|
اقتباس:
صديقي للمرة التانية بتحطني بموقف انه رد لو لاحظت بكل مقابلاته او خطاباته انه هي طريقته بالكلام حتى بالقمم العربية السابقة او بخطابي القسم يعني الموضوع ما اله علاقة بأنه كان متلبك مو غلط الواحد ينقد بس ينقد صح مو اي شي لو نقدت شي صحيح كنت اول واحد بيكون معك للتوضيح بس ولا تعتبر شيء شخصي لأنه متل ما قلت كل واحد بيعبر عن رأيه |
هلق التلفزيون بسم بدنا على عيد وعيد عيد وعيد هيك ليعملو معو مقابلة تانية
يازلمة أي دهاء واي ذكاء شي بتقول عنو شغل مبادئ شي هو مع االمقاومة وراح جيرلي نصر المقاومة لإلو حاليا صار يمنع أيران أنو تقدملو السلاح لحزب الله يازلمة بالله انتو مصدقينو قال وشو أحمد نجاد الطنبرجي يندرج كلامه في خانة حرية الرأي ولاأحد يحاسب عن الأراء بل يجب المحاسبة عن الأفعال هيك قال فيلسوف زمانو يعني كأنوا العالم طنابر لك لسا مبارح طلع خبر أعتقال كريم وغيرو غيراتو الالاف من معتقلي الرأي أنا برأيي أنو يضب غراضو ويروح ويسيب هالبلد لحدا اجدر منو |
اقتباس:
|
اقتباس:
معقول .... :shock: |
اقتباس:
|
مبارح التقيت بثلاث اشخاص (ألمان) وتمنيت لو كان معي مسجلة لحتى سجل شو حكو عن الرئيس وشو كان رأيهن فيه، كان النقاش طويل كتير
بس فيني اختصرلكن، بانهم ابدو اعجابهم الشديد بشخصيته، وبسياسته الخارجية بالتحديد، وكان رايهن انو بشار الاسد هو الرئيس العربي الوحيد (بهالفترة) اللي عم يعرف كيف يوظف كل شي عم يصير بالعالم لصالحه،بدهاء يثير الاعجاب، ودائما عم يطلع هو الرابح، وهون تذكرت عبد الباري عطوان وكلامه حول هالموضوع، وقتها قال انو ماعم يعرف انو كيف كل هالدول بتشتغل ضد سوريا وبتحاول تضغط عليها بكل الوسائل، بس بالاخر كل هالضغوط بقدرة قادر بتتحول لمكاسب تصب في مصلحة سوريا،وانو بالاخر لايستطيعو الا ان يعودو لسوريا، وقال انو هالشي سببه اما ان السياسيين السوريين اذكياء جدا، او ان سياسيي الاطراف الاخرى أغبياء جدا وتفاجأت لما أحد الالمان قال لي، ان كلام احمدي نجاد سليم تماما حين قال بأن الدولة الاسرائيلية يجب ان تقام في أوروبا،وليس في فلسطين، لأن اوروبا هي التي اضطهدت اليهود وهي التي يجب عليها ان تدفع ثمن ذلك لا العرب عالهامش، كتار من الالمان عندهم آراء مشابهة، بس بيخافو يحكو فيها علنا. تحياتي:D |
اقتباس:
أنا لا عم حلل ولا عم أخد أحكام مسبقة .. ردودك واضحة أنو أنت موالاة .. اقتباس:
اقتباس:
سمعتلو أكتر من خطاب .. بس ما كنت ركز عـ السين و الجيم .. قد ما كنت ركز عـشو عم يحكي اقتباس:
و عما يكون هوي الربحان دايماً .. بس على حساب شعب السوري .. صرلنا 33 سنة عما نربح هيك رباحات .. بس ما عم نشوف عـ الصعيد الداخلي ألا فشل ورا فشل ورا فشل .. |
و عما يطلع ربحان مو بشطارتو و بدهائو و ذكاء مستشارينو ..
بغير شغلات .. |
اقتباس:
اقتباس:
هي ممكن تفسرلنا ياها شوي بعد ..؟ |
:shock:
هلق بالله مو مشتلقين انو بيقرط بالسين!!! |
اقتباس:
صديقي العزيز فيك تقلي وين ردودي وضحتلك شي وبعدين موالاة لمين ومعارضة لمين الغريب انه صرنا بوقت نطلق فيه التسميات جزافا ووصلنا لوقت نرمي الأنتقاد بدون ما نعرف عن شو عم نحكي وصارت الأنتقادات مجانية وبدون اي منطق او موضوعية للأسف بعدين انت لو بترجع لردودي السابقة بغير هالموضوع فيك تاخد فكرة افضل بس انا ضد هالنوع من النتقادات اللي كنت عم تطلقها لأنها مجانية وبدون فايدة وبتميع اي موضوع لأنها قائمة على كلام فقط ومردود عليها مسبقا دمت ديمقراطيا |
اقتباس:
ويعني غلط اذا عنده مستشارين او غلط انه في حدا يساعده بالإدارة شفت هالنمط من الردود هادا الكلام المفرغ من اي هدف هادا اللي ما بيودي على محل لأنه مافي بكل العالم رئيس عنده مستشارين غير بسوريا لك اخي العزيز كرمال اللي بتعبده انت وغيرك الكلام المجاني بلاه في شي منطقي احكيه انا بكون اول واحد معك بس هادا الكلام اللي بس كلام بلاه لأنه بيضيع الحكي اللي في من وراه شي صح |
اقتباس:
بشرفك مو شي بيضحك |
اقتباس:
حطيتلي رد الحكيم .. وانا بقلك هي ما اسما فلسفة ! اي صح ، هو ضيّع الجواب ، وما فهمت منو اذا الخبر اللي سمعتو عنو صحيح او لاء ... فـ هيك هو بيكون غلبك بـ " ذكائه " ... اقتباس:
السؤال اللي قلت عنو تبع الipod كان من باب " ترطيب الجو " بالاخير قبل ما تختم المقابلة .. يعني متل توديعة وشكرا لانو استقبلتونا ... بعدين هالحركة ما صارت بس مع الرئيس السوري ! حتى بوش سألوه هالسؤال وطلع حضرتو مو عرفان شي وتلبّك بحالو ولبّك المذيع معو على "غبائه " وكأنو انسأل سؤال المليون :p ... اقتباس:
يمكن بمواقف تعجبك ردودو وتكون معو .. وبمواقف تانية ما تحبّ هالتصرف او هالرد ، فـ تكون ضدّو .. بالنهاية الشغلة بتعتمد عالمواقف اللي عم تنظرلو فيها لحتى تقيم " ردّو " للشخص عالموقف .. وبالنسبة للنقطة التانية ، اسمحلي يعني! مع احترامي لطارق وكريم ، بس على أي اساس شفتون " أجدر " ؟ اقتباس:
|
اقتباس:
وقت حدا يحرجك ..هاد الشي بيعني انو عندك شي بتنحرجي منو وهاد الشي غلط داخلي خارجي فساد مو مهم ومين خبرك انو المذيع والعالم كلها عرفانة انو ما جاوب مثلا لانو ما بيقدر يجاوب ولا مسموح يجاوب ....بس قلتلك انو هاد رئيس دولة والمذيع بيضطر يغض النظر ويقلب على المحور او السؤال يلي بعدو... مو المشكلة التسمية دهاء فلسفة ..بعدين حكينا انو الاسئلة بتكون واصلة قبل المذيع بأسبوع وتم الاجابة وعليها ....والمقابلات مسجلة ...اي زيادة رح تنقص قبل ما تطلع للضو بس السؤال اساسا ليش الدهاء ليش ما منسمي كلشي بأسمو .. الجواب لانو الحقيقة رح تكون مصيبة حتما وهلا :D |
اقتباس:
كـ مثال - بعيد عن الموضوع الحالي شوي - بس ايام بيجيلك واحد سئيل فرضاً ، و زايدة عندو الحشرية شوي وبيبلش يسألك اسئلة شخصية ، انت بتلاقيها انو " زيادة " شخصية ، او يمكن " مين انت يعني لحتى جاوبك !؟ " .. هلأ هون بيكون انت فيك غلط داخلي ولا خارجي ولا فساد !؟ هئ ، ما فيك ولا وحدة فيهون .. بس هيك يا عمّي .. ما خصّك لتسألني! ولا يعني عم تسألني مشان تقعد تحسبا واتّكتك بعدين ع كيفك ؟ ولا حابب تعرف شو خططنا المستقبلية !؟ ولا شو بدّي كون عالمدى البعيد !؟ اي .. هلأ بنرجع للموضوع .. الرئيس شخص ، متلو متل غيرو ... اجى شخص وسألو سؤال ملغّم ليحرجو .. هو ما حب يجاوب عليه ، فـ اجى بطريقة لبقة وقللك هالشي ... ولا كان بتفضل تكون القصة دجني دجتك العافية وبكرا بالاخبار بتنصرع الدنيا انو ليكو رئيسون ما عندو لباقة بالحديث !؟ :pos: صحي ، نقطة تانية لفتت انتباهي ، الظاهر انو سقطت سهواً المرة الماضية .. بس من وين " عرفتو " انو المقابلة بتكون واصلة قبل المذيع " باسبوع " !؟؟ شو اساس صحّة هالحكي!؟ يا سيدي جبلي مصدر موثوق بيأكد كلامك .. و على عيني... ما عدا ذلك ، رجاءً بلا ما نحكي لمجرّد الحكي .. صحي كمان شغلة .. مازال المقابلة واصلة من فترة وعرفان شو بدّو يجاوب ، لشو تسجيلها ؟ ليش ما تكون مباشرة عالهوا؟ ولاّ بس حابّين يتعبو حالون بالتسجيل والقص ( كمان خطرلي انو ليش عم يقصّو ؟ او شو عم يقصو ؟ يعني مازال الزلمة محضر حالو معناها ما المفروض يتلبّك او شي سؤال يصدمو .. فـ مافي داعي للمونتاج من اصلو .. ماهيك!؟ ) |
اقتباس:
الاسئلة السياسية كان الا الحيز الاقل بالمقابلة |
اقتباس:
اثبات شو يعني ... يعني انتي من كل عقلك انو ما بكون عرفان شو الاسئلة .... وبعدين ليش كمان بتكون مسجلة مشان اذا المذيع عمل شي اجتهاد شخصي ... يروح بالمونتاج يعني من كل عقلك ...عم تحكي ما تفهميني انو عم هاجم الدكتور بشار الاسد بس هاد الشي بيطبق عند كل رؤساء العالم وحتى الشخصيات الاقل ... يعني في كتير برامج بكون اساسا البرنامج مباشر ... وقت يكون مع مسؤل رفيع المستوى بيصير تسجيل فكرك ليش ؟؟؟ الشغلة ما بدها اثبات ..... اسأليلك شي دكتور اعلام او صحافة بخبرك بالظبط انو اساسا هي بتددرس بالاعلام |
| الساعة بإيدك هلق يا سيدي 05:53 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون