|
ما بعرف بس انه حسيت السؤال فيه شي غلط وعم ينتقص من قيمة الشخص المصاب باعاقة...
انه مو بس انا بقرر ازا بدي ارتبط بشخص معه اي نوع من الاعاقة...انتا بهالطريقة عم تعتبر الشخص المعاق ما الو حق يقرر وانه ازا انا بدي ارتبط فيه المفروض يبوس ايدو وش وئفا ويطير عئله!! كل شخص بهالدنيا ممكن يتعرض بأي وقت لاي حادث ويصير معه اعاقة من اي نوع...بس مع هيك بضل انسان والو الحق يحب وينحب ويختار الانسان الي بدو يكمل حياته معه... بعدين البني ادم لما يحب ما بحب شكل الشخص او كسماتو !!! هاد حب سخافة ..انتا لما تحب حدا بتحب روحه وشخصيتو والمفروض اخر شي تهتم للشكل... عفكرة فيه كتير ناس شكلن من اروع ما يكون بس من جواتن معاقين ومتخلفين.. بئا انا بفضل حب شخص معاق وارتبط فيه(ازا كان موافق يرتبط فيني وازا حبني)على ما ارتبط بانسان كامل من برا وفاضي من جوا... بعتذر عالاطالة بس لحاله كرج معي الحكي... :D |
romansita حابة بس ئدملك تحية كبيرة لانه انتا من الناس الي ما صار بيني وبينك كتير حكي بس من ردودك كتير بحترمك وبحسك انسان واعي كتير...
وبتمنى انه تضل هيك والي صار معك اكيد صعب بس بتمنى انه يئويك اكتر واكتر...وتأكد انه الانسانة الي بتستاهلك لما تجي ما راح يهمها وضع رجلك ولا راح تحبك شفئة عليك..لأنه مافي شي اسمه حب شفئة..بالعكس راح تحبك للشخص الي جواتك وللوعي الي جواتك.. والله يوفئك يا رب ..:D |
الهي لا تبلينا والله يعين كل انسان على مصيبته بس شي ارحم من شي واهم ما في الانسان العقل انا رأيي وبصراحة لا اعتقد اني اوافق .........
|
اقتباس:
بالنهاية لكل شخص راي معين الكل بيحترمو وبقدرو ... وشكرا مرة تانيه عالمشاركة الحلوة منك ..:D |
بكل واقعيه اذا ما رفضت انا اهلي رح يرفضو (علما) انو عندي حاله مشابهه للموضوع /ضمن دائرتي الشخصيه/ والشخص الي انصاب هوه الي رفض الارتباط بالبنت بس من ناحيه تانيه لو كنت مرتبطه بشخص طبيعي وصارت معو حالة من حالات /ذوي الاحتياجات الخاصه/ اكيد بتابع حياتي بكل قناعه /معو وليس مع غيره/ بس هات ايدك ع الواقع وامشي معي شوي.. 1 بدون ما يصير مع الشخص اي شي عم يصير/ البيع بالمزايد العلني ...والخيانه عينك عينك/ 2 ما عندي ثقه انو الي بدي اضحي الو ///بيستحق/// 3 احيانا الاعاقه الجسديه بتكون اهون من الاعاقه العقليه او العاطفيه بس شو منعمل المظاهر دبحتنا /مني وجر/ فـــــ الشعب (ضمنيا )متبـــــ ع.... سياسة.... اذا شفت الاعمى طبو وانشول الاكل من عبو مالكــ ارحم من ربو (وظاهريا) بيئولو الله يصبرو...هي اذا ما قالو ...حسب نياتكم ترزقون واتأكد بيعمرو ما رح يطلع من بيت الزط مأدن |
اقتباس:
بيحس متلي فوين الغلط بالارتباط بهيك انسان.. وبعدين وقت قرر ارتبط بهيك انسان معناتو انا عم ارتبط بالانسان اللي جواته مو القالب ....فحاج تقلي معاق ما معاق:jakoush: |
اقتباس:
|
اقتباس:
لوووووول ايه قول لحالك هالحكي جايبلي سؤال مدري من وين وما بدك ياني ما عصب..:jakoush: وبرجع بقلك مانو معاق لانو هالكلمة كتير مؤذية ...وبعدين بيسموهون ذوي احتياجات خاصة بالمنظمات العالمية والمحلية ...(هي بتحطا بخانة معلوماتك العامة);) |
اقتباس:
عفوا منك خيتو هاد السؤال جايبو من حياتنا الي عم نعيشا ولو حضرتك قريتي الردود عالموضوع كنتي شفتي انو في بعض المشاركين مرو بهالتجربة وكيف طلعو منا :p بعدين ذوي الاحتياجات الخاصة شو اسمون يا فهيمة زمانك ... ضروري نحكي زيادة :frown: هيي كلمة بتختصر تلات كلمات لمعنى اليم واحد وجرح نفسي وجسدي واحد ...:jakoush: وهاي شاكوش كمان جكارة فيكي |
يعني هلأ مثلا اذا قلتلك اي
ورحت تزوجت وحدة خرسة يعني شلون بدي اتفاهم معا هي .. سيبك من التفاهم الولاد شلون رح يجو رح يجو خرسان شو ذنبن يجو على هالدني خرسان بصراحة انا برايي انو الافضل لهيك ناس انو مايتجوزو مثلا الاخرس او الاطرش او الاعمى او اللي فيو مرض عقلي .. بس طبعا انت يعني شويت عممت بالسؤال .. لانو الاعاقات مو كلا متل بعض يعني هلأ اللي مقطوعة رجلو مو متل الاخرس او مثلا الاعور مو متل الاعمى يعني هلأ اذا وحدة مقطوعة رجلا انو شي عادي فيني اتجوزا وعيش معا حياة طبيعية وعين الله عليها بس الخرسة مثلا اذا تجوزت وحدة خرسة فهي مصيبة وطبعا الاعاقات انواع وانت بصراحة غلطت بالتعميم كل اعاقة بتفرق عن اعاقة تانية ومية وردة :D |
اقتباس:
اول شي حسب الاعاقة .... لو رجل او ايد عادي كتير بس بصراحة و احكو يلي بدكون ياه ما بيهمني انا شخصيا ما بتفرء معي اذا شفت شخص و حبيتو و حسيت رح كون سعيدة معو ما رح شوف اعاقتو اعاقة ولا رح شوف الاعاقة اصلا:D |
اقتباس:
العفو منك ... التعميم بالسؤال مطلوب ومهم وبعدين كل واحد حسب رأيو يا اما بخصص او بجاوب بشكل عام ... لانو في عالم بترفض الشي رفض قطعي لمجرد اسمو اعاقة وفي عالم بتقول حسب وحسب وفي عالم ما بتهما شو ما كانت الاعاقة .... وشكرا المشاركة :D |
اقتباس:
الله ينولك الي بتستاهلي والي بترضيه ...:D هاي الاخت تالين يقبشني عنونا ما بتفرق معا شو ما كانت نوعية الاعاقة ... المهم المشاعر ;) شكرا عالمشاركة الحلوة |
اقتباس:
بس كمان ما تنسى انه ممكن يكون من ضمن اعضاء اخوية اي شخص مصاب باعاقة من اي نوع وممكن النقاش الي صار يجرح مشاعرو...يعني صعب تحس حالك مجرد شعور مرفوض من الناس بئا كيف لما تلائي الناس الي انتا بيناتن رافضينك..صعبة شوي...هاد كان سبب اعتراضي ... مراعاة شعور الشخص الي عندو اي نوع من الاعاقة ولنه يلاحظو الكل ويفكرو شوي انه ممكن اي واحد هلأ صاغ سليم معرض بأي وقت لينصاب باعاقة لا سمح الله وبتوقع لو كل واحد حط حاله بهالموقف كان تغيرت الردود كلها.... :D:D:D اقتباس:
ههههههه مدري بأي مسلسل من المسلسلات...يمكن باب الحارة... كانت وحدة اسما زهرة خرسا ... فرصة تشوف المسلسل وتعرف كيف تفاهمت مع جوزها :p |
اقتباس:
كلامك لا غبار عليه وانا بقدرلك هالشعور .. لا تفكري انا ما عندي هيك شعور كمان بس كمان كلامك ممكن ينقال للبنت الي تعرضت للاغتصاب ... كمان كان لازم تعتبريها حالة ممكن تتعرضلا اي بنت تانيه مع هيك كان في آراء كتيرة بس ولا واحد اخد اعتبار لمشاعرا .... بعدين بغض النظر ازا كان في حدا معاق بالمنتدى هاد سؤال مجرد وكل واحد ألو رأي خاص فيه .. بس بظن انك لاحظتي من الردود انو الاغلبية بيعتبرو الاعاقة حالة شاذة عن الطبيعة لهيك الهون آراء خاصة بتختلف من واحد لواحد ... بالنهاية السؤال غايتو معرفة شو نظرة المجتمع لهيك شريحة من الناس ما اكتر .... بتمنى تكون الفكرة وصلتك :D مع فائق احترامي :D |
اقتباس:
ممكن انا لأني لظرف معين اختلطت بشخص معه نوع من الاعاقة الي مو بس جسدية...عقلية وعشت معه تقريبا بلنفس البيت لفترة مشان هيك براعي مشاعرن وبعرف انه بالعكس هدول الناس بكون عندن حنان وعطف فظيع وحب للناس بشكل كبير...ما عندن خبث ولا لئامة مع انه الاعاقة عقلية مو بس جسدية...مشان هيك انا كونت فكرة حلوة عن الشخص الي عنده اعاقة شو ما كان نوعا...لانه بحلول يعوض هاد الي صار فيه بطريقة ايجابية مو سلبية... متل ما قلتلك كل واحد والظروف الي حواليه بتحكم نظرته ورأيه للمواضيع... عكل حال انا ما عم خالفك بالرأي بالعكس نحنا عن نتناقش مشان نفيد اكبر عدد من الناس ونشوف كل واحد ووجهة نظره...وكون على ثقة انه لو انتا تعرضت من خلال كلامك لانك تهين الشخص المعاق كان مستحيل اني رد او وجهلك حديث ابدا..مشان هيك كتير ناس حطو ردود بس ما تناقشت معن فيها..لأنه عم يهينو شخص ما الو ذنب بالوضع الي هوة فيه... بحييك عموضوعك وردودك... وبرجع بحيي كل شخص معه اي نوع من الاعاقة سواء جسدية او عقلية ومتقبل وضعه بكل روح عالية بغض النظر عن نظرة المجتمع المتخلفة الو :D:D عالهامش* موضوع الاغتصاب موضوع تاني صعب نفوت فيه والموضوع المفتوح صعب يتسكر لأنه بالنسبة لنظرة الشرق للبنت المتعرضة للاغتصاب هية نظرة البنت المخطئة والواطية..وبدل ما يوقفو معها بوقفو ضدها..بئا صعب نحنا نجي نحاول نغير هالنظرة الي اختصاصيين بحقوق المرأة مو ئادرين يغيروها...(يعني الها جانب اخلاق وشرف بعتبروه وصعب النقاش فيه) :D |
بصراحه مووضوع فيه وجهات نظر مختلفه..
بس من ناحيتى برجع وبئول هيدى انسان والله هيك بدوا يكون ..ليه بننظر لهدول الناس بنظره الشفئه الانو هيدى الانظره ئلن بتشعرن انن منبوذين ..:cry: بس الواحد لازم يفكر لو انو هو هيدى الشخص المعاق شو كان صار فيه ..؟؟ ليه يعنى ما حدا يتوزج او يرتبط فيه ...ما فيها شى الانو هو انسان وعندوا احساس وعندوا مشاعر ...ومو ذنبه انو هيك انخلق ولا يعترض الانو هيك الله بدوا.. بس للاسف الشعب العربى دايما بيحلم بشخص كامل وماحدا كامل الا الله... يعنى بصراحه يمكن هيدى الشخص المعاق يمكن يعوضك عن حب انجرحت فيه ما هيك.. ما حدا بيعرف الله شو كاتبوا وين كل واحد نصيبوا ...!! الله يعين كل واحد.... |
كلامك حلو كتير وهاد الي بقصدو انو نناقش الموضوع مع بعض مو بس نعرف شو راي الناس فيه ... ويمكن متل ما قلت قبل ازا قريتي الردود انو عندي اخ تعرض من لما كان زغير لحرق بوشو وصدرو درجة اولى وهلا بدك تقولي تعرض لاعاقة بالرقبة وما بيقدر يرفعا كتير وصار عامل ست عمليات مشانا بس متل ما بتعرفي في عروق ومناطق حساسة بالرقبة ما بيقدر الطبيب يعملا اي شي ... بس مع هيك اخي قدر يتعايش مع اعاقتو ويقدر يشتغل ويكون حالو ... بس النقطة الي كان يوقف عليها والي ما بخبيها عنك والي كانت الفكرة الاساسية من طرحي للسؤال هوي لما كان يتعرف عبنت كان يتجنب يفكر فيا كزوجة لانو هيي ما كانت تفكر فيه بالطريقة نفسا ... وطبعا كان في وجهات نظر مختلفة متل ما في هون كمان .... بس بالنهاية اي شخص وهاي عم قلك ياها بلا اي مجاملة او مواربة بدو يفكر يرتبط مع شخص معو اعاقة شو ما كانت رح يفكر ويعد للمليون قبل ما يخطو هيك خطوة ممكن يفكر انو بيوم من الايام يندم عليها ....
شكرا عالمناقشة الظريفة ... عن جد بسطتيني فيها فوفو :D |
| الساعة بإيدك هلق يا سيدي 08:35 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون