|
إذا صارت حرب لا سمح الله - و ما بتوقع تصير لأن إسرائيل ما حتلاقي أحسن من هيك حكم -
فما بتوقع تصمد قواتنا " المشلّحة " إلا بضع ساعات قبل أن تنهار تحت الضربات الجوية الكثيفة و الضباط و عناصر المخابرات رح يهربو لضيعهم و يتركو الشعب ليقاوم العدو ... |
بظن انو لما الواحد ينحط بحالة حرب بيطلع منو اشيا واشيا ا بكون مفكر انو هيي فيو .. جرأة .. تهور .. وطنية .. تفكيرو بتغير وواقعو بتغير وعلى هالاساس كلو بتغير ..
المهم .. انا ما بتوقع انو الشعب السوري يسكت .. وبتوقع منو يبلش يفكر بحالو كمان بما لا يتعارض ومصلحة وطنو .. ما بعرف ليش بس أنا أؤمن بالشعب السوري .. بالرغم من اي شي .. |
اقتباس:
يمكن الضباظ يهربو .. بس عساكر و مدنين بعمرن ما بيهربو .. قلك شي ؟ لأنو سوريا هي اخر شي باقي ألنا .. _________ نيرفانا .. الواحد بحالة التفكير بالحرب صح بيكون متهور و وطني و مندفع .. بس لما تصير حرب .. ما رح يفكر بشي .. غير انو يطلع و يقاتل .. مع أنو عموماً .. و كافة عساكر الحرب .. اثناء الحرب .. ما بيفكر غير بـ اللي عما يحارب جنبو .. و يعتبر انو هاد صار كل شي بحياتو .. لأنو اذا تعرض لـ هجوم .. هل شخص هاد الوحيد يلي رح يدافع عنو |
اقتباس:
بس كمان بحالة الحرب هالاحساس كلو بيطلع حتى لو فكرو مو موجود فيو ... في ناس كتير بتقلك .. يعني شو رح اعمل .. بس لما يشوف وطنو بخطر واهلو بخطر وحياتو بخطر .. كلو بيتغير .. وفعلا متل ما قلت المدني رح يقاتل قبل العسكري .. |
شكراً
كل شى اوهام / Nirvana / Barleb / Syrian__Angel / -ch3m!cal- وصحيح انو ردود الفعل - الشعبية - هي رح تكون صاحبة الكلمة بهيك موقف .. لأنو هي اللي رح تشكل الدعم الحقيقي . .. لمواقف الجيش .. والحكومة ... الفكرة خطرت ببالي ... لأنو يمكن نحنا ضعاف بهالتجربة .. وتحركاتنا الشعبية محدودة الى حد ما ... و آخر حرب عشناها .. بصراحة انا ما بتذكرها ... او ما بتذكر انو مرق علينا حروب .. لأنو نمط الحروب تغير عن اللي ممكن نكون مرقنا فيه .. شفنا العراق ... وشفنا حرب تموز لبنان... وطبعا الضفة وغزة الحرب اليومية !! الناس هني الورقة الاولى !!! وهني خط الصمود الأول !! |
بس ما بعرف في شغلة هلق كل الشعب رح يطلع يحارب العدو ولا في فئات رح تصفي حسابات داخلية قديمة ..... والعراق خير مثال ... حتى جيشنا مع احترامنا لالو هل رح يكون قد المسؤولية ... يعني الحجاب والشوفيرية والمفيشين والفساد يلي بالجيش ... مع احترامي بس العبيد لا تحارب ... والضباط استعبدو العساكر غير الفئات الحاقدة على النظام ....... لاسباب كتيرة .. متل الظلم والفقر والقهر ... ما عم حاول كون سوداوي بس عم بطرح وجهة نظر ... مو اكتر بس رغم هاد كلو نحنا املنا كبير بشعبنا .... لانو ما رح نكون عم ندافع عن النظام رح نكون عم ندافع عن اغلى بلد هو سوريا ... ورح نوقف مع النظام بهيك حالة لانو .. بالنهاية هو ة بمثل هيبة الدولة السورية مع اختلاقتنا الكبيرة ..... والتغير ما لازم يفرض او يجي من الخارج ابدا |
اقتباس:
|
ان صارة حرب عنا رح تنتزع وما رح تظبوط ...
والشغلة التانية الشعب مافينو يقاوم غير انو يلتزم حدودة لانو الحرب هلاء مو متل الحرب من زمان وحرب حزب الله يلي صارة بالنان غير الحرب اذا صارة هون هنيك كانت دفاعية ووموجهة اكتر شي لقوة غير شرعية اما عنا فالدولة يلي رح تحارب وكيد نحنا ما منساوي شي ادام الاسلحة المتتطورة يلي عند الدولة او عند العدو يعني الشغلة رح تبلش من طيران هيك لتسقط الحكومة واذا سقطة الحكومة هون بدو يكون في تروي يعني يلي بدو يروح يقاتل عرفان حالو مهزوم لانو اساسا هوي مواطن حتى الفرد مو شايفو غير بالافلام بس الشغلة الاساسية يلي فينو المواطن او كا شباب وشعب انو ما يتهور ويروح لشغلة الطوائف وكل واحد يشكل حزب وبيصير يدافع عن وطنو على كيفو لانو رح تصير الشغلة غرائزية اكتر مو دفاعية وهيك منصير نحنا اعداء بعضنا متل ما صار بالعراق والبنان وفلسطين اذا بدنا نتجنب هالشي نحافظ على ماء وجهنا وما ننجرب لهيك تيارات والشغلة التانية انو نحنا مو شايفين حرب يعني الجيل الجديد بعمرو مو شايف حرب متل باقي الدول يعني العراق من يوم يومها حرب والبنان نفس الشي وفلسطين نفس الشي كمان اما نحنا فا فينا نقول ما منعرف شي عنها وكتير شباب بتتمنى تصير حرب بس لحتى تشوف شو هية الحرب واذا كان عندها تارات مع حدا او حابت تسافر انو تسافر لجوء او بدو يفلت ع كيفو فا هوي بيشجع فكرة الحرب وغير هيك كتير عالم مفكرة انو اذا طار النظام واجا غيرو فا بيتحسن وضعنا هاد التفكير الغبي يلي عم يصير وصاير و المعارضة يلي مفكرة حالها عم تدافع عن سوريا هنن يلي بدون ينزعوها مفكرين حالون فطاحلة زمانون اعدين بأحضان امريكا ونازلين كل يوم انتهار بالشعب المسكين والله يستر ما تصير ......... |
اقتباس:
الحكومة رح تسقط من أول صاروخ ....و الشعب ما بيعرف وين الله حاطو و المعارضة خونة و غبية يعني على حكيك .....ما النا غير نضل نساير برب اسرائيل ....و نترجاها تتركنا بحالنا |
اقتباس:
ياسلام على هالتحليل شو منطقي:shock: |
راح نشجب ونستنكر ونعترض
|
اقتباس:
اقتباس:
|
اقتباس:
من الصعب انك تحارب عدوك ولكن الاصعب انك تحارب ابناء وطنك |
اقتباس:
غير اذا كاتب شي تاني بالحبر السري بين الاسطر ماقدرنا نشوفو :shock: |
اقتباس:
كلام عقل !! :deal: شكرا جدا صديقي .. لا للحسابات السوداء ... |
صديقي مادماكس ..
صديقي ملك الهكرز .. مارح نحول الموضوع لخلاف .. فينا نوضح بس وجهات نظرنا .. صحيح يا ملك الهكرز / انو نحنا ما بنساوي شي ادام الاسلحة المتطورة / .. لكن هادا ما بيعني انو نحنا ما لازم نمتلك الارادة .. ومن هون بتيجي قوتنا كشعب .. ارادتنا انو ما ننهزم .. ولو شو ما صار !!!!! ارادتنا انو ما نتفرق .. وانو ما نحرق اختو لهالبلد لمجرد لاقينا فرصة نطعن فيه ..!! كلنا بنحب البلد .. وما فيو حدا يزاود ع حدا ...!!! حتى لو اختلفنا بفكرة ما .. لكن ايماننا بانفسنا / كشعب بيجمعنا !!! وشكرا جدا جزيلا |
انا من جهتي بتوقع شباب بلادي معظمهم رح يكملوا مسلسلات رمضان إذا كانت الحرب برمضان وإذا ما كانت الحرب برمضان فالله يخلي محطات متل chanel 2 و mbc action ماشاء الله زادولنا ثقافة الشعب
أما أنا بتوقع رح كون عم عك شغل مع الهلال الأحمر شيت انا متطوع هنيك |
| الساعة بإيدك هلق يا سيدي 22:29 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون