اي يتبع لقلكون

بصراحة ترددت كتير قبل ما اكتب بس لا والله لازم اكتب


في الواقع وضع الجامعات الخاصة بسوريا مو كتير احسن من الحكومي بالسوية
باستثناء جامعتين لا 3

هلا شي حلو انو اتبعوا النظام الاوربي نظام الساعات المعتمد مشان الطالب يدرس كل يوم بيومه
والامتحان كله باسبوع المواد ورا بعض بس في كارثة وهي انو شو يدرس الطالب
ما في كتاب عنا في مراجع
والمححاضرات اما بدو الطالب ينقش ورا الدكتور على قاعدة ابصم تنجح او الله يعينه على درس الكتاب

واللي بيدرس بالعلوم بيعرف شو يعني مرجع حجمه 4000 صفحة

شي حلو انو الدرس بالانكليزي هاد ساعدنا كتير وكمان الغياب الكتير ممنوع

بس كمان ما قدرت ابلع نفسيات الطلاب كونه كلون من المالكي وابو رمانة
قال مرة واحد قلتلو انا طلع برا الشام قام اطلع عليي بازدراء وقللي ليش انت مو من الشام
على اساس ولاد البطة السودا هني مو اهل الشام

هلا الدكاترة كتير مناح بس كمان كوارث باللغة الانكليزية

راجع

طارق لقلك شغلة بيجوز ما حدا بيعرفها عني:
قبل ما اطلع من سورية بالاول كنت مسجل بجامعة القلمون ( يعني الجامعة الخاصة اللي انت فيها ) و بصراحة لما كنت عم سجل قرفت حالي من مناظر هالطلاب اللي كانو هنيك واللي بالفعل تماما متل ما حكيت انت انو شايفين حالهن تحت الله بشوية بس لانن من المالكية او ابو رمانة او غير مناطق بالشام و هاد كان احد الاسباب الرئيسية اللي خلتني اتشجع بشكل كبير للسفر و الدراسة بالخارج :pos:
هلق مشان وضع التعليم بالجامعات بسورية انا بصراحة ما بعرف كتير بس فيني احكي عن وضع التعليم بالمراحل اللي قبل الجامعة و رح احكي بالتحديد عن مستوى طلاب العلمي بسورية :sick:
بالنسبة للمواد: الرياضيات :sick: مستواها لا باس به :pos: بس المفروض انو يكون المستوى اعلى من هيك على اعتبار انو الطالب من صف الاول بياخد هالمادة يعني بعد 12 سنة دراسة لمادة الرياضيات طالب البكلوريا يا دوبو يعرف يحل معادلة من الدرجة التانية و يرسم الخط البياني و يفك كم معادلة مثلثية من الدرجة التانية
سيدي مو مشكلة على الاقل منهاج البكلوريا فيو كم شغلة مناح و مستاهلين الواحد يتعب عليهن
بالنسبة للفيزياء الوضع اتعس::pos: يعني تخيل طالب بكلوريا علمي و اضرب و اطرح بيحطولو شغلات قديمة من العصر الحجري بكتابو و ما عادت مستعملة عمليا بكل بلدان العالم........طيب ليش؟؟؟؟؟؟؟؟يعني شو بدو يعمل الطالب بهالمعلومات اللي بلا طعمة؟؟؟؟؟؟؟؟؟؟
اما الكيميا.......فيا عيني على الكيميا يا عيني............بهادل مو طبيعية.......الواحد بيشعر بالخجل لما بيشوف هيك منهاج تافه و بسيط بيقوم على اعادة نفس المعلومات من الصف السابع حتى البكلوريا .......انواع الروابط بين الذرات.....حساب عدد المولات.........و غير شغلات تافهة و مكررة من الصف السابع حتى البكلوريا و بلا فائدة
بالنسبة للعربي:يلعن سما هالمادة اخو شليتة....اول سنة بكلوريا الي جمعت 204 بدون الديانة و راحلي 16 علامة بس بالعربي يعني تخيل من مادة وحدة تتدمرت امالي بكل شي اسمو طب و هندسة....مع العلم انو العربي لازم يكون موسع و شوية صعب للادبي مو للعلمي
سيدي امنا بالله و قلنا مو مشكلة لغتنا الام هي ولازم نكون فطاحل فيها بغض النظر عن الفرع اللي عن ندرسو طيب و الانكليزي؟؟؟؟؟شو وضعو؟؟؟؟يا رجل بشرفي اجرام بشكل مو طبيعي بحق الطالب ....بيضل الواحد على اساس انو عم يتعلم لغة هالمسكين بس للاسف بس يخلص بكلوريا بيكتشف حالو انو صفر بالانكليزي اذا ما عمل لحالو دورات خاصة لتقوية الانكليزي...ليش؟؟؟الحق عالمنهاج القديم البالي الذي اكل الدهر عليه و شرب.....منهاج معفن مدود لازم ينكب بالزبالة باسرع وقت ممكن ....
وين البديل؟؟ البديل سهل و واضح و بسيط جدا جدا....على اساس انو سورية يا اخي عندها علاقات حميمة مع كتير دول من العالم....طيب على عيني و راسي خليهن لشوف يروحو يشوفو المناهج بهالدول (مو بدولة وحدة لاء لازم بعدة دول )و يشوفوا هالدول كيف عم تهيء شبابها للمستقبل من الناحية العلمية و يرجعوا و يزبطوا منهاج بيحترم حالو ....حاج نضحك على حالنا عالفاضي و نقول انو عنا منهاج تعليمي :jakoush:
بيروح الطالب عالجامعة بيكفر الف كفرية باليوم ليش؟؟؟؟ لانو المنهاج صعب و معقد ( هيك الطالب يا حرام بيفكر )
بيقلك الطالب يا اخي الكمية ضخمة و ما عم نفهم عالدكتور وما بعرف شو..........ليش؟؟؟؟؟على مين الحق؟؟؟؟
طيب....شو وضع مختبرات طلاب الكيميا؟؟و مختبرات طلاب الصيدلة؟؟؟ و الجثث اللي بيتدربوا عليها الطلاب بكلية الطب البشري؟؟؟
ممكن حدا يخبرني عنهن لانو انا ما بعرف الوضع بسورية كيفو.......
يتبع.....

يار يت بعلمونا الكيميا هيك:cry:..لك انا صار عندي صراع كيميا كل يومين مختبر وتقارير وتجارب :sick:

نعم عمتي بأي دولة هيدا الحكي
شكلك عم تسمعي التلفزيون السوري
لأنو بالتلفزيون السوري بنطلع هلأ حررنا الجولان وفلسطين تحرر تلات ارباعها
يسلموا على التفاؤل عمتي

ذكرتني

بالنسبة لبكرا ش ؟!!؟

وشو طلع معك؟

اي و شو بالله رايكن بمنهاج الانكليزي او الفرنسي اللي عنا؟؟

هاد اول منهاج بده تعديل والغاء قاعدة ابصن تنجح
بتذكر بالثانوي كان في طلاب بصمت نصوص القراءة والقصص الانكليزي قال ايه بلكي بسلم التصحيح ما قبلوا الا حرفية الكتاب

طب حدا يبصم مسالة الرياضيات ولا مسالة الفيزيا

عوجا

هلق هو فكرة الجامعة بشكل عام والمناهج الدراسية بشكل خاص هي انها عامة وشاملة بنفس الوقت ومع هاد الشي فاشلة

يعني لو افترضنا ان متطلبات العصر بتفرض على الانسان انه يكون في عنده معرفة بكل العلوم

مثلا ما حلو الطبيب ما بكون بيعرف شة هو مدار السرطان
ما حلو المحامي ما يعرف يجمع ويطرح
ما حلو مترجم محلّف ما بيعرف يركب جملة فعلية بتشتمل على فعل وفعال

على المبادء هي " بحسب ما بتوقع" تم وضع المناهج الدراسية بالمراحل الدراسية بس المشكلة انتقلت للجامعة يعني بمعنى آخر

متل ما اتفقنا الطبيب لازم يعرف جغرافيا والمحامي لازم يعرف رياضيات بس السؤال


ما الأهم ان الطبيب يعرف الطب
والمحامي يعرف المحاماة ؟!؟!

في المناهج التعليمية بمختلف المراحل انا ماني صد فكرة الطالب يتعلم على مبدا " شي من كل شي "

يمعنى ىخر من كل بستان زهرة باعتبار ان غير محدد المجال اللي بده يختص فيه الطالب او بده يتعمق فيه

بس مع دخول الطالب غلى الجامعة بعتقد بكون تكونت خلفية ثقافية جيدة للطالب وصا زم يكون فكرة عميقة ومتوسعة في المجال اللي اختار يمكل دراسته فيه

بس المشكلة ان الطالب الهندسة مث بيطلع على الجامعة بيدرس اول سنة
رياضيات فيزياء كيمياء لغة عربي قومية برمجة

وبينسوا يدرسوا مجال هندسته اللي بده يقضي حياته فيها