الانسان المسلم ... حريص على آخرتو والحياة الأزلية يلي بعد الحياة الدنيوية ... يعني ... المسلم بحاول يتمسك بتعاليم ويقوم بطاعات وعبادات ويحرص على مجموعة من القيم والأخلاق يلي رح تفيدو بدنيتو (هاي الحياة) ولآخرة كمان تكون طريقو للجنة

بينما العلماني بعيش حياة اقتصادية مادية لدرجة بحتة ... وبنفس الوقت ماعندو قيم ... واذا كان عندو قيم ... فقيمو ترتكز على مبادئ العيش على النظريات المادية التي يستطيع تفسيرها العقل البشري ومجاراتها والعيش معها لوقتها دون التفكير بدقائق الامور الروحانية والايمانية


دمتم

صارلي ساعة عم أكتب و راح اللي كتبته... الرد على كل الأفكار طويل جدا و يستلزم تعريف مصطلحات مشتركة لذلك راح احاول ادرجها بكرا على شكل مقالة شاملة

تحياتي

فينك زكات عيونك تحكيلي اكتر بشوي عن هالكام شغلة الملونين . لانو استيعابي المحدود ما قدر يفهمون!
:?

كمان متابعه بكرا الصبح :D

ما بعرف ليش حسيت كأنو في خلط مفاهيم ! :shock:
ممكن أكون مسلم وعلماني ع حسب فهمي للعلمانية ازا ما كان فهمي غلط :cry:
الاجابة الجاهزة والناقصة او الغامضة عادة في كل الاديان السماوية عن الأسئلة اللي بتدور براس الانسان بتقنع المؤمن بالدين بس ما بتقنع غيرو
وظيفتها تسكر العقل وتمنعو يفكر مش العكس !
اما بالنسبة لموضوع انو العلماني ما عندو اخلاق وقيم ومش عارفة شو فصراحة الحكي ما خرط مشطي

لأن قبل ما تكون في ديانات في اخلاق انسانية الديانات اقتبست منها ما يجوز وما لا يجوز !
يعني الاخلاق اللي حثت عليها الأديان السماوية صورة مع شوي تفاصيل عن الأخلاق الانسانية
عشان هيك كفاية تكون انسان " مش بالضروري متدين أو غير متدين " ليكون عندك أخلاق يمكن أكثر من أخلاق المتدينين أنفسهم !
هاد اللي عندي لهلأ وأكيد راجعة مقال حلو

طيب انا بدي اطلب منكم طلب صغير
ممكن تنزلولنا كتاب عن العلمانية بشكل عام
او مقالة لتحكولنا فيها ملخص عن العلمانية
انا ممكن من تعريف العلمانية حكمت عليها واللي بعرف انو فصل الدين عن الحياة
اعتبروني ما حكيت شي وبناء عاللي رح ينحكى وينزل عن العلمانية رح يكون كلامنا
يسلمو للكل

عندما يبدأ العقل في السؤال والبحث يبتدأ في العمل وفي الوجود.
العلمانية أو التفكير العلمي هو نهج حياة لا كتاب يحويه بين ضفّتيه هي "باختصار" الإبتعاد عن الغيبيات والمسلّمات وإعمال العقل والتفكير بدون أحكام مسبقة من دون التعمد في الوصول إلى نتائج محددة .
هو أن تكون حراً على الأقل بتفكيرك ونظرتك لهذا العالم الا تقمع تفكيرك وتقمع نفسك وجسدك .
كن ما تكون ولكن كن أنت و فكّر ولا تتحجر وتتعصب لفكرة ما قد لا تكون على دراية كافية بكنهها .
ولكن وبما أنك توحين بأنك فتاة تستطيعين الرجوع إلى كتابات فاطمة المرنيسي وهي موجودة في مكتبة المنتدى وكتب نوال السعداوي وغيرهن .
تستطيعين العودة إلى كتب المفكر هشام شرابي مثل /المجتمع البطركي/ وكتب صادق جلال العظم /نقد الفكر الديني / وكتب محمد عابد الجابري عن نقد العقل العربي وهو مفكر اسلامي .
المهم القراءة وعدم القبول بشء كمسلمات لا تقبل النقاش سواء في الدين أو غيره .

ودمتي .

بينما العلماني بعيش حياة اقتصادية مادية لدرجة بحتة ... وبنفس الوقت ماعندو قيم ... واذا كان عندو قيم ...






فقيمو ترتكز على مبادئ العيش على النظريات المادية التي يستطيع تفسيرها العقل البشري ومجاراتها والعيش معها لوقتها دون التفكير بدقائق الامور الروحانية والايمانية

يعني ماعندو شيء روحاني ايماني يستعشرو مجرد اسس علمانيةمبينية على حب المادة والتفكير في ايجادها

وكيفية العيش بسعاده في هذه الحياة الدنيا

و يعني بدكون نناقش هالكلام؟؟؟

و أنا ما قلت شي.... قلت أنو مافي امكانية لمناقشة هالكلام

مدري ليش حاسس انك بس رجعت صغت العبارات الي بالاحمر مرة تاني بس بغير كلمات!

على اي اساس حكيت هالحكي؟
وشو قصدك بحب المادة ؟ اي مادة المصاري يعني؟
وكيف بتكون بالنسبة الك السعادة بالحياة الدنيا والعليا؟
واذا بدك تشرح اكتر فيا ريت .. لانو ما كتير قدرت افهم مظبوط رأيك بالموضوع!