|
اقتباس:
هلا يمكن باللادقية الحكي مظبوط بس صدقا بمحافظات تانية الحكي غير هيك عن الشبيبية بالهلال الاحمر انتي تعرفي شو صار وقت حرب تموز وقديش هلكنا وخاصة فرع دمشق وقت كنا نضل 24 ساعة على الحدود والقصف قدامنا بس بمحلات تانية الوضع بيختلف |
طلائع البعث
واحلى صفقة طلائعية لعيون الشباب الطيبة كلو يصفق |
ولا اقلك شغلة
انا من جهتي مابحب حدا يمثلني بحب امثل حالي بحالي |
اقتباس:
انت بمحافظة دمشق وانا بعرف كتير شباب من الشبيبة بفرع دمشق عندون ابداعات كتيرة ونشاطات رائعة بتعرف شو هيدا بيتوقف علينا نحنا وعلى قدرتنا على الوقوف في وجه المصاعب يلي بتعترض سبيلنا مثلا انا بالشبيبة في كتير وقفو ضدي وخاصة من الكبار بالعمر شوي من منطق الخوف على حالون من شباب بيشكلو كادر قيادي لكن هيدا ماخلاني اوقف ولا اتراجع وقول انا ماعجبني الشغل لحد هلا عم عاني الامرين وكتير بنلام على تصرفات باعتقادون هني انو بتادي لخلل بمكان معين تحديث هالمنظمات ورفع مستواها بيعتمد علينا نحنا مش على جدي وستي الشباب هني قوة التغيير واذا نحنا قعدنا ببيوتنا مين بدو يغير طيب لاحكيلك شغلة من اسبوع كان عنا ندوة فكرية اعلامية كان احد اعضاء قيادة فرع الحزب حاضر الندوة قمت انا وحكيت بموضوع حجب المواقع المعارضة وطلبت يوصل لوزارة الاتصالات اعتراضنا على حجب المواقع المعارضة كان ردو انو بعض المواقع عم تسيء وعم يتعاملو مع العدو ومن هالحكي فانا قاطعتو وقولتو مش من حقك تحكي وتعمم ومش من حقك تعطي هيدا الراي في شباب بعثيين قادرين يفكرو كتير منيح ويعرفو الصح من الخطا مش انت او غيرك يلي بدون يحددو الصح من الخطا كتير انصقو للهجة يلي حكيت فيها لكن بالنهاية قلي كلامك مظبوط انا رح اطرح هالموضوع ورجعت على بيتي وماحدا اجا صوبي لامخابرات ولا امن دولة برجع واكد انو الشباب هني الاصل وهني يلي بيصنعو المنظمات وبيقووها مش العكس |
اقتباس:
يا لطيف ..!! قال في فيل و أزرق عم يطير ..!!! يحرق عرض هالخرطة .. أنو الواحد بيخرط خرطة بتتصدق .. ما تكبريها ولو ..!! أنا كنت مطلع لمدة خمس سنين , على عمل الشبيبة و كنت مستثمر محل من أملاك الشبيبة و معي تلات ريادات ( واسطة :lol: ) أكتر من هيك بدك ..!! اي بعمري ما شفت هالشي اللي عم تحكي عليه .. بعرف الشبيبة بتطلع بس بمعسكر الصاعقة و المعسكر الانتاجي , مشان علامات البكالوريا .. ما تبقى من أيام السنة الروابط جميعها فاضية .. حسيتك عم تحكي عن أكبر منظمة شبابية في العالم .. ما عم تحكي عن اتحاد شبيبة الثورة المعفن اللي حتى علامات البكالوريا لغوها على حساب الموازي .. يا لطيف هالفيل اللي عم يطير قديه خطير !!.. :lol: |
اقتباس:
انا قلت بالاول الشبيبة مش كلها شغالة وبكل المحافظات بنفس السوية حكيت هالحكي مشان ماتقلي كذابة بعدين بما انك انتفعت من املاك الشبيبة يلي هي تابعة لحزب البعث فانت بتقبل بالواسطة وبتقبل تتعامل مع مجموعات ما بتحبها يعني بعبارة اخرى افهمها لحالك على كل ياريت تصحح شوية معلومات الصاعقة ماعادت عم تعطي علامات ومع هيك في كتير شباب اتسجلو فيها والانتاجي ماعد عم يعطي علامات ومع هيك في كتيرين اتسجلو فيه وهو عندو برنامج عمل محدد وهدفو بالغالب بيئي بعدين انا كنت من اول الناس يلي ايدو الغاء علامات البلكلوريا لانها هي واسطة وجابت للشبيبة كتير من يلي لبسو عباءة الشبيبة واستفادو وبعيدن قالو باي متل بعض عالم هون وبنظرك انت الشبيبة معفنة اما بنظري وقياسا لنشاطها الفاعل بمحافظتي فهي كتير فعالة وبكتير مجالات مارح احكيها مرة تانية مشان الفيل والازرق والكذب بتعرف انت ياريت يكون حوارنا مبني على شوية احترام لراي الاخر وماتكذبو هالراي بهيك طريقة عندك شي حكيه ماعندك ياريت لايطلع معك فيل عم يطيل احسن ما ينزل فجاة على راسك بعتذر لاني دخلت بهيك نقاش فكرت الهدف منو تسليط الضوء على ايجابيات عمل المنظمات وسلبياتها ماتوقعت انو في ناس رح تعتبرني كذابة وتفهم من حكيي انو الشبيبة اكبر منظمة عالمية:deal: |
| الساعة بإيدك هلق يا سيدي 05:45 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون