lak mni7 annak men ljil l 2adim rabbak yestor men l ati
do3f lmanahij? ya baba bas bokra yetsalla7 lmanhaj btsir bel gharikati gharkan
lianno ktiiir hard 3al tofel w lkbir ta3a 3anna shouf la technologie byedrsouha b saf tane ?
w l zghie bya7mol 3a ktefo aktar men 5 kilo ketob w dafatir w ....ktiiir over

أكيد الدين مو هو الطريقة الوحيدة ليكتسب الإنسان أخلاق.. وفي حال كان هو الطريقة الوحيدة، فالأخلاق مو اختصاص وزارة التربية قد مو هي اختصاص الأهل..

وهون بيطلع سؤال مهم.. هل يا ترى الأولوية هي التربية أم التعليم؟ هل يصح ان تكون الوزارة هي وزارة التربية؟

عالدولة (حسب الدولة) و عالأهل (حسب الأهل)... أنا بعتقد انو مسؤولية مشتركة بشرط سلامة المؤسستين


تحية:D

هلق عالدولة ما اختلفنا.. بس عالأهل؟ ما بظن لأنو ماهية ونوعية العيلة بتفرق من بيت لبيت.. عرفت كيف؟

بعدين بما أنو حسب الدولة هاتوا لنشوف.. بسوريا شو؟ تربية أم تعليم؟

أنا قصدي بالدولة الحكومة شريك... قصدي انو لازم الدولة تضمن انو الطفل ينمو على قيم ثابتة بعيدا عن أي ايديولوجيا, يعني يتعلّم قيم مثل العدالة, المساواة, الحق, الحرية, ثقافة الآخر.... الخ. هاي شغلات لازم ما يعتمد على الاهل فيها, الأهل عليهون شق آخر متعلّق بالآداب بالتعامل و التصرّف

عندنا التعليم مؤدلج عروبيا و بعثيا, و مو حكي من عندي.... يعني طلائع و شبيبة ومن هالأمور

حميل حميل جدا لأ ياسيدي التعليم الديني ما جاب غير الطائفية والتعصب أنا مطلع على كل الأديان الموجودة بصورة عامة وبعرف أنو كل دين الو ماخذ على الدين التاني هي غير الطوائف بالاضافة لأنو مو الدين هو اللي بيعطي الأخلاق لأ الثقافة هي اللي بتعطي الأخلاق فمثلا أقرأ لدوستوفسكي و شوف الأخلاق والقيم الموطبيعية و المو موجودة بأية دين

انا من وجهة نظري الشخصية انه التعليم الديني مش ضروري في المدارس
لأنه اصلا كل عائلة مسلمه من المفروض انها ما تستنى المدارس تعلم ابنها دينه
كباقي العلوم العادية ...
لكن مش مصيبة اذا حطوه ومش غلط بس مش ضروري ..