|
الله يرحمو ..
|
6 ملف مرفق .
الى روحه وذكراه الف تحية
و كل انسان اضاء لنا الطريق ووقف في وجه الظلم والامبريالية ولم يقبل الذل والاهانة والاستكبار ونادي بحق شعبه وحق كل الشعوب بغض النظر عن فكره وانتمائه ودينه وعرقه فطالما كانت بوصلته تشير الى الانسان فهو اخي ومثال احتذي به |
الزرقاوي ؟
|
:zen: وين الزرقاوي يا عمي
|
يعطيكم الف عافية شباب وانا راح حط كلمات الاغنية الاسبانية المشهورة
Hasta Siempre, Comandante;وراح دور عالغنية :D:D Aprendimos a quererte Desde la historica altura Donde el sol de tu bravura Le puso cerca la muerte "Aqui se queda la clara," La entranable transparencia De tu querida presencia Comandante Che Guevara Vienes quemando la brisa Con soles de primavera Para plantar la bandera Con la luz de tu sonrisa "Aqui se queda la clara," La entranable tranparencia De tu querida presencia Comandante Che Guevara Tu amor revolucionario Te conduce a nueva empresa Donde esperan la firmeza De tu brazo libertario "Aqui se queda la clara," La entranable tranparencia De tu querida presencia Comandante Che Guevara Seguiremos adelante Como junto a ti seguimos Y con Fidel te decimos "Hasta Siempre Comandante" "Aqui se queda la clara," La entranable tranparencia De tu querida presencia Comandante Che Guevara  انشا الله يطلع شيكيفارا اخر عربي:cry: |
رابط فيديو كليب الغنية:cry:
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
1 ملف مرفق .
يبقوا الثوار و قاماتن تتغاوى من بعيد رسموا صور حبيباتن ع خشب البواريد خلصت ايام الثورات ...و اللي كانو ثايرين شي منهن صارو حكام .........شي محكومين قلو لخيالك يروح صار........ لازم يرتاح الخيالة ربطت الخيل ........ما عاد عندا سلاح شي منهن صارو حكام .........شي محكومين - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
اقتباس:
هلأ بنظرة سطحية ممكن نلاقي شبه كبير من حيث السلوك ( الثوري ) بين غيفارا من جهة و عدد كبير من ( المجاهدين ) ... أمثال خطاب ... و الزرقاوي ..وصولاً الى شاكر العبسي و اسامة بن لادن !!! هدول ( المجاهيدن ) تركوا بلادن و تركوا كلشي وراهن وراحو يعملو ( ثورة ) هدو ل ( المجاهدين ) بيستخدموا اسلوب حرب العصابات ( الغيريلا ) متلن متل غيفارا !!! هدول ( المجاهدين ) كلن مربايين شعر و دقن ..متل غيفارا و أعز !!! طيب انو يعني ليش العالم بتحب غيفارا و ما بحبوا خطاب ؟؟؟ ( الغالبية الساحقة قصدي) و ليش اسامة الرحباني ما بيعمل غنية لاسامة بن لادن :lol: وليش ناتالي كاردون ما بتغنيلو للزرقاوي ؟ :pos: بعتقد في سبب ....غير الدقن و الشعر الطويل ...... غير حرب العصابات و حياة ( السيسبينس ) ...... غير البدلة العسكرة و البارودة الروسية...... غير الحالة ( الثورية ) و الممانعة حتى الموت ..... في سبب يمكن يكون الو علاقة مثلا بشي اسمو انسانية ؟؟ هالشي اللي اسمو انسانية ...مبتور ...او مفقود ..او مشوه ...او ممسوخ بخطاب و سلوك الثوار ( المجاهدين ) . و مع انو امثال هال ( المجاهدين ) الهن تأثير ع عدد كبير من ابناء الجيل الحالي و يمكن ابناء الاجيال القادمة ...تأثير ممتد على مساحات و جنسيات و شعوب مختلفة و كتيرة ...تأثير مانو قليل , مع انو الهن هالتاثير ...بس هالتأثير بضل محدود . محدود ( بأسوأ ) الأحوال أنو يوصل لكل شخص بيستهدفو ا بتأثيرن ...اي و بعدين ؟ محدود بأحسن الأحوال أنو ما يتجاوز خطوط التوتر العاطفي - الطائفي محدود بكونو بالاصل........ محدود !!! غيفارا ( الفرد) كان بيعرف كمان بحكم كونو ( شيوعي , يساري , بروليتاري ...اللي هو يعني ) كان بيعرف انو تأثيرو الفردي محدود و هاد الشي اللي أكدو برسالتو لولادو وقت قال ( إن الواحد منا لا قيمة له بمفرده والأهم من ذلك كله أن تستعدوا للنهوض دائماً ضد الظلم في أي بقعة من العالم ومهما كان الشخص الذي يتعرض للظلم.)...وكان بيعرف كمان أنو التغيير ما ممكن يكون الا جماعي ...جماعي عالاخر يعني !! و في متل غيفارا الاف و الاف الناس اللي ماتو على هالاساس ..و نحنا ما منعرف لا اسمائن و لا عناوينن و لا شو عملو ولا كيف ماتو وما حدا عندو صورة الهن ..و ما حدا عملن تمثال ...و لا حدا رح يعملن أصلاً . غيفارا يا شباب ما هو الشخص ....غيفارا هو الرمز , هو المثل .... هو المثال , هو النموذج الشهير للمناضل الشريف الحر , نموذج يصلح لكل زمان و مكان لانو بعبر عن انتصار الارادة , انتصار الفكر , رغم الهزيمة المادية و الفناء الجسدي . كلنا منعرف انو غيفارا فشل ...غيفارا انهزم بكوبا قبل ما يفشل بالكونغو و يرجع ينهزم ببوليفيا ... و كلنا منعرف انو غيفارا أعدم ...انقتل ...قتلو جندي بوليفي سكران يمكن .......ما مهم المهم انو غيفارا مات ...و اللي باقي من غيفارا ما هو الصورة ولا هو الكلمات اللي باقي من غيفارا اكبر من غيفارا و أهم من غيفارا اللي باقي من غيفارا ....هو الاجيال الجاية .... الجاية لا محالة يعني :gem: |
استازي العزيز اشكرك على ردك وتوضيحك للفكرة
لكن لو نظرت لتعليقي كان ريحت نفسك انا ما جبت سيرة الزرقاوي او بن لادن اما خطاب فأعتقد انه مثال جدير بالاحترام والاقتداء به في ثورته وندائه بالحرية ولا اعتقد ان هناك من ينكر عليه ندائه لم اتي على ذكر بن لادن بغض النظر على تقيمي لبعض اساليبه و مسلكاته الفكرية انا اخترت الصور بعناية وعارف شو وضعت اقتباس:
انما المسألة ترجع للمبادئ التي يحملها الانسان في صدره ومدي اقترابها من معيار الانسان بالمعتي الكوني للكلمة دمت طيبا وصديق و حبيب :D |
هلأ انا بس لح رد مشان المتابعه للموضوع
بس لما ارجع علبيت بحطلكم الصوره يلي حاططها عندي بصدر الغرفه ، بصورها و بنزلها و لح نزل كمان توقيعو الاصلي كمان شاري ، شي جنان و دفعة وقتها كل شي معي ، بس أقلها عندي شي ماحدا عندو ياه عن جدا شكرا للموضوع و جيفارا باقي في قلوبنا |
أنا متل ما وعدتكن انشالله بغضون شهر
بكون امنتلكن الأعمال الكاملة اليوم نزلتلكن أول واحد " حرب الغوار " وبكرة انشالله " مذكرات الحرب الثورية " أعمال غيفارا - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - :mimo: |
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - ارنستو تشي غيفارا في سوريا .. |
تم تثبيت الموضوع لمدة أسبوع
|
احيك على الموقفك الطيب
:clap: |
بعتبار انو الموضوع تم تثبيتو و مشان ما نخلي تثبيتو يروح علفاضي ...
برأيكم ككل شو تغير بعد 40 سنه من وفات غيفارا ؟؟؟ وشو يلي ظل من غيفارا كواقع عايشينو مو بس كاسطوره عايش فينا نحنى ؟؟؟ اسئله كتير ممكن تنطرح و نتناقشه فيها ؟؟ فشو رايكم |
اقتباس:
راح زمن التغيير .. هاد زمن المعايير .. |
قصة جيفارا يمكن أن تكون فريدة من نوعها في العالم...
ولكن السر يكمن في (المعنى العام) ففي كل زمان ومكان لابد من وجود رمز (رموز) يتمسك بهم الإنسان لمتابعة طريقه... الطريق الذي اختاره هو (وهؤلاء الرموز) قدوة له. أما عن جيفارا نفسه فهو لم يكن شخصاً عادياً ليصبح رمزاً غير عادياً أيضاً... فهو سليل عائلة ثرية ... ولكنه أصبح رمزاً لكل ثائر في العالم ضد الإمبريالية العالمية... وفي بلادنا الشرقية على سبيل المثال لا الحصر: كونها مكاناً للصراعات القديمة والحديثة .. ارتبط الفرد الثوري بالقدسية ... شريطة أن يظل حياً في النفوس الأبية. ليبقى أبد الدهر مثالاً للأجيال القادمة. وفي داخل كل واحد منا يوجد رمز يريد أن يصبح مثله ... |
اقتباس:
لأا صدقيني مو زمن المعاير بس ، لسى لهلا في زمن جيفارا ، ما بيكفي انو عايش بجوات كل واحد فينا جيفارا ؟؟؟ ولا هل شي ما بيكفي برأيك ؟؟ |
| الساعة بإيدك هلق يا سيدي 05:21 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون