|
ok
أوكي ألموند أنا صوتت
بس بدي أعرف ليش آية أكتر شي عليها ضغط يعني شو الميزات اللي فيها مثلا .. |
اول شي مافي منتدى او موقع بتحجبه بعكس كتير شركات تانية حاجبة مواقع كتير ومنتديات عادية مافيها شي !!
أنا بيخالفك بلرأي جرب موقع بانت و شوف المشكلة انو كل مزودات الخدمة بسورية نفس الشي هلأ 24 عرض 1400 بلشهر مفتوح و الكوم 1450 يمكن انو شو الفرق مع آية 100 ليرة خيو ياخدة 1000 زيادة بس يصير النت متل برة المشكلة انو كلو اسوء من كلو و لما تشوفو ابقى قلو سلملك |
|
مشكلتو الDLS انو بدو خط تلفون تاني
وهاتو الاهل يوافقو :pos::pos::pos: ازا هنن الانترنيت كلها مومقتنعين فيها :pos: |
هاي انا ما عندي خط تلفون بنوب
وعندي دي اس ال 6 ميغا وبدفع عليه يا سيدنا 1500 ليرة مقصمين عـ 3 اشخاص :adal: |
اقتباس:
:shock::shock::shock::shock: هي سمعة جديدة .... انترنيت من غير خط تلفون :? ممكن تشرحلنا لو سمحت ؟؟ |
اقتباس:
يعني بدال ما تنتقل الداتا عن طريق خط التلفون بتنتقل عن طريق كبل التلفزيون!! وبهالقصة الواحد الواحد بيوفر عحالو رسومات خط التلفون |
يعني يا اما انا كتير متخلف بعالم تقنيات الانترنيت
يا اما هاد كبل التلفزيون جديد عالساحة وغالبا الاحتمال الاول :p |
لما كنت بسوريا كنت استخدم الجمعيه و هلئ وقت بنزل بستخدم الجمعيه اذا اطريت .. |
اقتباس:
هلق كل القصة وما فية انو ما حدي كان متوقع هالتزايد الكتير كبير بعدد مستخدمي الانترنت واجت فترة الواحد لازم يسجل حوالي الاربع خمس تشهر لحتى يقدر يجيب خط انترنت لانو الريسيفرات تبعيت شركة التلفون معد قدرت تتحمل هالضغط الهائل والطلب المتزايد فبلشو العالم يدورو عغير حلول اجت فترة منيحة تغطت مدن كاملة بوير ليس بس انو كانت الشغلة ما كتير فعالة .. لانو بس تمطر شوي او يطلع هوا ينقطع خط الانترنت بعدين بلشو العالم يدوروا عغير طرق لتوصيل الانترنت عالبيوت واستنتجو مع الوقت انو تقريبا كل بيت فيو كبل تلفزيون .. والي ما عندون تلفزيون , بيكون موصل الكبل لعندون بس مانون مفعلينو ( عفكرة خطوط التلفزيون سلكية مانا هوائية متل عنا) وايامات زمان كان بيكون في بعلبة الكبل ( هاي العلبة المحطوطة بالحيط متل بريز الكهربة) مأخذ تلفزيون ومأخذ راديو وهلق زادو عليون مأخذ جديد هوي مأخذ الداتا ومن هادا المأخذ بيطلع كبل بيوصل على ريسيفر .. وبيطلع من هادا الريسيفر خط انترنت والسرعة تبعيتو كتير عظيمي يعني بس الواحد يكون عما ينزل شي مباشر بيكون متوسط السرعة بين ال 550 وال 600 كيلو بايت\ ثاينة وفي اسا الخط الاسرع الي هوي 16 ميغا .. بس انو الواحد ما بيلزمو اكتر من 6 اي معلومات تاني عحسابك:D |
اقتباس:
شكرا كتير اخي ابو سهيل على هالمعلومات الحلوة والجديدة ... بس يا ترى في هيك شي عنا بسوريا ؟؟:? |
اقتباس:
1500+4320=5820 يعني نص نص أنا بتكفني 3000 يعني بحدود العشر ساعات كل يوم و عشر ساعات نوم خلص النهار :lol: ب6000 بضل مفتوح الاترنت 24/24 :D |
أنا بستخدم خدمة ADSL من مخدم ال PDN
الحقيقة خدمة بتهوي ...بس شو بدك تساوي ......هادا الموجود ومافي ارخص من هيك السرعة عندي --- 256KB بدفع بالشهر 2400 ليرة سوري .... بس عاطي جيراني خطين وباخد منهن كل شهر من كل واحد 800 ليرة الحقيقة خدمة الأنتر نت عنا من أهوى ما يكون و الاسعار ناااااااااااااااااار يعني تصوروا انا عندي بالبيت بس ...بالصين سرعة النت عندي 4 ميغا ..... وبدفع بالشهر بحدود 750 ليرة بالشهر والداون لوود .....ناااااااااااار مع ذلك .....الرمد احسن من العمى |
مشكووووووووووور يا مسيو على موضوعك الحلو والمميز
كان لازم تقول للشباب انو الحكي والموضوع عن الــ Dial Up بس ومو كل مين عندو DSL يجي يجاكرنا !! ههههههههههههه خيو انا مشاني استخدمتهم كلهم كلهم بس لقيت سوا أفضل وحدة بينهم وبرأيي كان لازم تضيفها بخيارات التصويت سوا حاليا عندها أكبر عدد مستخدمين بالمزودات الخاصة لخدمة الانترنت وعروضها وخدماتها بصراحة مو بطالة وماشي حالها والاكيــــد الاكيـــد ويلي أغلب المستخدمين ما بيعرفوه انو سبب بطئ النت عنا هوي خطوط الهاتف والمقاسم ومو مزودات الخدمة يلي أكلينها متلنا ,, لئ هني أكلينا علوجهين كمان ومو متلنا أضرب مننا مشكووووووووووور يا غلاهم وتسلم ايدك تحياتي |
النترنت بسوريا شي رهيب شي عجيب شي غريب شي ساحق شي خارق
لك أخ بس بحس احيانا انو عم نستخدم الخدمة بمنية :pos: |
والله الاولى هية الاولى
|
190 بتجلتطني فوت بس لشوف اذا في رسائل على بريدي القديم وبنجلط وبطلع
وحاليا سوا عم باستخدمها وماشي الحال :D |
| الساعة بإيدك هلق يا سيدي 01:21 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون