|
اقتباس:
ليش أصلا شو صار لتقول كأنو ما صار شي:shock::? عادي سلمت عليك وتعرفتو على بعض:clap: وبرأيي انو هاي أحلى صداقة بين البنت والشب لأنه ا(صداقة)بس:oops: |
وأنا معك أم الجماجم
لأنو جد وقتها قلي رفيقي أنو عرفها عن حالك ... فكرت بهالشي ... بس لقيت أنو ممكن تتغير علاقتي فيها إذا صرت بعرفها وبتعرفني ... قلتلك أحلى شي أنو أنا بحكيلها شو ما بدي .. وهيه بتقلي شو ما بدها ... كل واحد بيفش خلقو للتاني ... ولو كنا منعرف بعض .. ما كنا لح نقدر ... بعني بيجوز يصير حدا منا يخجل يحكي بموضوع ما قدام التاني ... أو ما يقدر يحكي على فلان من الناس لأنو التاني بيعرفو ... يعني أحلى شي أنو ما منعرف بعض |
اه طبعا معك حق
بس انو لو شافو بعض متل ما صار شي برأيك انو بتبطلو تحكو متل ما بدكو ((يعني أحلى شي أنو ما منعرف بعض)))) بس هلأ صرتو تعرفو بعض بس شو رح يتغير يعني؟؟ |
اقتباس:
مشان هيك بتوقع أنو هيك احلى ... يعني بيجوز إذا صارت تعرفني وأعرفها برا النت (يعني بالحقيقة) لح يصير في شويحة حواجز وحدود للمواضيع يلي منحكي فيها ... ما عاد أسترجي أحكيلها عن فلان يلي بكرهو ... وفلانة يلي بحبها |
اهااااا فكرتها عرفتك
يللا المهم حافظ على هالصداقة وما تخلي شي يهدمها لأنو الصداقة ما بتتقدر بثمن |
شكرااااااااا
شكرا عالمشاركاتو هي أراء حلو كتير بس انا برأيي انو الحب عالنت كتير حلو بس لازم يكونو شايفين صوررة بعض اول شيلأنو أحسن بكتيررياريت يكون في ردود كمان شكراااااااااا
|
يا أخي إذا تعرفت على وحدة من المنتدى وقلتلا خلينا ندردش ما بتوافق
بدك تستنى حتى ترد على رسالتك يعني بدك تنطر يوم حتى ترد عليك |
انا عندي تجربه بهالموضوع .. تجربة وحيده ..
مره تعرفت على بنت .. ما حكيت معهها كتير عالنت .. مرتين بس .. بالمره التالته كنت قاعد بالجامعه بالـ لاب ..واذ بتقلي انتا لابس قميص بيج موو :shock: ؟؟ طبعاانا انسطلت .. طلعت قاعده وراي بمترين .. طلعنا وقعدنا مع بعض نص ساعه .. تعرفنا على بعض وحكينا وضحكنا .... بس حسيت كانو في حاجز بيني وبينا .. يمكن لاني ما كنت حاكي معها كتير وكانت التجربة الاولى انو التقي ببنت من النت عالواقع :pos: .. شفتا كمان مرتين بس ما كنت مرتاح ...... قمت طنشت عالموضوع ...وهيه طنشت ................ وعاش الجميع بسعادة وسلام :gem: |
تسلمي يا أم الجماجم ...وهي أحلى جمجمة إلك
|
يمكن يكون اللقاء فيه كتير دهشة واستغراب
لانو كل واحد من الطرفين بكون متخيل التاني على حسب الكلام اللي دار بينهم وعلى حسب الصفات اللي كل واحد بوصف نفسو فيها لكن على الطبيعة اكيد رح يلاقي شي مختلف ومتل ما قلت يمكن يكون اللقاء الأول والأخير مشكور على الموضوع اخي تقبل مروري |
اقتباس:
وأنا هذا رأيي كمان ، يعني اللي بيحكي مع حدا عـ النت مافي داعي انهم يتقابلوا برات النت لأنه بهالحالة راح يكون في حواجز وحدود ليلي بدهم يقولوه لبعضهم بعدين ... هي أولاً . وثانياً : بيصير في خوف من اللي بيكون الواحد حاكيه من قبل ، لأنه لما بتحكي مع شخص من غير ماتعرفه بتشعر براحة وحرية أكبر للتعبير عما بيجول بداخلك وعن أحاسيسك ومشاعرك ، وما حيكون عندك خوف من أنه يفضح هي المشاعر ولو عن طريق الخطأ ، لأنه بالأصل ما بيعرفك . وهيك بيكون كل واحد على راحته . |
100 %
Go Go Go |
هيبقى مقلب
:sick:طبعا طبعا طبعا
هياخد كل واحد حتت مقلب :o |
GO
لازم لازم يشوفها بالكاميرا الاول
|
رد جديد
طب شو رأيكم إذا كانو بيحكو مع بعض عالنت و طلعو بيعرفو بعض يالحقيقة بس مو حاكيين مع بعضهم بشكل مباشر وطلع كل واحد عم يكذب عالتاني و ه و عم يحكي معو عالنتيرجى سماع ردود..............
|
اقتباس:
والله كان احلى لقاء ..... ع راسي ابو سمرة .....:p انو اكيد انصدمت ...... قال مرة تعرفت ع شب عالنت قلي عمرو 26 س طلع عمرو بس شفتو شي 36 وبلشت ابكي حسيت حالي قاعدة مع واحد لازم ناديلو عمو ....:cry: |
انا بحكي مع كتير عالم عالنت ب لسا ماخطر ببالي شوف ولاوحدة منون
زكرتوني والله جاي ع بالي شوفون مين بدي شوف ممم رينا بكرة الساعة 5 منيح :lol: عم أمزح :p |
اقتباس:
اي مرة صارت معي ..... بس كان بيعرفني وانا ما بعرف انو بيعرفني .... مع صاحب الكافي نت يلي كنت اقعد فيها ايام عطل الكمبيوتر عنا .... مرة نسيت ميلي مفتوح ف اخدلي ياه ..... وبلش يحكي معي .... وضربتا صحبة معو ..... وبس اكتشفت انو كان قاعد جنبي وانا قاعدة عالنت بالساعات ..... عصبت كتير .... انو انا عم حط مصاري عالفاضي وهوي جنبي .... والله كنت عزمتو ع شي كافيه كان اوفرلي .....:? من وقتها ما عدت فتت ع مقاهي نت ....:lol::shock: |
| الساعة بإيدك هلق يا سيدي 17:55 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
