|
نحنا لانو نحنا الي بنعمل التغيير _اذا بدنا_
|
عدة اسباب مجتمعة ولكن اهم اسباب تخلفنا هو العادات والتقاليد البالية
الغرب وصلوا بالعلوم للاستنساخ ورح يصلوا عا الشمس ونحنا لسى مناقش موضوع الحجاب ومفسدات الوضوء ومنحكي بتوافه الامور اخدنا واكتفينا من كل شي بالحياة بالقشور وكمان نحنا لانو لحد ها اللحظة متسمكين بافكار وعادات فرضا علينا اجددانا ونسينا انو وقتن غير وئتنا وانو لكل وقت دولة وزمان ورجال |
دكتور السويدان قال ذات مرة
هذا التخلف ولدنا فيه لكننا مسئولين عن شكل الامه بعد 25 سنه الوقت الى نكون فيه احنا الى بنعمل فاحنا لو قلنا السبب كذا و كذا و كذا مش هنقدر نعد لان الاسباب كتيرة و يمكن تكون الاسباب الى انت كتبتها و اسباب تانيه غيرها كلهم هم السبب لكن الاكيد انحنا لو مكنش عندنا اراده تغير يبقى مش هنغير مهوه مفيش حاجة بتتصلح بالساهل لكن فى حاجة بتبوز بالساهل |
أكيد نحنا السبب لانو الشباب العربي ببساطه غير مثقف " ما بحكي غير متعلم "
ممكن يكون عم يحكي عن معلومه تاريخيه مثلا ولما تسأل عن مصدر هالمعلومه بطلع شي فلم حضرو بالزمانات ويعتبر منظر غير طبيعي انو نشوف شخص قاعد بمكان عام وماسك كتاب عم يقرأ فيه "إلا إذا كان طالب عندو امتحان" مفهومنا للثقافه محدود ومحصور بالاشياء الداخله بتخصصنا الاكاديمي أكيد الحل القراءه .. انو تكون عنا فكره عن كل شي ...حتى لو فكره بسيطه لازم نعرف الدنيا كيف ماشيه وشو عم يصير حوالينا .. يمكن وقتها طموحنا بصير اكبر ولما يكون في طموح ما بعود في تخلف وناس واقفه بمكانها يسلمو عالموضوع :D |
من كون هذا الشعب؟؟؟ من جعل الكل يخاف ان يعبر عن رأيه بعد حملات قمعية و اعتقالات و اعدامات؟؟؟ حتى صار المواطن غير قادر على الكلام فصار مخفر الشرطة كابوسا لا يرغب ان يدخله احد,
|
الدين أولا وأخرا....
التعصب والتخلف والجهل ما الو عندي الا تفسير واحد وهو المذكور اعلاه.. الله يلعن المذكور.. |
كل شي انقالانا كنت بدي احكيه(ما عدا الدين لانو ما دخلو بالقصة بيجوز التعصب هادا شي اكي بيجوز الطائفية كمان اكيد بس اكييييييييييييييييييييييي يييييد مو الدين اطلاقاً).....:D
|
نحنا ثم نحنا ثم نحنا..لانو نحنا خربنا الدين والعادات..ولانو نحنا وصلنا هيك حكام لهيك انظمة..ولانو نحنا ما منتحرك ولا منحاول اساسا نتحرك..لانو نحنا منحط كل الحق عالامبريالية والصهيونية..بينما كتار منا وفينا عايشة فيهن ألعن من الافكار الصهيونية!!
أساسا انتي سألت "ليش نحنا متخلفين" والجواب هو نحنا !! |
سبب التخلف الي نحنا فيه هو اكيد بكل
بساطة احنا مش عارفين شو بدنا عايشين بتناقض من هيك ما بنتطور ومشكور للموضوع:D |
أنا متنعت عن التصويت لانو شايف الامور الاربعه مجتمعه وحرام يكون السبب لامر واحد
بالاضافه لامور اخرى متل ,,الفقر ,, والموروث التاريخي والثقافي الي مو عارفين نطلع منو الحكام والانظمة الي ناتعينا الامبريالية والصهيونية الدين والعادات والتقاليد البالية بكل بساطة ...نحنا |
كل هالاسباب أممي .. بس المشكلة الأكبر فينا نحنا .. لأنو لو عرفنا نطلع من هالدائرة المغلقة اللي نحنا فيها ولو المجموعة التي تعي هذا الأمر والمازق الذي نحن فيه عم بتوعي باقي جيلها اللي غرقان ومو حاسس على حالو ومو واعي على شي ... يمكن يصير في أمل انو نتقدم .. حتى ولو بخطا بطيئة .. لكن نحنا وبالقسمين المجموعة الواعية والمجموعة الغرقانة لا نجد لدينا الطاقة ولا الحافز لنتحرك إلى الأمام ... حتى ولو كان هذا الحافز هو الوطن ..
المشكلة من عنا وكمان الحل من عنا .. |
اقتباس:
يعني بصراحة %50 من الكل عم يؤمنوا ان نحنا السبب يعني الفشل فينا والغلط فينا زمان كان كل مصيبة بنحطها عالامبريالية والصهيونية واليوم 0% من الشباب يؤمن بهالكذبة بس مابتعتقدوا ان معظمنا بكل فقسة بنجيب سيرة نظرية الموامرة يعني بعتقد خلونا نخلص منها لان انا بومن ان كل المصايب الخارجية مابتشكل اكثر من 10% من مشاكلنا معظم الشباب عم يحطوا وجهت نظرهم بالمشكلة بس ان النقطة شو الحل |
اقتباس:
والمصايب الخارجية قد تؤثر بشكل جدي على المصايب الداخلية !! |
انا بالغلط حطيت على الدين ..
بس انا ... كنت رح اختار .. بإختصار .. نحنا ;) |
أنا صوتت انو نحنا السبب لانو لو ما كنا متخلفين ومنستاهل ما كنتو شفتو اراذل وحثالة الناس صاروا هني حكامنا الى الابد
|
السبب برأيي الأنظمة اللي ناتعينا
والدليل أنه لما العربي بسافر لبرا بيتفوق وبصيربالصفوف الاولى على سبيل المثال لا الحصر اسامة الباز رئيس ناسا (وكالة الفضاء الأميريكية) مصري الجنسية لازم نخلص من هالانظمة المعفنة |
نحنا السبب بالتخلف بكل بساطة يعني اذا نحنا بدنا نتقدم فلازم نتبع بحياتنا كثير اشيا نحنا فاقدينها مثلا نحنا ما عندنا وعي و ما بنتحمل الرأي الاخر يعني بصراحة كل واحد فينا بيقول انا الصح مع اننا و للاسف نحنا الغلط و لازم تعترف انو كلاياتنا بنغلط و الغلط مو عيب العيب انك تقول انو انت ما بتغلط و الصح هو انك تعترف بغلطك و انك تحاول تصحح هالغلط يعني لازم نتوحد بما اننا بنحمل نفس الاسم لازم نبذل كل جهدنا مشان نوصل للي بدنا ياه و ما بعرف اخي كيف اتشكرك على هالموضوع الرائع:D |
هلق هاد السؤال تقريبا متل قضية الجيجة والبيضة بس لنعرف مين اجا اول منعرف نحنا ليش متخلفين اما الحلول فبدها شوية تفكير يعني انت فاجاتني بالسؤال ما كنت بعرف انا متخلفين :lol: :D |
| الساعة بإيدك هلق يا سيدي 01:53 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون