|
والسؤال صديقتي سمية ...ليش لازم نسلم فيها ؟
إن المنطق الحديث يقوم على مبدأ الشك السلبي ...أي كل شيء خاطئ حتى تثبت صحته أما بالنسبة للبرمجة اللغوية العصبية ...فبأكدلك إنها علم منفصل عن تخاريف الباراسايكولوجي ...أساساً مجمع العلوم البريطاني ما كان لح يعترف بالـ NLP لو كنلها أي صلة بالباراسايكولوجي حتى بالبرمجة ..في تيارين الأول "إيجابي" هو المؤمن بالماورائيات الباراسايكولوجية ...والتاني "سلبي" هو المادي المبني على التجربة والتحليل العلمي المنطقي ...مو مجموعة تخاريف وأوهام طبعاً الأسماء " سلبي " و " إيجابي " هي مجرد تسميات ....أكيد المذهب " السلبي " أفضل وأدق لأنو إلو أسس علمية أما بالنسبة لقانون الجذب ...فهو بيقوم على مبدأ أساسي إنو مجرد تفكير الإنسان بشيء بيكون حولو هالة بلازمية قرينة للهالة البلازمية تبع الإنسان .....ارجعنا لنفس الفكرة .....شو هي الهالة ؟ وشو ماهيتا ؟؟ وكيف فينا نحصرها ؟ وكيف رح تطير وتتشكل حول الجسم ؟ وحتى لو اتشكلت ليش لحتى تنقل الأفكار تبعاتنا ؟ جواب المؤمنين بالباراسايكولوجي على أسئلتنا كتير بسيط ....لا تسأل لأنو هي مسلمات لازم نآمن فيها بدون دليل :o طب ليش ؟ ...الله وعلماء الباراسايكولوجي أعلم;) |
الموضوع جميل بس في مشكلة كبيرة
انه اذا الى كان بيفكر بيك هو الشخص الى بده منك فلوس |
ممكن كثير بس هاذا موضوع يطول شرحه ولاكنه وارد و موجود شكرا لك على الموضوع
|
كلامك جميل اخى بس يحتاج كتير للواقعية
|
بتصير احيانا مابعرف يمكن صدف مو اكتر
عالعموم كل شي جائز :? |
فعلا في مرات كتير بتصير معانا
شكرا كتير على المعلومات تسلم على الموضوع |
وانا مع هالمجانين لأنه مليون بالمية مزبوطة
والفلسفة مشكلتها ما فينا نأثبتها هي أشياء حسية ما فينا نلمسها |
على فكرة الموضوع جداً فيو عمق روحي كبير وإحساس مرهف .. يعني هييك مواضيع ما بعرف كييف ممكن الواحد يدرب عليها بتهيألي بتيجي لحالها... بس ممكن إنو اللي إنت/إنتِ بتفكري في أو خاطر في بالك مش من الضروري إني أنا في تفكيره وفي باله لأني فرضاً عم فكر بعمق بهتلر وبحب شخصيتو هل هذا يعني إنو هتلر عم بيفكر فيّّ؟؟؟
طبعاً لأ. Sooooooooo??!!!? jpdhjd |
والله الموضوع حلو و يمكن فيه شئ من الصحة و اكيد بدو دراسة اعمق
يسلمووووو |
يستهوينى هذا الجنون
ربما جنونا اخر يندرج تحت علم الباراسيكولوجى يسمى التوحد الانسربانى هذه الظاهرة تجعلك تسكن جسد انسان اخر وتحس به,, قيل عنها انها اعلى درجات السمو وقيل ايضا هو الجنون المفرط مجال التوحد الانسربانى واسع جدا ومخيف ربما يوما سافكر ان اضع موضوعا عنه وان كنت لا احبذ ,, والا سار كل اعضاء اخوية مجانين تسلم جدا على هذا الموضوع الذى اؤمن بما ورد فيه100% |
شكرا
:clap:شكرا على الموضوع الرائع و ممكن انا مؤمن جدا بهالشغلة و بتصير مع كتير عالم
ارجو المزيد :ss::larg::ss:ابو يامن:ss::larg::ss: |
اقتباس:
فعلاً أنا أصدق على كلامك وأعترف به 100% |
موضوع حلو كتييييييييييييييييير
والله مو بس بتتغير احاسيسي لا بحس الدنيا تغيرت كلها يسلمو عالموضوع الحلو كتير |
الموضوع هايل وأنا جربته قبل كده أكتر من مرة
هحكيلكم على حاجة مشابهة أنا وأهلى كنا عايشين فى بيت عمتى وكان لينا جار شاب اسمه فريد فى العشرينات من عمره لكن ماكنش ليا أى علاقى بيه على الاطلاق . احنا تركنا البيت ورحنا سكننا فى بيتنا التانى وبعد مرور فترة من الزمن خطر على باللى هذا الشاب _ فريد _ أكتر من مرة على أيام متتالية وكنت مستغربه جدا لأنه عمره ما خطر على بالى الا المرة دى . والمفاجأة كانت انه توفى وخبر وفاته جالى من ابنة عمى فى الحظة اللى كنت فيها بفكر فيه رن التليفون وسمعت الخبر .... الحكاية التانيه وفاة جدتى : سمعت الخبر بعد ما حلمت بيها عدة أيام متتالية وكان دايما ييجى فى الحلم البيت اللى هى ساكنه فيه |
يسلمو كتير
انا قريت بهالموضوع من قبل و بعتقد انو جد بصير متل ما في تلاقي بين الارواح وتنافر يسلمو كمان مرة :D |
احيانا بيصير معي هيك شي خصوصي قت بسافر او احيانا بالمدرسة باوقات الفسحة :shock:
يسلمو عالطرح الاكثر من رائع فرناندا |
أنا عم فكر بكتير ناس هلأ ... يا ترى هنين عرفانين ؟
|
اي والله بس انا بالعكس ....بكون عم فر بالزلمة او تزكرتو بهاللحظة ..بعد ثواني بلاقيه يا اجا لعندي يا اتصل فيني يا اما بشوفو بالطريق ...:o
عنجد حلوة طلعت مو بس عندي هالميزة ...:oops: ميرسي عالموضوع:D |
| الساعة بإيدك هلق يا سيدي 15:12 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون