا من الدول الزراعية القوية بزراعتها وعندها من الزراعة ما يكفي للتصدير لكتير من الدول طيب الزراعة يوم عن يوم عم تخف وعم تتضائل والاراضي عم تتصحر ...... والهجرة الداخلية ضمن البلد نفسها يعتبر كارثة على البلد وعلى الاقتصاد تبع البلد بتلاقي كتير من الفلاحين هاجرو من القرى للمدينة لسببين رئيسين وهنن اولا قلة المادة وتانيا عدم الوعي هلأ الدولة اعطت الفلاح حقوق وامتيازات كتيرة بس مع الاسف ما استغلها او ما عرف يستغلها روق عليي حتى شعل سيكارة تانية:larg: منكمل هلأ هي النقطة يللي حكيت فيها عن الزراعة مهمة واساسية بالبلد ... طيب ليش ما بتصير الاستثمارات على هاد الاساس ..؟؟ كتير من الدول اعتمدت على مواردها الرئيسية واستثمرتها صح مثال بسيط المانيا .... بلد فيها فلزات الحديد ..... فمن الطبيعي انو تكون دولة صناعية لانو بتمتلك المورد يللي بخليها تقوي نفسها ... منرجع للموضوع ويللي هو الاستثمار انا بشوف شغلة مهمة بالوقت الحالي انو يصير تشجيع على الاستثمارات الصغيرة مبدئيا حتى ترجع الطبقة المتوسطة تنتعش ومعها بينتعش الاقتصاد الداخلي ووضع المعيشة ..... ومع الايام بتكبر المشاريع وبصير الاستثمار على نطاق اوسع وحتى على شراكة اذا صار بكون افضل ( هون الاستثمار المشترك بين بلدين مبني على قوة اقتصاد البلدين ) ومعليش بدي احكي كلمة صغيرة لو خارج الموضوع لو طبقت الاشتراكية صح بسوريا ما كنا اضطرينا للوصول الى هي المراحل طلع الرد طويل بس كان بدها شوية تفاصيل |
اقتباس:
فعلى انو اساس بدون يكون في صناعة ..... وثقيلة كمان ..... سوريا من الدول الزراعية والتجارية اقتباس:
بس الاستثمار يكون لمصلحة البلد اولا كتير من الدول النامية عندها استثمارت اجنبية بس القليل يللي قدرت تستغل هالشي لصالح البلد و شعبها |
بصراحة هالموضوع دو شقين
الاول انو الاستثمار راح يفتح الباب ليد عاملة معتبرة ما الها لا شغلة ولا عملة وبحاجة ماسة لشغل التاني انو عم تنباع لبلاد شوي شوي لانو مافي دولة اجنبية تستثمر الا وتكون بنية توسعية |
الاستثمار كثير مليح يعني سوريا كان عندها تقريبا اكتفاء ذاتي بس بعد الاستثمار رايح الواحد يبيع اولاده من الغلاء والايام جاي الله المستعان
|
شو بدي قول غير انو جزء من الحركة اللي عم يقوم فيها الفريق الإقتصادي لحتى يتخلى شوي شوي من مفهوم الإشتراكية اللي ما عجبت بعض رؤوس الأموال
طيب وبعدين يعني ما شاء الله عم شوف جهل بين اوساط الناس يعني معو معو ضده ضده يلا بدكن رأسمالية رأسمالية بدكن أشتراكية اشتراكية طيب يعني شو مشان ؟ الله يعين رح نصير نشحد اللقمة وفي موضوع نزله الأخ كهربجي من فترة كتير قريب على الفكرة كان مقال مقتبس من قاسيون وتحياتي الحارة |
اقتباس:
بس لازم العالم تفهم انو هاد عيب بالتطبيق وماهو عيب بالنظرية او بالفكرة ... بمعنى اخر , حيث انو المخططين (المسئولين الاقتصاديين) ماقدرو يحددوا احتياجات قطاعات الدولة لو اخطاو او ارتشو او اهملو او اصلا ما عندون فكرة عن التطبيق(فكل هاد ما بيعيب بالفكرة او النظرية) وانما بيعيب في التطبيق.. بالنسبة لموضوع الرشاوي هاد فعلا واقع ومشكلة اللي بيدفع رشاوي دايما هو النصاب او اللي بدو يحتال عالقانون سواء جاي يحقق ربح سريع مندون مايخدم الاقتصاد او لاء .. اما عن الاستثمار الزراعي (للاسف هاد بيحقق ارباح قليلة عن اي مشاريع تانية) لهالسب بيحجم عنو المسثمرين (مافي حل ادام الحكومة غير تقديم تسهيلات للمستثمرين متل اعفاءات ضريبية مؤقتة او اراض باسعار منخفة او تسهيلات في السداد او ماشابه) على اي حال الكرة بملعب الحكومة بالنسبة للاسثمار الخدمي وبيندرج تحت منو الفنادق والقطاع السياحي والمواصلات والاتصالات والانترنت والخدمات البنكية والعلاج والاستشارات بكافة انواعها ,اعني بكل ذلك فرض بعض الامثلة ,فهي تمثل النسبة الاكبر من الدخل القومي او الناتج القومي لاي دولة متقدمة (اميركا بكل عظمتها الصناعية هي كذلك ) وكلما تقدمت الدولة زاد فيها اسهام الخدمات للناتج القومي عن اسهام السلع الملموسة للناتج القومي. الخدمات ليست عيب ابدا (فهماك خدمات مؤثرة جدا وحيوية) تخيل ان الكهرباء قطعت عنك ؟ او حراة تليفونك الارضي او شبكة موبايلك ؟؟. *نبيل ردك طويل مارح ارد عليه منشان هيك :p صحيح يامعلم انا كنت شاكك انو البارد كولا (ليش راح مخك لبعيد:o ). ان شاء الله برد عليه بعدين لانو مافي وقت ولازم انام منشان افيق بكير (وهلاء الوقت اتاخر جدا) |
اقتباس:
|
اقتباس:
شو مشان المستثمرين السوريين :sick: شو مشان روؤس أموال السوريين المغتربين اللي تقدر بأكثر من 150 مليار دولار !! ليش حكومتنا ماعم تستقطبهم :cry: ولا المستثمر الاجنبي أولى من ابن البلد :jakoush: وجهة نظري : أن رئيسنا المفدى لازم يساهم في استقطاب رؤوس الاموال السورية والتي تقدر بالمليارات بدلاً عن استقطاب المستثمرين الاجانب اللي بيضلو غرباء عن هذا البلد واللي بيضل هدفهم الاول والاخير الربح المادي فقط .. هاد من عدا التضييق على المستثمرين السوريين من قبل المستثمرين الاجانب والمضاربة عليهم وهذا الشي خطير جداً على الأمن الاقتصادي باعتبار ان اغلب الشركات الصناعية المنتجة العائدة لرؤوس اموال سورية في سوريا لاتعتبر شركات عملاقة حتى على الصعيد المحلي .. وبهالحالة تعتبر غير قادرة على منافسة رؤوس الاموال الاجنبية العملاقة القادمة الى البلد من قبل المستثمرين الاجانب ... وهاي احلى سيكارة لعيون الحكومة وقراراتها الفاشلة :larg: |
| الساعة بإيدك هلق يا سيدي 15:16 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون