أنا لا عم دافع عن النظام و لا عم هاجم المعارضة
بس ما بظن أي معارض شريف بسوريا .... رح يقبل بهالكلام ...
أو رح يرضى ( أو يصدق ) أنو حريتو تجي عن طريق الامريكان

يعني هاد الفهمان مو ملائي حدا يسمععوا راح لعند بوش يبوس برجلي بركي بيسمعوا

لك يا فهمان ما فيني الك غير هيك شفنا امريكا شوعملت بالعراق

لك الله ياخدك لعندو بدك تكون دنب امريكا روح لعندها وانت لما بدك تحكي احكي باسمك مو باسم السوريين

لك تضرب يا محمد مامون الحمصي اذا ما هزتلي بدني بغباءك

[quote=الأصلاحي;827536]

ياسيد ماكس ما حدا إتهمك بالدفاع او الهجوم على أحد ولكني احاول توضيح وجهة نظر المعارضة التي وصفتهابكلمات اقل ما يقال فيها أنها غير منصفة.
اما بالنسبة لأمريكا أن نتجاهلها او نشتمها اونكون ضضها لا ينفي كونها القوى العظمة الوحيدة التي تلعب بمفاتيح السياسةالعالمية ومن الطبيعي لمصالحها.
وهنا يأتي دور العقل والمنطق إما أن نستمر في سياسة الشعارات الفارغة المستمرة منذ أربعين عاماً او الأنخراط بهذا العالم الجديد. لا يوجد عاقل يستطيع أن يصدق أن المعارضة السورية قادرة على الأصلاح بدون مساعدة المجتمع الدولي.
نحن لم نقل أن الحرية ستأتي عن طريق أمريكا ولكن إذا أرادت أمريكا أن تدق مسماراً في نعش الظلمة والطغات والدكتاتوريين الجاثمين على أعناق وارزاق هذا الشعب فمن المؤكد لن نمنعها.

لك انا بس بدي اسالك يا Manalak انتي و بشار تبعك اللي هو شوكة بعينا والله مو بعين اعدائنا الامريكان خربوا العراق؟ صح عم يدعموا اسرائيل؟ صح بيكرهونا وبدن يانا نضل متخلفين مشان يضلو متحكمين فينا والله صح عملو غونتنامو الفظيع كمان صح

بس عمرك سمعت باميركا عن واحد اعتقلو لانو كتب تعليق بشي موقع على الانترنت؟ عمرك سمعتي انو باميركا بيعاملو الاميركي متل الحيوان؟ عمرك سمعتي باميركا اللي هي جمهورية بصير ابن الرئيس رئيس؟ عمرك سمعتي باميركا رئيس فاز ب 99,99 بالمية؟ عمرك سمعتي انو باميركا في 14 جهاز مخابرات شغلتن الوحيدة مراقبة اي حركة من الشعب بينما بيفوت صحفي اسرائيلي على بلدن بيتفتل اسبوع وبياخد صور بحلب وبحماة وبالشام من دون ما حدا ينتبهلو؟ لك الفظائع اللي صارت بسجن تدمر على مدى عشرين سنة بتجي قد الف غوانتنامو ......

الامريكيين صح عملو بالعرب والمسلمين العمايل بس هدا لانو بيعتبرونا اعداؤن بينما هني بين بعضن في عندن حرية و عدالة وممكن اي مواطن صغير يجرجر الرئيس على المحكمة لو الرئيس تعدا على حقوقو وهدا الشي اللي قصدوا الحمصي وما قصد اللي عم يصير بالعراق

على فكرة انت قلت بشار الاسد حاميها انا كنت مفكر الله حاميها ولا انتي عندك الاتنين نفس الشي؟؟:shock:

خلني خبرك شي والك لو انو الشعب الاميركي عندو من الحضارة يلي عم تحكي عنها ما كان صار يلي صار
ولو في حرية وعدالة متل ما حكيت انا براي كان الاشخاص يلي عندون اعتراض عا حرب بوش عا العراق كان ادرو
يوئفو عن حدو ويمنعو و لو في حرية متل ما حكيت ما كنا شفنا التمييز العنصري ضد الزنوج ولهلا قائمة ببلدون
ممنوع الزنجي يروح ليعض الاحياء مو بس عندون غالبية اوربا وين العدالة بين بعضون
ويلي نسي الحمصي ونسي كتير ناس وهنن بيفكروا انو امريكا المخلص للعالم انو امريكا لما فاتت العراق اغتصبت الرجال متل ما بتغتصب النساء
اي وانا عند كلمتي بشار من بعد الله حامي سوريا ومن ابلو القائد الخالد يلي رفع اسم بلدك وعملوا كرامة
وما وقع معاهدة استلام مع اسرائيل مو سلام

و بنفس الوقت .... لا يوجد عاقل .... يثق بنوايا أمريكا اتجاهنا





ما متنا ......... بس شفنا مين مات

هذا كلام جميل ولا غبار عليه . ولكن المتعارف عليه أن سياسات الدول ومستقبل ومصير الشعوب لاتبنا على النوايا..........
أنا شبه متأكد من أنك توافقني الراء بأن سياسات الدول والشعوب تبنا على أساس المصالح الأقتصادية والعلمية و و و الخ.

اقتباس:

ما متنا ......... بس شفنا مين مات

إذا كنت تحب هذا النوع من الأمثال فالأقرب لوجعنا هو، ميت ما بيحمل ميت.
ثم نرجع للتاريخ بنظرة إجابية ونقول أن امريكا لها تجارب مشجعة وبنائه مثل المانية وإيطالية وباقي أوروبا واليابان
ونمور أسيا والعديد من الدول . نحن شعوب نعتمد على العواطف والنوايا في كل شئ وإذا لم نسطتع التخلص من ذلك
فسنظل نحيا على أمجاد التاريخ وسيفوتنا الركب الحضاري.

يعني بالعربي اافصيح لوين بدك توصل؟؟؟؟

هذه الرسالة صدرت عن السيد مأمون الحمصي كما فهمت ....

قبل ما ادخل بفحوى هل الرسالة مين منكم شاف مأمون الحمصي بمقابلته مع جزيل خوري على قناة العربية ؟؟؟
اكيد كتار و منهم الأخ الإصلاحي ...

هذا الرجل لم يستطيع ان يتكلم في تللك المقابلة بكلمتين تحمل فكرة واضحة وعندما كنت اشاهد تلك المقابلة ظننت انني اشاهد المسؤول العام عن سوق الهال بمدينة دمشق وان هذا الذي سما نفسه معارض يتكلم وكأنه بائع للخضرة عندها فقط اكتشفت لماذا تم اطلاقه من السجن لأن السلطة اكتشفت بأنه خسارة ان تبقيه بالسجن وتعطيه اهمية وطنية كمعارض سياسي وهو احمق عديم الفهم الا بلغة المال ...

ادخل في النقطة الثانية :
ان كانت المعارضة وطنية بأن تستجدي الدعم من اعداء بلدها لكنت وجدت الأمريكيين في سوريا منذ اكثر من ثلاث سنوات لكن السوريين رفضوا بكل فئاتهم ان يقلدو المعارضة العراقية و يبيعو وطنهم لحساب مصالح شخصية و لأن الأمريكيين لم يجدوا اي فئة في سورية سواءا من المعارضة او من فئات الشعب الأخرى ترضى بها و بدعمها ففشلت كامل مخططاتها ضد سورية حتى هذه اللحظة ومن ارتضى ذلك من بعض الشخصيات السورية قفدوا مصداقيتهم من الشعب قبل السلطة و الحكومة وعلم هؤلاء ان الشعب السوري سيستقبلهم بالصرامي عند عودتهم للبلاد في اي يوم و بأي طريقة ....

النضال السياسي شيء مقدس لكن الخيانة ذنب عظيم و اخف عقوبة عليه الإعدام ( ليس الخيانة هي خيانة الدولة انما خيانة الوطن ) .

والى الأن لم نشاهد معارضة وطنية حقيقة تجلب لنا برنامجا لبلدنا و طريقة نضال سياسية غير مشبوهة كبديل عن السلطة الموجودة وفي ظل عدم وجود مثل هذه النوعية فالأفضل لبلدنا ان تستمر السلطة الحالية بإدارة شؤون البلاد لأنها ستبقى ارحم من اي سلطة اخرى فيكفينا ايجابية بها انها الى الأن لم تساوم على حقوقنا دوليا رغم انها نهبت حقوقنا محليا :shock::shock:

بقعة ضوء

الغربال لا يحجب ضوء الشمس
 

وما الذي يمنع المسؤول العام لسوق الهال او بائع خضار او سائق تكسي او أي مواطن مهما كانت مهنته من الكلام أو التعاطي في السياسة ومعارضة النظام الغير شرعي أساساً.ياسيد بقعة ضوء إلى متى سنظل نضلل هذا الشعب المسكين وندفعه للخنوع والأستسلام وتمجيد جلاده.
ولماذا نترك مصير بلدنا في يد مافيا هي من خانة هذا الشعب وأغتصبة حقوقه تستحق العقاب لا من يبرر لهم ظلمهم وطغيانهم.

اي هو معك حق انو مافي معارضة حقيقية والسبب واضح انو بسوريا ما في شي اسمو طبقة سياسية اصلا مين بيسترجي بسوريا يحكي بالسياسة الا اذا كان بدو يمسح جوخ ويمدح حكمة القيادة

بس خليني اسالك سؤال, تخيل حالك معارض اي وبدك تغير هيك نظام بطرق سلمية فيك تقلي شو هي هالطرق السلمية السياسية؟؟؟ اذا اي نوع من ابسط انواع الاحتجاج ممنوع بدء من الاعتصام والمظاهرات و حتى اصدار اي صحيفة مستقلة, ممنوع لاي حزب الو قيمة يشتغل علنا ومو مسموح الا باحزاب الجبهة اللي كل حزب فيها مؤلف من رئيسو ومرتو والشفير تبعو

فبعد هدا كلو بتقدر تقلي شو الطرق السياسية ؟؟

اما انو بقاء السلطة الحالية لمصلحتنا فبحب قلك كل سنة زيادة بعمر هالنظام معناها انو نحنا عم نرجع عشر سنين لورا وبعدها بصير بدنا كتيييير لنصلح اللي تهدم