|
اقتباس:
بدي اياك تفوز بالمسابقة ووقتها ببطل بدي واسطات...:adal: شو رأيك هيك؟ يلا بئى فرجينا همتك...:yahoo: |
اقتباس:
المرحلة الاخيرة " عراك قلمين " ... الـفريق اللي بيبقى بيتنافسو الـ2 اللي فيه ، لحتى "يتوّج " واحد منهم .. :D |
اقتباس:
موفقين مرسيل وعابد... |
مارسيل وبلاك الف مبروك ....
انتو يلي بتستاهلو توصولو لهون مبروك :D |
كما هي العادة بوصل متأخر دايماً !!
بصراحة كنت فايت أبحث عن شغل " المغنواتي " و بصراحة أكتر مو علشان خاطر المغنواتي ولا لأني مُتيم بهواه لاء .. بس من لأجل شريكي بـ المغنواتي ..! طبعاً مو فاهمين شي و ما المفروض تفهموا شي . ما علينا ! مغنواتي / نص غاية في الروعة .. يعني هي مو جديدة على أحمد أنو يبدع و يجيب صور جديدة بالنص و يوظف الألفاظ لتنسج حالة شعورية عميقة . الجديد هون أنو فعلاً حسيتك متغرب يا أخي .. خصوصاً المقطع الأخير بجد أحمد حسيتك موجوع كتير و صادق كتير كتير بكل حرف فيه .. و الأهم أنو النص إنساني بحت بدون أي صيغ أو أفكار أخرى كان ممكن تسرق النص من جوهره الحقيقي _ الإنسان _ .. بهنيك على النص التحفة يا مغنواتي :D خالتو نيرفانا / نص جميل إلى حد كبير بس بننتظر من نيرفانا ما هو أروع من ذلك .. إسمحيلي علق على نقطة نيرفانا من بعد إذنك .. بعتقد أنو وقت حددوا الموضوع ما إشترطوا أنو تحكي بلسان الأم ؟! بمعنى أنو كان فيكي تحكي وصف أو أنو تروي قصة أم و إبنها و ما تكوني أم أنتي !! الشب وقت عم يروي الغربة و هوي بطل القصيدة ممكن يعيش الحالة و يطلع بشي معبر .. لكن مستحيل تتقمص البنت دور الأم يلي ما عاشته و تروي وجع الأم لازم تعيشيه حتى تفهمي تفاصيله .. الوجع يلي بيمس الأم كتير عميق .. حالة شعورية مو سهل أن نتقمصها .. طبعاً مو معنى كلامي أنو نصك سيئ لا سمح الله .. بالعكس نص جميل و راقي لكن لو كانت نيرفانا عم تروي القصة من بعيد بدون ما تتقمص دور البطل يلي صعب حدا يجسده كان أروع راح تكون .. أسف لو كنت تفلسفت زيادة عن اللازم و تدخلت :oops::D مرسيل / نص جميل لكن مازلتي مُصرة يكون للدين جزء من نسيجك !! حلو كتير أنو عم تدخلي الدين هون و توظيفه على إعتبار أنو بيمثل أعلى هرم مرتكزات الإنسان .. بمعنى أنو وقت ما بتنهار المقدسات و بتوقف عاجزة عن إنها تنصر حق بيكون على الدنيا السلام .. الآن نفس الكلام اللي حكيته لنيرفانا كمان موجه إلك و إن كنتي إستطعتي أن تتقمصي دور الأم بشكل أفضل من نيرفانا لكن كمان ما قدرتي توصلي للحالة الشعورية الحقيقية بكل وجعها .. يا جماعة في أمور ما ممكن يدركها الإنسان إلا وقت بيعيشها بالحقيقية في شغلات ما بنقدر نوصفها او نعبر عنها بالكلام لذلك في متل هيك حالات لو كنا مجرد رواة بيكون افضل من انو نحاول تقمص دور صعب نلعبه مية بالمية . نص جميل مرسيل بهنيكي عليه :D عابد / ثورجي ! نص حلو عابد لكن فيه روح ثورية مُتقدة .. بالوقت يلي المفروض أنو الفكرة إنسانية خالصة .. بمعنى أن جمعت المتناقضين بذات النص .. أوعى تصدق عابد أنو الثائر ممكن يترك وطنه !! ما ممكن حتى لو قطعوا من لحمه شقف أنو يترك الوطن ! مو معنى هدا الكلام أن من يترك الوطن هو عميل لاء .. بس بنكون أمام مفاضلة وقتها بين أنو كون إنسان 1 أو كون إنسان 2 !! الصيغ مختلفة هون حتى مع تشابه الحالتين .. كمان الإختيار هون بين إنسان 1 و إنسان 2 ما بيحكمه قانون صارم .. ممكن يأسي يخليني إختار إنسان 1 و ممكن حبي للحياة يخليني إختار إنسان 1 !! أسلوبك جميل بس لو وظفته فقط لتحكي بالجزء الإنساني من الفكرة و إستبعدت الروح الثائرة كان طلع أجمل من هيك بكتير .. مع ذلك نص من وجهة نظري المتواضعة بعطيه 75 % بهنيك عابد :D و يبقى المغنواتي هو صاحب الحق الحصري و الوحيد في العزف المنفرد بكل عذوبة .. صياد ماكر يا مغنواتي عارف وين توجه كلامك بالضبط ! تحياتي للكل الشباب المشاركين و ألف مبروك مرسيل و عابد :D |
اقتباس:
بالنسبة لنصي .. اول شي وهالنقطة كتير مهمة .. انو انفرض على البنت دور الأم وعلى الشب دور الابن .. وما كان فينا نطلع من هالاطار .. الشغلة التانية واللي بحب وضحها لانو اثرت على النص بالشكل العام .. واللي هي انو البنت أو انا يعني لازم اتقمص دور الأم اللي بدها ابنها يسافر وابنها ما بدو يسافر .. وانا ما قدرت لا أتواصل ولا أتقمص هالدور .. ما حسيتو يعني .. بس حاولت قدر الإمكان اني اتخيل واني شوف شو المسببات اللي ممكن تخلي الأم تعمل هيك شي .. بصراحة اكتر أنا مو قادرة اقنع حالي بأني سافر ... فما بالك باقناع أو حث شخص آخر على السفر .. وهالشي هوي أكتر شي أثر على النص . وتالت شي .. نصي وأي نص ممكن اكتبو أو كتبتو هوي تجارب ولا أدعي أكثر من هذا .. مجرد تجربة شخصية في الكتابة وبصراحة أكتر هيي تجربة مو مصقولة .. عم حاول لاني كتير بحب الكتابة والنثر على وجه الخصوص وحابة اعمل شي بهالمجال اذا اجتهدت أكتر واذا من الاساس بيطلع معي شي احسن .. بقا انت لا تفلسفت ولا اتدخلت بالعكس عن نفسي أنا أكثر من سعيدة انو انت أخدت من وقتك وجهدك لتقرأ نصي وتعلق عليه .. لاني هيك بستفيد .. وبستمتع بالنقاش معك .. :D |
اقتباس:
أن تصل متأخرا ً خيرا ً من أن لا تصل .. أولاً : بشكرك على النقد بناء أو غير بناء بس وجبَ الشكر .. و شكراً لمباركتك .. هيك منكون خلصنا من قصص تمسيح الجوخ .. :lol: منيجي للمهم .. الأسلوب اللي أنا بكتب فيه أو الفكرة اللي وردت لمخي و أنا عم أكتب من المستحيل تكون مطابقة مية بالمية لموضوع المسابقة بيني و بينك فكرة المسابقة نوعا ً ما فيا غلط التقييد بموضوع شيء ايجابي و سلبي بآن واحد من سلبياتوه قد أكون أنا معارض للفكرة اللي عم أكتبا و ما أقدر أعبر عنا بالشكل المطلوب تماما ً و هاد اللي يمكن صار معي بشكل عام ضعيف أنا بتصوير المواقف الإنسانية و لذا حاولت أوّظف أسلوبي بما يخدم فكرة الموضوع و إيجابياتوه تقييد الكتابة بفكرة شيء حلو لأنو بيدفع الكاتب ليكتب شيء ما فكر أو ما حاول يكتب عنوه .. عموما ً النص اللي كتبتوه أنا راضي أتم الرضا عنوه .. و الثورجية - متل ما وصفتا - شيء عم حب كتير ضيفوه و لمح الو بكتاباتي لأانو بتمثل صيغة لحياة عم عيشا .. مرة تانية بكرر شكري وائل .. :D |
بس سؤال انه ايمتى راح تكملو المسابقة؟
وينو الجزء الاخير... شكلكن تركتوها نهاية مفتوحة!!:pos: |
اقتباس:
فوفو :? طلعي هون :? - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - واشتقنالك :sick: :D |
لك ميرسي يا رب :)
ههههه العتب عالنظر ما مرق عليي الموضوع :o موفقين عابد ومرسيل.... والله وانا اشتقتلكن كلكن كتييييييييييييييييييييييي ير بس الشغل اخد كل وقتي :p(بتعرف كبرنا وتوظفنا زاخيرا ):gem: |
| الساعة بإيدك هلق يا سيدي 20:24 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون