أخوية
الصفحة 2 من 3 < 1 2 3 >
عرض 40 مشاركة من هذا الموضوع في صفحة واحدة

أخوية (http://www.akhawia.net/forum.php)
-   منبــر أخويـــة الحــــــر (http://www.akhawia.net/forumdisplay.php?f=15)
-   -   الاعضاء البشرية ... بين التجارة والتبرع (http://www.akhawia.net/showthread.php?t=87170)

Fares 04/12/2007 17:31
اقتباس:
كاتب النص الأصلي : COSTA (مشاركة 833871)
( كتير بسمع انو الانسان بيقدر يعيش بكلية واحدة اذا كان جسمو سليم )
ما بعرف شو رايكون ....
طبياً الإنسان ممكن يعيش بكلية واحدة.. وهذا شيء مؤكد.. بس الفكرة أنو إذا صار شي لهالكلية بيصير هو بحاجة لزرع كلية!!

COSTA 04/12/2007 17:35
اقتباس:
كاتب النص الأصلي : yass (مشاركة 833666)
بالنسبة للدول المحترمة حالها تجارة الأعضاء غير موجودة و لا يمكن تكون موجودة لأنو مافي جرّاح يشتغلها. التبرع بالحياة ممكن يكون لقريب مباشر فقط ( كلية, جزء من الكبد... الخ) و بالنسبة للتبرع بالأعضاء بعد الوفاة في طريقتين:

1- تعمل وثيقة بهالخصوص عند الكاتب بالعدل انك و انت بكامل قواك العقلية و الفكرية بدك تتبرع بأعضاءك بعد الممات ( و ما حدا من أهلك راح يعرف أعضاءك مين انتفع منها).
2- انو الأهل يوافقوا بعد الوفاة على التبرع حسب سلّم صلاحيات (الزوج أو الزوجة, الفروع, الاصول).


هاد الحكي القانوني. ما بعرف مدى كبر سوق التجارة بالأعضاء في الشرق الأوسط صراحة... لكن أمر جدا خطير لأنو المتبرع ( أو البائع) اذا تبرع بعضو بدون قناعة تامة ممكن هالشي يسبب أعراض نفسية شديدة تصل الى الشيزوفرينيا و حتى الانتحار



موضوع حلو

تحياتي
اهلين ياسين:D
كلامك كتير مقتع
بس يا اخي الفكرة بالانسان يللي عم يبيع عضو من جسمو مشان المصاري
انو معقول يوصل الانسان لهي الدرجة من الفقر ؟؟؟
بغض عن البلد والبيئة ......
يعني كانسان لما يجي احد اصدقائنا ويقول انا يا جماعة رح موت من الجوع وما معي مصاري وعرضو عليي انو بيع كليتي مقابل (؟)مبلغ
شو فينا نعمل معو اذا كنا منعرف وضعو نحنا
وشركا على مرورك :D

باشق مجروح 04/12/2007 17:41
اولا:
التبرع شي انساني وما فينا نوقف بوشو
وانا من مؤيدي التبرع بالحياة بالكليه مثلا وشغلات تانية
اما بعد الوفاة فهالشي الانسان قبل ما يموت لازم يزكرو بوصيه
ثانيا:
البيع
عند الحاجة الشديدة للمال من طرف البائع والحاجة للعضو المباع من المريض أنا بألم ما بشوفو شي غلط
أما لمجرد التجارة فأنا ما بأيدها رغم اني ما برفضها نظرا للحريه الشخصية

COSTA 04/12/2007 17:42
اقتباس:
كاتب النص الأصلي : dajon1976 (مشاركة 833772)
مرحبا
فعلاً الموضوع مهم و يستحق النقاش.
أذكر أنني شاهدت البرنامج الأمريكي الشهير minutes 60 و كانوا يتحدثون عن هذه الظاهرة في أمريكا, و كان الحديث عن أن الأمريكي يستطيع أن يتنازل عن أعضاءه الحيوية بعد ثبوت الموت الدماغي و ليس السريري,و أن عائلة اعترضت على تنفيذ وصية ابنها المتوفى حول تبرعه بأعضائه و حكم لصالح العائلة التي استخدمت كبد الشاب آنذاك.و تحدثوا أيضاً عن تجارة الأعضاء في الولايات المتحدة لدرجة أنهم يقتلون لهذه الغاية و يستأجرون سفاحين لتأمين عضو سليم.
أنا أظن أن التبرع بالأعضاء بعد الوفاة شئ سامي و إنساني و لكن ليس قبلها.حتى أن علم الجينات تطور بشكل مذهل لدرجة إمكان (تصنيع) أعضاء من خلايا جذع وحيدة.
أشكرك و أرجو لك السلام:D
هلا فيك
العلم عم يتطور يوم عن يوم .....
وياريت نصل ليوم ما نضطر انو نتبرع باعضائنا
بس يمكن مستحيلة او صعبة
شكرا لمرورك
:D

COSTA 04/12/2007 18:05
اقتباس:
كاتب النص الأصلي : Fares (مشاركة 834078)
أنا لفت نظري (شبه) إجماع كل مين علق ع الموضوع ع نقطتين:
1- الإتجار بالأعضاء حرام ويجب مكافحته.
2- ما في مشكلة بالتبرع بالأعضاء بعد الموت..

هلأ فيما يخص النقطة الأولى... أنا ما بشوف أنو الإتجار بالأعضاء حرام.. الحرام هو يلي الوضع يلي بيخلي الإنسان يوصل لمرحلة أنو يرضى يعيش ناقص عضو على أن يموتوا كل أعضاؤو...
أنا بشوف أن الإجرام هو أنو أنا بيع عضو شخص تاني! (نصب طبي، اختطاف أطفال، ....) أما إذا شخص وبكامل وعيه وإدراكه قرر أنو يبيع كليته مثلاً، فأنا هون بشوف أن مبلوعة نوعاً ما..

أما فيما يخص النقطة التانية... أنا بشوف أنو في مشكلة... المشكلة بعدم التبرع بالأعضاء بعد الموت!! يعني إذا أخذتها من منطلق إنساني، فأنا عم ساعد شخص على الحياة بالوقت يلي أنا ميت بجميع الأحوال.. وإذا أخذتها من منطلق شخصي أناني بحت، فأنا بهالطريقة عم أوصل للخلود بأن رغم موتي إلا أن أحد أعضائي لسا عايش....


على فكرة بالنسبة لموافقة الأهل أو الزوج أو الزوجة ... إلخ.... فالقانون هون بألمانيا أريح... أنا مثلاً موقع على ورقة أنو وقت موت ما مسموح للشخص يلي بيستلم جثتي أنو يسأل حدا من أهلي إذا بوافقوا على التبرع بأعضائي. يعني أهلي ما عاد مسموح أنو يتدخلوا بمصير أعضائي بل الطبيب يلي بيقرر وفاتي له كامل الصلاحية بالتبرع بما ينفع من أعضائي...

:D:D
اهلين فارس:D
كلامك حلو بس
بدي اسالك

ليش احد اعضائك رح يحس بشي بعد الموت .....؟
استغربت من تحليلك هاد :?
اقتباس:
كاتب النص الأصلي : Fares (مشاركة 834083)
طبياً الإنسان ممكن يعيش بكلية واحدة.. وهذا شيء مؤكد.. بس الفكرة أنو إذا صار شي لهالكلية بيصير هو بحاجة لزرع كلية!!
ما هي كمان شغلة عويصة ... بس بتنحل
مثلا اذا اتبرع واحد لشخص عزيز عليه بكلية وهو صار بكلية واحدة ... ولما يضطر على كلية اكيد رح يتبرع فيها احد اقرباء الشخص التاني ( كرد للجميل يعني ) بس هي بعتقد انو تصير نادرة

phoenixbird 04/12/2007 18:10
,ويمكن ما تصير

Fares 04/12/2007 18:36
اقتباس:
كاتب النص الأصلي : COSTA (مشاركة 834123)
اهلين فارس:D
كلامك حلو بس
بدي اسالك

ليش احد اعضائك رح يحس بشي بعد الموت .....؟
استغربت من تحليلك هاد :?


لاء هو من منطلق علمي بحت أكيد لاء... أو بالأحرى ما أنا يلي رح حس بالعضو تبعي بعد وفاتي...
بس فكرة الخلود هي فكرة وليست ظرف مادي... يعني وقت تكون قرنية عيني (إذا افترضت المثال عليي رغم أنو أنا طرحته كمثال وليس كفكر شخصي) المهم إذا كانت قرنية عيني هي سبب في أن يبصر شخص، هذا ألا يعتبر خلود بطريقة أو أخرى؟
يعني الناس بتسعى للخلود بترك أثر، سواء كان هالأثر حضاري، إنساني، أو مادي أو شو ما كان يكون... (حسب فكر الخالد - أو الذي يسعى للخلود). مثلاً وقت الابن الكبير بيسمي ابنه على اسم أبو، شو يعني الفكرة الرمزية؟؟ هي كمان محاولة للخلود أو لتخليد الاسم بطريقة أو أخرى..

butterfly 04/12/2007 19:49
هادا رد كنت كاتبتو على موضوع لصديقي العزيز سكايبي :lol:
اقتباس:
أكيد أكيد أكيد أي ... بمال أو بدون أو بأيا وسيلة كانت ( لنفترض أنو القانون قال انو يندفع عليها أو شي )

عيناي .. وخلي طفل يشوف الألوان والسما
قلبي .. وخلي بنت تحب وتتجوز وما تخاف
كليتي .. كبدي ... أيا شي ممكن ياخدووووووووووووووووووووو ه ياخدووووووووه بعد ما موت ..
لمين بدي أتركو ؟؟
للدودات :lol: صديقاتي الدودات خلي ياكلو اللي بيبقى من جسدي ...
بس هالشي رح يخلي حياة أخواتي بالأنسانية تتغير .. أكيد أكيد أي ..

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -



بخصوص الاتجار .. برأيي .. الشخصي ..
إذا صار وتبرع الانسان مجانا ً فهو عمل أنساني كتير كتير صعب ..
( يعني بعيد الشر - انا ممكن اعطي كليتي او قطعة من كبدي .. لتلت أو أربع اشخاص بس .. :lol: في منن بعطين عيوني كمان .. :oops::p )
إذا صار وتبرع الانسان " طالما الشيء لايؤثر على صحة المتبرع " لمقابل مادي .. بتكون تجارة أفادت في أنقاذ شخص .. او تنين ( المعطي والآخذ )

بس برأيي التجارة تكون واضحة ومحددة وملزمة بقوانين ..
:D

abosleman 04/12/2007 21:37
اقتباس:
كاتب النص الأصلي : Fares (مشاركة 834078)
أنا لفت نظري (شبه) إجماع كل مين علق ع الموضوع ع نقطتين:
1- الإتجار بالأعضاء حرام ويجب مكافحته.
2- ما في مشكلة بالتبرع بالأعضاء بعد الموت..

هلأ فيما يخص النقطة الأولى... أنا ما بشوف أنو الإتجار بالأعضاء حرام.. الحرام هو يلي الوضع يلي بيخلي الإنسان يوصل لمرحلة أنو يرضى يعيش ناقص عضو على أن يموتوا كل أعضاؤو...
أنا بشوف أن الإجرام هو أنو أنا بيع عضو شخص تاني! (نصب طبي، اختطاف أطفال، ....) أما إذا شخص وبكامل وعيه وإدراكه قرر أنو يبيع كليته مثلاً، فأنا هون بشوف أن مبلوعة نوعاً ما..

أما فيما يخص النقطة التانية... أنا بشوف أنو في مشكلة... المشكلة بعدم التبرع بالأعضاء بعد الموت!! يعني إذا أخذتها من منطلق إنساني، فأنا عم ساعد شخص على الحياة بالوقت يلي أنا ميت بجميع الأحوال.. وإذا أخذتها من منطلق شخصي أناني بحت، فأنا بهالطريقة عم أوصل للخلود بأن رغم موتي إلا أن أحد أعضائي لسا عايش....


على فكرة بالنسبة لموافقة الأهل أو الزوج أو الزوجة ... إلخ.... فالقانون هون بألمانيا أريح... أنا مثلاً موقع على ورقة أنو وقت موت ما مسموح للشخص يلي بيستلم جثتي أنو يسأل حدا من أهلي إذا بوافقوا على التبرع بأعضائي. يعني أهلي ما عاد مسموح أنو يتدخلوا بمصير أعضائي بل الطبيب يلي بيقرر وفاتي له كامل الصلاحية بالتبرع بما ينفع من أعضائي...

:D:D

هلئ هاد الرد كتير عجبني وكتير في نقاط لازم نشير إلها
وبس ارجع - إذا ما صار شي - بعقب عليهن كمان إذا محدا سبقني

COSTA 04/12/2007 22:02
اقتباس:
كاتب النص الأصلي : باشق مجروح (مشاركة 834096)
اولا:
التبرع شي انساني وما فينا نوقف بوشو
وانا من مؤيدي التبرع بالحياة بالكليه مثلا وشغلات تانية
اما بعد الوفاة فهالشي الانسان قبل ما يموت لازم يزكرو بوصيه
ثانيا:
البيع
عند الحاجة الشديدة للمال من طرف البائع والحاجة للعضو المباع من المريض أنا بألم ما بشوفو شي غلط
أما لمجرد التجارة فأنا ما بأيدها رغم اني ما برفضها نظرا للحريه الشخصية
اهلين باشق:D
بفهم منك انو بتايد الواحد يبيع قطعة من جسمو في حال الحصول على المال للعيش

باشق مجروح 04/12/2007 22:06
اقتباس:
كاتب النص الأصلي : COSTA (مشاركة 834327)
اهلين باشق:D
بفهم منك انو بتايد الواحد يبيع قطعة من جسمو في حال الحصول على المال للعيش
طبعا بأيد ........هو محتاج وازا كان السعر بيحللو كل مشاكلو ليش لأ يعني خليه يعيش بعضو ناقص ولا كل أعضاؤه تموت من الجوع ;)
ميرسي الك:D

COSTA 04/12/2007 22:11
يا جماعة شكرا على مروركم على الموضوع :D
بس ما حدى جاوبني اذا من حقو الانسان يبيع او يتبرع بقطعة من جسمو
ورجاء الرد يكون ضمن المنطق والواقع وليس من ضمن الدين

باشق مجروح 04/12/2007 22:18
اقتباس:
كاتب النص الأصلي : COSTA (مشاركة 834342)
يا جماعة شكرا على مروركم على الموضوع :D
بس ما حدى جاوبني اذا من حقو الانسان يبيع او يتبرع بقطعة من جسمو
ورجاء الرد يكون ضمن المنطق والواقع وليس من ضمن الدين
أكيد من حقو
يعني لكان من حق مين......
منطقيا
أنا حر هاد جسمي..;)

COSTA 04/12/2007 22:24
اقتباس:
كاتب النص الأصلي : باشق مجروح (مشاركة 834330)
طبعا بأيد ........هو محتاج وازا كان السعر بيحللو كل مشاكلو ليش لأ يعني خليه يعيش بعضو ناقص ولا كل أعضاؤه تموت من الجوع ;)
ميرسي الك:D
طيب ليش ما منأيد ومنسعى لاقامة مؤسسة تحمي هالانسان من بيع اعضاؤه وتأمن وظيفة او شغل او حتى تعلمو شي مهنة يقدر يعيل نفسو فيها وما يلجأ لهاد الطريق لانو فرضا اذا خلصو مصاريه رح يدور على طريقة تانية وشغلة تانية يبيعها من جسمو ....

برايك هاد الحل مو افضل من البيع ؟
:D

باشق مجروح 04/12/2007 22:29
اقتباس:
كاتب النص الأصلي : COSTA (مشاركة 834357)
طيب ليش ما منأيد ومنسعى لاقامة مؤسسة تحمي هالانسان من بيع اعضاؤه وتأمن وظيفة او شغل او حتى تعلمو شي مهنة يقدر يعيل نفسو فيها وما يلجأ لهاد الطريق لانو فرضا اذا خلصو مصاريه رح يدور على طريقة تانية وشغلة تانية يبيعها من جسمو ....

برايك هاد الحل مو افضل من البيع ؟
:D
أكيد أفضل.........
بس لحتى نحل مشاكل كل هالعالم انا بشوف انو هالشي مشروع بما انو ما عم يضر حدا...;)
أنا ما بأيد البيع لمجرد البيع...بعدين البيع ظاهرة بحسها مسيئة لحقوق الانسان بس دايما ازا ما في حلول .......
أما التبرع أكيد هو عمل انساني بأيدو وبشجع عليه.........:D

dajon1976 04/12/2007 23:16
اقتباس:
كاتب النص الأصلي : COSTA (مشاركة 834342)
يا جماعة شكرا على مروركم على الموضوع :D
بس ما حدى جاوبني اذا من حقو الانسان يبيع او يتبرع بقطعة من جسمو
ورجاء الرد يكون ضمن المنطق والواقع وليس من ضمن الدين
مرحبا
اليوم بعد ما رجعت من الدوام خطرلي شغلة راحت عن بالي عن موضوعك:
أنا بعرف أكتر من حالة تبرع فيها أخ بكليته لأخوه أو أخته, وفي بعض حالات بنقي العظم ,وجزء من كبد, و خلايا مختلفة.
و المعنى أن الإنسان في موضوع التبرع بالأعضاء الثانوية(على اعتبار أن القلب و الرئةو النخاع الشوكي أعضاء رئيسية لا يمكن العيش بدونها أو بجزء منها) هو خاضع لمنطق العقل و غريزة العاطفة,و أقول غريزة لأنه في أحد الحالات فشلت الكلية المتبقية لأحدهم بعد التبرع مما استوجب زرع كلية من جديد,فقراره اتخذه على أساس عقلاني وكانت النتيجة مخالفة للمنطق العلمي.
أعتقد أن الجواب على سؤالك هو:يمكن للإنسان التبرع بأعضائه الثانوية(شرط عدم الإكراه-وهو موضوع آخر) عند توفر المنطق العلمي(دراسة طبية و صحية دقيقة, القدرة العقلية التامة,انعدام المؤثرات و الضغوط العاطفية أو الإكراه,...) أما الأعضاء الرئيسية فيحق للإنسان التبرع بها (و يجب عليه) شرط التأكد من الموت الدماغي.
تحياتي و أرجو لك السلام

باشق مجروح 04/12/2007 23:19
اقتباس:
كاتب النص الأصلي : dajon1976 (مشاركة 834376)
مرحبا
اليوم بعد ما رجعت من الدوام خطرلي شغلة راحت عن بالي عن موضوعك:
أنا بعرف أكتر من حالة تبرع فيها أخ بكليته لأخوه أو أخته, وفي بعض حالات بنقي العظم ,وجزء من كبد, و خلايا مختلفة.
و المعنى أن الإنسان في موضوع التبرع بالأعضاء الثانوية(على اعتبار أن القلب و الرئةو النخاع الشوكي أعضاء رئيسية لا يمكن العيش بدونها أو بجزء منها) هو خاضع لمنطق العقل و غريزة العاطفة,و أقول غريزة لأنه في أحد الحالات فشلت الكلية المتبقية لأحدهم بعد التبرع مما استوجب زرع كلية من جديد,فقراره اتخذه على أساس عقلاني وكانت النتيجة مخالفة للمنطق العلمي.
أعتقد أن الجواب على سؤالك هو:يمكن للإنسان التبرع بأعضائه الثانوية(شرط عدم الإكراه-وهو موضوع آخر) عند توفر المنطق العلمي(دراسة طبية و صحية دقيقة, القدرة العقلية التامة,انعدام المؤثرات و الضغوط العاطفية أو الإكراه,...) أما الأعضاء الرئيسية فيحق للإنسان التبرع بها (و يجب عليه) شرط التأكد من الموت الدماغي.
تحياتي و أرجو لك السلام
أنا موافق على هالكلام 100%:D

ري مي 04/12/2007 23:38
مرحبا للكل:D
انو اي ليش لاء .. حلو انو الانسان يتبرع بعضو أو اكثر من اعضاؤه بعد ما يموت
اذا كان بالامكان انو ينقذ حياة انسان تاني بهالعملية .
بالمناسبة عجبني كلام butterfly عن انو ما بدا تترك اعضاءها للدودات ..
ولكن انو يتبرع وهو على قيد الحياة ف هي تضحية عظيمة جدا بس شو ممكن تترك اثر بنفسية المتبرع
هل انو رح يحس بالنقص؟؟ ام لاء؟؟
ما هوي ايضا انسان ومن حقه انو يعيش بالصورة يللي ولد فيها
ما بعرف ...
وبالنسبة للاتجار بالاعضاء / السوق السوداء / ف متلو متل غيرو من الاشيا الغلط بهالدني
... يللي مو بايدنا ايقافها ولكن بايدنا نوقف ضدها.:D


الساعة بإيدك هلق يا سيدي 15:16 (بحسب عمك غرينتش الكبير +3)
الصفحة 2 من 3 < 1 2 3 >
عرض 40 مشاركة من هذا الموضوع في صفحة واحدة

Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون

Page generated in 0.04168 seconds with 10 queries